Kiovia
caput et maxima Ucrainae urbs From Wikipedia, the free encyclopedia
Kiovia[1] (Ucrainice: Київ, tr. Kyjiv) est caput et maxima Ucrainae urbs, etiam regionis Kioviensis metropolis. Ad flumen Danaprim sita est. Urbi sunt circiter triciens centena milia incolarum.
KioviaRes apud Vicidata repertae:
Civitas: Ucraina
Locus:
Numerus incolarum: 2 952 301
Zona horaria: UTC+2, UTC+2, UTC+3, Hora aestiva
Situs interretialis
Nomen officiale: Київ
Kiovia: situs
Locus:
Numerus incolarum: 2 952 301
Zona horaria: UTC+2, UTC+2, UTC+3, Hora aestiva
Situs interretialis
Nomen officiale: Київ
Gestio
Geographia
Superficies: 848 chiliometrum quadratum
Regiones urbanae: Holosiiv Raion, Darnytskyi District, Desna Raion, Dnipro Raion, Pecherskyi District, Obolon Raion, Solomianka Raion, Sviatoshynskyi District, Shevchenko Raion, Podil Raion
Territoria finitima: Regio Kioviensis
Regiones urbanae: Holosiiv Raion, Darnytskyi District, Desna Raion, Dnipro Raion, Pecherskyi District, Obolon Raion, Solomianka Raion, Sviatoshynskyi District, Shevchenko Raion, Podil Raion
Territoria finitima: Regio Kioviensis
Coniunctiones urbium
Urbes gemellae: Monacum, Vilna, Edimburgum, Riga, Bacua, Bratislavia, Belgradum, Sicagum, Cracovia, Florentia, Kyotum, Urbs Fluminensis, Tiphlis, Tammerforsia, Lipsia, Berolinum, Seraium
Tabula aut despectus
Kiovia est magni valoris sedes industriae, commercii, investigationis scientificae culturaeque. Universitates (Universitas Kioviensis, Academia Kiioviensis Mohileana, Institutum Polytechnicum Kioviense, Universitas Commercialis et Oeconomica Kioviensis etc.) et bibliothecae (quarum maxima est Bibliotheca Nationalis Ucrainae Vernadskiana) urbis multae sunt. Kiovia multa musea atque monumenta historica habet.
Secundum opinionem divulgatam (quum non ab omnibus acceptam) Kiovia saeculo quinto rite condita est. Annus primae mentionis urbis in chronica est 860.
Anno 882 urbs a Helgo duce capta metropolis Rutheniae (Russiae Kioviensis) facta est. Illo tempore Kiovia magna urbs et valens sedes commercii et culturae Europaeae erat. Postquam regnum Ruthenicum coniunctum dissolutum est, urbs metropolis ducatus Kioviensis mansit et ad tempus ut sedes ducis Ruthenici principalis aestimabatur. Anno 1240 Mongolo-Tatari urbem deleverunt, sed illa renata est. Anno 1362 Magnus Ducatus Lituaniae Kioviam adiunxit, in quo ducatu urbs anno 1471 facta est caput palatinatus Kioviensis, qui ab anno 1569 ad Regnum Polonicum pertinebat. Ab anno 1654 ad annum 1917 urbs pars Russiae erat, anno 1708 metropolis gubernii ibi facta.
Cum post res novas Russicas anno 1917 Ucraina libera declarata esset, Kiovia ad tempus fuit caput eius. Tempore belli civilis Russici urbs tamen nonnumquam sub potestatem virium variarum inter se pugnantium venit, anno 1920 deinde ad Rem Publicam Sovieticam Socialisticam Ucrainicam adiuncta, eacum anno 1922 in Unionem Soveticam inclusa. Anno 1934 Kiovia facta est metropolis RSS Ucrainicae. Bellum Magnum Patrium urbi excidia magna affecit, quod milites Germanici eam anno 1941 expugnaverunt. Bello autem confecto urbs restaurata est. Anno 1960 ferrivia subterranea aperta est. Ex anno 1991, Kiovia caput Ucrainae sui iuris est.
Post incursionem Russicam nonnulli nomen urbis forma ucraina Kyiv nec porro russica Kiev appellant. Nihilominus nomen Latinum urbis manet Kiovia.
Urbis territorio dividitur in circulos administrativos decem, райони (raiyony):
| Circulus | Aera, km² | Incolae (1 Ianuarii 2021), milia hominum | Densitas, ос/km² |
|---|---|---|---|
| Circuli dextri ripae Danapris: | |||
| Holosiivsci | 160,78 | 254 mil. | 1579 |
| Obolonsci | 110,32 | 318,1 mil. | 2883 |
| Pecersci | 19,57 | 163,6 mil. | 8359 |
| Podilsci | 34,08 | 209,1 mil. | 6135 |
| Sviatosynsci | 102,63 | 341,8 mil. | 3330 |
| Solomiansci | 40,52 | 384,6 mil. | 9491 |
| Sevcencivsci | 26,63 | 215,9 mil. | 8107 |
| Circuli sinistri ripae Danapris: | |||
| Darnytsci | 132,24 | 348,4 mil. | 2634 |
| Desniansci | 154,2 | 368,4 mil. | 2389 |
| Danaprivsci | 66,7 | 357,9 mil. | 5365 |
| Kiovia | 847,67 | 2 962 180 | 3494 |
Kioviae aeroportus internationales duo et nationalis unus sunt: aeroportus internationalis Borispili et aeroportus internationalis Kioviae (Suliani). Praeterea invenitur aeroportus Hostomeli, onerum tantum, pars societatis Antonov, in quo aeroplanum Antonov An 225, maximum in orbe terrarum, anno 2022 destructum, invenitur.
A die 24 Februarii 2022 vero aeroportus incursionis Russicae causa claustri manent.
- Michael Bulgakov (1891–1940), scriptor et medicus
- Vladimirus Horowitz, (1903–1989), musicus
- Ioannes Kum, (1976 natus), inventor WhatsApp
- Casimirus Malewicz (1879-1935), pictor
- Golda Meir (1898–1978), primus minister Israel
- Victor Nekrasov (1911-1987), scriptor
- Inguarus Sikorski (1889–1972), constructor vehiculorum aeriorum
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
