From Wikipedia, the free encyclopedia
Ruthenia Alba[1][2] seu Albarussia[3][4] vel Alborussia[5] seu Belorussia[6] (Беларусь, tr. Biełaruś) est res publica in Europa. Caput est Minscum. Linguae publicae sunt linguae Ruthenica Alba et Russica.
Gestio
Populus
Commemoratio
Sigla
Ruthenia Alba est terra in Europa Orientali. Fines terrestres cum Russia, Ucraina, Polonia, Lituania, et Lettonia habet. Maxima civitatis flumina sunt Danapris, Pripetius, Nemenus, Duina, Buga, Beresina.[7] Mons autem altissimus, Dziaržynskaja Hara, 345 metra supra mare eminet. Pars Rutheniae Albae meridiana saepe Polessia nuncupatur.
Terra Rutheniae Albae pars Rutheniae saeculis a nono ad decimum, pars Magni Ducatus Lituaniae saeculo tredecimo, pars Russiae a saeculo duodevicensimo erat. Post detritum Imperii Russici (anno 1917) in Ruthenia Alba, Res Publica Ruthenica Alba Popularis breviter (1918–1919) floruit; anno autem 1922 cum Russia, Ucraina, et Foederatione Transcaucasica Unionem Sovieticam formavit.
Ab anno 1939, Ruthenia Alba occidentalis est Rutheniae Albae pars. Annis ab 1941 ad 1945 durabat Bellum Magnum Patrium, quod Rutheniae Albae eversiones affecit.
Anno 1991, Unione Sovietica soluta, Ruthenia Alba res publica sui iuris facta est. Anno 1994, Alexander Lukashenko praeses electus est.
Ruthenia Alba sex regiones (вобласць, voblast') includet.
Nomina regionum | Nomina metropolium |
Regio Bressiciensis (Брэсцкая вобласць) | Bressicia (Брэст) |
Regio Grodnensis (Гродзенская вобласць) | Grodna (Гродна) |
Regio Homelensis (Гомельская вобласць) | Homel (Гомель) |
Regio Minscensis (Мiнская вобласць) | Minscum (Мінск) |
Regio Mohiloviensis (Магілёўская вобласць) | Mohilovia (Магілёў) |
Regio Vitebscensis (Вiцебская вобласць) | Vitebscum (Віцебск) |
Ruthenia Alba est patria terraque hominum scientiae culturaeque emeritorum, inter quos sunt, poetae Ianca Cupala et Iacub Colas, scriptores Vladimirus Corotkevitz et Basilius Bycov, physicus Theodorus Theodorov, et alii.