From Wikipedia, the free encyclopedia
Ang Miss World 1981 ay ang ika-31 edisyon ng Miss World pageant, na ginanap sa Royal Albert Hall sa Londres, Reyno Unido noong 12 Nobyembre 1981.
Miss World 1981 | |
---|---|
Petsa | 12 Nobyembre 1981 |
Presenters |
|
Entertainment | Helen Reddy |
Pinagdausan | Royal Albert Hall, Londres, Reyno Unido |
Brodkaster | Thames Television |
Lumahok | 67 |
Placements | 15 |
Hindi sumali |
|
Bumalik |
|
Nanalo | Pilín León Beneswela |
Personality | Doris Pontvianne Mehiko |
Photogenic | Melissa Hannan Australya |
Pagkatapos ng kompetisyon, kinoronahan ni Kimberley Santos ng Guam si Pilín León ng Beneswela bilang Miss World 1981.[1][2] Ito ang pangalawang beses na nanalo ang Beneswela bilang Miss World.[3] Nagtapos bilang first runner-up si Nini Soto ng Kolombya, habang nagtapos bilang second runner-up si Sandra Cunningham ng Hamayka.[4][5][6]
Mga kandidata mula sa animnapu't-pitong bansa at teritoryo ang lumahok sa kompetisyong ito. Pinangunahan nina Peter Marshall at Judith Chalmers ang kompetisyon.[7] Nagtanghal si Helen Reddy sa edisyong ito.[8]
Mga kandidata mula sa animnapu't-pitong bansa at teritoryo ay napili upang lumahok sa kompetisyon. Apat na kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process, at tatlong kandidata ang nailuklok matapos bumitiw ang orihinal na kalahok.
Dapat sanang lalahok si Miss Germany 1981 Marion Kurz sa edisyong ito,[9] ngunit matapos mag-pose ng walang pantaas na damit para sa isang magasin sa Alemanya, pinili ng organisasyon na ipadala na lamang si Barbara Reimund upang makaiwas sa isang iskandalo.[10] Dahil mas pinili ni Miss Switzerland 1981 Brigitte Voss na gamitin ang kanyang premyong bakasyon sa Timog Aprika sa panahon ng Miss World,[11] napagdesisyunan na ipalit sa kanya ang kanyang first runner-up na si Margrit Kilchoer bilang kandidata ng Suwisa sa Miss World.[12] Dapat sanang lalahok ang first runner-up ng Miss USA 1981 na si Holli Rene Dennis sa edisyong ito, ngunit siya ay pinalitan ng second runner-up na si Lisa Moss dahil sa personal na dahilan.[13]
Bumalik sa edisyong ito ang bansang Suriname na huling sumali noong 1966, at mga bansang El Salvador, Lupangyelo, Tahiti, at Tsile na huling sumali noong 1979.
Hindi sumali sa edisyong ito ang mga bansa at teritoryong Kapuluang Birhen ng Estados Unidos, Mawrisyo, Panama, Paragway, at Suwasilandiya sa edisyong ito. Hindi sumali si Carole Fitzgerald ng Mawrisyo matapos matagpuan na siya ay dalawampu't-walong taong gulang, apat na taon na lagpas sa age requirement na dalawampu't-apat.[14] Hindi sumali sina Elizabeth Pérez ng Panama at María Isabel Urizar ng Paragway dahil sa hindi isiniwalat na dahilan.[15] Hindi sumali ang Kapuluang Birhen ng Estados Unidos at Suwasilandiya sa edisyong ito matapos matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.
Dapat sanang lalahok si Rosje Soeratman ng Indonesya sa edisyong ito, ngunit hindi ito nagpatuloy matapos na hindi payagan ng Pamahalaan ng Indonesya si Soeratman na tumungo sa Londres. Dapat sanang lalahok si Tokunbo Onanuga ng Niherya, ngunit matapos matuklasan na peke ang kanyang mga papeles sa University of Lagos, siya ay diniskwalipika at hindi na napalitan.[16] Dapat sanang lalahok si Paula Leal Dos Santos ng Portugal, ngunit pagkadating niya sa Londres, siya ay diniskwalipika dahil sa siya ay legal na mamamayan ng Timog Aprika, bagamat na siya ay pinanganak sa Portugal.[17]
Naantala ng isang linggo ang Miss Zimbabwe 1981 pageant matapos magprotesta ang ilang mga itim na Zimbabwean na inayos ng mga organizer ng Miss Zimbabwe ang kompetisyon upang paboran ang mga kandidatang puti.[18][19] Sa labimpitong kandidata ng Miss Zimbabwe, siyam sa mga ito ay puti, lima ang itim, at tatlo ang magkahalong lahi.[20][21] Ang mga pangyayaring ito ang nag-udyok sa direktor ng Miss Zimbabwe na si Tim Horgan na bumitiw sa kanyang posisyon, kasabay ng kanyang mga aasikasuhin sa ibayong bansa. Sa gitna ng espekulasyon na ang paligsahan ay inayos para sa isang puting kalahok na manalo, tatlumpung kalahok pa ang dinagdag sa kompetisyon, kung saan labinwalo ay itim. Kalaunan ay nagwagi si Juliet Nyathi, isang itim na kandidata, bilang Miss Zimbabwe 1981.[22] Marami sa mga kandidata at mga manonood ang kaagad umalis bilang protesta, dahil si Julieth diumano ang paborito ng mga bagong isponsor. Pagkatapos manalo, kaagad na inakusahan si Nyathi ng pagiging ina ng dalawang anak, na tahasan niyang itinanggi.[23]
Pagkakalagay | Kandidata |
---|---|
Miss World 1981 | |
1st runner-up | |
2nd runner-up | |
Top 7 |
|
Top 15 |
Ilang mga pagbabago sa pormat ng kompetisyon ang ipinatupad ng Miss World. Tulad noong 1980, labinlimang semi-finalist ang napili sa pamamagitan ng paunang kompetisyon at mga personal interview. Lumahok sa swimsuit competition at evening gown competition ang labinlimang mga semi-finalist, at kalaunan ay napili ang pitong pinalista na sumabak sa final interview. Sa unang pagkakataon, limang kandidata mula sa limang rehiyong heograpikal ang hinirang bilang mga Continental Queens of Beauty: Isa sa Aprika, Asya, Europa, Kaamerikahan, at Oseaniya.[27] Pagkatapos nito, dalawang runner-up na lamang ang hinirang sa final telecast bago hirangin ang bagong Miss World.[28]
Animnapu't-pitong kandidata ang lumahok para sa titulo.
Bansa/Teritoryo | Kandidata | Edad[lower-alpha 1] | Bayan |
---|---|---|---|
Alemanya | Barbara Reimund[31] | 18 | Stuttgart |
Arhentina | Ana Helen Natali[32] | 21 | Villa María |
Aruba | Gerarda Roepel[33] | 24 | Oranjestad |
Australya | Melissa Hannan[34] | 19 | Mosman |
Austrya | Beatrix Kopf[35] | 21 | Lustenau |
Bagong Silandiya | Raewyn Marcroft[36] | 18 | Waikato |
Bahamas | Monique Ferguson | 18 | Nassau |
Belhika | Dominique van Eeckhoudt[37] | 19 | Waterloo |
Beneswela | Pilín León[38] | 18 | Maracay |
Bermuda | Cymone Tucker[39] | 21 | Smith's Parish |
Brasil | Maristela Grazzia[40] | 17 | São Paulo |
Bulibya | Carolina Díaz | 17 | Pando |
Curaçao | Mylene Gerard[41] | 21 | Willemstad |
Dinamarka | Tina Brandstrup[42] | 21 | Copenhague |
Ekwador | Lucía Vinueza[43] | 19 | Guayaquil |
El Salvador | Martha Alicia Ortíz | 19 | San Salvador |
Espanya | Cristina Pérez[44] | 18 | Málaga |
Estados Unidos | Lisa Moss[45] | 23 | Shreveport |
Gresya | Maria Argyrokastritou[46] | 22 | Atenas |
Guam | Rebecca Arroyo | 21 | Mangilao |
Guwatemala | Beatriz Bojorquez | 23 | Lungsod ng Guatemala |
Hamayka | Sandra Cunningham[47] | 24 | Kingston |
Hapon | Naomi Kishi[48] | 18 | Kawasaki |
Hibraltar | Yvette Bellido | 18 | Gibraltar |
Honduras | Xiomara Sikaffy | 20 | San Pedro Sula |
Hong Kong | Winnie Chin[49] | 18 | Pulo ng Hong Kong |
Indiya | Deepti Divakar[50] | 22 | Bengaluru |
Irlanda | Geraldine McGrory[51] | 22 | Derry |
Israel | Ninnette Assor[52] | 22 | Tel-Abib |
Italya | Marisa Tutone[53] | 17 | Turin |
Jersey | Elizabeth Walmsley[54] | 18 | Saint Helier |
Kanada | Earla Stewart[55] | 22 | Pembroke |
Kanlurang Samoa | Julianna Curry | 17 | Apia |
Kapuluang Kayman | Donna Myrie[56] | 20 | George Town |
Kolombya | Nini Johanna Soto[57] | 18 | Bucaramanga |
Kosta Rika | Sucetty Salas[58] | 18 | San José |
Lesoto | Palesa Joyce Kalele | 18 | Maseru |
Libano | Zeina Challita Harb[59] | 19 | Beirut |
Lupangyelo | Ásdís Eva Hannesdóttir[60] | 23 | Reikiavík |
Malaysia | Cynthia de Castro[61] | 20 | Malacca |
Malta | Elizabeth-Mary Fenech | 19 | Żebbuġ |
Mehiko | Doris Pontvianne[62] | 18 | Tampico |
Noruwega | Anita Nesbø | 20 | Akershus |
Olanda | Saskia Lemmers[63] | 23 | Amsterdam |
Papua Bagong Guniea | Jennifer Abaijah[64] | 19 | Port Moresby |
Peru | Olga Zumarán[65] | 22 | Lima |
Pilipinas | Suzette Nicolas[66] | 24 | Maynila |
Pinlandiya | Pia Nieminen | 20 | Tampere |
Porto Riko | Andrenira Ruíz[67] | 19 | San Juan |
Pulo ng Man | Nicola-Jane Grainger | 18 | Dalby |
Pransiya | Isabelle Benard[68] | 19 | Vernon |
Republikang Dominikano | Josefina Cuello | 24 | Santo Domingo |
Reyno Unido | Michele Donnelly[69] | 20 | Cardiff |
Simbabwe | Juliet Nyathi[22] | 24 | Bulawayo |
Singapura | Sushil Kaur Sandhu[70] | 20 | Singapura |
Sri Lanka | Sonya Elizabeth Tucker | 20 | Colombo |
Suriname | Joan Boldewijn | 18 | Paramaribo |
Suwesya | Carita Gustafsson[71] | 20 | Gothenburg |
Suwisa | Margrit Kilchoer | 22 | Geneva |
Tahiti | Maimiti Kinnander[72] | 20 | Huahine |
Taylandiya | Massupha Karbprapun | 21 | Bangkok |
Timog Korea | Lee Han-na | 19 | Seoul |
Trinidad at Tobago | Rachael Thomas[73] | 21 | Diego Martin |
Tsile | Susanna Bravo | 19 | Santiago |
Tsipre | Elena Andreou | 19 | Nicosia |
Turkiya | Aydan Şener[74] | 18 | Kilis |
Urugway | Marianela Bas | 23 | Montevideo |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.