Valença, Portugal

Valença, tamén coñecida como Valença do Miño^[1] (Valença do Minho en portugués), é un concello portugués do distrito de Viana do Castelo, dentro da Região Norte e subrexión do Minho-Lima.

Murallas da parte vella.

Valença, Portugal

Localización
42°01′42″N 8°38′02″O
Estado	Portugal
Distritos	Distrito de Viana do Castelo
Contén a división administrativa	Boivão (pt) Cerdal (pt) Fontoura (pt) Friestas (pt) Gandra e Taião (pt) Ganfei (pt) Gondomil e Sanfins (pt) São Julião e Silva (pt) São Pedro da Torre (pt) Unión das Freguesías de Valença Verdoejo (pt)
Poboación
Poboación	14.127 (2011) (120,74 hab./km²)
Xeografía
Superficie	117 km²
Comparte fronteira con	Tomiño Monção Salvaterra de Miño Paredes de Coura Vila Nova de Cerveira Tui
Datos históricos
Día festivo	festa patronal (18 de febreiro)
Santo padrón	São Teotónio (pt)
Identificador descritivo
Código postal	4930
Fuso horario	UTC±00:00
Sitio web	cm-valenca.pt

O concello abrangue 117,43 km² de área e 14.127 habitantes (2011), subdividido en dezaseis freguesías. Linda polo leste co municipio de Monção, polo sur con Paredes de Coura, polo oeste con Vila Nova de Cerveira e ao noroeste e norte únese a Tui a través do río Miño.

Dende o 10 de febreiro de 2012, forma coa cidade galega de Tui unha eurocidade, como mostra de cooperación e integración dos dous concellos, separados tan só polo río Miño.

Historia

Fortaleza de Valença.

Valença ten orixes moi remotas. A súa ocupación remonta a épocas moi recuadas: os gravados rupestres que se poden observar en determinados lugares de certas freguesías son proba irrefutábel dunha ocupación afastada no tempo. As Inquirições de D. Afonso III tamén fan alusión a edificacións do tipo dolménico no concello de Valença.^[2]

Procedentes das máis variadas orixes, indoeuropeas, mediterráneas e africanas, foron acudindo á rexión varios pobos atraídos pola abundancia de caza e da pesca, pola fertilidade do solo, polas serras acantiladas permitindo a defensa contra as doutras tribos como os ligures, os grovios e os celtas.

Un marco moi importante para a historia de Valença foi o paso de Décimo Xunio Bruto Galaico, no 137 a.C. que, após cruzar o río Limia, conduciu as súas tropas até o Río Miño, tendo acampado na freguesía de Gandra. No tempo do Emperador Augusto comezáronse a definir pequenas fortalezas nos Castri. Era este o caso do castellum de Valença, situado sobre o río Miño.

Aos romanos os sucederon os Suevos que penetraron na Galiza pola bacía do Douro, a mediados do século V. O mesmo aconteceu cos Godos: o famoso Vitiza estableceu a súa residencia real na cidade de Tui, tendo as ruínas dese pazo perdurado até o século XVIII. Na rexión valenciana son moi frecuentes os topónimos de orixe xermánica, que derivan destes tempos.

A primeira invasión árabe data do ano 716, Abd al-Aziz ibn Musa entra na Lusitania cun numeroso exército, tomando Porto, Braga e Tui, que apenas foi liberada no ano 736 por Afonso I de Asturias. O ano 997 trouxo as peores consecuencias para a Galiza e a Rexión de Miño, cando Almanzor, no seu camiño a Santiago de Compostela, destruíu todo ao seu paso, incluíndo o Mosteiro de Ganfei.

Repoboouse no século XIII tras recibir carta foral do rei Sancho II de Portugal, e chamouse Contrasta, co significado de "vila oposta a outra" (Tui neste caso). Recibiu o nome actual en 1262 por orde de Afonso III de Portugal.

Naceu aquí san Teotonio, o primeiro santo portugués, hoxe padroeiro desta cidade, e que foi un dos principais aliados de Afonso Henriques na altura en que este proclamou a independencia de Portugal.

Foi elevada ao título de cidade o 12 de xuño de 2009.^[3]

Demografía

A evolución demográfica entre 1801 a 2011:^[4]

Evolución demográfica
1801	1849	1900	1930	1960	1981	1991	2001	2004	2009	2011
9.242	13.984	15.265	16.034	16.237	13.948	14.815	14.187	14.284	14.295	14.127

Freguesías

Mapa das freguesías de Valença.

As freguesías de Valença son:

• Boivão
• Cerdal
• Fontoura
• Friestas
• Unión das Freguesías de Gandra e Taião
  • Gandra
  • Taião
• Ganfei
• Unión das Freguesías de Gondomil e Sanfins
  • Gondomil
  • Sanfins
• São Julião
• São Pedro da Torre
• Silva
• Unión das Freguesías de Valença, Cristelo Covo e Arão
  • Valença
  • Cristelo Covo
  • Arão
• Verdoejo

Patrimonio

Monumentos

• Fortaleza de Valença
• Convento de Ganfei
• Convento de Mosteiró
• Convento de Sanfins/Friestas
• Igrexa da Misericórdia de Valença
• Igrexa de Santa Maria dos Anjos
• Igrexa Matriz de Valença
• Ponte Vella Internacional Tui-Valença

Espazos naturais

O concello de Valença ten 13 espazos naturais:^[5]

Couto de Santa Ana (Gandra) Pântano da Veiga da Mira (Cristelo Covo) Parque de Nossa Senhora da Cabeça (Cristelo Covo) Parque do Monte de Faro (Ganfei) Miradouro de Santo Ovídio (Sanfins)

Ilha do Conguedo (Conguedo) Ínsua dos Castros (Friestas) Pesqueira da Gingleta (Verdoejo) Pesqueira da Paiola (Verdoejo) Pesqueira de Cristelo de Covo (Cristelo Covo)

Pesqueira do Lagartão (Verdoejo) Pesqueira do Tadim (Verdoejo) Pesqueira dos Frades (Ganfei)

Museos

En Valença existe unha Rede Museolóxica, creada para promover o patrimonio, proporcionando cultura en todas as súas vertentes.^[6]

Na actualidade, o concello de Valença ten cinco museos:

Museo do Bombeiro Núcleo Museolóxico Municipal

Núcleo Museolóxico Ferroviário Colección Visitábel de Pesos e Medidas

Núcleo Museolóxico Rural de Taião

Enoturismo

Valença conta cunha rede de enoturismo que consta de tres adegas: Adega Edmun do Val, Adega Rolan e Adega J Barbosa e Herdeiros, nos que os turistas poden hospedarse, facer catas e gozar da paisaxe vitivinícola.^[7]

Galería de imaxes

• 
  O castelo.