O Draft da NBA (en inglés: NBA Draft) corresponde ao procedemento polo cal, a finais do mes de xuño de cada ano, as franquías que forman parte desta liga de baloncesto estadounidense incorporan aos seus equipos xogadores menores de vinte e tres anos, procedentes das universidades norteamericanas ou das ligas doutros países.
O Draft consta de dúas roldas, a primeira e a segunda rolda. Cada un dos trinta equipos da liga dispón, en principio, dunha elección en cada unha delas. Un equipo pode traspasar futuras roldas do draft durante a competición (ata que finaliza o período de traspasos) e a off-season. A orde de elección establécese de acordo co seguinte procedemento:
- Nas posicións 16-30, sitúanse os equipos clasificados para os play-offs, en orde inverso á súa porcentaxe de vitorias na liga regular recentemente concluída (cantas máis vitorias obtén un equipo, máis baixa é a posición que ocupa).
- Nas catorce primeiras posicións distribúense os equipos non clasificados para play-off. A posición que ocupan establécese mediante un sorteo, no cal teñen máis posibilidades de ocupar as primeiras prazas os equipos que acumulen máis derrotas.
Todos os xogadores seleccionables teñen que declararse previamente "elixibles", salvo aqueles que cumpran os 4 anos de formación universitaria. Doutra banda, calquera xogador que desexe acceder á Liga, tería que xogar durante un ano na liga universitaria norteamericana.
1. Olajuwon nacionalizouse estadounidense en 1993.
2. Ewing naceu en Xamaica, pero nacionalizouse cando xogaba en Georgetown.
3. Robinson non xogou na NBA ata 1989 debido aos seus compromisos coa Armada dos Estados Unidos.
4. Duncan é cidadán estadounidense, coma tódolos nativos das Illas Virxes.
Ligazóns externas
- TheDraftReview.com (en inglés)
- Lista de cada Draft (en inglés)
- Drafts desde 1950 Arquivado 24 de maio de 2007 en Wayback Machine. (en castelán)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
