From Wikipedia, the free encyclopedia
Poltava (-ae, fem.)[1] est urbs in Ucraina, metropolis regionis Poltavensis, valens sedes culturalis atque focus vectorium. Circa 290 milia incolarum (anno 2018) habet.
Gestio
Geographia
Coniunctiones urbium
Loco Poltavae hodiernae saeculo nono arx condita est. Locus ille habitatus ad Russiam Kioviensem, et dein ad Ducatum Kioviensem pertinebat, medio saeculi quattuordecimi autem cum ducatu illo ad Magnum Ducatum Lituaniae adiunctus est. Anno 1430 Poltava commemorata est ut possessio Vitoldi, magni ducis Lituanici, qui eam duco Alexandro Gliński dedit. Ab anno 1569 haec urbs sub dominatione Polonica erat.
Ab anno 1648, propter bellum pro libertate Ucrainae a Bohdano Chmielnicio ductum, Poltava fuit sedes unius e legionibus Ucrainicis. Anno 1654, in concilio Pereaslaviensi, legati Poltavenses inter aliis Ucrainis ius iurandum Russiae dederunt.
Anno 1709 prope hanc urbem copiae Russicae contra exercitum Sueciae pugnaverunt in proelio Poltavensi.
In Imperio Russico Poltava erat valens sedes culturae 'Russiae Minoris', anno 1802 metropolis gubernii facta. Post Bellum Civile Russicum in Rem Publicam Sovieticam Socialisticam Ucrainicam (ab anno 1922 ad Unionem Sovieticam pertinentem) inclusa, eius regionis Poltavensis sedes administrativa facta est anno 1937.
Tempore Belli Magni Patrii mense Septembri anno 1941 a copiis Germanicis occupata, eadem mense anno 1943 a copiis Sovieticis liberata est.