jinisé wit From Wikipedia, the free encyclopedia
Katès, Gandhul, utawa Gamblok (Carica papaya L.) iku kalebu tuwuhan hérba saka famili Caricacea kang asalé saka Meksiko sisih kidul lan sisih loré Amérika Kidul uga saka Hindia Kulon[1][2], saiki nyebar wiyar lan akèh ditandur ing laladan tropis kanggo dijupuk wohé. C. papaya iku siji-sijiné jinis sajeroning gènus Carica. Jeneng katès ing basa Indonésia yaiku "pepaya" kang dijupuk saka basa Walanda, "papaja", kang ing giliran"papaja" uga njupuk saka jeneng basa Arawak, "papaya". Ing basa Sundha, katès sebutané "gedhang".
Katès | |
---|---|
Wit, kembang, lan woh katès; saka Medicinal-Plants Koehler (1887) | |
Klasifikasi ngèlmiah | |
Karajan: | Plantae |
Dhivisi: | Angiospermae |
Unranked: | Eudicots |
Unranked: | Rosids |
Ordho: | Brassicales |
Famili: | Caricaceae |
Génus: | Carica |
Spésies: | C. papaya |
Jeneng binomial | |
Carica papaya L. | |
Tuwuhan katès dhuwuré bisa 10 mèter.[1] Cara nandur kang gampang, ndadèkaké tuwuhan katès urip ing nagara-nagara tropis.[2] Tuwuhan katès duwé rupa kaya tuwuhan palem, kembangé warna putih, yèn mateng dagingé rupa kuning.[3] Woh katès yèn disigar, gronggongan njero wanguné simetris.[4] Godhongé uga mèmper karo tangan manungsa.[4]
Kultivar katès manéka warna amarga béda ing pamupangatan lan pepénginan konsumèn.
Katès bangkok
Katès bangkok diintrodhuksi saka Thailand. Permukaan wohé ora rata lan kulit njabané rélatif tipis, mula angèl dioncèki. Kaluwihané, dagingé legi lan akèh ngandhut banyu. Ukuran wohé gedhé.
Katès Sala F1
Arupa katès kultivar hibrida unggul saka Hawaii. Wohé cilik-cilik lan disenengi konsumèn kulon.
Saliyané iku uga ana katès hias kang godhong utawa glonggongé awerna ungu. Katès iki ditandur mung kanggo disawang penampilané kanggo ngèndahaké taman. Ing Dhataran Dhuwur Dieng ditepungi prodhuk mèmper katès kang dipak lan diarani "carica". Jinis iki seneng laladan adhem kanggo ngasilaké woh kanthi optimal.
Miturut jinisé, katès kapérang dadi telu:
Katès kang ana ing Indonésia ana rong jinis:
Katès kalebu jinis woh-wohan kang multiguna.[5] Wiwit saka oyot nganti godhong duwé mupangat kanggo manungsa lan kéwan.[5] Tuwuhan katès bisa dimupangataké kanggo bahan pangan, unjukan, obat, pakan raja-kaya.[5]
Kasiyat tuwuhan katès bisa kanggo nambani lelara wan, kanggo ASI, borok, jerawat, rématik, gegelen, radang ginjel, lara weteng, pilek, anemia, masuk angin, kanggo nafsu makan.[5]
Godhong Katès duwé kasiat kang akèh. Kasiate godhong katès yaiku bisa kanggo:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.