நோம் (nome)[1] பண்டைய எகிப்தின் ஆட்சிப் பிரிவு ஆகும்.[2]நோம் என்பது ஏறத்தாழ ஒரு மாவட்டத்தின் பரப்பளவு கொண்டதாகும். ஒவ்வொரு நோமும் ஒர ஆளுநரால் ஆளப்பட்டது.[3]பண்டைய எகிப்திய வரலாற்றில் நோம்களின் எண்ணிக்கை மாறுபட்டே கொண்டிருந்தது.[4] கிரேக்க மொழியில் நோம் என்பதற்கு மாவட்டம் என்று பொருள்.[5]பண்டைய எகிப்தை ஆண்ட கிரேக்கத் தாலமி வம்சத்தவர்களால் ஒரு மாவட்ட அளவிலான பிரதேசத்திற்கு நோம் என கிரேக்க மொழியில் பெயரிடப்பட்டது. [6]
பண்டைய எகிப்திய அரசமரபுகள் வம்ச காலம்
வரலாற்றுக்கு முந்தைய எகிபதில் (கிமு 3,200 - கிமு 3100) இந்த நோம்கள் மேல் எகிப்து மற்றும் கீழ் எகிப்தில் தன்னாட்சி கொண்ட சிறு நகர இராச்சியங்களாக இருந்தது. பின்னர் எகிப்தின் துவக்க கால அரச மரபின் முதல் வம்ச மன்னர் நார்மெர் எனப்படும் மெனஸ், கிமு 3100-ஆம் ஆண்டில் மேல் எகிப்து மற்றும் கீழ் எகிப்து பகுதிகளின் நோம்களை ஒன்றிணைத்து ஒரு குடையின் கீழ் ஆட்சி செய்தார்.[7]
ஆட்சிப் பிரிவுகளை மூவாயிரம் ஆண்டுகளுக்கும் மேலாக பெயர்களாகப் பிரிப்பது மட்டுமல்லாமல், தனிப்பட்ட பெயர்களின் பகுதிகளும் அவற்றின் வரிசைப்படுத்தலும் குறிப்பிடத்தக்க வகையில் நிலையானதாக இருந்தன. ஐந்தாம் வம்சத்தவர்களின் பலெர்மோ கற்பலகையில் சில நோம்களின் பெயர்கள் குறிக்கப்பட்டுள்ளது. பார்வோன்களின் பண்டைய எகிப்து 42 நோம்களாகப் பிரிக்கப்பட்டது.
வடக்கு எகிப்தின் நோம்கள்
பழைய எகிப்து இராச்சியக் காலத்தில் வடக்கு எகிப்தில் இருந்த மெம்பிசு நகரம் தலைநகராக இருந்தது. வடக்கு எகிப்தின் நைல் வடிநிலப் பகுதிகளில் 20 நோம்கள் இருந்தன. வடக்கு எகிப்தின் மெம்பிசு, சக்காரா, கீசா, அலெக்சாந்திரியா போன்ற நகரங்களை மையமாகக் கொண்டு நோம்கள் இருந்தது.
- வெள்ளைச் சுவர்கள் நோம்
- பயணிகள் நிலம்
- கால்நடைகள் நிலம்
- தெற்கத்திய காப்பு நிலம்
- வடக்கத்திய காப்பு நிலம்
- மலை எருது நிலம்
- மேற்கத்திய குத்தீட்டி நிலம்
- கிழக்கத்திய குத்தீட்டி நிலம்
- ஆண்ட்ஜெட்டி கடவுள் நிலம்
- கருப்பு எருது நிலம்
- ஹெசெப் எருது நிலம்
- பசுவும் கன்றும் நிலம்
- செழிக்கும் செங்கோல் நிலம்
- தூரக்கிழக்கு நிலம்
- திபிஸ் - தெஹட் நிலம
- மீன் நிலம்
- சிம்மாசன நிலம்
- தெற்கின் இளவரசன் நிலம்
- வடக்கின் இளவரசன் நிலம்
- பருந்து நிலம்
தெற்கு எகிப்தின் நோம்கள்
தெற்கு எகிப்து 22 நோம்களாகப் பிரிக்கப்பட்டுள்ளது. நூபியாவின் வடக்கு எல்லைக்கருகே தெற்கு எகிப்தில் உள்ள நைல் ஆற்றின் முதல் புரை அருகே உள்ள எலிபென்டைன் தீவுவை மையாகக் (அஸ்வான் அருகே) கொண்டு முதல் நோம் உள்ளது. அங்கிருந்து, நைல் பள்ளத்தாக்கின் குறுகிய வளமான நிலப்பரப்பில் ஒரு ஒழுங்கான முறையில் நோம்கள் அமைந்துள்ளது. தீபை நகரம் தற்கால அல்-உக்சுர்) நான்காவது நோமாகவும், அமர்னா நகரம் 14-வது நோமாகவும், மைதும் நகரம் 21-வது நோமாகவும் உள்ளது.
- விற்கள் நிலம்
- ஓரசின் சிம்மாசன நிலம்
- கோவில் நிலம்
- செங்கோல் நிலம்
- இரு பருந்துகள் நிலம்
- முதலை நிலம்
- சிஸ்ட்ரம் (இசைக் கருவி) நிலம்
- பெருநிலம்
- மின்-கடவுள் நிலம்
- நாக நிலம்
- சா-செட் (விலங்கு) நிலம்
- வைப்பர் மலை நிலம்
- மேல் சிக்காமோர் மற்றும் வைப்பர் நிலம்
- கீழ் சிக்காமோர் மற்றும் வைப்பர் நிலம்
- முயல்கள் நிலம்
- மான்களின் நிலம்
- அனுபிஸ் (கடவுள்) நிலம்
- சேத் கடவுள் நிலம்
- இரட்டை செங்கோல் நிலம்
- தெற்கத்திய சிக்காமோர் நிலம்
- வடக்கத்திய சிக்காமோர் நிலம்
- கூரான கத்தி நிலம்
கிரேக்கத் தாலமி பேரரசு காலத்திய எகிப்து
பண்டைய எகிப்தை ஆண்ட கிரேக்க தாலமி வம்ச காலத்தில் (கிமு 305 – கிமு 30) கூடுதலாக சில நோம்கள் சேர்க்கப்பட்டதுடன், சில நோம்களின் பெயர்களை மாற்றப்பட்டது.[8] எடுத்துக்காட்டாக முதலை நோமின் அர்சினோ நோம் எனப்பெயர் மாற்றம் செய்யப்பட்டது. அர்தியன் நோம் புதிதாக சேர்க்கப்பட்டது.
ரோமானிய எகிப்து
கிரேக்கத் தாலமி வம்ச காலத்தில் இருந்த நோம்களின் எண்ணிக்கை மற்றும் பெயர்கள் மாற்றம் செய்யப்படாமல், ரோமானியர் ஆண்ட எகிப்திலும் தொடர்ந்தது. இருப்பினும் ஒவ்வொரு நோம் ஆட்சியாளர்கள் தங்களது சொந்த நாணயங்கள் வெளியிட அனுமதிக்கப்பட்டனர். கிபி 307/8 காலத்தில் நோம் ஆட்சியாளர்களின் நாணயங்களுக்கு பதிலாக ரோமானியர்கள் வெளியிட்ட பகஸ் நாணயம் புழக்கத்தில் இருந்தது.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
