Պենելոպե Կրուս

Պենելոպե Կրուս Սանչես (իսպ.՝ Penélope Cruz Sánchez, հայալեզու և ռուսալեզու աղբյուրներում լայնորեն օգտագործվում է նաև անվան Պենելոպա ձևը, ապրիլի 28, 1974(1974-04-28)^{[2][3][4][…]}, Ալկոբենդաս, Մադրիդ նահանգ, Ֆրանկիստական Իսպանիա), հայտնի իսպանացի դերասանուհի, արժանացել է «Օսկար» մրցանակի (1 անգամ)։

Պենելոպե Կրուս իսպ.՝ Penélope Cruz
Ծնվել է	ապրիլի 28, 1974 (50 տարեկան)
Ծննդավայր	Ալկոբենդաս, Մադրիդ  Իսպանիա
Կրթություն	Մադրիդի թագավորական կոնսերվատորիա
Քաղաքացիություն	Իսպանիա
Մասնագիտություն	դերասանուհի, հեռուստահաղորդավարուհի, կինոդերասանուհի, հեռուստատեսային դերասանուհի, հաղորդավար, ձայնային դերասանուհի, լուսանկարիչ և կինոռեժիսոր
Ակտիվ շրջան	1986–այժմ
Ծնողներ	հայր՝ Էդուարդո Կրուս[1], մայր՝ Encarna Sánchez?[1]
Ամուսին(ներ)	Խավիեր Բարդեմ (2010-ներկա)
Համատեղ ապրող(ներ)	Խավիեր Բարդեմ
Երեխա(ներ)	1
Պարգևներ և մրցանակներ	«Օսկար» (2009) BAFTA (2009) Կաննի կինոփառատոն (2006) Գոյա (կինոմրցանակ) (1999, 2007, 2009) «Սեզար» (2018)
penelope-cruz.org
Օսկար 2009

Պատանեկություն

Կրուսը «Օսկարի» 81-րդ մրցանակաբաշխության ժամանակ (2009 թ.), որի ընթացքում արժանացել է մրցանակի՝ լավագույն երկրորդ պլանի կնոջ դերի համար (Մարիա Էլենա, «Վիկի, Կրիստինա, Բարսելոնա» կինոնկար)։

Պենելոպե Կրուս Սանչեսը ծնվել է իսպանական խիտ բնակեցված վայրում՝ Ալկոբենդասում։ Հայրը՝ Էդուարդո Կրուսը, մանրածախ առևտրական և ավտոմեխանիկ էր։ Մայրը՝ Էնկառնա Սանչեսը, վարսահարդարուհի և իմպրեսարիո էր^[5]։ Բացի Պենելոպեից ընտանիքում մեծանում էին նաև կրտսեր քույրը՝ Մոնիկա Կրուսը և կրտսեր եղբայրը՝ Էդուարդո Կրուսը, ով դարձել է երաժիշտ և երգիչ^[6][7]։ Ամբողջ իր մանկությունն աղջիկն անցկացրել է Ալկոբենդասում։

Երիտասարդ տարիներին Կրուսը դերասանուհի դառնալու ծրագրեր չուներ, նրա հիմնական նախասիրությունը պարերն էին^[8]։ Նա ուսումնասրիել է դասական բալետ^[6] և ինը տարի հաճախել է Իսպանիայի ազգային կոնսերվատորիա դասերի։ Ավարտելով կոնսերվատորիան՝ Կրուսը տեղափոխվեց ԱՄՆ, որտեղ չորս տարի սովորել է պարեր Նյու-Յորքի Քիրստինա Ռոտիի դպրոցում^[9][10]։

Դեռահաս տարիքում Պենելոպեն հետաքրքրվեց դերասանական արվեստով՝ իսպանացի ռեժիսոր Պեդրո Ալմոդովարի «Կապիր ինձ» կատակերգությունը դիտելուց հետո^[8][11]։ Ապագա դերասանուհին սկսեց գործակալներ փնտրել, բայց նրան բազմիցս մերժեցին, քանի որ նրան համարում էին շատ երիտասարդ^[8][12]։ 1989 թվականին բախտը ժպտաց Կրուսին, տասնհինգ տարեկան հասակում նա ընդունվեց տաղանդների որոնման գործակալություն^[13]։

Կարիերա

Վաղ աշխատանքներ (1989-1996)

1989 թվականին Կրուսը նկարահանվեց իսպանական Mecano փոփ խմբի «La Fuerza del Destino» երաժշտական տեսահոլովակում։ 1990-1997 թվականներին սկսնակ դերասանուհին վարում էր La Quinta Marcha հեռուստաշոուն, որն ուղղված էր դեռահասներին^[13]։ 1991 թվականին Պենելոպեն ստացավ ոչ մեծ դեր «Վարդագույն սերիա» հեռուստասերիալի մի դրվագում, որտեղ նկարահանվեց լրիվ մերկ։

1992 թվականին Կրուսը նկարահանվեց իր առաջին ֆիլմում՝ «Խոզապուխտ, խոզապուխտ» կատակերգական դրամայում^[13], որում մարմնավորեց երիտասարդ աղջկա՝ Սիլվիայի դերը, ով երեխայի էր սպասում ֆաբրիկայի սեփականատերի որդուց՝ Խոսեից։ Սակայն վերջինիս մայրը դեմ է նրանց հարաբերություններին և վարձում է Ռաուլին (նրան մարմնավորում էր Խավիեր Բարդեմը), որ վերջինս գայթակղի Սիլվիային։ People ամսագիրը նշեց, որ ֆիլմում մինչ գոտկատեղը մերկ հայտնվելուց հետո Պենելոպեն դարձավ «գլխավոր սեքս-սիմվոլը»^[13]։ 1999 թվականին Los Angeles Daily News-ին տված հարցազրույցում Պենելոպեն պատմել է. «Ես պատրաստ չէի մերկանալուն, բայց ես չեմ զղջում, որովհետև ես ուզում էի սկսել աշխատել, և դա փոխեց իմ կյանքը»^[13]։ «Խոզապուխտ, խոզապուխտ» ֆիլմը դրական արձագանքների արժանացավ քննադատների կողմից^[14], իսկ Deseret News-ից Քրիս Խիկսը Պենելոպեի մարմնավորած Սիլվիային բնորոշեց որպես «հմայիչ»^[15]։ Կինոքննադատ Ռոջեր Էբերտը, որ ներկայացնում էր Chicago Sun-Times-ը, գրում է. «Ֆիլմի դերասանական կազմը, հատկապես Սիլվիայի դերում հանդես եկեղ Պենելոպե Կրուսը, բավական գրավիչ է»։ Արդեն մեկ տարի անց Կրուսը իր կյանքում առաջին անգամ ներկայացվեց իսպանական «Գոյա» և Spanish Actors Union Award մրցանակների կնոջ լավագույն դերակատարման^[16] համար։ Նույն տարում Պենելոպեն նկարահանվեց «Գեղեցկության դարաշրջան» ֆիլմում, որում կատարած դերի համար արժանացավ Spanish Actors Union Award մրցանակի։ 1993-1996 թվականներին Կրուսը նկարահանվեց իսպանական ու իտալական տասնյակ ֆիլմերում։

20 տարեկանում Պենելոպե Կրուսը տեղափոխվեց Նյու Յորք, որտեղ երկու տարի զբաղվեց բալետով ու սովորեց անգլերեն^[17]։

Ճանաչում (1997-2000)

Պենելոպե Կրուսը Կաննի կինոփառատոնում, 2003 թվական

1997 թվականին «Սիրո վտանգները» իսպանական կատակերգությունում Կրուսը մարմնավորեց Ջոն Լենոնի երկրպագուհուն, ինչպես նաև նկարահանվեց ևս երկու ֆիլմերում՝ «Դրախտային անկյուն» ֆիլմում կատարեկով Հելենայի^[13], իսկ Պեդրո Ալմոդովարի «Կենդանի մարմին» մելոդրամայում՝ մարմնավաճառուհու դերը։ Վերջին ֆիլմիում կատարած դերակատարման համար Պենելոպեն հերթական անգամ ներկայացվեց Spanish Actors Union Award մրցանակի։ 1997 թվականի վերջին Կրուսը նկարահանվեց «Բացիր աչքերդ» միստիկական դրամայում։ Նա մարմնավորեց Սոֆիային՝ գլխավոր հերոս (Էդուարդո Նորեգի) Սեսարի սիրուհուն։ Քննադատները դրական կարծիքներ հայտնեցին ֆիլմի մասին^[18], սակայն հանդիսատեսը հավանության չարժանացրեց այն^[19]։

Հաջորդ տարում Կրուսն առաջին անգամ նկարահանվեց ամերիկյան ֆիլմում՝ Բիլլի Կրուդապի «Բլուրների ու հովիտների երկիրը» վեսթերնում^[13]։ Հետագայում դերասանուհին խոստովանել է, որ նկարահանումների ընթացքում դժվարություններ ուներ անգլախոս դերասանների հետ շփվելիս^[13]։ Ֆիլմը անհաջողություն կրեց և՛ քննադատների արձագանքների^[20], և՛ շահույթի տեսակետներից^[21]։ Film Journal International կազմակերպության անդամ Կևին Լալլին այսպես է մեկնաբանել. «Այդքան անհաջող ընտրված դերասանների շարքում իսպանացի դերասանուհի Պենելոպե Կրուսը շատ ավելի հմայիչ է Ջոզեֆիի դերում, քան իր նախկին դերակատարումներում»^[22]։ Չնայած ֆիլմի կրած անհաջողությանը՝ Պենելոպեն ներկայացվեց «ALMA» մրցանակի «Կնոջ լավագույն դեր» անվանակարգում։

Ֆեռնանդո Տրուեբայի «Իմ երազների աղջիկը» ֆիլմում Կրուսը կատարեց երգչուհի Մակարենա Գրանադայի դերը։ Կրուսի դերասանական աշխատանքը արժանացավ բազմաթիվ քննադատների գովասանքին. Variety-ից Ջոնաթան Հոլոլենդը գրել է. «Եթե նախկինի պես անհրաժեշտ է ապացույց, որ Կրուսը նախ դերասանուհի է, և միայն հետո՝ գեղեցկուհի, ապա ահա այն»^[23]։ Film4 կայքում արված մեկնաբանությունում ասվում է. «Կրուսը ֆիլմում անխուսափելիորեն իր վրա է սևեռում ուշադրությունը», ինչպես նաև նշվում է, որ ֆիլմը «հիանալի է»^[24]։ Ֆիլմում կատարած դերակատարման համար Պենելոպեն արժանացավ «Գոյա» և Spanish Actors Union Award մրցանակների, ինչպես նաև ներկայացվեց Եվրոպական կինոակադեմիայի մրցանակի։

1999 թվականին Պենելոպե Կրուսը կրկին համագործակցեց Պեդրո Ալմոդովարիի հետ՝ նկարահանվելով «Ամեն ինչ իմ մոր մասին» ֆիլմում^[13]։ Մեկ տարի անց դերասանուհի կատարեց իր առաջին գլխավոր դերը՝ «Կինը վերևից» կատակերգությունում մարմնավորելով շեֆ-խոհարար Իզաբելային, ով մանկուց տառապում է ծովային հիվանդությամբ։ Variety-ից Լիզա Նեսելսսոնը դրական գնահատեց Պենելոպեի և նրա հետ նկարահանված Հարոլդ Պերինոյի աշխատանքը՝ ավելացնելով, որ դերասանուհին «հմայիչ ակցենտ ունի»^[25]։ Կինոքննադատ Ջեյն Կրոուտերը հայտարարեց, թե «Կրուսը հիանալի է, թեթևամիտ ու անմեղ»^[26]։ Նույն տարում Կրուսն ու Մեթ Դեյմոնը Բիլի Բոբ Տորնտոնի «Անսանձ սրտեր» ֆիլմում կատարեցին սիրեկաններ Ալեքսնադրայի ու Ջոնի դերերը^[13]։ Detroit News-ից Սյուզան Ստարկը նշել է, թե Տորնտոնը Դեյմոնից, Հենրի Թոմասից ու Կրուսից կարողացավ ստանալ «բավական տպավորիչ խաղ»։ Այնուամենայնիվ, Բոբ Լոնջիգոն մեղմ արտահայտվեց՝ ասելով, թե «նրանց տարվածությունը միմյանցով դժվար թե կարողանար տաքացներ մի տուփ լոբի»^[27]։

Առաջընթաց և անհաջողություններ (2001-2005)

2001 թվականին շրջադարձային եղավ Կրուսի կարիերայում. նա նկարահանվեց «Վանիլային երկինք» ֆիլմում, Ամենաբարի «Բացիր աչքերդ» ռեմեյքում։ Դերասանուհին կրկին խաղաց գլխավոր հերոսուհի՝ Սոֆիի ընկերուհու դերը, և նրա գործընկերը ֆիլմում դարձավ Թոմ Քրուզը։ Չնայած նրան, որ դրաման ստացավ տարբեր արձագանքներ^[28], кассовые сборы превысили $ 200 млн по всему миру^[29], եկամուտը կազմեց ավելի քան 200 միլոն դոլար ամբողջ աշխարհում։ Դերասանուհու աշխատանքը բարձր է գնահատվել քննադատների կողմից։ Բրենդոն Գրեյդոնը ասել է, որ Կրուսը «հմայիչ» է^[30], իսկ Իտան Ալտերը նշել է, որ Պենելոպե Կրուս և Թոմ Քրուզ զույգը «կարող է ստեղծել ճիշտ մթնոլորտ»^[31]։ Նույն թվականին Պենելոպեն հայտնվեց դրամատիկական «Կոկաին» ֆիլմում, որ Բրյուս Պորտերի՝ 1993 թվականին հրատարակված գրքի էկրանացումն էր։ Կրուսը խաղացել է երկրորդ պլանի դեր. նա մարմնավորում էր Միրտային։ Վերջինիս ամուսինու՝ Ջորջ Լունգի դերում հանդես էր գալիս Ջոնի Դեփը։ Քննադատների շրջանում դրաման առաջացրել է խառը արձագանքներ^[32], բայց հավաքել է 80 միլիոն դոլար ամբողջ աշխարհում^[33]։ Չնայած այն հանգամանքին, որ «Վանիլային երկինք» և «Կոկաին» ֆիլմերում դերասանուհու խաղի վերաբերյալ արձագանքները ընդհանուր առմամբ այդքան էլ վատ չէին, նա չի արժանացել որևէ մրցանակի, եթե չհաշվենք, որ նա ներկայացվել է «Ոսկե ազնվամորի» մրցանակի (երկու ֆիլմերի համար) որպես տարվա ամենավատ դերասանուհին։

Հետագայում՝ 2001 թվականի վերջից մինչև 2005 թվականը Պենելոպե Կրուսի կարերիայում դիտվել է անկում։ «Կորեիայի կապիտանի ընտրությունը» (որի համար նա ներկայացվել է «Ոսկե ազնվամորու») ֆիլմում նկարահանվելուց հետո նա անհաջողությունների էր հանդիպում։ Այդ ընթացքում էկրաններին բարձրացած 10 ֆիլմեր, որոնցում նկարահանվել էր Պենելոպե Կրուսը, արժանանում էին հիմնականում աննշան կամ բացասական արձագանքների^[34][35]։ Կրուսի համար միակ հաջողակը եղել է «Մի գնա» ֆիլմը. դերասանուհին ոչ միայն ստացավ քննադատների դրական գնահատականներ, այլև արժանացավ Դավիդ դի Դոնատելոյի անվան մրցանակ^[36] ու ներկայացվեց «Գոյա» մրցանակի։

Ֆիլմագրություն

Թիվ	Ֆիլմի անուն	Բնօրինակի անվանումը	Դերը	Ժանրը	Ռեժիսոր	Խաղընկերներ
1986 - 1990	Վարդագույն սերիա	Série rose	Դաֆնի / Յավոթ / Ժուլիետ	Հեռուստասերիալ, Կատակերգություն	Գարի Քյումել, ...
1992	Խոզապուխտ, խոզապուխտ	Jamón, jamón	Սիլվիա	Կատակերգություն	Խոսե Հուան Բիգաս Լունա
1992	Թակարդ	Framed	Լոլա Դել Մորենո	Հեռուստասերիալ Թրիլեր, Քրեական	Ջեֆրի Սաքս	Թիմոտի Դալթոն
1992	Էլեգանտ դարաշրջանը	Belle epoque	Լուզ	Կատակերգություն	Ֆեռնանդո Տրուեբա
1993	Հունական լաբիրինթոս	El laberinto griego	Էլիզա	Թրիլեր	Ռաֆայել Ալկազար
1993	Ապստամբը	La ribelle	Էնզա	Դրամա	Աուրելիո Գրիմալդի
1993	Հանուն սիրո, միայն հանուն սիրո	Per amore, solo per amore	Մարի	Պատմական	Ջովանի Վերոնեզի
1994	Ծիծաղելի է, բայ ոչ այնքան	Alegre ma non troppo	Սալոմե	Մելոդրամա, Կատակերգություն Երաժշտական	Ֆեռնանդո Կոլոմո
1994	Դա սուտ է	Todo es mentira	Լուչիա	Մելոդրամա, Կատակերգություն	Ալվարո Ֆերնանդես Արմերո
1995	Կարմիրների միջև	Entre rojas	Լուչիա	Դրամա	Ասուենա Ռոդրիգես
1996	Վհուկները	Brujas	Պատրիսիա	Դրամա	Ալվարո Ֆերնանդես Արմերո
1996	Սելեստինա	La Celestina	Մելիբեյա	Դրամա	Հերարդո Վերա	Մարիբել Վերդու
1996	Ավելին քան սերը	Más que amor, frenesí	Լաուրա	Կատակերգություն	Ալֆոնսո Ալբասաետե
1996	Սիրո վտանգները	El amor perjudica seriamente la salud	երիտասարդ Դիանա	Մելոդրամա, Կատակերգություն	Մանուել Գոմես Պերեյրա
1997	Դրախտային անկյուն	Et hjørne af paradis	Դոնա Հելենա	Մելոդրամա, Դրամա	Փիթեր Ռիքուարդ
1997	Կենդանի մարմին	Carne trémula	Իզաբել Պլազա Կաբալյերո	Դրամա	Պեդրո Ալմոդովար	Խավիեր Բարդեմ
1997	Բացիր աչքերդ	Abre los ojos	Սոֆիա	Ֆանտաստիկ, Թրիլեր, Մելոդրամա, Դետեկտիվ	Ալեխանդրո Ամենաբար
1998	Դոն Ժուան	Don Juan	Մաթուրին	Մելոդրամա, Կատակերգություն	Ժակ Վեբեր	Ժակ Վեբեր
1998	Անձրևոտ կոշիկներով մարդը	The Man with Rain in His Shoes	Լուիզա	Մելոդրամա, Կատակերգություն	Մարիա Ռիփոլ
1998	Հրեշտակների զրույցը	Talk of Angels	Պիլար	Մելոդրամա, Կատակերգություն Ռազմական	Նիկ Հելմ	Վենսան Փերես
1998	Իմ երազանքների աղջիկը	La niña de tus ojos	Մաքարենա Գրանադա	Դրամա, Կատակերգություն	Ֆեռնանդո Տրուեբա
1998	Բլուրների և հովիտների երկիրը	The Hi-Lo Country	Ժոզեֆա Օ'Նիլ	Մելոդրամա, Վեստեռն	Սթիվեն Ֆրիրզ
1999	Ամեն ինչ մորս մասին	Todo sobre mi madre	քույր Մարիա Ռոզա Սանզ	Դրամա	Պեդրո Ալմոդովար
1999	Մերկ մաշկ	Volavérunt	Պեպիտա Թուդո	Դրամա	Խոսե Խուան Բիգաս Լունա
2000	Կինը վերևից	Woman on Top	Իզաբելլա Օլիվիերա	Մելոդրամա, Կատակերգություն	Ֆինա Տորես
2000	Անսանձահարելի սրտերը	All the Pretty Horses	Ալեխանդրա	Մելոդրամա, Վեստեռն	Բիլի Բոբ Տորնտոն	Մեթ Դեյմոն
2001	Կոկաին	Blow	Միրթա Ջանգ	Դրամա, Կենսագրական	Թեդ Դեմե	Ջոնի Դեփ, Խորդի Մոլյա
2001	Կապիտան Քորելիի ընտրությունը	Captain Corelli's Mandolin	Փելեգիա	Դրամա, Մելոդրամա, Ռազմական	Ջոն Մենդեն	Նիկոլաս Քեյջ, Քրիստիան Բեյլ
2001	Աստծուց լուրեր չկան	Sin noticias de Dios	Կարմեն Ռամոս	Կատակերգություն	Ագուստին Դիաս Յանես	Ֆանի Արդան
2001	Վանիլային երկինք	Vanilla Sky	Սոֆիա Սերանո	Ֆանտաստիկ, Մելոդրամա, Թրիլեր, Դետեկտիվ	Քեմերոն Քրոու	Թոմ Քրուզ, Քեմերոն Դիազ, Կուրտ Ռասել
2001	Իտալացի զինվորներ	Italian Soldiers		Փաստագրական, Ռազմական	Ֆրանչեսկո Կաբրաս
2002	Ռենոյում արթնացածը	Waking Up in Reno	Բրենդա՝ իսպանացի կին	Կատակերգություն Մելոդրամա	Ջորդան Բրեյդի	Բիլի Բոբ տորնտոն, Պատրիկ Սուեզի, Շարլիզ Թերոն
2003	Դարի շոուն	Masked and Anonymous	Պեգան Լեյս	Դրամա, Կատակերգություն Երաժշտական	Լարի Չարլզ	Ջոն Գուդմեն, Ջեսիկա Լենգ, Լյուկ Ուիլսոն, Էդ Հարիս, Չիչ Մարին, Միքի Ռուրկ
2003	Ֆան-Ֆան վարդակակաչ	Fanfan la tulipe	Ադելին լա Ֆրանշիս	Արկածային, Մելոդրամա, Կատակերգություն	Ժերար Կրավչիկ	Վենսան Փերես
2003	Գոթիկա	Gothika	Խլոե Սավա	Թրիլեր	Մաթյո Կասովից	Հոլի Բերի
2004	Մի գնա	Non ti muovere	Իտալիա	Դրամա	Սերջիո Կաստելիտո
2004	Նոել	Noel	Նինա Վասքուես	Դրամա	Չազ Պալմինտերի	Սյուզան Սարանդոն, Պոլ Ուոքեր, Ռոբին Ուիլյամս
2004	Գլուխն ամպերում	Head in the Clouds	Միա	Ռազմական, Կատակերգություն	Ջոն Դայգան	Շարլիզ Թերոն
2005	Սահարա	Sahara	Եվա Ռոյաս	Արկածային, Կատակերգություն	Բրեկ Այսեր	Մեթյու Մակքոնահի, Սթիվ Զան
2005	Քրոմոհոբիա	Chromophobia	Գլորիա	Դրամա	Մարտա Ֆայնս
2006	Ավազակուհիները	Bandidas	Մարիա Ալվարես	Կատակերգություն Վեստեռն	Հոակին Ռոնինգ, Էսլեն Սանդբերգ	Սալմա Հայեկ, Սթիվ Զան
2006	Վերադարձ	Volver	Ռայմունդա	Դրամա, Կատակերգություն Դետեկտիվ	Պեդրո Ալմոդովար
2007	Բարի գիշեր	The Good Night	Աննա / Մելոդիա	Դրամա, Կատակերգություն	Ջեյք Փելթրոու	Գվինեթ Փելթրոու, Դենի Դե Վիտո
2008	Էլեգիա	Elegy	Կոնսելո Կաստիլիո	Դրամա, Մելոդրամա	Իզաբել Կոյշեթ	Բեն Քինգսլի, Դենիս Հոփեր
2008	Վիկի Քրիստինա Բարսելոնա	Vicky Cristina Barcelona	Մարիա Ելենա	Մելոդրամա, Կատակերգություն	Վուդի Ալեն	Սքարլեթ Յոհանսոն Խավիեր Բարդեմ
2008	Մանալոթե	Manolete	Լուփե Սինո	Մելոդրամա, Կենսագրական	Մենո Մեյես	Էդրիան Բրոուդի
2008	Կանիբալի խորհրդատուն	La concejala antropófaga	Պինա	Կարճամետրաժ	Պեդրո Ալմոդովար
2009	Անցանկալի գրկախառնություն	Los abrazos rotos	Լենա	Թրիլեր, Դրամա, Մելոդրամա	Պեդրո Ալմոդովար
2009	Դարվինի առաքելությունը	G-Force	Ժուարեզ (հնչյունավորում)	Մուլտֆիլմ, Ֆենտեզի, Արկածային, Ընտանեկան	Հոյթ Յեթմեն	Բիլ Նայի
2009	Ինը	Nine	Կարլա	Երաժշտական, Մելոդրամա	Ռոբ Մարշալ	Նիկոլ Կիդման, Ջուդի Դենչ, Քեյթ Հադսոն
2010	Սեքսը մեծ քաղաքում 2	Sex and the City 2	Կարմեն Գարսիա Կարիոն	Կատակերգություն Մելոդրամա	Մայքլ Պատրիկ Կինգ	Սառա Ջեսիկա Փարկեր
2011	Կարիբյան ծովի ծովահենները. Օտար ափերին	Pirates of the Caribbean։ On Stranger Tides	Անժելիկա Տիչ	Ֆենտեզի, Արկածային	Ռոբ Մարշալ	Ջոնի Դեփ, Ջեֆրի Ռաշ, Յեն Մակշեյն, Սեմ Կլաֆլին, Աստրիդ Բերժե-Ֆրիսբի
2012	Հռոմեական արկածներ	To Rome with Love	Աննա	Կատակերգություն Մելոդրամա	Վուդի Ալեն	Վուդի Ալեն, Ալեք Բոլդուին, Ռոբերտո Բենինյի, Էլեն Փեյջ
2012	Կրկնակի ծնվածը	Venuto al mondo	Ջեմմա	Դրամա	Սերջիո Կաստելիտո
2013	Ոչ երկարատև սիրահարները	Los amantes pasajeros		կատակերգություն	Պեդրո Ալմոդովար	Անտոնիո Բանդերաս
2013	Խորհրդատուն	The Counselor	Լաուրա	Թրիլեր	Ռիդլի Սքոթ	Բրեդ Փիթ, Քեմերոն Դիազ
2015	Մա Մա	Ma Ma	Մագդա	Դրամա	Խուլիո Մեդեմ
2016	Իսպանիայի թագուհի	The Queen of Spain	Մակարենա Գրանադա	Դրամա	Ֆեռնանդո Տրուեբա
2016	Զուլանդեր 2	Zoolander 2	Վալենտին Վալենսիա	կատակերգություն	Բեն Սթիլեր	Բեն Սթիլեր Օուեն Ուիլսոն
2016	Եղբայրները Գրիմսբիից	The Brothers Grimsby	Ռոնդա Ջորջ	կատակերգություն արկածային ֆիլմ	Լուի Լետերյե	Սաշա Բարոն Կոեն Մարկ Ստրոնգ
2017	Էսկոբար	Loving Pablo	Վիրջինիա Վալյեխո	Կենսագրական Դրամա	Լեոն դե Արոնոա	Խավիեր Բարդեմ
2018	Սպանություն արևելյան ճեպընթացում	Murder on the Orient Express	Պիլար էստրավադոս	Դետեկտիվ Դրամա	Քեննեթ Բրանա	Քեննեթ Բրանա Ուիլեմ Դեֆո Ջուդի Դենչ՝
2018	Ամերիկյան կրիմինալ պատմություն Ջաննի Վերսաչե ի սպանությունը.	The Assassination of Gianni Versace: American Crime Story	Դոնաթելա Վերսաչե	Հեռուստասերիալ	Ռայան Մերֆի	Դարրեն Քրիս Ռիկի Մարտին Ֆին Ուիթրոք
2018	Բոլորը գիտեն	Todos lo saben	Լաուրա	Թրիլեր	Ասղար Ֆարհադի	Խավիեր Բարդեմ
2019	Ցավ և փառք	Dolor y gloria	Ջանիտա	Դրամա	Պեդրո Ալմոդովար	Անտոնիո Բանդերաս

Ծանոթագրություններ

1. Pas L. v. Genealogics — 2003.
2. FemBio տվյալների շտեմարան (գերմ.)
3. Discogs — 2000.
4. Բրոքհաուզի հանրագիտարան (գերմ.)
5. «Penelope Cruz Biography (1974–)». Film Reference. Արխիվացված օրիգինալից 2012 թ․ դեկտեմբերի 12-ին. Վերցված է 2010 թ․ ապրիլի 18-ին.
6. De Vries, Hilary. (февраль 2004). «Penelope Cruz: Will She Say I Do, or I Don't (Page 3)». Marie Claire. Hearst Communication, Inc. Արխիվացված օրիգինալից 2012 թ․ հոկտեմբերի 18-ին. Վերցված է 2010 թ․ մարտի 14-ին.
7. «Eva Longoria splits with her jumpoff/boyfriend of 14 months, Eduardo Cruz». Celebitchy. 9 марта 2012. Արխիվացված օրիգինալից 2013 թ․ հունվարի 7-ին. Վերցված է 2013 թ․ հունվարի 7-ին.
8. Rose, Charlie. (17 января 2010). «The Rising Star of Penelope Cruz (Page 2)». CBS News. CBS Interactive Inc. Արխիվացված օրիգինալից 2012 թ․ հոկտեմբերի 18-ին. Վերցված է 2010 թ․ ապրիլի 25-ին.
9. Gilchrist, Todd. «10 Questions With Penelope Cruz». Ask Men. IGN Entertainment. Արխիվացված է օրիգինալից 2012 թ․ հոկտեմբերի 18-ին. Վերցված է 2010 թ․ մարտի 14-ին.
10. «Últimas noticias y biografía de Penélope Cruz». Hola (Spanish). Արխիվացված է օրիգինալից 2012 թ․ հոկտեմբերի 18-ին. Վերցված է 2010 թ․ մայիսի 3-ին.{{cite web}}: CS1 սպաս․ չճանաչված լեզու (link)
11. Sischy, Ingrid. (ноябрь 2009). «The Passions of Penélope». Vanity Fair. Արխիվացված օրիգինալից 2012 թ․ հոկտեմբերի 18-ին. Վերցված է 2010 թ․ ապրիլի 26-ին.
12. Barlow, Helen. (7 декабря 2008). «Why the lady is a vamp (Page 4)». Sydney Morning Herald. Արխիվացված օրիգինալից 2012 թ․ հոկտեմբերի 18-ին. Վերցված է 2010 թ․ մարտի 14-ին.
13. «Penélope Cruz Biography». People. Time Warner Inc. Արխիվացված օրիգինալից 2012 թ․ հոկտեմբերի 18-ին. Վերցված է 2010 թ․ մարտի 14-ին.
14. «Jamon Jamon (1993)». Rotten Tomatoes. Վերցված է 2010 թ․ ապրիլի 24-ին.
15. Hicks, Chris. (12 апреля 1994). «Jamon Jamon». Deseret News. Deseret Management Corporation. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
16. Ebert, Roger. (11 февраля 1994). «Jamon Jamon». Chicago Sun-Times. Արխիվացված օրիգինալից 2012 թ․ դեկտեմբերի 12-ին. Վերցված է 2010 թ․ ապրիլի 24-ին.
17. Cotillard, Marion. (28 апреля 2010). «Penelope CRUZ». Interview. Արխիվացված օրիգինալից 2012 թ․ հոկտեմբերի 23-ին. Վերցված է 2011 թ․ ապրիլի 2-ին.
18. «Open Your Eyes (1997)». Rotten Tomatoes. Flixster, Inc. Վերցված է 2010 թ․ ապրիլի 25-ին.
19. «Open Your Eyes». Box Office Mojo. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 25-ին.
20. «The Hi-Lo Country (1998)». Rotten Tomatoes. Flixster, Inc. Վերցված է 2010 թ․ ապրիլի 24-ին.
21. «The Hi-Lo Country». Box Office Mojo. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
22. Lally, Kevin. «Hi-Lo Country, The». Film Journal International. Nielsen Business Media Inc. Արխիվացված է օրիգինալից 2012 թ․ դեկտեմբերի 12-ին. Վերցված է 2010 թ․ ապրիլի 24-ին.
23. Holloland, Jonathan. (16 ноября 1998). «The Girl of Your Dreams». Variety. Reed Business Information. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
24. «GIRL OF YOUR DREAMS, THE». Film4. Channel Four Television Corporation. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
25. Nesselson, Lisa. (26 июля 2000). «Women on Top». Variety. Reed Business Information. Արխիվացված է օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
26. Crowther, Jane. (24 января 2001). «Woman on Top (2001)». BBC News. BBC Online. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 24-ին.
27. Longigo, Bob. «All Pretty Horses». Dayton Daily News. Արխիվացված է օրիգինալից 2012 թ․ դեկտեմբերի 20-ին. Վերցված է 2012 թ․ դեկտեմբերի 20–ին-ին.
28. «Vanilla Sky (2001)». Rotten Tomatoes. Flixster, Inc. Վերցված է 2010 թ․ ապրիլի 22-ին.
29. «Vanilla Sky». Box Office Mojo. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 22-ին.
30. Graydon, Brandon. (24 января 2002). «Vanilla Sky (2002)». BBC News. BBC Online. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 23-ին.
31. Alter, Ethan. «VANILLA SKY». Film Journal International. Արխիվացված է օրիգինալից 2012 թ․ դեկտեմբերի 12-ին. Վերցված է 2010 թ․ ապրիլի 23-ին.
32. «Blow (2001)». Rotten Tomatoes. Flixster, Inc. Վերցված է 2010 թ․ ապրիլի 23-ին.
33. «Blow». Box Office Mojo. Արխիվացված օրիգինալից 2012 թ․ հոկտեմբերի 23-ին. Վերցված է 2010 թ․ ապրիլի 23-ին.
34. rottentomatoes.com կայքի վիճակագրությունը կազմող քննադատները ֆիլմի տվյալների համար նշանակեցին 14-39 % հնարավոր 100 %-ից։
35. «Penelope Cruz». Rotten Tomatoes. Վերցված է 2012 թ․ դեկտեմբերի 17-ին.
36. «Migliore attrice protagonista 2004». daviddidonatello.it. Արխիվացված օրիգինալից 2012 թ․ նոյեմբերի 30-ին. Վերցված է 2012 թ․ նոյեմբերի 25-ին.

Վիքիպահեստն ունի նյութեր, որոնք վերաբերում են «Պենելոպե Կրուս» հոդվածին։