შოთა რუსთაველის სახელობის პრემია

შოთა რუსთაველის სახელობის პრემია (ყოფ. შოთა რუსთაველის სახელობის რესპუბლიკური პრემია) — საქართველოს სახელმწიფო პრემია, რომელიც დააარსა საქართველოს მინისტრთა საბჭომ 1965 წელს. შოთა რუსთაველის სახელობის პრემიაზე განაცხადები მიიღება შემდეგ დარგებში: მხატვრული ლიტერატურა, მუსიკალური, კინო, სახვითი და თეატრალური ხელოვნება, არქიტექტურა, რუსთველოლოგია, სოციალური და ჰუმანიტარული მეცნიერებები.

შოთა რუსთაველის სახელობის პრემია ენიჭება: ა) ხელოვნების დარგში — ლიტერატურის, მთარგმნელობითი და კვლევითი, ხელოვნებისა და არქიტექტურის უმნიშვნელოვანესი ნაწარმოებისათვის, რომელმაც მხატვრულ ღირსებათა გამო საერთო ეროვნული აღიარება მოიპოვა და გამსჭვალულია თავისუფლების, ჰუმანიზმისა და პატრიოტიზმის ზოგადსაკაცობრიო იდეალებით;

ბ) მეცნიერების დარგში — მაღალ მეცნიერულ დონეზე შესრულებული და საყოველთაოდ აღიარებული სამეცნიერო ნაშრომის ან ნაშრომთა ციკლისათვის, რომელსაც განსაკუთრებული წვლილი შეაქვს არა მარტო ჩვენი ქვეყნის მეცნიერების, არამედ მსოფლიოს სულიერ, სოციალურ და/ან ეკონომიკურ განვითარებაში.

პირს, რომელიც მოიპოვებს შოთა რუსთაველის სახელობის პრემიას, მიენიჭება შოთა რუსთაველის სახელობის პრემიის ლაურეატის წოდება, გადაეცემა ლაურეატის დიპლომი, ოქროს მედალი და ფულადი ჯილდო. ავტორთა კოლექტივისთვის პრემიის მინიჭების შემთხვევაში, საპრემიო თანხა ნაწილდება თანაბრად. შოთა რუსთაველის სახელობის პრემია გაიცემა 10 000 (ათი ათასი) ლარის ოდენობით. 

ლაურეატები

წელი	ლაურეატები
1965	კონსტანტინე გამსახურდია, ლადო გუდიაშვილი
1966	ირაკლი აბაშიძე, ელგუჯა ამაშუკელი
1967
1968
1969	ვლადიმერ ალექსი-მესხიშვილი, ანდრია ბალანჩივაძე
1970
1971	ელენე ახვლედიანი, ვასო გოძიაშვილი, სერგო ზაქარიაძე, ალექსი მაჭავარიანი, გურამ პატარაია, არჩილ სულაკაური, ილიკო სუხიშვილი
1972
1973	ვლადიმერ გრიგოლია, მურმან ლებანიძე, მაყვალა მრევლიშვილი, ნინო რამიშვილი
1974	აკაკი ვასაძე
1975	მერაბ ბერძენიშვილი, მირზა გელოვანი, ნოდარ დუმბაძე, ნიკოლოზ ზაბოლოცკი, ნიკო კეცხოველი, რევაზ ლაღიძე, შოთა ნიშნიანიძე
1976	გურამ საღარაძე, გოგი ხარაბაძე, სერგო ქობულაძე
1977	რევაზ ინანიშვილი, ჯანსუღ კახიძე, კორნელი სანაძე
1978	სულხან ნასიძე
1979	თენგიზ აბულაძე, ვერიკო ანჯაფარიძე, ლომერ ახვლედიანი, იზა გიგოშვილი, ირაკლი ონოფრიშვილი, სოსო ჩხაიძე, ფრიდონ ხალვაში
1980
1981	მერი დავითაშვილი, რევაზ თაბუკაშვილი, გივი თოიძე, მუშნი ლასურია, ჯუნა მიქატაძე, იოსებ ნონეშვილი, რობერტ სტურუა, გურამ ფანჯიკიძე, შოთა ყავლაშვილი, გია ყანჩელი, სულხან ცინცაძე, რამაზ ჩხიკვაძე
1982
1983	სესილია თაყაიშვილი, ელისო ვირსალაძე, გურამ ქუთათელაძე, ოთარ ჭილაძე, რევაზ ჯაფარიძე
1984	ოთარ თაქთაქიშვილი
1985	ვახტანგ აბრამიშვილი, დოდო ალექსიძე, თენგიზ არჩვაძე, ანა კალანდაძე, ბიძინა კვერნაძე, გიგა ლორთქიფანიძე, გურამ მირიანაშვილი, ანზორ სალუქვაძე, ზურაბ ქაფიანიძე, გიორგი შენგელაია, ჯანსუღ ჩარკვიანი, კახი ხუციშვილი, ლევან ჯანდიერი
1986
1987	ქეთევან კიკნაძე, მერაბ კოკოჩაშვილი, მუხრან მაჭავარიანი, ალექსანდრე მეჟიროვი, ცისანა ტატიშვილი, აკაკი შანიძე, ვახტანგ ცინცაძე, უჩა ჯაფარიძე
1988	ანზორ ერქომაიშვილი, ჯუნა მიქატაძე
1989	ბორის გაპონოვი
1990
1991
1992	პაატა ბურჭულაძე, ტარიელ ჭანტურია, თამაზ ჭილაძე
1993	ნინო ანანიაშვილი, უშანგი იმერლიშვილი
1994	გრიგოლ აბაშიძე, ჭაბუა ამირეჯიბი
1995	თეიმურაზ ბაბლუანი, ვახტანგ დავითაია, ნათელა იანქოშვილი, იოსებ კეჭაყმაძე, დავით მუქერია, გიზო ჟორდანია, თენგიზ სუხიშვილი, ალექსანდრე ხომერიკი
1996
1997
1998	გივი გეგეჭკორი, ოთარ იოსელიანი, ოთარ მეღვინეთუხუცესი, რევაზ მიშველაძე, ზურაბ სოტკილავა, ელდარ შენგელაია, სოფიკო ჭიაურელი
1999
2000[1]	ლია სტურუა, ნანი ბრეგვაძე, ნიკოლოზ იგნატოვი, რევაზ გაბრიაძე, ვახტანგ ტაბლიაშვილი
2001
2002	ბესიკ ხარანაული
2003	მარინე იაშვილი, კოტე მახარაძე, ნანა ფაჩუაშვილი
2004
2005	რეზო ესაძე, ლაშა თაბუკაშვილი, ბესიკ ხარანაული
2006	დიმიტრი ერისთავი, რევაზ ჭოხონელიძე
2007
2008
2009	იზა ორჯონიკიძე, ჯიბსონ ხუნდაძე
2010	კახი კავსაძე, ილია II
2011	ლადო ათანელი, ნოდარ გურაბანიძე, თამაზ კვაჭანტირაძე
2012	ხატია ბუნიათიშვილი, ნიკოლოზ რაჭველი
2013	მაგალი თოდუა, ქეთი მატაბელი, შალვა მოსიძე
2014
2015	გივი ბერიკაშვილი
2016
2017
2018
2019
2020
2021[2]	მაყვალა გონაშვილი, თეიმურაზ გოცაძე, ვახტანგ კახიძე, ომარ ნაფეტვარიძე, გიორგი ჯაფარიძე, რაულ ჩილაჩავა

იხილეთ აგრეთვე

• კატეგორია:შოთა რუსთაველის სახელობის პრემიის ლაურეატები

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 510.

რესურსები ინტერნეტში

• საქართველოს პრეზიდენტის ბრძანებულება
• საქართველოს მთავრობის დადგენილება
• მთავრობამ რუსთაველისა და ეროვნული პრემიები აღადგინა (რადიო თავისუფლება)

სქოლიო

1. 2000 წლის საქართველოს შოთა რუსთაველის სახელობის ეროვნული პრემიის მინიჭების შესახებ
2. ინტერპრესნიუსი