Romani antiqui

From Wikipedia, the free encyclopedia

Romani antiqui

Romani antiqui fuerunt populus Italicus, Latio et praesertim Romae saeculo octavo a.C.n. ortus, in cuius dicionem et civilizationem omnes terrae circa mare Mediterraneum mille annos sequentes fere paulatim redactae sunt.

Vide etiam paginam discretivam: Roma (discretiva).
Thumb
Forum Romanum fuit locus medius circum quem Roma antiqua crevit.

Roma inter duodecim saecula primo in regnum, deinde in rem publicam oligarchiae similem, tertio in imperium vastum, mutata est. Europae Occidentali et regioni toti circum Mare Mediterraneum imperavit. Complures autem res occasum Imperii Romani tandem fecerunt. Dimidium occidentale imperii, ubi fuit Hispania, Gallia, et Italia, in regna separata saeculo quinto dissolutum est; imperium autem orientale, Constantinopole administrante, ad Imperium Byzantium post 476 spectatur, tempus solitum "casus Romae" et posterius exordium Medii Aevi habitum.

Thumb
Tabula animata imperii Romani.

Roma antiqua saepe cum Graecia antiqua, quae multas artes Romae antiquae incendit, ut "antiquitas classica" disponitur. Roma antiqua ad progressum iuris bellique artumque litterarumque architecturaeque linguaeque in occidente contulit, et apud homines magnopere adhuc valet.

Historia

Thumb
In fabulis, Roma 753 a.C.n. a geminis Romulo et Remo, qui a lupa educati sunt, condita est.
Si plus cognoscere vis, vide etiam Romanae pugnae.
Pagina prima: Historia Romae

Regnum

Si plus cognoscere vis, vide etiam Regnum Romanum.

Urbs Roma a coloniis circum vadum in flumine Tibere, quadrivium commercii mercaturaeque, profecta est. Ex testimonio archaeologico, pagus Roma circa saeculum 9 a.C.n. a duobus tribubus Italiae mediae, Latini Sabinique, in Palatino Capitolinoque Quirinaleque montibus condita est. Etrusci, qui se in Etruria septentrionale antea deduxerant, imperium pro optimatibus regnatoribusque in regione ante serum saeculum 7 a.C.n. sumpsisse videntur. Specie Etrusci imperium in regione ante saeculum 6 a.C.n. perdiderunt, et id temporis, tribus pristini Latini Sabinique gubernationem restituerunt, facientes rempublicam et circumscribentes imperium regnorum.

In fabulis Romanis, Roma die 21 Aprilis 753 a.C.n. a Romulo et Remo, geminis progeniebus Aeneae reguli Troiani, condita est. Romulus Remum in rixa de loco ubi situra sit urbs interfecit, et primus ex septem Regibus Romanis factus est. Itaque nomen Romae habetur ex nomine Romulo ortum esse.[1] Et in fabulis, cum urbs mulieribus egebat, Latini Sabinos diei festo invitaverunt et virgines viduas rapuerunt, efficientes ut Latini cum Sabinis admixti sint.

Thumb
Tabula Romae antiquae, cinctae et muris Servianis (termino flavo signatis) cum portis, et muris Aurelianis (termino nigro signatis)
Thumb
Imperium Romanum Orientale et Occidentale anno 395, Theodosio I nuper mortuo.
Thumb
Templum Herculis Victoris Romae, medio saeculo altero a.C.n. aedificatum, fortasse a Lucio Mummio Achaico, duce Romano Belli Achaeanum, quod Corinthum delevit.
Thumb
Templum Portuni, Romae ab 120 a.C.n. ad 80 a.C.n. aedificatum.
Thumb
Imago aenea Scipionis Africani maioris; medio saeculo primo a.C.n.[2] In Villa Papyrorum Herculanei a Carolo Iacobo Weber annis a 1750 ad 65 excavata.[3] Museum Archaeologicum Nationale Neapolitanum.

Res publica

Res publica Romana est historica Romae antiquae aetas, quod ab anno 509 a.C.n., cum rex Lucius Tarquinius Superbus depositus esset, usque ad annum 27 a.C.n., cum die 16 Ianuarii senatus Octaviano titulum Augusti tribueret, Imperium Romanum reapse instituens.

Pagina prima: Res Publica Romana

Imperium

Pagina prima: Imperium Romanum

Societas

Vita Romae

Roma erat locus desideratus a multis qui meliorem vitam cuperent. Sed plurimis in urbe vita cotidiana parum delicata erat. Fere decies centena milia hominum urbem incolebant. Propter situm clivosum Roma sursum tantum crescere poterat.

Divites domûs unius tabulati habitabant. In vallibus clivisque stabant insulae:

domicilia conducticia, saepe male constructa. Quaeque insula similiter constructa erat. In pedeplanis iacebant tabernae, ubi merces venibant. Supra erat tabulatum intermedium ubi fortasse erant repositoria aut cubicula.

Supra erant cenacula, plerumque inter duo et quattor tabulata. Quanto altiora erant cenacula, tanto miseriora minoraque erant spatia. In cellis subtegulaneis habitabant plerumque familiae operariorum.

Ius

Pagina prima: Ius Romanum

Cultus civilis

Lingua

Pagina prima: Lingua Latina

Religio

Pagina prima: Religio Romana

Papyri

  • Thumb

Milites

Si plus cognoscere vis, vide etiam Romanae pugnae.

In cultura populari

Simulacrum antiqui mundi Romani in Second Life mundo virtuali ab anno 2006 videtur; ROMA, et ab avatara Torin Golding creatum est.

Nexus interni

Notae

Bibliographia

Nexus externi

Wikiwand - on

Seamless Wikipedia browsing. On steroids.