Ումմ Հաբիբա

Ումմ Հաբիբա (արաբ․՝ أم حبيبة بنت رملة أبي سفيان‎‎, մոտ 594^[1], Մեքքա, Հիջազ - 665^[2], Մադինա, Օմայյան խալիֆայություն), Մուհամմադ մարգարեի ութերորդ կինը, կրել է «հավատացյալների մայր» պատվանունը։

Ումմ Հաբիբա արաբ․՝ رملة بنت أبي سفيان‎‎
Ծնվել է	մոտ 594[1]
Ծննդավայր	Մեքքա, Հիջազ
Մահացել է	665[2]
Մահվան վայր	Մադինա, Օմայյան խալիֆայություն
Գերեզման	Ալ Բաքի
Կրոն	իսլամ
Ամուսին	Մուհամմադ մարգարե[2] և Ubayd-Allah ibn Jahsh?[2]
Ծնողներ	հայր՝ Աբու Սուֆյան իբն Հարբ[2], մայր՝ Սաֆիյա բիմտ Աբուլ-աս
Երեխաներ	Habibah binte Ubayd-Allah?
Umm Habiba Վիքիպահեստում

Կենսագրություն

Ամբողջական անունն է Ումմ Հաբիբա Ռամլա բինթ Աբու Սուֆյան Սարհ իբն Հարբ իբն Ումայա իբն Աբդ Շամս։ Նա կուրայշիների ազդեցիկ առաջնորդ Աբու Սուֆյան իբն Հարբի դուստրն էր։

Իսլամ ընդունելուց առաջ Ումմ Հաբիբան հեռացել էր հեթանոսությունից և հանիֆիզմ էր դավանում։ Նա իսլամ է ընդունում իր ամուսին Ուբայդուլլահ իբն Ջահշի հետ միաժամանակ, որը նախկինում քրիստոնեություն էր դավանում։ Փրկվելով հետապնդումներից՝ նրանք հեռանում են Եթովպիա, որտեղ Ուբայդուլլահը անսպասելիորեն նորից սկսում է քրիստոնեություն դավանել։ Չնայած նա կնոջը ևս քրիստոնյա դարձնելու համառ փորձեր է անում, բայց Ումմ Հաբիբան հավատարիմ է մնում իսլամին և ամուսնալուծվում է։ Դրանից հետո նա չէր կարող Մեքքա վերադառնալ, քանի որ իր հայրը մուսուլմանների ոխերիմ հակառակորդն էր։ Իմանալով այդ մասին՝ Մուհամմադը իր հիացմունքն է արտահայտում Ումմ Հաբիբայի անկեղծ հավատի նկատմամբ և իր ներկայացուցչին ուղարկում է Եթովպիայի նեգուսի (տիրակալ) մոտ՝ խնդրելով իր մոտ ուղարկել Ումմ Հաբիբային՝ նրա հետ ամուսնանալու համար։ Հիջրայի 7 թվականին նրանք ամուսնանում են։ Այս ամուսնությունը Մուհամմադին թույլ է տալիս մեղմել լարվածությունը իր և Մեքքայի հեթանոսների առաջնորդ Աբու Սուֆյանի միջև։

Ումմ Հաբիբան աստվածավախ և բարեպաշտ կին էր։ Նա մահացել է մոտավորապես 665-666 թթ․-ին՝ իր եղբայր Մուավիայի կառավարման ժամանակ։ Նա 65-ից ավելի հադիս է փոխանցել^[3]։

Ծանոթագրություններ

1. http://www.mpac-ng.org/islam-links/281-mothers-of-the-believers-umm-habiba-ramla-bint-abu-sufyan.html
2. Али-заде А. Умм Хабиба бинт Абу Суфьян (ռուս.) // Исламский энциклопедический словарь — М.: Ансар, 2007.
3. Äli-zadä, Aydın (2007). Islamskij ėnciklopedičeskij slovarʹ. Serija "Zolotoj fond islamskoj mysli". Moskva: Izdat. Dom "Ansar". ISBN 978-5-98443-025-8.

Մուհամմադի կանայք
Խադիջա բինթ Խուայլիդ • Սաուդա բինթ Զամա • Աիշա բինթ Աբու Բաքր • Խաֆսա բինթ Ումար • Զայնաբ բինթ Խուզայմա • Ումմ Սալամա • Զայնաբ բինթ Ջահշ • Ջուայրիա բինթ ալ Հարիս • Մարիա ալ-Կիբտիա • Ումմ Հաբիբա • Ռայհանա բինթ Զայդ • Սաֆիա բինթ Հույայյի • Մայմունա բինթ ալ Հարիս