Ջեսիկա Չեսթեյն

ամերիկյան դերասանուհի From Wikipedia, the free encyclopedia

Ջեսիկա Չեսթեյն

Ջեսիկա Միշել Չեսթեյն (անգլ.՝ Jessica Michelle Chastain, մարտի 24, 1977(1977-03-24), Սակրամենտո, ԱՄՆ), ամերիկյան դերասանուհի։

Արագ փաստեր Ջեսիկա Չեսթեյն, Ծնվել է ...
Thumb
Ջեսիկա Չեսթեյն
Thumb
Ծնվել էմարտի 24, 1977(1977-03-24) (47 տարեկան)
ԾննդավայրՍակրամենտո, ԱՄՆ
ԿրթությունՋուլիարդ դպրոց, Թատերական արվեստների ամերիկյան ակադեմիա[1], Սակրամենտո քաղաքային քոլեջ և El Camino Fundamental High School?
Քաղաքացիություն ԱՄՆ
Մասնագիտությունդերասանուհի և կինոպրոդյուսեր
ԸնտրանիMolly's Game?
Ամուսին(ներ)Gian Luca Passi de Preposulo?
Երեխա(ներ)Giulietta Passi di Preposulo?
Պարգևներ և մրցանակներ
Փակել

Չեսթեյնի դերասանական կարիերան սկսվել է Քերոլայն Ստոդարդի դերով 2004 թվականի «Մռայլ ստվերներ» պիլոտային սերիալում, որը փորձ էր հանդիսանում վերաթողարկել 1950-ական թվականների համանուն օճառային օպերան։ Այնուհետև հետևում են էպիզոդիկ դերեր տարբեր հեռուստանախագծերում, որոնց շարքում են «Շտապ օգնություն», «Վերոնիկա մարս» և «Օրենք և կարգ ու կանոն։ Երդվյալների դատարան»։ Կինոյում նա նորամուտել է 2008 թվականին, գլխավոր դեր խաղալով «Ջոլին» անկախ ֆիլմում։ 2011 թվականին թողարկվում են Չեսթեյնի մասնակցությամբ վեց ֆիլմեր, ներառյալ միջազգային ճանաչման արժանացած Թեյթ Թեյլորի «Սպասուհի» և Թերենս Մալիքի «Կենաց ծառըը» ֆիլմերը, որոնք Չեսթեյնին համաշխարհային ճանաչում և բազմաթիվ մրցանակներ ու անվանակարգումներ են բերում, այդ թվում «Օսկար», «Ոսկե Գլոբուս» և BAFTA մրցանակների, «Սպասուհի» ֆիլմում դերակատարման համար։

2012 թվականին թողարկվում են ևս մի քանի ֆիլմեր Չեսթեյնի մասնակցությամբ՝ մուլտֆիլմ «Մադագասկար 3», «Աշխարհի ամենահարբած շրջանը» քրեական ֆիլմը և «Ժամանակի գույնը» դրաման, իսկ տարվա վերջին կայանում է Քեթրին Բիգելոուի «Թիրախ համար մեկ» ֆիլմի պրեմիերան, որպտեղ նա խաղում է ԿՀՎ-ի գործակալ Մայաի գլխավոր դերը։ Այդ դերի համար դերասանուհին արժանանում է «Ոսկե Գլոբուս» մրցանակի և երկրորդ անգամ անվանակարգվում է «Օսկար» մրցանակի։ Չեսթեյնի մասնակցությամբ այլ հայտնի ֆիլմերից են «Մամա» (2013), «Ամենադաժան տարի» և «Ինտերստելար» ֆիլմերը, թողարկված 2014 թվականին։ 2012 թվականին Չեսթեյնը ընդգրկվում է «Time» ամսագրի «Տարվա 100 ամենաազդեցիկ մարդիկ» ամենամյա ցուցակի մեջ[5]։

Վաղ տարիներ և կրթություն

Ջեսիկա Չեսթեյնը ծնվել և մեծացել է Սակրամենտոյում, Կալիֆորնիա։ Չեսթեյնը նրա մոր աղջկական ազգանունն էր[6]։ Ըստ ԶԼՄ-ներում և տարբեր աղբյուրներում, նրա ծննդյան ամսաթիվն է 1977 թվականի մարտի 24-ը[7][8][9]։ Իր ծննդյան ճշգրիտ ամսաթիվը դերասանուհին թաքցնում է[10][11][12]։ Նրա մայրը՝ Ջեֆրին, վեգանական կերակուրների ավագ խոհարար էր, իսկ խորթ հայրը՝ Մայքլ Հեսթի (անգլ.՝ Michael Hastey), հրշեջ[12][13]։ Նրանք ծանոթացել են, երբ Չեսթայնը սովորում էր ութերորդ դասարանում[13]։ Մամուլում բազմիցս նյութեր են հրապարակվել Չեսթեյնի ենթադրվող հարազատ հոր մասին, ռոք-երաժիշտ Մայքլ Մոնաստերիոյի[14] (անգլ.՝ Michael Monasterio), ով մահացել էր 55 տարեկան հասակում բրոնխիտից, ինչպես նաև նրա արյունակից քույրերի[15][16][17][18], սակայն անձամբ Չեսթեյնը դա չի մեկնաբանում, իսկ «Vogue» ամսագրին տված հարցազրույցում ասում է, որ հիմնականում դրանք ենթադրություններ են և ավելացնում է, որ իր ծննդյան վկայականում նշված չէ իր հոր անունը, այդ պատճառով այդ պատմությունների իսկության ոչ մի ապացույցներ չկան[13]։ Ջեսիկան հինգ երեխաներից ավագն է, նա ունի երկու եղբայր և երկու քույր[9][11]։ 2012 թվականին տված հարցազրույցում նա հիշատակում է այն մասին, որ նրա եղբայրներից մեկը ծառայում է Իրաքում[9][10]։

Երբ Չեսթեյնը յոթ տարեկան էր, տատիկը նրան տանում է Էնդրյու Լլոյդ Ուեբերի և Թիմ Ռայսի «Հիմում և նրա երազների զարմանահրաշ, բազմագույն թիկնոցը» մյուզիքլին[9]։ Դրանից հետո Ջեսիկան հասկանում է, որ դերասանությունը կդառնա նրա մասնագիտությունը.

Դա նման չէր նրան, որ ես ցանկանում էի դերասանուհի դառնալ։ Դա ավելի շատ նման էր նրան, որ ես արդեն հանդիսանում եմ դերասանուհի։ Դա իմ աշխատանքն է։ Այդ ամենը այնքան հստակ էր, որ երբեք ընտրություն կատարելու կարիք չկար[19]։

1995 թվականին Չեսթեյնը ավարտում է Սակրամենտոյի «El Camino Fundamental High School» դպրոցը, ինչպես նաև ուսուցանում է Սակրամենտոյի քաղաքային քոլեջում (անգլ.՝ Sacramento City College)[20]։ Արդեն միջնակարգ դպրոցն ավարտելուն պես Չեսթեյնը Ջուլիետ էր խաղում «Ռոմեո և Ջուլիետ» բեմադրությունում։ Ռոմեոյի դերը կատարող դերասանից նա իմանում է Ջուլիարդյան դպրոցի մասին, մշակույթի և երաժշտության բնագավառում ԱՄՆ բարձրագույն ուսումնական հաստատություններից մեկի և որոշում է, որ ցանկանում է ընդունվել այնտեղ։ Լսումներից հետո, որում նա կարդում է Ջուլիետի մենախոսությունը, Չեսթեյնը ընդունվում է, այդպիսով դառնայով ընտանիքում առաջինը, ով քոլեջ է ընդունվում և 1999 թվականի աշնանը տատաիկի հետ ուղևորվում է երկրի երկրի հակառակ բևեռ՝ Նյու Յորք, որտեղ և գտնվում էր Ջուլիարդյան դպրոցը[19]։ Այնտեղ սովորել Չեսթեյնը կարողանում է շնորհիվ դպրոցի հանրահայտ շրջանավարտ Ռոբին Ուիլյամսի. Չեսթեյն ընտանիքը բավարար գումար չուներ ուսման ծախսերը վճարելու համար, սակայն աղջիկը Ուիլյամսից կրթաթոշակ է ստանում, որը փակում էր բոլոր ծախսերը[21]։ Դպրոցում Չեսթեյնը դառնում է դերասանական վարպետության բաժանմունքի 32-րդ խմբի անդամ[22]։ 2003 թվականին դերասանուհին ավարտում է Ջուլիարդը[12][19]։

Կարիերա

Առաջին դերեր և կարիերայի զարգացում

Ուսման ավարտից անմիջապես հետո Ջեսիկան դադարու է ծնողներից գումար վերցնել և կարող էր վաստակել միայն որպես դերասանուհի[11]։ Ինչպես ասում է Չեսթեյնը, առաջին ժամանակներում նա «աշխատում էր որտեղ միայն կարելի է»՝ անիմատոր էր աշխատում մանկական առավոտյան հաղորդումներում, իսկ մի հեռուստատեսային շոուում խաղում էր դիակի դերում[23]։ Դերեր սերիալներում, մեծ մասամբ էպիզոդիկ, դառնում են հեռուստատեսությունում աշխատանքի նրա առաջին փորձերը։ 2004 թվականին կայանում է նրա նորամուտը հեռուստաէկրաններին։ Նա կատարում է Քերոլայն Ստոդարդի դերը «Մռայլ ստվերներ» սերիալի հեռուստատեսային պիլոտում, որը եղել է 1950-ական թվականներին թողարկված համանուն գիթիկական օճառային օպերայի վերաթողարկման փորձ։ Նույն թվականին Չեսթեյնը երևում է «Շտապ օգնություն» բժշկական դրամայի «Ներին և մոռացիր» (անգլ.՝ «Forgive and Forget») դրվագում և «Վերոնիկա Մարս» հանրահայտ սերիալի «Հարևանուհի» (անգլ.՝ «The Girl Next Door») դրվագում[24]։ «Օրենք և կարգ ու կանոն։ Երթվյալների դատարան» սերիալում, որը թողարկվել է 2005-2006 թվականներին, Չեսթեյնը խաղում էր շրջանային դատախազ ի օգնական Սիգրուն Բորգին։ 2006 թվականին Չեսթեյնը հայտնվում է «Տան հարևանությամբ» և «Ապացույցներ» սերիալների դրվագներում և Շառլոտա Օրմոնդի երկրորդական դերում «Սև մորուք» մինի-սերիալում, իսկ 2007 թվականին՝ «Ճանապարհտորդ» սերիալի «Ընկերական ամպեր» (անգլ.՝ «Friendly Skies») դրվագում[25]։

2008 թվականին, Սիեթլի միջազգային կինոփաատոնում տեղի է ունենում Չեսթեյնի մասնակցությամբ առաջին լիամետրաժ ֆիլմի պրեմիերան՝ ռեժիսոր Դեն Այրլենդի «Ջոլին» անկախ դրաման։ Ֆիլմը ընդգրկում է գլխավոր հերոսուհու՝ որբ աղջիկ Ջոլինի կյանքի տասնամյա հատվածը, որին և խաղում է Չեսթեյնը։ Այդ դերը նրա համար առաջինը չէր կինոյում։ 2006 թվականին նա մասնակցություն էր ունեցել «Սալոմեա Ուայլդ» վավերագրական ֆիլմի նկարահանումներին, սակայն վերջինիս առաջնախաղը կայանում է միայն 2013 թվականին։ Ջոլինի դերը նշվում է Սիեթլի միջազգային կինոփառատոնի մրցանակով՝ «Լավագույն դերասանուհի» անվանակարգում[26]։ 2009 թվականին թողարկվում է «Տղան արկղում» ֆիլմը, որում Չեսթեյնը խաղում է Սալլի Էննի երկրորդական դերը[27]։ Ֆիլմը ծայրահեղ ցածր է գնահատվում քննադատների կողմից, «Rotten Tomatoes»-ում նրա միջին գնահատականը պահպանվում է 0 %-ի վրա[28]։

2010 թվականի Տորոնտոյի միջազգային կինոփառատոնում կայանում է «Հատուցում» ֆիլմի պրեմիերան։ Չեսթեյնը կատարում է Ռեյչել Սինգերի դերը՝ 1965 թվականին գաղտնի հանձնարարությունում գտնվող «Մոսադ»-ի գործակալի։ Նկարահանման հրապարակում Ջեսիկայի խաղընկերներն են հանդիսանում Սեմ Ուորթինգտոնը և Մարտոն Չոկաշը, ովքեր նույնպես գործակալների դերեր են կատարում, իսկ հասուն տարիքում Սինգելին խաղում է Հելեն Միրենը։ Երբ Չեթսեյնը կարդում էր սցենարը, հերոսուհին նրան շատ է դուր գալիս և, ինչպես ասում է դերասանուհին, նա շատ հուզված էր, երբ ստանում էր այդ դերը, քանի որ «ծանր պայքարում էր նրա համար»[29]։ Պատրաստվելով դերին, դերասանուհին մեծ քանակի նյութեր է կարդում Հոլոքոստի մասին, ուսուցանում է իսրայելական կրավ-մագա մարտարվեստը, յուրացնում է իսրայելական շեշտադրություն, ինչպես նաև սովորում է գերմաներերն լեզու[30]։ Բացի այդ, Չեսթեյնը դիտում է երիտասարդ Հելեն Միրենի տեսագրությունները, որպեսզի հիշի դիմաշարժությունը և ձայնի հնչերանգը[12]։ Ռեյչել Սինգերի դերի համար Չեսթեյնը արժանանում է մի քանի մրցանակների[31], իսկ քննադատները դրական են գնահատում նրա խաղը։

2011 թվական։ Բեկում

Thumb
Ջեսիկա Չեսթեյնը «Կորիոլան» ֆիլմի պրեմիերայի ժամանակ, Բեռլինի կինոփառատոն, 2011 թվական

2008 թվականին Ջեսիկան նկարահանվում է Թերենս Մալիկի «Կենաց ծառըը» դրամայում[32]։ Չնայած ֆիլմի պրեմիերան կայանում է միայն 2011 թվականին, երբ այն արժանանում է Կաննի 64-րդ կինոփառատոնի «Ոսկե արմավենու ճյուղ»-ին[33], «Կենաց ծառը»-ի պրոդյուսեր Սառա Գրինի հետ ծանոթությունը Չեսթեյնին բերում է բերում է ևս մեկ դեր։ Գրինը նրան ներկայացնում է ռեժիսոր Ջեֆ Նիկոլսին, ով նկարահանում էր «Թաքստոց» դրամատիկական թրիլերը և վերջինս երիտասարդ դերասանուհուն հրավիրում է մասնակցություն ունենալ ֆիլմի նկարահանումներին։ «Թաքստոց» ֆիլմի սյուժեի կենտրոնում աշխատավոր Կյորտիսն է, ով մի շարք ապոկալիպտիկ երազներից հետո տան բակում սկսում է կառուցել փոթորկային թաքստոց, որն ունակ է փրկելու նրա ընտանիքը աղետից։ Գլխավոր դերերը՝ Կյորտիսի և նրա կնոջ, խաղում են Մայքլ Շենոնը և Չեսթեյնը։ Ըստ դերասանուհու խոսքերի, նախագծով հետաքրքրվելու պատճառների թվում էին Շենոնի հետ աշխատելու հնարավորությունը, ում երկրպագուհին էր նա, ինչպես նաև Նիկոլսի հետ աշխատանքը, քանի որ նրան տպավորել են նրա նախկին աշխատանքները՝ «Հրազենային պատմություններ»[34]։ Սամանթայի դերը Չեսթեյնին բերում է քննադատների տարբեր միությունների մի քանի անվանակարգումներ և մրցանակներ[31], ինչպես նաև «Սատուրն» մրցանակի անվանակարգում՝ «Լավագույն դերասանուհի» նոմիանցիայում[35], «Անկախ ոգի»՝ «Երկրորդ պլանի լավագույն դերասանուհի» նոմինացիայում[36] և «Gotham Awards»՝ «Լավագույն դերասանական թիմ» նոմինացիայում[37]։ «Թաքստոց»-ը, որի առաջնային ցուցադրումը տեղի է ունենում 2011 թվականի հունվարի 24-ին, «Սանդենս» անկախ կինոյի փառատոնում[38], դառնում է Չեսթեյնի մասնակցությամբ հինգ ֆիլմերից առաջինը, րոնք այդ տարում բարձրանում են էկրաններին։ Փետրվարին, Բեռլինի 61-րդ կինոփառատոնում, կայանում է «Կորիոլան» դրամայի պրեմիերան, որում գլխավոր դերերը կատարում են Ռեյֆ Ֆայնսը (նա նաև հանդես է գալիս որպես ֆիլմի ռեժիսոր) և Ջերարդ Բաթլերը[39]։ Ջեսիկան խաղում է գլխավոր հերոսի կնոջը՝ Վիրգիլիային։ Ֆիլմը շատ բարձր է գնահատվում քննադատների կողմից[40][41] և պայքարում էր փառատոնի գլխավոր մրցանակի՝ «Ոսկե Արջ»-ի համար[42]։

Ես լսել էի, որ ինչ-որ ֆիլմի համար դերասանուհի էին փնտրում, սակայն մանրամասնություններին տեղյակ չէի։ Կարծես դերասանուհի էր հարկավոր պատմական ֆիլմի համար։ Դա, իմ կարծիքով, հենց իրական հասցեով է։ Ինձ հաճախ ասում են. «Դու ինչ-որ ոչ ժամանակակից ես»։ Այնուհետև պարզվում է, որ հերոսուհին մարդասիրության մարմնավորումն է։ Դե, մտածում եմ, հետաքրքիր է։ Գալիս եմ փորձերի, իսկ պարզվում է, բեմում խաղալ պետք չէ։ Կարևորը՝ վարվելաձևն է։ Թերենս Մալիկը չկար, միայն քասթինգի տնօրեն Ֆրենսիս Մեյսլեր էր։ Ինձ խնդրեցին խաղալ, թե ինչպես եմ ես երեքային պառկեցնում քնելու, օրորոցային երգել, նայել մարդու վրա սիրով և հարգանքով։ Հարկավոր էր արտահայտել մի քանի հույզեր, չդիմելով խոսքերի օգնությանը։

«
»
― Չեսթեյնը «Կենաց ծառը»-ի քասթինգի մասին[43]

Մայիսին, Կաննի 64-րդ կինոփառատոնում, կայանում է դեռևս 2008 թվականին նկարահանված[32] «Կենաց ծառը» ֆիլմի պրեմիերան, որն արժանանում է գլխավոր մրցանակին՝ «Ոսկե արմավենու ճյուղ»-ին[33]։ Սկզբնապես պրեմիերան նախատեսված էր Կաննի 63-րդ կինոփառատոնում, սակայն ռեժիսորկ չի հասցնում ավարտել ֆիլմը մինչ այդ։ Կենտրոնական դերերը՝ Օ’Բրայենների ամուսնական զույգին, խաղում են Չեսթեյնը և Բրեդ Փիտը։ Ըստ սյուժեի, Ջեքի՝ գլխավոր հերոսների երեք որդիներից մեկի մոտ զարգանում է էդիպյան բարդույթ (անգիտակցական սեռական հակում հակառակ սեռի ծնողի նկատմամբ)։ Դերասանուհին իր հերոսուհուն բնութագրում է որպես «մարդասիրության մարմնավորում»[44], սակայն խոստովանում է, որ նրա հանգստությունը պատկերելը շատ դժվար էր[45]։ Չեսթեյնը ցանկանում էր տիկին Օ’Բրայենին պատկերել առավելագույնս իրատեսական[43]։ Դերին նախապատրաստվելու գործընթացի ընթացքում նա շատ էր խորհրդածում և, Մալիկի խորհրդով, զննում էր Մադոնայով նկարները, որպեսզի հասնի ներքին հանգստության վիճակի[32][44]։ Նաև դերասանուհին վերանայում է Լորեն Բեկոլի մասնակցությամբ համարյա բոլոր ֆիլմերը[32]։ «Կենաց ծառը»-ում դերի համար Չեսթեյնը արժանանում է բազմաթիվ մրցանակների, ներառյալ Օստինի կինոքննադատների ասոցիացիայի մրցանակի «Տարվա բեկում» անվանակարգում (այդ նույն մրցանակաբաշխությունում նա հաղթում է նաև «Երկրորդ պայնի լավագույն դերասանուհի» անվանակարգում «Թաքստոց» ֆիլմի համար)[46], Չիկագոյի կինոքննադատների ասոցիացիայի մրցանակի «Երկրորդ պլանի լավագույն դերասանուհի» անվանակարգում[47] և «Սպուտնիկ» մրցանակի՝ նույն անվանակարգում[48]։

Օգոստոսի 10-ին վարձույթ է դուրս գալիս ռեժիսոր Թեյթ Թեյլորի ռասային խտրականության մասին «Սպասուհի» դրաման[49]։ Ֆիլմը հանդիսանում է Քեթրին Սթոկետի համանուն բեստսելերի էկրանավորումը և պատմում է Միսիսիպի հարավային նահանգի մայրաքաղաք Ջեքսոնի բնակիչների մասին, 1960-ական թվականներին, երբ սևամորթները սկսում են ակտիվորեն պայքարել իրենց իրավունքների համար։ Գլխավոր հերոսուհին հանդիսանում է Եվգենիան (Էմմա Սթոուն), ով երազում է գիրք գրել սևամորթ սպասուհու անունից, որպեսզի ցույց տա աֆրո-ամերիկացիների իրավունքների բազմաթիվ ոտնահարումները։

Thumb
Ջեսիկա Չեսթեյնը Տորոնտոյի կինոփառատոնում, 2011 թվական

Այդ ֆիլմում Չեսթեյնը երկրորդ պլանի դեր է խաղում՝ բարեսիրտ և միամիտ Սելիա Ֆուտին, ով ոչ մի կերպ չի կարողանում լավ հարաբերություններ հաստատել հարևանուհիների հետ։ Երբ Չեսթեյնը պատրաստվում էր դերին, նա մեկնում է Շուգար Դիտչ (անգլ.՝ Sugar Ditch) քաղաք, Թենեսի նահանգ, որտեղ մեծացել էր նրա հերոսուհին։ Սելինի ձայնը Չեսթեյնը կրկնօրինակում է Սթոկետի մոր ձայնից, ում հետ դերասանուհին հանդիպում է փորձերի սկզբում[50]։ Չեսթեյնից պահանջվում էր գիրանալ, որպասզի հասնի Սելիայի կերպարի համար համապատասխան շքեղ չափսերի և այդ պատճառով նա ստիպված էր շատ ոտել, այդ թվում կերակուրներ, որոնք պարունակում էին սոյա[50][51]։ Ֆիլմում կա դրվագ, որտեղ Սելիան ուտում է տապակած ճուտ և Չեսթեյնի համար պատրաստվում է հատուկ «վեգանյան ճուտ», ինչպես դերասանուհին այն անվանում է[52]։ Այդ արվել է այն պատճառով, որ նա հանդիսանում էր վեգանուհի և եթե ճուտը լիներ իրական, ապա այդ դեպքում դրվագը ավարտին չէր հասցվի[52]։ Ֆիլմը դառնում է դրամարկղային հիթ, վաստակելով ավելի քան 210 միլիոն դոլլար՝ 20 միլիոն բյուջեով[49] և արժանանում է կինոքննադատների դրական արձագանքներին[53][54]։ Սելիաի Ֆուտի դերի համար Ջեսիկան անվանակարգվում է բազմաթիվ մրցանակների, այդ թվում «Օսկար»[55], «Ոսկե Գլոբուս»[56], BAFTA[57] մրցանակների՝ «Երկրորդ պլանի լավագույն դերասանուհի» անվանակարգում և ԱՄՆ կինոդերասանների գիլդիայի մրցանակի «Երկրորդ պլանի լավագույն դերասանուհի» և «Լավագույն դերասանակն կազմ խաղարկային կինոյում» անվանակարգերում[58]։ Այդ հինգ մրցանակներից Չեսթեյնն արժանանում է միայն ԱՄՆ կինոդերասանների գիլդիայի մրցանակին, որպես տարվա լավագույն դերասանական կազմի մասնակից, մնացածները շահում է ֆիլմւոմ նրա խաղընկերուհի Օկտավիա Սպենսերը, ով խաղում էր Միննի Ջեքսոնին։

Սեպտեմբերին, Վենետիկի 68-րդ կինոփառատոնում, Ալ Պաչինոն ներկայացնում է իր «Սալոմեն Ուայլդ» վավերագրական ֆիլմը, որի համար հիմք է հանդիսանում թատերական բեմադրությունը, որտեղ Չեսթեյնը խաղում էր աստվածաշնչյան կերպար Սալոմեին[59]։ Այդ վաղուց նկարահանված ֆիլմը ժամանակին Չեսթեյնի համար եղել է առաջինը։ Մինչ այն, երբ նա ստանում է դերը, նա բազվադեպ էր հնարավորություն ունենում թեկուզ լսումների մասնակցելու և «Սալոմեի» դերասանակն կազմի մեջ ընդգրկվելը, ըստ իր խոսքերի, դառնում է առաջին անգամը, որ իրեն իրականում հավատացին։ Դերասանուհին Ալ Պաչինոյին անվանում է իր «կնքահայրը կինոյի աշխարհում» և ասում է, որ նա դառնում է առաջին մարդը, ով իրեն տրամադրում է այդպեսի մեծ հնարավորություն[60]։ Սեպտեմբերի 9-ին, այդ նույն փառատոնում, հիմնական մրցույթային ծրագրի շրջանակներում, տեղի է ունենում ռեժիսոր Էմի Մանի «Դաշտեր» դետեկտիվի պրեմիերան։ Այնտեղ Չեսթեյնը խաղում է Պեմ Սթելին՝ գլխավոր հերոս, ոստիկանական դետեկտիվ Մայք Սաուդերի, ով իր գործընկերող հետ հետաքննում է փոքրիկ աղջկա սպանությունը, նախկին կնոջը։ Բացի Չեսթեյնից, ֆիլմում ներգրավված են Սեմ Ուորթինգտոնը, ով աշխատել է նրա հետ «Հատուցում» ֆիլմում, Ջեֆրի Դին Մորգանը և Քլոյե Գրեյս Մորեցը։

2012 - ներկա ժամանակներ

Thumb
«Աշխարհի ամենահարբած շրջանը» ֆիլմի դերասանական կազմը Կաննի կինոփառատոնում, 2012 թվական

2012 թվականը բերում է ևս չորս ֆիլմ Չեսթեյնի մասնակցությամբ՝ «Աշխարհի ամենահարբած շրջանը» քրեական դրաման, «Մադագասկար 3» անիմացիոն կատակերգությունը, «Ժամանակի գույնը» դրաման և «Թիրախ համար մեկ» քաղաքական թրիլերը։ «Մադագասկար 3»-ում, որը հանդիսանում է եռագրության ավարտը, Չեսթեյնը ձայնավորում է երկրորդական կերպարի՝ յագուար Ջիային Իտալիայից։ Չորս գլխավոր հերոսները՝ առյուծ Ալեքսը, ընձուղտ Մելմանը, գետաձի Գլորիան և վագերաձի Մարտին, ընկնում են Եվրոպա և միանում են թափառական կրկեսին, որտեղ ելույթ է ուենում Ջիան։ Մուլտֆիլմը, որը լայն վարձույթ է դուրս գալիս հունիսի 7-ին, հաջողություն է ուենում վարձույթում, հավաքելով ավելի քան 746 միլիոն դոլլար, ընկնում է ամենադրամարկղային մուլտֆիլմերի ցուցակի մեջ[61] և վաստակում է քննադատների դրական արձագանքներ[62][63]։

2012 թվականի մայիսին, Կաննի 65-րդ կինոփառատոնում, կայանում է «Աշխարհի ամենահարբած շրջանը» քրեական դրամաի պրեմիերան, նկարահանված Ջոն Հիլկոուտի կողմից ըստ Մեթ Բոնդյուրանտի համանուն վեպի[64]։ Ֆիլմի գործողությունները տեղի են ունենում ԱՄՆ-ում, չոր օրենքի և մեծ ճգնաժամի ժամանակներում, երբ գլխավոր հերոսները՝ Բոնդյուրանտ եղբայրները, կազմակերպում են ընդհատակյա սպիրտային խմիչթների վաճառքի գործունեություն։ Չեսթեյնը խաղում է գլխավոր դերերից մեկը՝ չիկագյան պարուհի Մեգի Բյուֆորդին։ Որպեսզի ավելի լավ հարմարվի դերին, նա շատ է կարդում 30-ական թվականների Չիկագոյի մասին և դիտում է «Կեղտոտ երեսներով հրեշտակներ» ֆիլմի նման ֆիլմեր[65]։ Նոյեմբերի 16-ին, Հռոմի կինոփառատոնում, կայանում է «Ժամանակի գույնը» դրամայի պրեմիերան, հիմնված Պուլիցերյան մրցանակակիր Չ. Ք. Ուիլյամսի «Կուպր» (անգլ.՝ «Tar») բանաստեղծությունների ժողովածուի վրա, որը պատմում է նրա կյանքի տարբեր հատվածների մասին[66]։ Որհպես ֆիլմի ռեժիսորներ հանդես են գալիս Նյու Յորքի համալսարանի կինոմոտոգրաֆիայի բաժանմունքի տասներկու ուսանողներ, որտեղ դասավանդում է Ջեյմս Ֆրանկոն, ով ֆիլմում խաղում է անձամբ բանաստեղծին[67]։ Բացի Ֆրանկոյից և Չեսթեյնից, ով խաղում է Ուիլյամսի մորը, ֆիլմում նշանակալից դերեր են խաղում Միլա Կունիսը և Զակ Բրաֆֆը։

Յուրաքանչյուր երեկո, վերադառնալով հյուրանոցի իմ համարը, ես պատերին փակցված տեսնում է միայն մեր կինոնկարից ահաբեկիչների լուսանկարները և մտածում էի, որ շուտով կխելագարվեմ։ Փրկում էր միայն այն բանի ըմբռնումը, որ ինքը՝ Մայան, ապրում էր առավել դաժան պայմաններում և ոչ մի զույգ ամիս, այլ տաս տարի։ Եվ նրա աշխատանքից կախված չոր ոչ թե ֆիլմի որակը, այլ մարդկանց կյանքը։ Դրանից հետո ես ամոթ էի զգում և ես հանգիստ պառկում էի քնելու[68]։

«
»
― Դերասանուհին «Թիրախ համար մեկ»-ի վրա աշխատանքի մասին[43]

2012 թվականի դեկտեմբերի 19-ին կայանում է իրական դեպքերի վրա հիմնված Քեթրին Բիգելոուի «Թիրախ համար մեկ» քաղաքական թրիլերի պրեմիերան, որը պատմում է Ուսամա բեն Լադենի ոչնչացման գործողության մասին։ Չեսթեյնը խաղում է Կենտրոնական հետախուզական վարչության գործակից Մայաին, ով զբաղված էր բեն Լադենի որոնումներով։ Ջասիկայի հերոսի նախատիպ է դառնում ԿՀՎ-ի իրական աշխատակցուհի, ում անունը սցենարում փոփոխվում է անվտանգությունից ելնելով[68]։ Դերին հրավերքը դերասանուհին ստանում է ֆիլմի պրոդյուսեր Մեգան Էլիսոնից, ով նախկինում զբաղվել էր «Աշխարհի ամենահարբած շրջանը» ֆիլմի պրոդյուսավորմամբ։ Չեսթեյնին հետաքրքրում է այդ առաջարկը և հաջորդ շաբաթ, ռեժիսոր Քեթրին Բիգելոուի խնդրանքով, նա կարդում է սցենարը։ Սցենարը նրան տպավորում է և դերասանուհին տալիս է իր համաձայնությունը[69]։ Ջեսիկան ասում է, որ միշտ երազել է նկարահանվել հենց Բիգելոուի մոտ[10], իսկ ֆիլմի սցենարը լավագույններից մեկն էր նրանցից, որոնիք նա կարդացել էր[69]։ Իր հերոսուհուն՝ Մայաին, Չեսթեյնը նկարագրում է որպես «երիտասարդ, համառ և շատ միայնակ», ընդ որում, ըստ Ջեսիկայի խոստովանության, նկարահանման ժամանակ միայնություն զգում էր նաև ինքը այն պատճառով, որ չորս ամիս զբաղվել է բացառապես այդ ֆիլմով[68]։ Չեսթեյնը կերտում էր հերոսուհու կերպարը սցենարից դուրս գրելով և անալիզի ենթարկելով այն, ինչ նա ասում էր ինքն իր մասին և այն, ինչ ասում են նրա մասին ուրիշ կերպարներ[68]։ Դերասանուհին հիշում է, որ նկարահանումները երկարատև էին և լի սթրեսներով[70], անց էին կացվում երեք մայրցամաքներում, բազմաթիվ մարդկանց և կառավարական կազմակերպությունների մասնակցությամբ[68]։ Երբեմն, տանջանքների դրվագների նկարահանումներից հետո, նա նույնիսկ լաց էր լինում հյուրանոցի իր համարում[10]։ Ընդհանրապես, Չեսթեյնը նշում է, որ Մայաի դերը դարձել է իր կարիերայում ամենադժվարը այդ պահի դրությամբ[71], իսկ ֆիլմում մասնակցության փորձը նա անվանում է «վատագույնը իր կյանքում»[72]։ «Թիրախ համար մեկ»-ում դերը դերասանուհուն բերում են բազմաթիվ անվանակարգումներ և մրցանակներ։ Նա երկրորդ անգամ անվանակարգվում է «Օսկար» մրցանակի[73], ԱՄՆ կինոդերասանների գիլդիայի մրցանակի[74], BAFTA մրցանակի[75] որպես «Գլխավոր դերի լավագույն կատարող» և «Ոսկե Գլոբուս» մրցանակի որպես «Դրամատիկական ֆիլմի լավագույն դերասանուհի», սակայն արժանանում է միայն «Ոսկե Գլոբուս»-ի[76]։ «Օսկար»-ը և «ԱՄՆ կինոդերասանների գիլդիայի մրցանակ»-ը բաժին է հասնում Ջենիֆեր Լոուրենսին, իսկ BAFTA-ն՝ Էմանուել Ռիվային։ Չեսթեյնի աշխատանքը գրավում է քննադատների ուշադրությունը և նրանք միահամուռ հանգում են այն եզրակացության, որ այդ դերը նրա համար դառնում է շատ հաջողված։ Անձամբ Ջեսիկան «Թիրախ համար մեկ»-ում մասնակցությունը հետագայում անվանում է շրջադարձային պահ իր կարիերայում[23]։

2012 թվականին Չեսթեյնը իրեն դրսևորում է ոչ միայն կինոմոտոգրաֆում։ Ամառը նա նորամուհում է նորաձևության բիզնեսում, դառնալով «Yves Saint Laurent» տան նոր բույրի դեմքը՝ «Manifesto»[77]։ Գովազդային հոլովակը, որում Չեսթեյնը կատարում է նկարչուհու դերը, նկարահանում է հայտնի ռեժիսոր Նիկոլաս Վինդինգ Ռեֆնը[78]։ Ստեֆան Բեզին՝ տան միջազգային գործադիր մենեջերը, այսպես է մեկնաբանում Չեսթեյնի ընտրությունը.

Նա տիրապետում է ներքին լույսով, հմայքով, նրբագեղությամբ և հզորությամբ, որպեսզի դառնա բույրի մարմնավորումը։ Նա իսկական Yves Saint Laurent-ի կին է[77].

Նոյեմբերի 1-ին Չեսթեյնը նորամուտում է Բրոդվեյում, խաղալով գլխավոր դեր «Ժառանգորդուհին» պիեսում, ռեժիսոր Մոյշ Կաուֆման[79] և խաղացվում էր «Walter Kerr» թատրոնում մինչև 2013 թվականի փետրվարի 10-ը[80]։ Բեմաշրությունում Ջեսնկայի խաղընկերներն են դառնում Դևիդ Սթրեթեյրնը, Դեն Սթիվենսը և Ջուդիթ Այվին[81]։ «Ժառանգորդուհի»-ն պատմում է ամոթխած աղջիկ Քեթրին Սլոուպերի կյանքի երկամյա հատվածը, ում դերը կատարում է Չեսթեյնը։ Քննադատները հիմնականում դրական են գնահատում ինչպես դերասանուհու բրոդվեյան նորամուտը, այնպես էլ հենց բեմադրությունը[82][83][84]։ Նույն թվականին Չեսթեյնը ընդգրկվում է «Time» ամսագրի «Տարվա 100 առավել ազդեցիկ մարդկանց» ամենամյա ցուցակի մեջ, իսկ հենց ամսագրում նրա մասին ակնարկը գրում է Գարի Օլդմենը, ով նրան բնութագրում է ֆրանսերեն «formidable» (շքեղ, հրաշալի, հիասքանչ) բառով[5]։

Thumb
Ջեսիկա Չեսթեյնը Կաննի 66-րդ կինոփառատոնում, 2013 թվական

2013 թվականին լայն վարձույթ է դուրս գալիս Չեսթեյնի մասնակցությամբ միայն մեկ ֆիլմ՝ «Մամա» սարսափների ֆիլմը, ռեժիսոր Անդրես Մուսկետի, մեծ կինոյում նորեկի։ Համաշխարհային պրեմիերան կայանում է 2013 թվականի հունվարի 18-ին[85]։ Չեսթեչնը քաղում է բաս-կիթառահար Աննաբել Մուրին, ով անսպասելիորեն դառնում է իր ընկերոջ (Նիկոլայ Կոստեր-Վալդաու) երկու ազգականւհիների խնամակալը։ Ջեսիկան ասում է, որ իրեն գրավել է իրենից պահանջվող դերսանական խաղի ոճը, որն ընդգրկում է ոչ մի րոպե չթուլացող լարվածություն[86]։ Որպեսզի տրամարդրվի սասրսափելի դրվագներում խաղին, դերասանուհին հենց նկարահանումների ժամանակ փոքրիկ ականջակալի միջոցով լսում էր ֆիլմի տագնապալի սաունդթրեքը[21]։ Նաև Չեսթեյնը սովորում է նվագել բաս-կիթառի վրա, ինչպես պահանջվում էր դերում[87]։ Քննադատները ֆիլմը դիմովորում են հիմնականում դրական արձագանքներով, իսկ Չեսթեյնի խաղը գնահատվում է բավականին բարձր[88][89]։ Ջեսիկայի աշխատանքը գնահատվում է մրցանակով «Fantasporto» կինոփառատոնում՝ «Լավագույն դերասանուհի» անվանակարգւմ[90]։

2014 թվականի Տորոնտոյի կինոփառատոնում ներկայացվում է «Տիկին Ժյուլի» դրաման, ռեժիսոր հայտնի նորվեգացի դերասանուհի Լիվ Ուլման[91]։ Չեսթեյնի մարմնավորած գլխավոր հերոսուհի, կոմսի դուստր Յուլիան, փորձում է գայթակղել իր հոր անձնական սպասավոր Ժանին (Քոլին Ֆարել), ինչը հանգեցնում է անսպասելի հետևանքների։ Հոկտեմբերի 26-ին Լոս Անջելեսում կայանում է ռեժիսոր Քրիստոֆեր Նոլանի «Ինտերստելար» գիտա-ֆանտաստիկ դրամայի պրեմիերան։ Գլխավոր դերերը՝ աստղագնացներ Կուպեր և Ամելիա, խաղում են Մեթյու Մակքոնահին և Էն Հեթուեյը։ Ֆիլմի գործողությունները ծավալվում են ապագայում, երբ Երկրի վրա կյանքի պայմանները սկսում են տարեց-տարի վատանալ, որի պատճառով չորս աստղագնացներից կազմված արշավախումբը ուղևորվում է բնակության համար ավելի հարմար մոլորակի որոնումներին։ Չեսթեյնը խաղում է Կուպերի հասուն աղջկան՝ Մյորֆ, ով երկար տարիներ Երկրի վրա սպասում է հորը։ Դերասանուհին ասում է, որ սցենարը կարդացել գաղտնիության պայմաններում՝ սցենարը նրան է փոխանցել մի մարդ, ով Լոս Անջելեսից հատուկ ուղևորվել է Դուբլին, որտեղ Չեսթեյնը նկարահանվում էր «Տիկին Ժյուլի» ֆիլմում։ Սցենարը կարդալուն հատկացվել էր ընդամենը մեկ օր[92], իսկ այն ամենը, ինչ վերաբերվում էր ֆիլմին, արգելվում էր քննարկել նույնիսկ հարազատների հետ[87]։

Thumb
Ջեսիկա Չեսթեյնը «Տիկին Ժյուլի» ֆիլմի պրեմիերայի ժամանակ, Տորոնտոյի կինոփառատոն, 2014 թվական

Հայտնի աստղաֆիզիկոս Կիպ Սթիվեն Տորնը, ով հանդես է գալիս որպես ֆիլմի գործադիր պրոդյուսեր, Չեսթեյնին ֆիզիկայի և տիեզերաբանության դասեր է տալիս[93]։ «Ինտերստելար»-ը Չեսթեյնի համար դառնում է առաջին ֆիլմը ֆանտաստիկայի ժանրում, ինչպես նաև նրա առաջին խոշորաբյուջե ֆիլմը՝ ֆիլմի արտադրությունը արժենում է 165 միլիոն[94]։ Ֆիլմը դառնում է դրամարկղային հիթ և հավաքում ավելի քան 660 միլիոն դոլլար[94] և դրական արձագանքներ[95][96]։

Նոյեմբերի 4-ին, Ամերիկյան կինոարվեստի ինստիտուտի փառատոնի բացմանը, կայանում է ռեժիսոր Ջեյ Սի Չեադորի «Ամենադաժան տարին» քրեական ֆիլմի պրեմիերան՝ Օսկար Աիզեկի և Ջեսիկա Չեսթեյնի մասնակցությամբ գլխավոր դերերում[97]։ Աիզեկը և Չեսթեյնը մարմնավորում են Մորալես ամուսիններին՝ ներգաղթյալներ, ովքեր ցանկանում են կարգավորել կյանքը Նյու Յորքում 1981 թվականին, երբ քաղաքում արձանագրվում է հանցագործության մակարդակի ամենաբարձր ցուցանիշներից մեկը։ Դերի նախապատրաստման ժամանակ Չեսթեյնը ուսումնասիրում է 1981 թվականի իրադարձություններկ և դիտում է վավերագրական ֆիլմեր նյու յորքյան շեշտադրութան մասին, որպեսզի ճշմարտացիորեն պատկերի Բրուքլինի բնակչուհուն։ Թանկարժեթ հագուստը, որկ կրում է Չեսթեյնի հերոսուհին՝ Աննան, դրանք Armani տան 80-ական թվականների հավաքածուից են, որոնք տրամադրվել են Ռոբերի Արմանիի կողմից՝ անձամբ դերասանուհու խնդրանքով[98]։ Ջեսիկան ընդգծում էր Աննայի ուժը և փառասիրությունը և ասում, որ նա տարբերվում է մյուս բոլոր կերպարներից, որոնք նրան երբևէ վիճակված է եղել խաղալ[98][99]։ Այդ դերի համար Չեսթեյնը արդեն երրորդ անգամ անվանակարգվում է «Ոսկե Գլոբուս» մրցանակի, սակայն պարտվում է Պատրիսիա Արկետին, ով արձանիկին արժանանում է «Պատանեկություն» ֆիլմում դերի համար[100]։ ԱՄՆ կինոքննադատների ազգային խորհուրդը նույնպես դերասանուհու աշխատանքը անուշադրության չի մատնում և Չեսթեյնին ճանաչում է երկրորդ պլանի լավագույն դերասանուհի, իսկ հենց ֆիլմը՝ տարվա լավագույն ֆիլմ[101]։

2015 թվականի հոկտեմբերին վարձույթ է թողարկվում Ռիդլի Սքոթի «Մարսեցին» գիտա-ֆանտաստիկ դրաման և Գիլերմո դել Տորոի «Կարմիր գագաթ» սասափ ֆիլմերը։ «Մարսեցին» ֆիլմում, որը պատմում է Մարկ Ուոտնի (Մեթ Դեյմոն) գոյատևման մասին Կարմիր մոլորակում, Չեսթեյնը խաղում է Ares III արշավախմբի ղեկավար Մելիսա Լյուիսի դերը։ Այն մասին, որ Ռիդլի Սքոթը դերասանուհի է փնտրում իր նոր ֆիլմի համար, Չեսթեյնը իմանում է «Ինտերստելարի» թողարկումից մի քանի օր անց[102]։ Սկզբում նա կարդում է վեպը, որը դարձել էր ֆիլմի հիմքը, իսկ այնուհետև հանդիպում է ռեժիսորի հետ[103]։ Ինչպես խոստովանում է Չեսթեյնը, նա դերին համաձայնվում է մի քանի պատճառներով, որոնց շարքում էին աստղագնաց խաղալը և Սքոթի հետ աշխատելը[102]։ Մելիսայի դերին Չեսթեյնին պատրաստում է Թրեյսի Կոլդվել-Դայսոնը՝ աստղագնաց, Միջազգային տիեզերական կայանի երկու երկարատև անձնակզմերի մասնակից։ Նրանք առաջին անգամ հանդիպում են Ջոնսոնի Տիեզերական կենտրոնում, որտեղ Չեսթեյնը անց է կացնում մի ամբողջ օր[104]։ Բացի այդ, դերասանուհին մի քանի օրով ուղևորվում է Ռեակտիվ շարժման լաբորատորիա, որը զբաղվում է ՆԱՍԱ-ի համար անօդաչու սարքերի մշակմամբ։ Նկարահանման նախապատրաստությունը դժվար էր և ներառում էր ծանր սկաֆանդրով մարզումներ և ձգողականության բացակայության պայմաններում աշխատանքների նմանակում[105]։ Ֆիլմը վարձույթ է դուրս գալիս հոկտեմբերի 2-ին և ակնթարթորեն արժանանում է կինոքննադատների ճանաչման[106]։

«Կարմիր գագաթում», թողարկված հոկտեմբերի 16-ին, Չեսթեյնը քաղում է գլխավոր դերերից մեկը՝ Լյուսիլ Շարպ, Թոմ Հիդելսթոնի կատարմամբ գլխավոր հերոսի քրոջը[107]։ Չեսթեյնը «ամրագրում է» հերոսուհուն դեռևմ այն ժամանակ, երբ Դել Տորոն նրան է ուղարկում սցենարը։ Նա խոստովանում է, որ միշտ ցանկացել է վերցնել դերեր, որոնցում կարելի է «հեռու գնալ ինքն իրենից», իսկ Լյուսի Շարպում կար հենց այն, ինչ նա փնտրում էր՝ նա բացարձակ նման չէ իր նախկին հերոսուհիներից և ոչ մեկին[108]։ Նկարահանումները դերասանուհուն դժվար էին տրվում. «Կարմիր գագաթը» նկարահանվում էր գործնականում «Ամենա դաժան տարին» ֆիլմի հետ միևնույն ժամանակահատվածում և Չեսթեյնին հարկ է լինում աշխատել երկու բացարձակ տարբեր կերպարների վրա։ Բացի այդ, ծանր էր քաղալ նաև ֆիզիկապես. որպեսզի պատկերի հիվանդագին նիհար Լյուսիլին, դերասանուհին ստիպված է լինում հագնել «ահավոր նեղ հագուստ», շատ ամուր ձգել սեղմիրանները և զգեստները[105][109]։ Պատրաստվելով դերին, նա չորս ամսվա ընթացքում դաշնամուրի վրա նվագելու դասեր էր վերցնում[109]։ Չեսթեյնը իր հերոսուհուն անվանում էր «խորհրդավոր, ինքնամփոփ անձնավորություն, ով ունեցել է մռայլ մանկություն»[109] և որպեսզի հեշտ մտնի մռայլ կերպարի մեջ, հանդերձարանի պատերին կախել էր դիակների նկարների վերարտադրություններ[109], կարդում էր գերեզմանային պոեզիա և դիտում հոգեբանական թրիլերներ[110]։

Քննադատների արձագանքներ

Չեսթեյնի դերասանական աշխատանքները բարձր են գնահատվում քննադատների կողմից։ Ռեյչել Սինգերի դերը «Հատուցում» թրիլերում, դառնում է դերասանուհու առաջին լայն քննարկվող դերը և ջերմ ընդունելության է արժանանում[111][112]։ Ջոն Դեֆոուրը, «The Washington Post» թերթից, գրում է այդ ֆիլմում դերասանուհու մասնակցության մասին. «Չնայած Հելեն Միրենը առավել նկատելի տեղ է գրավում գովազդային նյութերում, ֆիլմի սիրտը բաբախում է նրա կերպարի երիտասարդ տարբերակում, խաղացած այս տարվա բացահայտում հանդիսացած դերասանուհի Ջեսիկա Չեսթեյնի կողմից»[113]։ Պիտեր Թրևերսը, «Rolling Stone» ամսագրի քննադատ, Չեսթեյնին անվանում է «լարման տակ գտնվող լար» և ավելացնում, որ «Չոկաշի և Ուորթինգտոնի հետ նրա դրվագներում կայծ կար, որը հետագա դրվագներում պակասում էր»[114]։

Չեսթեյնի հաջորդ խոշոր դերը՝ տիկին Օ’Բրայենը «Կենաց ծառը»-ում, նույնպես դիմավորվում է լավ արձագանքներով։ Չեսթեյնի հարոսուհուն քննադատները բնութագրում են որպես «մայրության և գեղեցկության»[115] և «բարեսրտության մարմնավորում»[116][117][118]։ Քեննեթ Թյուրանը «Los Angeles Times» ամսագրից, Չեսթեյնին անվանում է «հիանալի և օժտված երիտասարդ դերասանուհի»[119], իսկ Ջասթին Չենը «Variety»-ից, գրում է, որ Չեսթեյնը մորը խաղում է «սրտաճմլիկ խոցելիությամբ»[120]։ Միամիտ և հիմարիկ Սելին Ֆուտի դերակատարման համար՝ «Սպասուհի» դրամայում, Չեսթեյնը գլխավորապես արժանանում է դրական արձագանքների[121][122][123]։ Պիտեր Տրևերսը, ով նախկինում դրական էր արձագանքել «Հատուցում»-ում Չեսթեյնի դերի մասին, գրում է, որ Սելիա Ֆուտը «կարող էր դառնալ նմուշային սեխս-ռումբ, եթե շլացուցիչ Ջեսիկա Չեսթեյնը այդքան ջերմությամբ և զգացմունքով չխաղար նրա դերը»[124]։ Կային հակադիր կարծիքներ։ Այսպես, օրինակ, «The Hollywood Reporter»-ի քննադատ Կիրկ Հանիկուտը գրում է կերպարի կաղապարացման մասին և Սելիային անվանում է «հիմար շիկահեր»[125]։ Դմիտրի Դաբը՝ «Взгляд» թերթից, Սելիային անվանում է «անձեռք ապուշիկ», ընդ որում գրելով, որ նա «նա կդառնա այն քչերից մեկը, ով մարդ կդառնա... տասնյակ սպիտակամաշկ չար աստվացուհիների ֆոնին»[126]։ Սերգել Սինյակովը «Газеты.ru» թերթից, այսպես է նկարագրում Չեսթեյնի դերը.

«Կծու երգիծանք։ Որքան անդեմ է տղամարդկանց սպասարկող անձնակազմը, այնքան սիրալիր է արձանագրված սպիտակ կանանց մոմապատկերային միջավայրը, որտեղ առավել ինքնատիպ համարները հատկացված են Ջեսիկա Չեսթեյնին՝ Մերիլին Մոնրոյի կերպարի հիման վրա»։

Քննադատները բարձր են գնահատում դերասանուհու վերամարմնավորումը «Թիրախ համար մեկ» քաղաքական թրիլերում, նշելով նրա ստեղծած ուժեղ կնոջ կերպարը[127][128][129]։ Այսպես, օրինակ, Պիտեր Դեբրյուժը՝ «Variety» ամսագրից, գրում է, որ «Չեսթեյնը Մայաին պատկերում է խրթին արտաքինից, սակայն պինդ, ինչպես կևլար, ներսից»[130]։ Քեննեթ Թյուրանը՝ «Los Angeles Times»-ից, Չեսթեյնին բնութագրում է որպես «բացարձակ քամելեոն» և յսպես է արտահայտվում նրա կերպար Մայաի մասին. «Սառցե, հուժկու, մետաղը հալեցնելու ունակ հայացքով և լեզուների քաղաքում սրագույն, նա ուժեղագույնն է ուժեղներից և Չեսթեչնը նրան խաղում է բացահայտ գրավիչ»[131]։ Պիտեր Թրևերսը կրկին նշում է Ջեսիկայի դերասանական ունակությունները, նրան անվանելով «հրաշք» և գովաբանելով նրա խաղը եզրափակիչ դրվագներից մեկում, որտեղ Մայան տուն է ուղևորվում դատարկ երթուղային ինքնաթիռում[132]։

Չեսթեյնը լավ առիթ է հանդիսանում դիտելու ցանկացած ֆիլմ և դրա համար կա երկու պատճառ։ Առաջինը՝ հաճելի է տեսնել նրա զարգացումը։ Նա անփոփոխ լավն է, սովորաբար՝ հիասքանչ, նրա դերերը տարբերվում են մեկը մյուսից. «Մամա»-ում նա նույնպես այլ է և խաղում է սևամազ ճուտիկ-ռոքերի, ով հայտնաբերում է իր մայրական կողմը շատ անսովոր հանգամանքներում։ Երկրորդ պատճառը վերաբերվում է որակի վերահսկողությանը։ Շնորհիվ հաջողությանը, կանխազգմանը կամ նուրբ ճաշակին, նա, թվում է, հայտնվում է միայն բարձր որակի ֆիլմերում։

«
»
― Միկ Լասալ[133]

Սարսափ ֆիլմ «Մաման» նույնպես դերասանուհուն բերում է քննադատների գովասանքները[134][135]։ «San Francisco Chronicle»-ի մեկնաբան Միկ Լասալը դերասանուհուն անվանում է «լավագույնը, որ կա ֆիլմում»[133], իսկ Ռիչարդ Ռոուպերը «Philadelphia Inquirer»-ից գրում է ռոքերուհու նրա կերպարի մասին. «Այն անհավանակն հեռում է «Թիրախ համար մեկում» Չեսթեյնի վերամարմնավորումից, որի համար նա անվանակարգվել էր «Օսկար»-ի և ևս մեկ անգամ ապացուցում է, որ նա հանդիսանում է իր սերունդի լավագույն դերասանուհիներից մեկը»[136]։ Սակայն, որոշ քննադատներ այդ դերում Չեսթեյնի ընտրությունը համարում են միանգամայն անհաջող։ Ըրինակ, Մարկ Պոլսը «Time» ամսագրից, ով միջին գնահատական է տալիս ֆիլմին, գրում է, որ Ջեսիկան իր համար «չափազանց լավն է»[137]։ Բեթսի Շարկին «Los Angeles Times» ամսագրից, Ջեսիկային անվանում է «Ջոան Ջեթի ծաղրածու», իսկ ֆիլմում Չեսթեյնի ընտրությունը՝ «քասթինգի խնդիր»[138]։

Աննա Մորալեսի դերը «Ամենադաժան տարին» դրամայում դառնում է Չեսթեյնի ևս մեկ աշխատանքը, որը բարեհաճորեն է ընդունվում քննադատների կողմից։ Միկ Լասալը, ով նախկինում գովաբանում էր Ջեսիկայի խաղը «Մամա» ֆիլմում, նրա մասին գրում է. «Ջեսիկան նյու յորքյան նորահարուստի մարմնավորումն է, դարաշրջանի կնոջ և նա իր կերպարում կրակ է ավելացնում»[139]։ Որոշ քննադատներ Աննային համեմատում են լեդի Մակբեթի հետ[140][141][142][143], սակայն, ըստ «Entertainment Weekly»-ից Կրիս Նաշավատի կարծիքի, չնայած նրան, որ այժմ կերպարը, որը «առաջնորդվում է լեդի Մակբեթի ցասումով հանդիսանում է դրոշմ», այնուամենայնիվ Չեսթեյնը կարողանում է «Աննային տալ անսպասելի գծեր և թարմ գրավչություն»[141]։ Ռոբբի Կոլինը «Telegraph»-ից նշում է «հոյակապ, խայթիչ քիմիան», որը առաջացել է Չեսթեյնի և Օսկար Աիզեկի հերոսների միջև և գրում է «պողպատե արձանի նման ինքնատիրապետման» մասին, որը ցուցադրվում է դերասանուհու կողմից[144]։ Բիլլ Գուդիկունտցը՝ «The Arizona Republic»-ի մեկնաբանը, նույնպես հիշատակում է այն մասին, որ «Աիզեկը և Չեսթեյնը հիանալի են պատկերում զույգին, ով ցանկանում է պահպանել սեփական բիզնեսը»[145]։

Անձնական կյանք

Չեսթեյնը հանդիսանում է վեգան (բուսակերության տեսակ) և բավականին երկար տարիներ հետևում է վեգանական սննդակարգի։ 2011 թվականին տված նա ասում է, որ տասնհինգ տարվա ընթացքում եղել է բուսակեր, իսկ վեգանուհի՝ հինգ տարվա ընթացքում[52]։ Իր ընտրությունը դերասանուհին հիմնավորում է այսպես. «Ես չեմ ցանկանում ոչ մեկին տանջել։ Դա, իբր թե, նման է փորձերի ապրելու աշխարհում, որտեղ ես նպաստում եմ (տարածում եմ) դաժանությունը»[146]։ 2012 թվականին Չեսթեյնը և Վուդի Հարելսոնը գլխավորում են ամենասեքսուալ բուսակեր-հանրահայտների ցուցակը՝ ըստ PETA («Մարդիկ հանում կեդանիների նկատմամբ բարոյական վերաբերմունքի») կազմակերպության վարկածի[146]։

Չեսթեյնը ֆեմինիստուհի է[147]։ Նա բազմիցս հայտարարել է, որ կինոյում կանանց հազվադեպ են տրամադրում արժանի և ուժեղ դերեր (ինչի հետ նա նույնպես բախվել է կարիերայի սկզբում[148]) և արտահայտվել է հերոսուհիներին չափից դուրս սեքսուալ արտաքին տրման հանդեպ[147][149]։ Այսպես, Indiewire հրատարակչությանը տված հարցազրույցում նա հետևյալ կերպ է խոսում ժամանակակից դերասանուհու կարգավիճակի մասին.

Մեզ շատ են անհրաժեշտ ակնառու կանացի կերպարներ։ … Ինչ վերաբերվում է 2014 թվականի ֆիլմերին և համատարած քննարկվող ֆիլմերին «Լավագույն ֆիլմ» անվանակարգի կարճ ցուցակին և նման բաների, ապա նրանց մեջ չկա ոչ մի գլխավոր կանացի կերպար։ Իհարկե, խաղի համար դերասանուհիները մրցանակներ ստանում են։ Սակայն, եթե քննարկենք հենց «Լավագույն ֆիլմերը», ապա, նրանցում գլխավոր կանացի կերպարներ չկան[149]։

«Vulture» բլոգին տված հարցազրույցում Չեսթայնը ասում է, որ երկար ժամանակ հարաբերություններ է ունեցել ռեժիսոր Նեդ Բենսոնի հետ, ում հետ նա բաժանվել է 2010 թվականին[150]։ Արդեն բաժանումից հետո նրանք սկսում են աշխատել «Էլեանոր Ռիգբիի անհետացումը» եռագրության վրա, որում դերերից մեկը կատարում է նաև նրանց ընդհանուր ընկերուհի Ջես Վեյկսլերը[150][151]։ Ըստ տարբեր աղբյուրների տվյալների, այժմ դերասանուհին հանդիպում է դիզայներ Ջան Լուկա Պասի դի Պրեպոզուլոի հետ, ով պաշտոնատար անձ է իտալական Moncler բրենդում, չնայած անձամբ դերասանուհին մանրազնին թաքցնում է անձնական կյանքը և չի հաստատում ոչ մի տեղեկություն[109][152][153]։

Ֆիլմագրություն

Մանրամասն տեղեկատվություն Թվական, Անվանում ...
ԹվականԱնվանումԲնօրինակ անվանումԴեր
2004Մռայլ ստվերներDark ShadowsՔերոլայն Ստոդարդ
2004Շտապ օգնությունERԴալիա Տեսլից
2004Վերոնիկա ՄարսVeronica MarsՍառա Ուլյամս
2005-2006Օրենք և կարգ ու կանոն։ Երդվյալների դատարանLaw & Order: Trial by JuryՍիգրուն Բորգ
2006Տան հարևանությամբClose to HomeԿեյսի Վյորտ
2006Սև մորուքBlackbeardՇառլոտա Օրմոնդ
2007ՃանապարհորդJourneymanՏենա Բլում
2008ՋոլինJoleneՋոլին
2009Տղան արկղումStolenՍալի Էնն
2010Ագաթա Քրիստիի ՊուարոնAgatha Christie’s PoirotՄերի Դեբենհեյմ
2011Կենաց ծառըThe Tree of Lifeտիկին Օ'Բրայեն
2011ՍպասուհիThe HelpՍելիա Ֆուտ
2011ՀատուցումThe Debtերիտասարդ Ռեյչել Սինգեր
2011ԹաքստոցTake ShelterՍամանթա Լաֆորշ
2011ԴաշտերTexas Killing Fieldsդետեկտիվ Պեմ
2011ԿորիոլանCoriolanusՎիրջիլիա
2012Մադագասկար 3Madagascar 3: Europe's Most Wantedյագուար Ջիա
2012Աշխարհի ամենահարբած շրջանըLawlessՄեգի Բյոֆորդ
2012Ժամանակի գույնըThe Color of Timeտիկին Ուիլյամս
2012Թիրախ համար մեկZero Dark ThirtyՄայա
2013Սալոմեա ՈւայլդSaloméՍալոմե
2013ՄամաMamaԱննաբել
2013Էլեանոր Ռիգբիի անհետացումը. ՏղանThe Disappearance of Eleanor Rigby: HisԷլեանոր Ռիգբի
2013Էլեանոր Ռիգբիի անհետացումը. ԱղջիկըThe Disappearance of Eleanor Rigby: HersԷլեանոր Ռիգբի
2014Էլեանոր Ռիգբիի անհետացումը. ՆրանքThe Disappearance of Eleanor Rigby: ThemԷլեանոր Ռիգբի
2014Տիկին ԺյուլիMiss JulieՍալոմեա
2014ԻնտերստելարInterstellarհասուն Մյորֆ
2014Ամենադաժան տարինA Most Violent YearԱննա Մորալես
2015Կարմիր գագաթCrimson Peakլեդի Լյուսիլ Շարպ
2015ՄարսեցինThe MartianՄելիսա Լյուիս
2016Ջեֆ Օ. Դոնովանի կյանքը և մահըThe Death and Life of John F. Donovanամսագրի խմբագիր
2016Սպիտակաձյունիկը և որսորդը 2The Huntsman: Winter's WarՍառա
2017 Միսս Սլոան Miss Sloane Էլիզաբեթ Սլոան
2017 Կենդանաբանական այգու աշխատողի կինը The Zookeeper's Wife Անտոնինա Ժաբինսկայա
2017 Մեծ Խաղ Molly's Game Մոլի Բլում
2019 Իքս մարդիկ։ Խավարի փյունիկ X-Men: Dark Phoenix Ռեյվեն Դարքհոլմ \ Միստիկ
2019 Այն 2 It: Chapter Two Բեվերլի Մարշ
Փակել

Թատրոն

Մանրամասն տեղեկատվություն Թվական, Անվանում ...
ԹվականԱնվանումԲնօրինակ անվանումԴերԾանոթագրություն
2012ԺառանգորդուհինThe HeiressՔեթրին Սլոուպեր2012 նոյեմբերի 1 - 2013 փետրվարի 10
Փակել

Մրցանակներ և անվանակարգումներ

Մանրամասն տեղեկատվություն Մրցանակներ և անվանակարգումներ, Թվական ...
Փակել

Ծանոթագրություններ

Արտաքին հղումներ

Wikiwand - on

Seamless Wikipedia browsing. On steroids.