Malta i Eurovision Song Contest

	;
Offisielt	Repubblika ta' Malta; Republic of Malta
	; PBS
	; PBS
Uttakingar
Nasjonalt	33
Internt	1
Deltaking
Debutår	1971
Deltakingar	34
Beste resultat
Semifinalen	1 (2021)
Finalen	2 (2002 og 2005)
Verste resultat
Semifinalen	Sist (2023)
Finalen	Sist (1971, 1972 og 2006)
Poeng
Semifinalane	1 503
Finalane	2 105
Totalt	3 608

Malta debuterte i Eurovision Song Contest i 1971 med songen «Marija l-Maltija», sungen av Joe Grech. Sidan den gong har Malta delteke 34 gongar. Bidraga vert valde gjennom ei nasjonal utveljing, arrangert av allmennkringkastaren PBS. Malta har aldri vunne tevlinga, men har kome på andreplass to gongar; i 2002 og 2005. Malta har kome sist tre gonger; i 1971, 1972 og 2006. Etter innføringa av semifinalar i 2004 har Malta kvalifisert seg til finalen 10 av 18 gongar, seinast i 2021.^[1]

Kjappe fakta Uttakingar, Deltaking ...

Lukk

Det er den maltesiske allmennkringkastaren PBS som sender Eurovision Song Contest på Malta, og som vel artisten og songen som skal representere landet i Eurovision Song Contest. Malta debuterte i konkurransen i 1971 med songen «Marija L-Maltija», framført på maltesisk av Joe Grech. Malta fekk ein svak start i tevlinga, med sisteplass på sine to første forsøk, i 1971 og 1972. Landet heldt seg borte frå konkurransen dei to neste åra, og kom tilbake i 1975. Det året enda Malta på 12. plass av 19 deltakande land. Malta skulle òg ha delteke i 1974 og 1976, men trekte seg frå tevlinga av ukjende årsaker.^[2]

Returen

Landet hadde ein pause på heile 16 år. Malta forsøkte å få deltake i 1990, men Den europeiske kringkastingsunionen hadde sett ei øvre grense på 22 deltakande land. Året etter valde Nederland å stå over tevlinga, og dimed vart det plass til Malta.^[2]^[3] Returen vart ein suksess, og Malta enda opp blant dei ti beste åtte år på rad. I 1998 var Malta nær ved å vinna, men vart slått på målstreken av Israel og Storbritannia. Også i 2002 var Malta nær ved å vinna, men måtte gje tapt for Latvia då dei siste poenga kom inn. Malta fekk ein ny andreplass i 2005.

Etter 2005 har Malta hatt liten suksess i Eurovision Song Contest. Maltas tredje sisteplass kom i 2006, og dei fem påfølgjande åra kvalifiserte Malta seg til finalen berre éin gong. Etter 2012 har Malta kvalifisert seg til finalen kvart år, med unntak av 2015 og 2017 . Åttendeplassen i 2013 er Maltas beste plassering dei siste ti åra.^[1]

Malta er det mest suksessrike landet som framleis ikkje har vunne Eurovision Song Contest. Det er også eit av landa som har flest deltakingar utan ein siger; berre Kypros har delteke fleire gonger utan å vinna per 2022.^[4]

Språk

Sidan engelsk er eit av dei offisielle språka på Malta, har Malta hatt føremonen av å synga på engelsk. Berre to gonger, i 1971 og 1972, har Malta sunge på maltesisk. I 2000 inneheldt songen «Desire» tre linjer på maltesisk.^[1]

Meir informasjon År, Artist ...

År	Artist	Song	Språk	Finalen		Semifinalen
År	Artist	Song	Språk	Poeng	Plass	Poeng	Plass
1971	Joe Grech	«Marija l-Maltija»	Maltesisk	52	18
1972	Helen og Joseph	«L-imħabba»	Maltesisk	48	18
Deltok ikkje i 1973
1974	Enzo Guzman	«Paċi fid-Dinja»	Maltesisk	Trekt
1975	Renato	«Could It Be»	Engelsk	32	12
1976	Enzo Guzman	«Sing Your Song, Country Boy»	Engelsk	Trekt
Deltok ikkje mellom 1977 og 1990
1991	Paul Giordimaina og Georgina	«Could It Be»	Engelsk	106	6
1992	Mary Spiteri	«Little Child»	Engelsk	123	3
1993	William Mangion	«This Time»	Engelsk	69	8
1994	Chris og Moira	«More Than Love»	Engelsk	97	5
1995	Mike Spiteri	«Keep Me In Mind»	Engelsk	76	10
1996	Miriam Christine	«In a Woman's Heart»	Engelsk	68	10	138	4
1997	Debbie Scerri	«Let Me Fly»	Engelsk	66	9
1998	Chiara	«The One That I Love»	Engelsk	165	3
1999	Times Three	«Believe 'n Peace»	Engelsk	32	15
2000	Claudette Pace	«Desire»	Engelsk og maltesisk	73	08
2001	Fabrizio Faniello	«Another Summer Night»	Engelsk	48	9
2002	Ira Losco	«7th Wonder»	Engelsk	164	2
2003	Lynn Chircop	«To Dream Again»	Engelsk	4	25
2004	Julie og Ludwig	«On Again... Off Again»	Engelsk	50	12	74	8
2005	Chiara	«Angel»	Engelsk	192	2	Topp 12 året før
2006	Fabrizio Faniello	«I Do»	Engelsk	1	24	Topp 11 året før
2007	Olivia Lewis	«Vertigo»	Engelsk	Ikkje kvalifisert		15	25
2008	Morena	«Vodka»	Engelsk	Ikkje kvalifisert		38	14
2009	Chiara	«What If We»	Engelsk	31	22	86	6
2010	Thea Garrett	«My Dream»	Engelsk	Ikkje kvalifisert		45	12
2011	Glen Vella	«One Life»	Engelsk	Ikkje kvalifisert		54	11
2012	Kurt Calleja	«This Is the Night»	Engelsk	41	20	70	7
2013	Gianluca Bezzina	«Tomorrow»	Engelsk	120	8	118	4
2014	Firelight	«Coming Home»	Engelsk	32	23	63	9
2015	Amber	«Warrior»	Engelsk	Ikkje kvalifisert		43	11
2016	Ira Losco	«Walk on Water»	Engelsk	153	12	209	3
2017	Claudia Faniello	«Breathlessly»	Engelsk	Ikkje kvalifisert		55	16
2018	Christabelle	«Taboo»	Engelsk	Ikkje kvalifisert		101	13
2019	Michela	«Chameleon»	Engelsk	107	14	157	8
2020	Destiny Chukunyere	«All of My Love»	Engelsk	Tevling avlyst
2021	Destiny Chukunyere	«Je me casse»	Engelsk og fransk	255	7	325	1
2022	Emma Muscat	«I Am What I Am»	Engelsk	Ikkje kvalifisert		47	16
2023	The Busker	«Dance (Our Own Party)»	Engelsk	Ikkje kvalifisert		3	15