From Wikipedia, the free encyclopedia
Ang Miss Universe 1975 ay ang ika-24 na edisyon ng Miss Universe pageant, na ginanap sa Gimnasio Nacional José Adolfo Pineda, San Salvador, El Salvador noong 19 Hulyo 1975. Ito rin ang unang edisyon ng kompetisyon na ginanap sa ilalim ng pagmamay-ari ng Gulf+Western Industries.
Miss Universe 1975 | |
---|---|
Petsa | 19 Hulyo 1975 |
Presenters |
|
Pinagdausan | Gimnasio Nacional José Adolfo Pineda, San Salvador, El Salvador |
Brodkaster | Internasyonal: Opisyal:
|
Lumahok | 71 |
Placements | 12 |
Bagong sali |
|
Hindi sumali |
|
Bumalik |
|
Nanalo | Anne Marie Pohtamo![]() |
Congeniality | Christine Mary Jackson ![]() |
Pinakamahusay na Pambansang Kasuotan | Emy Elivia Abascal ![]() |
Photogenic | Martha Echeverri ![]() Summer Bartholomew ![]() |
Pagkatapos ng kompetisyon, kinoronahan ni Miss Universe 1972 Kerry Anne Wells si Anne Marie Pohtamo ng Pinlandiya bilang Miss Universe 1975.[1][2] Ito ang ikalawang tagumpay ng Pinlandiya sa kasaysayan ng kompetisyon. Nagtapos bilang first runner-up si Gerthie David ng Hayti, habang nagtapos bilang second runner-up si Summer Bartholomew ng Estados Unidos.[3] Hindi kinoronahan ni Amparo Muñoz ng Espanya ang kanyang kahalili matapos nitong bumitaw sa pwesto noong Enero 1975.
Mga kandidata mula sa pitumpu't-isang bansa at teritoryo ang lumahok sa kompetisyong ito. Pinangunahan ni Bob Barker ang kompetisyon sa ikasiyam na pagkakataon, samantalang si Helen O'Connell ang nagbigay ng komentaryo sa buong kompetisyon.[4][5]
Noong 3 Agosto 1971, naglagda ng kontrata ang Miss Universe Organization at ang Government Economic Development Administrator ng Porto Riko upang dalhin ang Miss Universe at Miss USA sa San Juan mula 1972 hanggang 1976.[6] Gayunpaman, kinansela ng pamahalaan ng Porto Riko ang kasunduan noong Pebrero 1973 dahil ayon sa mga opisyal ng pamahalaan ng Porto Riko, ilegal diumano ang kasunduan.[7] Noong 31 Disyembre 1974, inanunsyo ng pangulo ng Miss Universe Inc. na si Harold Glasser na ang Miss Universe 1975 pageant ay gaganapin sa San Salvador, El Salvador sa 19 Hulyo 1975.[8]
Sa araw ng kompetisyon, ilang grupo ng mga armadong hukbo na may mga submachine gun ang nakalibot sa lokasyon kung saan gaganapin ang kompetisyon upang itigil ang mga demonstrasyon ng mga mag-aaral na nagpoprotesta sa paggasta ng Pamahalaan ng El Salvador ng $1-milyon para sa paligsahan.[9] Ilang oras bago ang kompetisyon, isang bomba ang sumabog sa gitna ng San Salvador bilang protesta laban sa Miss Universe pageant na nakasugat sa isang sibilyan, at nakapinsala sa National Tourist Office ng El Salvador, na siyang nag-organisa sa pageant.[10]
Isang linggo matapos ang kompetisyon, nagkaroon ng mga protesta sa mga lungsod ng Santa Ana at San Salvador na nagresulta sa 1975 Salvadoran student massacre. Ayon sa pamahalaang militar ng El Salvador, isa ang namatay, lima ang nasugatan, at labing-isa ang nakulong, ngungit ayon sa mga estudyanteng lumahok sa mga protesta, mahigit-kumulang labindalawa ang namatay, dalawampu ang nasugatan, at apatnapu ang nakulong.[11]
Ang mga kalahok mula sa pitumpu't-isang mga bansa at teritoryo ay napili upang lumahok sa kompetisyon. Dalawang kandidata ang nailuklok upang kumatawan sa kanilang bansa/teritoryo matapos ang pag-urong ng orihinal na kalahok.
Iniluklok ang first runner-up ng Miss Spain 1974 na si Consuelo Martin bilang kandidata ng Espanya matapos bitawan ni Miss Spain 1974 Natividad Rodriguez ang titulo pagkatapos nitong sumali sa Miss World. Iniluklok ang third runner-up ng Miss Thailand Universe 1975 na si Wanlaya Thonawanik matapos piliin ni Miss Thailand Universe 1975 Sirikwan Nantasiri na ituloy ang kanyang karera sa pelikula.[12]
Unang sumali sa edisyong ito ang mga bansang Belis, Mawrisyo, rehiyon ng Mikronesya, at Samoang Amerikano, at bumalik ang mga bansang Dinamarka, Ekwador, Guwatemala, Hayti, Moroko, Peru, at Timog Aprika. Huling sumali noong 1961 ang Guwatemala, noong 1966 ang Moroko, noong 1968 ang Hayti at Timog Aprika, noong 1972 ang Ekwador at Peru, at noong 1973 ang Dinamarka. Hindi sumali ang mga bansang Honduras, Portugal, Senegal, Suriname, at Tsipre sa edisyong ito. Hindi sumali si Miss Suriname 1975 Mavis Slengard dahil ito ay may sakit.[13] Hindi sumali ang mga bansang Honduras, Portugal, Senegal, at Tsipre matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.[14]
Dapat sanang kakalahok sa edisyong ito sina Eloise Jubienne ng Guadalupe, Dorothy McKoy ng Kapuluang Kayman, Sissel Gulbrandsen ng Noruwega, at Vinah Thembi Mamba ng Suwasilandiya. Gayunpaman, hindi sila nakasali dahil sa hindi isiniwalat na dahilan. Kakalahok din sana si Eva Arni ng Papuwa Bagong Guniya, subalit hindi ito nakasali dahil nanalo na ito sa kompetisyong internasyonal. Sumali si Arni sa susunod na edisyon.[15]
Pagkakalagay | Kandidata |
---|---|
Miss Universe 1975 |
|
1st runner-up | |
2nd runner-up |
|
3rd runner-up | |
4th runner-up | |
Top 12 |
Parangal | (Mga) Nagwagi |
---|---|
Miss Photogenic |
|
Miss Congeniality |
|
Best National Costume |
|
Tulad noong 1971, labindalawang mga semi-finalist ang napili sa pamamagitan ng paunang kompetisyon at ang mga closed-door interview. Lumahok sa swimsuit competition at evening gown competition ang labindalawang mga semi-inalist, at kalaunan ay napili ang limang pinalista na sumabak sa final interview.
Pitumpu't-isang kandidata ang lumahok para sa titulo.[22]
Bansa/Teritoryo | Kandidata | Edad[lower-alpha 1] | Bayan |
---|---|---|---|
![]() |
Rosa Del Valle[23] | 19 | Tucumán |
![]() |
Martica Pamela Brown[24] | – | San Nicolaas |
![]() |
Jennifer Matthews[25] | 20 | Sydney |
![]() |
Rosemarie Holzschuh[26] | 21 | Viena |
![]() |
Sonia Chipman[27] | 18 | Nassau |
![]() |
Christine Delmelle[28] | 18 | Liège |
![]() |
Lisa Longsworth[29] | 18 | Belmopan |
![]() |
Maritza Pineda[30] | 19 | Caracas |
![]() |
Donna Wright[31] | 22 | St. David's |
![]() |
Ingrid Budag[32] | 18 | Blumenau |
![]() |
Jacqueline Gamarra[33] | 19 | Cochabamba |
![]() |
Jasmin Fraites[34] | – | Willemstad |
![]() |
Berit Fredriksen[35] | 20 | Stevns |
![]() |
Ana Maria Wray Salas | 18 | Guayaquil |
![]() |
Carmen Figueroa[36] | 20 | San Salvador |
![]() |
Mary Kirkwood[37] | 19 | Glasgow |
![]() |
Consuelo Martin[38] | 18 | Tenerife |
![]() |
Summer Bartholomew[39] | 23 | Merced |
![]() |
Georgina Kerler[40] | – | Cardiff |
![]() |
Afroditi Katsouli[41] | 19 | Atenas |
![]() |
Deborah Nache[42] | 20 | Agana |
![]() |
Emy Abascal[43] | 22 | Lungsod ng Guatemala |
![]() |
Gillian King[44] | 17 | Kingston |
![]() |
Sachiko Nakayama[45] | 19 | Hokkaidō |
![]() |
Gerthie David[46] | 21 | Port-au-Prince |
![]() |
Mary Cheung[47] | 22 | Hong Kong |
![]() |
Meenakshi Kurpad[48] | 21 | Bangalore |
![]() |
Lydia Arlini Wahab[49] | 22 | Jakarta |
![]() |
Vicki Harris | 22 | Londres |
![]() |
Julie Farnham[40] | 18 | Dublin |
![]() |
Orit Cooper[50] | 18 | Tel-Abib |
![]() |
Diana Salvador | – | Udine |
![]() |
Sandra Campbell | 23 | Leamington |
![]() |
Sigrid Klose[35] | 21 | Sarre |
![]() |
Julia Wallace[51] | 18 | St. Croix |
![]() |
Martha Lucia Echeverri[52] | 18 | Tuluá |
![]() |
Marielos Picado[53] | 18 | San José |
![]() |
Suad Nachoul | 21 | Beirut |
![]() |
Aurelia Sancho[54] | 18 | Monrovia |
![]() |
Marie Therese Manderschied[41] | 19 | Tétange |
![]() |
Helga Jonsdottir[55] | 22 | Reikiavik |
![]() |
Alice Cheong[56] | 20 | Kuala Lumpur |
![]() |
Frances Ciantar | – | Valletta |
![]() |
Salhi Badia[57] | 19 | Rabat |
![]() |
Nirmala Sohun | – | Port Louis |
![]() |
Delia Servin[58] | 18 | Sinaloa |
![]() |
Elena Tomokane[42] | 19 | Saipan |
![]() |
Alda Sanchez[59] | 20 | Managua |
![]() |
Barbara Kirkley[60] | – | Auckland |
![]() |
Linda Snippe[61] | 17 | Badhoevedorp |
![]() |
Anina Horta[62] | 19 | Lungsod ng Panama |
![]() |
Susana Viré[63] | 18 | Asuncion |
![]() |
Olga Berninzon[64] | 17 | Lima |
![]() |
Rose Marie Brosas[65] | 18 | Maynila |
![]() |
Anne Marie Pohtamo[66] | 19 | Helsinki |
![]() |
Lorell Carmona | 18 | San Germán |
![]() |
Sophie Perin[67] | 18 | Talange |
![]() |
Milvia Troncoso | 18 | Santiago de los Caballeros |
![]() |
Darlene Schwenke[18] | 18 | Pago Pago |
![]() |
Sally Tan[68] | 20 | Singapura |
![]() |
Shyama Algama[69] | 20 | Colombo |
![]() |
Catharina Sjödahl | 17 | Örebro |
![]() |
Beatrice Aschwanden[70] | – | Zürich |
![]() |
Wanlaya Thonawanik[71] | – | Bangkok |
![]() |
Gail Anthony[72] | – | Cape Town |
![]() |
Seo Ji-hye[73] | – | Seoul |
![]() |
Christine Mary Jackson | 23 | Tunapuna–Piarco |
![]() |
Raquel Argandoña[74] | 17 | Santiago |
![]() |
Sezin Topçuoğlu | 18 | Istanbul |
![]() |
Evelyn Rodriguez[29] | – | Montevideo |
![]() |
Lidija Manić | 22 | Belgrado |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.