Tropiko ti Kanser

Ti Tropiko ti Kanser, tinawtawagan pay a kas ti Akin-amianan a Tropiko, ket ti akin-amianan unay a sirkulo iti latitud iti Daga a ti Init ket mabalin a dagus nga agparang iti ngato iti bukodna a kulminasion. Daytoy ket maninsan a mapasamak iti tinawen, iti panawen ti Akin-amianan a solstisio, no ti Akin-amianan a Hemisperio ket naipakbo nga asideg iti Init iti kaaduan a sakupna. manipud idi 2014, daytoy ket naisanglad iti 23° 26' 14.675″ (23°26′10.0″) iti amianan ti Ekuador.^[1]

Ti kapadana iti Akin-abagatan a Hemisperio, a mangmarka iti akin-abagatan unay a puesto a ti Init ket dagus nga agparang iti ngato, ket ti Tropiko ti Kaprikornio. Dagitoy a tropiko ket dua kadagiti lima a nangruna a grado ti panagrukod wenno dagiti nangruna a sirkulo ti latitud a mangmarka kadagiti mapa iti Daga, malaksid dagiti Sirkulo ti Artiko ken Sirkulo ti Antartiko ken ti Ekuador. Dagiti puesto dagitoy a sirkulo ti latitud (malaksid ti Ekuador) ket naidiktado babaen ti pakbo ti patayyekan a panaglikmut ti Daga a mainaig iti plano ti bukodna a panaglikmut.

Ti naipagarup a linia ket tinawtawagan iti Tropiko ti Kanser gapu ta ti Init ket abutenna ti kangatuan iti daytoy a latitud, daytoy ket sumsumrek iti astrolohiko a senial ti Kanser (solstisio ti kalgaw idiay akin-amianan a hemisperio). Idi nanaganan, ti Init ket adda pay iti turong ti konstelasion Kanser (Latin para iti kappi). Nupay kasta, daytoy ket saanen a pudno gapu ti presesion dagiti ekuinokso. Segun dagiti pagbeddengan ti Kappon ti Internasional nga Astronomiko, ti Init itan ket Tauro iti soltisio ti Hunio. Segun ti sidereal nga astrolohia, a mangbingay ti sodiak kadagiti agpapada a paset ti 12, ti Init ket adda iti Gemini iti dayta a panawen. Nupay kasta, segun ti tropikal nga astrolohia, a mangbingay ti ekleptiko kadagiti sangapulo ket dua a sektor ti 30°, a mangrugi iti bernal nga ekuinokso, ti Init ket kankanayon a sumsumrek iti Kanser iti daytoy a panawen, gapu ta ti pagtayyekan a pakbo ti Daga ket kaaduan a naipaturong iti Init. Ti balikas a "tropiko" ket nagtaud manipud iti Griego a balikas ti "trope (τροπή)", a ti kaibuksilanna ket agsikko (agbaliw iti direksion, wenno pagbanagan), inklinasion, a mangibagbaga iti kinapudno a ti Init ket agparang nga "agsubli" kadagiti solstisio.

Saan a natalinaay ti puesto ti Tropiko ti Kanser, ngem agdumaduma iti narikut a panagkukua kadagiti napalabas a panawen.^[2] Daytoy ket aglkallautang iti abagatan iti gangani a gudua segundo (0.47″) iti latitud iti tunggal maysa a tawen (daytoy ket eksakto idi a 23° 27′ iti tawen ti 1917). Kitaen dagiti sirkulo ti latitud para iti adu pay a pakaammo.

Ti amianan ti tropiko ket dagiti subtropiko ken ti Amianan a Temperado a Sona. Ti kapada ti linia ti latitud iti abagatan ti Ekuador ket tinawtawagan iti Tropiko ti Kaprikornio, ken ti rehion a nagbaetan dagitoy dua, a naipatengnga iti Ekuador, ket ti tropiko.

Mangrugi iti Kangrunaan a Meridiano ken agpadaya, ti Tropiko ti Kanser ket lumabas babaen ti:

More information Nagsasabtan, Pagilian, teritorio wenno baybay ...

Nagsasabtan	Pagilian, teritorio wenno baybay	Dagiti nota
23°26′N 0°0′E	Arhelia
23°26′N 11°51′E	Niger
23°26′N 12°17′E	Libya	Ti Tropiko ket sagidenna iti akin-amianan unay a punto ti Chad iti 23°26′N 15°59′E
23°26′N 25°0′E	Ehipto	Ti Tropiko ti Kanser ket lumabas iti Danaw Nasser
23°26′N 35°30′E	Baybay Nalabbasit
23°26′N 38°38′E	Saudi Arabia
23°26′N 52°10′E	Dagiti Nagkaykaysa nga Emirato nga Arabo	Abu Dhabi ti emirato laeng
23°26′N 55°24′E	Oman
23°26′N 58°46′E	Taaw Indiano	Baybay Arabiano
23°26′N 68°23′E	India	Es-estado ti Gujarat, Rajasthan, Madhya Pradesh, Chhatisgarh, Jharkhand ken Laud a Bengal
23°26′N 88°47′E	Banglades	Dagiti dibision ti Khulna, Dhaka, ken Chittagong
23°26′N 91°14′E	India	Estado ti Tripura
23°26′N 91°56′E	Banglades	Dibision ti Chittagong
23°26′N 92°19′E	India	Estado ti Mizoram
23°26′N 93°23′E	Myanmar (Burma)	Estado ti Chin, Dibision ti Sagaing, Dibision ti Mandalay, Estado ti Shan
23°26′N 98°54′E	Tsína	Dagiti probinsia ti Yunnan (lumabas iti agarup a 7 km iti amianan ti pagbeddenagn ti Bietnam), Guangxi, ken Guangdong
23°26′N 117°8′E	Lingsat Taiwan
23°26′N 120°8′E	Taiwan	Kondado ti Chiayi, Kondado ti Hualien
23°26′N 121°29′E	Taaw Pasipiko	Lumabas bassit iti abagatan ti Isla ti Necker, Hawaii, Estados Unidos
23°26′N 110°15′W	Mehiko	Estado ti Baja California Sur
23°26′N 109°24′W	Golpo ti California
23°26′N 106°35′W	Mehiko	Es-estado ti Sinaloa, Durango, Zacatecas, San Luis Potosí, Nuevo León, ken Tamaulipas
23°26′N 97°45′W	Golpo ti Mehiko
23°26′N 83°0′W	Taaw Atlantiko	Lumabas babaen ti Kipkipet ti Florida ken ti Kanal Nicholas Lumabas bassit iti abagatan ti Anguilla Cays ( Bahamas) Lumabas babaen ti Kanal Santarenl ken iti nawaya a taaw
23°26′N 76°0′W	Bahamas	Is-isla ti Exuma ken ti Long Island
23°26′N 75°10′W	Taaw Atlantiko
23°26′N 15°57′W	Akinlaud a Sahara	Tinunton babaen ti Morocco ken ti Demokratiko a Republika ti Arabo a Sahrawi
23°26′N 12°0′W	Mauritania
23°26′N 6°23′W	Mali
23°26′N 2°23′W	Arhelia