Tropiko ti Kaprikornio

Ti Tropiko ti Kaprikornio (wenno ti Akin-abagatan a tropiko) ket ti sirkulo ti latitud nga aglaon ti subsolar a punto iti solstisio ti Disiembre. Daytoy ket isu ti akin-abagatan unay a latitud a ti Init ket mabalin a dagus nga adda iti ngato. Iti akin-amianan a kapadana ket ti Tropiko ti Kanser.

Mapa ti lubong a mangipakpakita ti Tropiko ti Kaprikornio

Ti Tropiko ti Kaprikornio iti Mapa ti Lubong ni Dunn idi 1794

Monumento a mangmarka ti Tropiko ti Kaprikornio iti amianan bassit ti Antofagasta, Chile

Longreach, Queensland, Australia

Senial a mangmarka ti tropiko idiay Maringá, Brasil

Pagorasan ti init iti Tropiko ti Kaprikornio, Proninsia ti Jujuy, Arhentina

Ti Tropiko ti Kaprikornio ket maysa kadagiti lima a nangruna a sirkulo ti latitud a mangmarka kadagiti mapa iti Daga. Manipud idi 2014, ket latitudna ket 23° 26' 14.440" ^[1] iti abagatan ti Ekuador, ngem agin-inut a mapmapan nga agpaamianan, iti agdama a gatad iti 0.47 arkosegsegundo, wenno 15 metmetro, tunggal maysa a tawen.^[2]

Heograpia ken enbironmento

Ti Tropiko ti Kaprikornio ket ti mangbingbingay a linia a nagbaetan ti Akin-abagatan a Temperado a Sona iti abagatan ken ti tropiko iti amianan. Ti kapada ti akin-amianan a hemisperio ti Tropiko ti Kaprikornio ket ti Tropiko ti Kanser.

Saan a natalinaay ti puesto ti Tropiko ti Kaprikornio, ngem agdumaduma iti narikut a tabas kadagiti napalabas a panawen; kitaen dagiti sirkulo ti latitud para iti pakaammo.

Kasla met ti Tropiko ti Kanser, kaaduan kadagiti lugar iti igid ti Tropiko ti Kaprikornio ket addaan kadagiti namaga wenno namaga bassit a klima, ngem iti Tropiko ti Kaprikornio daytoy a saan a nasayaat a kasasaad ti enbironmento ket kumaro gapu ta idiay Australia ken Akin-abagatan nga Aprika ti tektoniko nga aktibidad ken glasiasion ket saanen a mapaspasamak manipud idi 300 a riwriw a tawtawen a napalabas ti Karbonipero, isu a ti kinamaga ket pakaruen babaen ti dagiti saan unay a nalames a daga. Daytoy ket pagresultaan iti kadawyan nga awan unay a mulmula, a dagiti perenial a karuotan ket mapasamak iti saan a nalames nga agrengrengngat a sekka a dagdaga. Idiay Australia, dagiti lugar iti Tropiko ket addaan kadagiti kaaduan a panagdumaduma ti panagtudtudo iti lubong^[3] ken isu a dagiti nabasbasa a lugar ket kadawyan a saan a matalon gapu ta dagiti taudan ti panagsibog ket mamagaanda kadagiti namaga a tawtawen. Idiay akin-abagatan nga Aprika, nga idiay ket mapagtalkan met ti panagtutudo, mabalin met ti agtalon ngem bassit ti maapit urayno agusar kadagiti abuno.

Idiay Abagatan nga Amerika, bayat a dagiti kratob a daga ket gangani a duog a kas idiay Australia ken Akin-abagatan nga Aprika, ti kaadda ti heolohiko nga ubing ken agbalbaliw nga Andes ket mangibaga a daytoy a rehion means ket adda kadagiti akinlaud a bangir ti subtropikal nga antisiklon isu a makaawat ti nabara ken nadam-eg nga angin manipud iti Taaw Atlantiko. Kas resulta, dagiti lugar idiay Brasil a kadenna ti Tropiko ket dagiti nangruna unay a rehion ti agrikultura, ken agpatpataud kadagiti adu a kantidad dagiti apit a kas ti kape, ken ti natural a mulmula ti katuduan a bakir ket intero a napukpukan. Iti ken ti laud ti Andes, nupay kasta, ti Humboldt Current ket mangaramid kadagiti namaga unay a kondision, ken mangpartuat daytoy kadagiti kamagaan a desierto iti lubong, isu nga awan dagiti glasier iti nagbaetan ti Volcán Sajama iti 18˚30'S ken Cerro Tres Cruces iti 27˚S.^[4] Gangani nga awan dagiti mula ditoy, ngem idiay akindaya a bakras ti Andes ket makaanayen ti panagtudtudo para iti masibugan ti tudo nga agrikultura.

Iti likmut ti lubong

Mangrugi iti Kangrunaan a Meridiano ken mapan nga agpadaya, ti Tropiko ti Kaprikornio ket labsanna ti:

Nagsasabtan	Pagilian, teritorio wenno baybay	Dagiti nota
23°26′S 0°0′E	Taaw Atlantiko
23°26′S 14°27′E	Namibia	Dagiti rehion ti Erongo, Khomas, Hardap, Khomas (manen), ken Omaheke
23°26′S 20°0′E	Botswana	Dagiti distrito ti Kgalagadi, Kweneng ken Sentral
23°26′S 27°18′E	Abagatan nga Aprika	Probinsia ti Limpopo
23°26′S 31°33′E	Mozambique	Dagiti probinsia ti Gaza ken Inhambane
23°26′S 35°26′E	Taaw Indiano	Kanal Mozambique
23°26′S 43°45′E	Madagascar	Dagiti probinsia ti Toliara ken Fianarantsoa
23°26′S 47°39′E	Taaw Indiano
23°26′S 113°47′E	Australia	Akinlaud nga Australia, Akin-amianan a Teritorio ken Queensland
23°26′S 151°3′E	Baybay Coral	Lumabas bassit iti abagatan ti Raw-ang Cato idiay Teritorio ti Is-isla ti Baybay Coral ti  Australia
23°26′S 166°46′E	Taaw Pasipiko	Lumabas bassit iti amianan ti Rawraw-ang Minerva ( Tonga), ken abagatan bassit ti Tubuai ( Pranses a Polinesia)
23°26′S 70°36′W	Chile	Rehion ti Antofagasta
23°26′S 67°07′W	Arhentina	Dagiti probinsia ti Jujuy, Salta, Jujuy (manen), Salta (manen) ken Formosa
23°26′S 61°23′W	Paraguay	Dagiti departamento ti Boquerón, Presidente Hayes, Concepción, San Pedro ken Amambay
23°26′S 55°38′W	Brasil	Es-estado ti Mato Grosso do Sul, Paraná, ken São Paulo
23°26′S 45°2′W	Taaw Atlantiko

Kitaen pay

• Maika-23 a paralelo abagatan
• Maika-24 a paralelo abagatan
• Tropiko ti Kanser
• Sirkulo ti Artiko
• Sirkulo ti Antartiko
• Ekuador

Dagiti nagibasaran

1. obliquity of the ecliptic (Eps Mean)
2. "Montana State University: Milankovitch Cycles & Glaciation". Naiyarkibo manipud iti kasisigud idi 2011-08-06. Naala idi 2011-08-06.
3. Geographical Patterning of Interannual Rainfall Variability in the Tropics and Near Tropics
4. "Exposure dating of Late Glacial and pre-LGM moraines in the Cordon de Doña Rosa, Northern/Central Chile (~31°S)" (PDF). Naiyarkibo manipud iti kasisigud (PDF) idi 2014-07-28. Naala idi 2014-12-31.

Dagiti akinruar a silpo

Dagiti midia a mainaig iti Tropiko ti Kaprikornio iti Wikimedia Commons

• Dagiti karkulo ti temporal a panawen
• Dagiti naserbi a konstansia"