Pediococcus

Pediococcus é un xénero de bacterias do ácido láctico grampositivas situado na familia Lactobacillaceae. Xeralmente aparece agrupada en pares ou tétrades e divídese ao longo de dous planos de simetría,^[2] igual que fan os outros xéneros de cocos do ácido láctico Aerococcus e Tetragenococcus. Son totalmente homofermentativas. A especie Pediococcus dextrinicus foi asignada recentemente ao xénero Lapidilactobacillus.^[3][4]

Pediococcus
Clasificación científica
Dominio: Bacteria Filo: Bacillota Clase: Bacilli Orde: Lactobacillales Familia: Lactobacillaceae Xénero: ''Pediococcus'' Claussen 1903 (Listas Aprobadas 1980)[1]
Especies
Ver texto.

Procesamento de alimentos

Pediococcus é, xunto con outras bacterias do ácido láctico como Leuconostoc e Lactobacillus, responsable da fermentación de repolos para facer sauerkraut. Neste proceso, os azucres do repolo fresco son fermentados a ácido láctico, o cal lle dá ao sauerkraut un sabor ácido e boas cualidades de conservación. As bacterias Pediococcus considéranse xeralmente contaminantes da cervexa e o viño,^[2] aínda que a súa presenza é ás veces desexada en tipos de cervexa como o lambic e a Berliner Weisse.^[5] Certos illamentos de Pediococcus producen diacetilo, que lle dá un aroma a manteiga ou butterscotch a algúns viños (como o Chardonnay) e a algúns tipos de cervexa. Especies de Pediococcus utilízanse a miúfo en inoculantes de ensilado (herba fermentada). Os pediococos úsanse como probióticos e engádense con frecuencia como microbios beneficiosos na creación de salchichas, queixos e iogures.

Especies

O xénero Pediococcus comprende as seguintes especies:^[6]

• Pediococcus acidilactici Lindner 1887 (Listas Aprobadas 1980)
• Pediococcus argentinicus De Bruyne et al. 2008
• Pediococcus cellicola Zhang et al. 2005
• Pediococcus claussenii Dobson et al. 2002
• Pediococcus damnosus Claussen 1903 (Listas Aprobadas 1980)
• Pediococcus ethanolidurans Liu et al. 2006
• Pediococcus inopinatus Back 1988
• Pediococcus parvulus Günther e White 1961 (Listas Aprobadas 1980)
• Pediococcus pentosaceus Mees 1934 (Listas Aprobadas 1980)
• "Pediococcus perniciosus" Claussen 1903
• Pediococcus siamensis Tanasupawat et al. 2007
• Pediococcus stilesii Franz et al. 2006

Reclasificacións:

• Pediococcus dextrinicus foi reclasificada como Lapidilactobacillus dextrinicus.
• Pediococcus halophilus foi reclasificada como Tetragenococcus halophilus.
• Pediococcus lolii foi reclasificada como Pediococcus acidilactici.
• Pediococcus urinaeequi foi reclasificada como Aerococcus urinaeequi.

Filoxenia

A taxonomía aceptada actualmente está baseada na LPSN^[6] e a filoxenia está baseada en secuencias de xenoma completo.^[4]

	Pediococcus       Pediococcus claussenii     Pediococcus argentinicus         Pediococcus acidilactici       Pediococcus pentosaceus     Pediococcus stilesii               Pediococcus damnosus     Pediococcus inopinatus         Pediococcus cellicola       Pediococcus ethanolidurans     Pediococcus parvulus           grupo externo Furfurilactobacillus