హేలోజన్
From Wikipedia, the free encyclopedia
హాలోజన్లు ఆవర్తన పట్టికలో ఐదు లేదా ఆరు మూలకాలతో కూడిన గ్రూపు. ఇందులో ఫ్లోరిన్ (F), క్లోరిన్ (Cl), బ్రోమిన్ (Br), అయోడిన్ (I), అస్టాటిన్ (At) లు ఉన్నాయి. కృత్రిమంగా సృష్టించబడిన మూలకం 117, టెన్నెస్సిన్ (Ts), కూడా హాలోజనే కావచ్చు. ఆధునిక IUPAC నామకరణంలో, ఈ గ్రూపును గ్రూపు 17 అని అంటారు. [1]
ఆవర్తన పట్టిక హాలోజన్ల గ్రూపులో మాత్రమే ప్రామాణిక ఉష్ణోగ్రత, పీడనాల వద్ద పదార్థపు మూడు ప్రధాన స్థితుల లోనూ ఉండే మూలకాలు ఉన్నాయి. హైడ్రోజన్తో చర్య జరిపినపుడు హాలోజన్లన్నీ ఆమ్లాలను ఏర్పరుస్తాయి. చాలా హాలోజన్లు సాధారణంగా ఖనిజాలు లేదా లవణాల నుండి ఉత్పత్తి అవుతాయి. మధ్య హాలోజన్లైన క్లోరిన్, బ్రోమిన్, అయోడిన్లను క్రిమిసంహారకాలుగా ఉపయోగిస్తారు. ఆర్గానోబ్రోమైడ్లు అగ్ని మాపకాలలో అత్యంత ముఖ్యమైన తరగతి, అయితే మౌలిక హాలోజన్లు ప్రమాదకరమైనవి, విషపూరితమైనవి కూడా కావచ్చు.