Praefectus: Karen Bass Consilium: Los Angeles City Council Procuratio superior: Angelopolis Comitatus
Geographia
Superficies: 1 302.15171 chiliometrum quadratum Territoria finitima: Lomita, Comptonia, Huntington Park, East Los Angeles, Willowbrook, Alhambra, South Pasadena, Monterey, Pasadena, Glendale, Burbank, San Fernando, Hidden Hills, El Segundo, Sancta Monica, West Hollywood, Inglewood, Ora longa, Torrance, West Athens, Carson, San Pedro, Gardena, Culver City, Beverly Hills, Ladera Heights, Westmont, West Carson, Calabasas, Lynwood, Monterey Park, Montebello, Vernon
Vallis seu planities Angelopolitana. Media imagine sub montibus Sancti Gabrielis urbs ipsa splendet; ultra Desertum Mojave distinguitur; ad sinistram partem iuxta oram maritimam longius Sancta Monica urbs, propius paeninsula Palos Verdes, ad dextram partem portus Angelopolitanus urbsque Litoris Longi videntur.
Regionem circumiacentem omnem, a populis AmerindisChuvash et Tongva iam habitatam, Ioannes Rodríguez Cabrillo pro rege Hispanico anno 1542 vindicavit. Oppidum autem loco urbis hodiernae primum condiderunt coloni quattuor et quadraginta anno 1781 auctoritate tam Philippi de Neve gubernatoris Californiae Superioris quam viceregis Novae HispaniaeAntonii de Bucareli. Appellatione El Pueblo de Nuestra Señora la Reina de los Ángeles del Río de Porciúncula nuncupaverunt. Quod oppidum, incolis iam fere 650, pars imperii Mexicani factum est eo anno 1821 quo Mexicum libertatem suam proclamavit. Ab anno 1850 post bellis Mexico-Americanis in civitate California Civitatum Foederatarum comprehensum est.
Ferrivia Pacifica Australis usque in Angelopolim anno 1876 confecta est. Ab anno 1892petroleum sub pago Angelopolitano reperiebatur. Iam anno 1910 (quo anno oppidum suburbanum Ruscisilva (Hollywood) in Angelopolim contributum est) societates cinematographicae decem et mox multo plures ibi congregabantur. Olympia aestiva 1932 iuxta urbem celebrata sunt. His annis numerus incolarum cito crevit, homines 100000 anno 1900 ibi habitantes, 1000000 anno 1930. Ad aquam populo huius pagi satis aridi providendam aquaeductus Angelopolitanus annis 1908-1913, designante Gulielmo Mulholland, constructus est ut Owens flumen e valle sua usque ad urbem conduceret.
Forma urbis Angelopolis (colore flavo picta) et regionis metropolitanae Angelopolitanae (colore roseo) anno 2000 ad censum Civitatum Foederatarum illustrandum delineata
Urbis propriae per censum anni 2010 constat populi 31.9% e stirpe Mexicano oriri atque 16.4% e regionibus ultra Mexicum Americanis, fere 13.7% Europaeo et fere 12% Iudaeo, 9.6% Africano, 0.7% Amerindo, 11.3% e stirpe Asiatico inter quos 3.2% Philippinensi et 2.9% Coreano.
Ecclesia cathedralis Dominae Nostrae Angelorum anno 2002 confecta, ecclesia Sanctae Vibianae in terra motu anno 1994 delapidata
Populi metropolitani 65% se Christianos esse confitentur (inter quos tantos Catholicos quantos Protestantes), fere 25% sine religione, 3% religioni Iudaicae, 2% Islamicae, 2% Buddhisticae haerentes.[3]Ecclesia Catholica ibi sedem metropolitanam "archidioecesis Angelorum in California" posuit (archiepiscopo hodierno Iosepho Horatio Gomez) ecclesiamque cathedralem Dominae Nostrae Angelorum anno 2002 aedificare confecit.
Angelopolis urbs industria cinematographica illustris est, et quidem domicilium complurium actorum cinematographicorum.
Ad memoriam Gualteri Disney cinematographo e munificentia viduae Lillian Disneyaula musica Gualteri Disney anno 2003 inaugurata est, designatore Francisco Gehry. Ibi sedet orchestra Philharmonica Angelopolitana.
Ibi constituuntur scholae superiores satis multae quarum enumerare oportet Universitas Californiensis in Angelopoli, Universitas Loyola Angelopolitana, Universitas Pepperdine et Institutum Artium Californiense. Inter suburbia urbesque circumiacentes stant Museum et Villa Getty necnon Bibliotheca Huntington. Museum Artium Hodiernarum Angelopolitanum ad urbem ipsam pertinens, Museum Artium Comitatus Angelopolitani multo celebratius et a comitatu directum, intra fines urbis stant.
Aedificia et viae aeroportus internationalis ex aëre visa
Aeroportus internationalis Angelopolitanus, trigrammate LAX recognitus, haud longe ab ora maritima stat inter urbem Sanctam Monicam portumque Angelopolitanum.
White, Richard. 1991. It's Your Misfortune and None of My Own: A New History of the American West. University of Oklahoma Press.
De oecologia
Glover, Paul. 1989. Los Angeles: A History of the Future. Eco-Home Press.
Reisner, Marc. 1986. Cadillac Desert: The American West and Its Disappearing Water. Penguin Books.
Aula musica Gualteri Disney, huius ad memoriam dicata, a Francisco Gehry designata, anno 2003 inaugurata.
De populo et cultura
George, Lynell. 1992. George, No Crystal Stair: African Americans in the City of Angels. Verso.
Scott, Allen J., et Edward W Soja. 1996. The City: Los Angeles and Urban Theory at the End of the Twentieth Century. Berkeleiae et Angelopoli: University of California Press.
Theroux, Peter. 1994. Translating LA: A Tour of the Rainbow City. Norton.
Ulin, David L., ed. 2002. Writing Los Angeles: A Literary Anthology. Library of America.
Stephanus Clark Foster• Alpheus Hodges• Beniaminus Davis Wilson• Ioannes Nichols• Antonius Coronel• Stephanus Clark Foster• Thomas Foster• Stephanus Clark Foster• Emmanuel Requena• Ioannes Nichols• Damianus Marchessault• Henricus Mellus• Gulielmus Woodworth• Damianus Marchessault• Iosephus Mascarel• Christophorus Aguilar• Ioël Turner• Christophorus Aguilar• Iacobus Toberman• Prudentius Beaudry• Fridericus MacDougal• Bernardus Cohn• Iacobus Toberman• Cameron Thom• Eduardus Spence• Gulielmus Workman• Ioannes Bryson• Henricus Hazard• Gulielmus Bonsall• Thomas Rowan• Franciscus Rader• Meredith Snyder• Fridericus Eaton• Meredith Snyder• Owen McAleer• Arthurus Harper• Gulielmus Dennison Stephens• Georgius Alexander• Henricus Rose• Carolus Sebastian• Fridericus Woodman• Meredith Snyder• Georgius Cryer• Ioannes Clinton Porter• Franciscus Shaw• Fletcher Bowron• Norris Poulson• Samuel Yorty• Thomas Bradley• Ricardus Riordan• Iacobus Hahn• Antonius Villaraigosa• Ericus Garcetti• Carina Bass
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Angelopolis
