Zaporizhia
From Wikipedia, the free encyclopedia
From Wikipedia, the free encyclopedia
Zaporizhia[1] vel Transcatarrhactium[2], olim Alexandrovium[3] (Ucrainice Запоріжжя tr. Zaporižžja; Russice Запорожье, tr. Zaporož'e) est urbs iuxta Danaprim fluvium sita, sedes administrativa regionis Zaporizhiensis Ucrainae, una ex maioribus in Ucraina meridiana locis administrationis, industriae, humanique cultus. Censu anno 2015 facto, fere 760 milia incolarum habet.
Gestio
Geographia
Coniunctiones urbium
Hic oppidum ab anno 952 iacuit, ut testatur tractatus De administrando imperio. A saeculo decimo quinto hoc territorium ad possessiones Cosacorum Zaporoviensium pertinebat. Castellum Imperii Russici Aleksandrovskaja (Russice Александровская крепость) anno 1770 constructum est, fortasse ex marescalco Alexandro Golicyn aut magno duce Alexandro Vjazemskij appellatum, quod mox in urbem Aleksandrovsk (Russice Александровск) crevit. Hoc nomen usque ad annum 1921 mansit, cum ad Zaporizhiam mutatum est, quod 'ultra cataractas' (за порогами) significat.