Cleveland Cavaliers

Os Cleveland Cavaliers (tamén coñecidos coma os Cavs) son un equipo profesional de baloncesto con base en Cleveland, Ohio. Xogan na División Central da Conferencia Leste da National Basketball Association (NBA). Xogan os seus partidos como locais no Quicken Loans Arena.

Cleveland Cavaliers
Cleveland Cavaliers logo
Información xeral
Conferencia	Leste
División	Central
Fundación	1970
Cores	Viño, dourado
G League	Canton Charge
Retirados	7 (7, 11, 22, 25, 34, 42, 43)
Localización
Cidade	Cleveland, Ohio
Pavillón	Quicken Loans Arena
Capacidade	20.562 espectadores
Inauguración	17 de outubro de 1994
Persoal
Propietario(s)	Dan Gilbert
Director	Koby Altman
Adestrador	Larry Drew
Títulos
Campión	1 (2016)
Conferencia	5 (2007, 2015, 2016, 2017, 2018)
División	7 (1976, 2009, 2010, 2015, 2016, 2017, 2018)
cavaliers.com

Pavillóns

• Cleveland Arena (1970-1974)
• Coliseum at Richfield (1974-1994)
• Quicken Loans Arena (antigamente Gund Arena) (1994-presente)

Historia da franquía

Os Cavaliers comezaron a xogar na NBA en 1970 coma unha nova franquía, sen vir doutra cidade. Baixo a dirección do adestrador Bill Fitch acadaron o peor récord da liga, 15-67. Con todo, o equipo comezouse a construír ó redor da elección do draft de 1971, Austin Carr, quen foi capaz de anotar 63 puntos nun só encontro.

Na tempada 1975-1976, con Carr, Bingo Smith, Jim Chones, Dick Snyder e o recentemente adquirido Nate Thurmond, Fitch liderou os Cavs a un balance de 49-33, o mellor da División Central. Recibiu o premio ó Adestrador do Ano e os Cavs fixeron a súa primeira aparición nos playoffs.

Cleveland logrou gaña-las series contra os Washington Bullets, 4-3, e por mor dos moitos tiros anotados no derradeiro segundo dos sete partidos a rolda foi coñecida na área local como "A Milagre de Richmond". Secasí na segunda rolda o equipo viuse afectado polas lesións, particularmente pola de Jim Chones, e os Cavs perderon contra os Boston Celtics na final da Conferencia Leste.

Xa nos 80, o novo dono Ted Stepien asinou e despidiu toda unha serie de adestradores, fixo malos intercambios e unha mala política de fichaxes de axentes libres. Precisamente esta mala política no referente ó traspaso de xogadores costoulle ó equipo varias eleccións de primeiras roldas, o que levou á NBA a impoñer unha norma pola que se prohibiu ós equipos dar coma pago por un xogador elección de primeira rolda do draft en anos consecutivos, norma coñecida como "A norma de Ted Stepien". Ademais, tamén ameazou con muda-la franquía a Toronto, pero os irmáns George e Gordon Gund mercárona a mediados dos 80 e decidiron mante-lo equipo na cidade. De feito, Toronto conseguiría unha nova franquía en 1993.

En 1986, sendo os irmáns Gund os donos da franquía, o equipo adquiriu mediante o draft ou en intercambios varios a Brad Daugherty, a Mark Price, a Larry Nance e a Ron Harper. Estes xogadores (excepto Harper, mandado ós Clippers polos dereitos sobre Danny Ferry) serían o núcleo do equipo que levaría os Cavs a oito aparicións nos playoffs nas seguintes nove tempadas, e en tres delas con máis de 50 vitorias en tempada regular. En 1989 os Cavs xogaban contra os Chicago Bulls en playoffs, coa vantaxe de cancha e ó mellor de cinco partidos. No cuarto partido, Cleveland logrou gañar no tempo extra 108-105, recuperando a vantaxe de cancha perdida anteriormente. No quinto encontro, estaban empatados ata que Cleveland logrou anotar para liderar por un punto a tres segundos do final. Chicago pediu un tempo morto. Na reanudación, déronlle o balón a Michael Jordan, que lanzou á canastra. Craig Ehlo saltou para intentar tapona-lo lanzamento, pero Jordan parecía manterse no aire mentres Ehlo xa caía, e cando aterrou, Jordan lanzou. "O Tiro" entrou na canastra sobre a bucina, e Chicago gañou as series 3-2. Este tiro gañador é considerado un dos momentos cume da carreira de Jordan, e o propio partido como un dos mellores da historia. Pero o momento cume dos Cavaliers chega na tempada 1991-1992, cando acadaron un balance de 57-25 e chegaron ás finais da Conferencia Leste, perdendo de novo contra os Chicago Bulls por 4-2. Como se pode ver, Cleveland non tivo moito éxito nos playoffs neste período.

Despois diso, chegou o declive. Coas retiradas e as saídas de Nancy, Daugherty e Price, o equipo perdeu o seu poder e non foi capaz de loitar ata moito tempo despois polos playoffs, onde antes adoitaban te-lo maior problema contra os Bulls.

Durante varios anos e baixo o liderado do base Terrell Brandon, os Cavs convertéronse no equipo máis defensivo da NBA, sendo os que menos puntos recibían por partido e baseando a súa táctica na defensa. Pero a incapacidade ofensiva fixo que os Cavs tampouco tiveran éxito nesta época.

Máis tarde, xogadores como Ricky Davis ou Zydrunas Ilgauskas chegaron ó equipo, aumentando a calidade, pero de maneira infrutuosa.

E tralos días de gloria dos Cavs chegaron varias tempadas desastrosas. Víronse os Cavs no fondo da clasificación, converténdose nun dos equipos habituais no sorteo das posicións do draft. Tras outra tempada decepcionante, a 2002-2003, os Cavs conseguiron a elección número un no draft, utilizada para elixir a LeBron James, directamente do instituto. A condición de James coma estrela local (xogou no Instituto St. Vicent-St. Mary na próxima Akron) e cunha das meirandes perspectivas da historia da NBA conduciu a moitos a ve-la súa selección como un punto de inflexión na historia da franquía. A tempada 2003-2004 amosou unhas grandes esperanzas para o futuro, cun James que se estaba a converter nun dos xogadores máis dominantes da liga e que gañaba o premio ó Rookie do Ano. Esas esperanzas eran aínda máis grandes para a tempada 2004-2005. James converteuse nunha superestrela consolidada, incrementando a súa media de puntos, de tiros anotados, de asistencias e de rebotes. A pesar da perda de Carlos Boozer baixo circunstancias moi dubidosas, James formou o núcleo do equipo xunto a Drew Gooden e Zydrunas Ilgauskas. Despois dun prometedor comezo no que chegaron a ser quintos de conferencia, os Cavaliers entraron nunha espiral negativa que conduciu ó despido do adestrador Paul Silas e do director xeral Jim Paxson. Os Cavs non se cualificaron para os playoffs nese ano, xa que empataron cos New Jersey Nets na oitava praza, sendo estes últimos os favorecidos polo desempate.

A pretempada de 2005 foi de moitos cambios. Contratouse un novo adestrador, Mike Brown, e un novo director xeral, o antigo ala dos Cavs Danny Ferry. Tamén se asinaron os axentes libres Larry Hughes, Donyell Marshall e Damon Jones, este último durante catro anos por 16 millóns de dólares e o resto con contratos de máis dun ano. Xunto ó novo dono, Dan Gilbert, a directiva dos Cavaliers era na súa meirande parte novata nos seus respectivos postos. Pero a pesar da relativa inexperiencia dos acabados de chegar, a franquía depositaba as súas esperanzas en LeBron James, comparado por moitos con Michael Jordan.

Os Cavs son o equipo con máis anos na NBA dos que nunca chegaron a unhas finais polo título.

En marzo, os Cavaliers acadaron a súa primeira aparición nos playoffs dende a tempada 1997-98, sendo cuartos na Conferencia Leste. Enfrontáronse ós Washington Wizards na primeira rolda. Despois dos dous primeiros encontros, ían empatados 1-1, pero unha canastra de LeBron James a falta de 5.7 segundos ó final do terceiro encontro deu a vitoria ós Cavaliers. Entón, os Wizards gañaron o cuarto partido, forzando o quinto partido nas series en Cleveland. Os Cavs gañaron o encontro decisivo 121-120, nun excitante tempo extra no que se viu a James anotando o lanzamento gañador a falta de 0.9 segundo para o remate do partido. O sexto partido tamén chegou á prórroga por mor dunha tripla de Gilbert Arenas. No tempo extra, porén, Damon Jones anotou un tiro moi distante nos derradeiros segundos que provocou a vitoria dos Cavs no partido e nas series, avanzando así á segunda rolda por primeira vez en 13 anos.

Na segunda rolda, os Cavs perderon os dous primeiros partidos contra os Detroit Pistons, pero gañaron os tres seguintes, incluíndo un no Palace of Auburn Hills, provocando a única racha de tres derrotas consecutivas dos Pistons en toda a tempada. Pero perderon o sexto e o sétimo partido (79-61). Este derradeiro partido da serie produciu dous récords de dubidosa honra para os Cavaliers, o de menos puntos anotados nun sétimo partido e empataron o de menos puntos anotados nunha metade con 23.

Estas dúas roldas de playoffs foron unha mostra da proxección de LeBron James, que á idade de 21 anos xa acadou moitos récords do tipo "o máis xove en...". E o máis importante, marca o renacer dunha franquía que unha vez estivo entre as máis fortes da liga.

Os Cavs tempada por tempada

Campións da NBA

Campións de Conferencia

Campións de División

Clasificación para Playoffs

Tempada	Conferencia	División	Posición	Vitorias	Derrotas	%	Playoffs	Adestrador
Cleveland Cavaliers
1970−71	Leste	Central	4º	15	67	.183		Bill Fitch
1971−72	Leste	Central	4º	23	59	.280		Bill Fitch
1972−73	Leste	Central	4º	32	50	.390		Bill Fitch
1973−74	Leste	Central	4º	29	53	.354		Bill Fitch
1974−75	Leste	Central	3º	40	42	.488		Bill Fitch
1975−76	Leste	Central	1º	49	33	.598	Gañaron Semifinais de Conferencia (Washington) 4-3 Perderon Finais de Conferencia (Boston) 4-2	Bill Fitch
1976−77	Leste	Central	4º	43	39	.524	Perderon Primeira Rolda (Washington) 2-1	Bill Fitch
1977−78	Leste	Central	3º	43	39	.524	Perderon Primeira Rolda (New York) 2-0	Bill Fitch
1978−79	Leste	Central	5º	30	52	.366		Bill Fitch
1979−80	Leste	Central	5º	37	45	.451		Stan Albeck
1980−81	Leste	Central	5º	28	54	.341		Bill Musselman Don Delaney
1981−82	Leste	Central	6º	15	67	.183		Don Delaney Bob Kloppenburg Chuck Daly Bill Musselman
1982−83	Leste	Central	5º	23	59	.280		Tom Nissalke
1983−84	Leste	Central	3º	28	54	.341		Tom Nissalke
1984−85	Leste	Central	4º	36	46	.439	Perderon Primeira Rolda (Boston) 3-1	George Karl
1985−86	Leste	Central	5º	29	53	.354		George Karl Gene Littles
1986−87	Leste	Central	6º	31	51	.380		Lenny Wilkens
1987−88	Leste	Central	5º	42	40	.512	Perderon Primeira Rolda (Chicago) 3-2	Lenny Wilkens
1988−89	Leste	Central	2º	57	25	.695	Perderon Primeira Rolda (Chicago) 3-2	Lenny Wilkens
1989−90	Leste	Central	4º	42	40	.512	Perderon Primeira Rolda (Philadelphia) 3-2	Lenny Wilkens
1990−91	Leste	Central	6º	33	49	.402		Lenny Wilkens
1991−92	Leste	Central	2º	57	25	.695	Gañaron Primeira Rolda (New Jersey) 3-1 Gañaron Semifinais de Conferencia (Boston) 4-3 Perderon Finais de Conferencia (Chicago) 4-2	Lenny Wilkens
1992−93	Leste	Central	2º	54	28	.658	Gañaron Primeira Rolda (New Jersey) 3-2 Perderon Semifinais de Conferencia (Chicago) 4-0	Lenny Wilkens
1993−94	Leste	Central	4º	47	35	.573	Perderon Primeira Rolda (Chicago) 3-0	Mike Fratello
1994−95	Leste	Central	4º	43	39	.524	Perderon Primeira Rolda (New York) 3-1	Mike Fratello
1995−96	Leste	Central	3º	47	35	.573	Perderon Primeira Rolda (New York) 3-0	Mike Fratello
1996−97	Leste	Central	5º	42	40	.512	Perderon Primeira Rolda (Chicago) 3-0	Mike Fratello
1997−98	Leste	Central	5º	47	35	.573	Perderon Primeira Rolda (Indiana) 3-1	Mike Fratello
1998−99	Leste	Central	7º	22	28	.440		Mike Fratello
1999−2000	Leste	Central	6º	32	50	.390		Randy Wittman
2000−01	Leste	Central	6º	30	52	.366		Randy Wittman
2001−02	Leste	Central	7º	29	53	.354		John Lucas
2002−03	Leste	Central	8º	17	65	.207		John Lucas Keith Smart
2003−04	Leste	Central	5º	35	47	.427		Paul Silas
2004−05	Leste	Central	4º	42	40	.512		Paul Silas Brendan Malone
2005−06	Leste	Central	2º	50	32	.610	Gañaron Primeira Rolda (Washington) 4-2 Perderon Semifinais de Conferencia (Detroit) 4-3	Mike Brown
2006−07	Leste	Central	2º	50	32	.610	Gañaron Primeira Rolda (Washington) 4-0 Gañaron Semifinais de Conferencia (New Jersey) 4-2 Gañaron Finais de Conferencia (Detroit) 4-2 Perderon Finais da NBA (San Antonio) 4-0	Mike Brown
2007−08	Leste	Central	2º	45	37	.549	Gañaron Primeira Rolda (Washington) 4-2 Perderon Semifinais de Conferencia (Boston) 4-3	Mike Brown
2008−09	Leste	Central	1º	66	16	.805	Gañaron Primeira Rolda (Detroit) 4-0 Gañaron Semifinais de Conferencia (Atlanta) 4-0 Perderon Finais de Conferencia (Orlando) 4-2	Mike Brown
2009−10	Leste	Central	1º	61	21	.744	Gañaron Primeira Rolda (Chicago) 4-1 Perderon Semifinais de Conferencia (Boston) 4-2	Mike Brown
2010−11	Leste	Central	5º	19	63	.232		Byron Scott
2011−12	Leste	Central	5º	21	45	.318		Byron Scott
2012−13	Leste	Central	5º	24	58	.293		Byron Scott
2013−14	Leste	Central	3º	33	49	.293		Mike Brown
Tempada regular				1618	1942	.454
Playoffs				70	78	.473	0 Campionatos da NBA

Xogadores

Cadro actual

Cleveland Cavaliers 2023–2024
Xogadores	Adestradores
Pos. # Nac. Nome Altura Peso Procedencia 5.0 !P 31 ! Allen, Jarrett 2.06 m (6 ft 9 in) 110 kg (243 lb) Texas 2.5 !E/A 21 ! Bates, Emoni 2.06 m (6 ft 9 in) 86 kg (190 lb) Eastern Michigan 1.5 !B/E 10 ! Garland, Darius 1.85 m (6 ft 1 in) 87 kg (192 lb) Vanderbilt 1.5 !B/E 2 ! Jerome, Ty 1.96 m (6 ft 5 in) 88 kg (195 lb) Virginia 5.0 !P 30 ! Jones, Damian 2.08 m (6 ft 10 in) 111 kg (245 lb) Vanderbilt 1.5 !B/E 3 ! LeVert, Caris 1.98 m (6 ft 6 in) 93 kg (205 lb) Michigan 1.5 !B/E 5 ! Merrill, Sam 1.93 m (6 ft 4 in) 93 kg (205 lb) Utah State 1.5 !B/E 45 ! Mitchell, Donovan 1.91 m (6 ft 3 in) 98 kg (215 lb) Louisville 5.0 !P 4 ! Mobley, Evan 2.11 m (6 ft 11 in) 98 kg (215 lb) USC 3.5 !A/AP 15 ! Mobley, Isaiah 2.03 m (6 ft 8 in) 108 kg (238 lb) Southern California 3.5 !A/AP 8 ! Nance, Pete 2.08 m (6 ft 10 in) 102 kg (225 lb) North Carolina 2.5 !E/A 35 ! Okoro, Isaac 1.96 m (6 ft 5 in) 102 kg (225 lb) Auburn 1.5 !B/E 9 ! Porter Jr., Craig 1.88 m (6 ft 2 in) 84 kg (186 lb) Wichita State 2.5 !E/A 1 ! Strus, Max 1.96 m (6 ft 5 in) 98 kg (215 lb) DePaul 4.5 !AP/P 13 ! Thompson, Tristan 2.06 m (6 ft 9 in) 115 kg (254 lb) Texas 4.5 !AP/P 32 ! Wade, Dean 2.06 m (6 ft 9 in) 103 kg (228 lb) Kansas State	Adestrador J. B. Bickerstaff Asistente(s) Greg Buckner Omar Cook Sidney Lowe J.J. Outlaw Nate Reinking Lenda (C) Capitán (DP) Drafteado sen asinar (FA) Axente libre (IN) Inactivo (S) Suspendido Mancado Cadro Actualizado: 26-01-2024

Dorsais retirados

Dorsais retirados dos Cleveland Cavaliers
N°	Xogador	Posición	Anos
7	Bobby "Bingo" Smith	A	1970–79
11	Žydrūnas Ilgauskas	P	1997–2010
22	Larry Nance	A/AP	1988–94
25	Mark Price	B	1986–95
34	Austin Carr	B/E	1971–80
42	Nate Thurmond	P	1975–77
43	Brad Daugherty	P	1986–94

Membros do Hall of Fame

• Chuck Daly (adestrador)
• Wayne Embry (antigo presidente do equipo, e o primeiro afroamericano en exercer ese rol na NBA. Entrou como contribuínte).
• Walt Frazier (xogador)
• Nate Thurmond (xogador)
• Lenny Wilkens (entrou como xogador e como adestrador).

Mellores rexistros de xogadores da franquía

Tipo	Xogador	Rexistro[1]
Número de encontros	Žydrūnas Ilgauskas	771
Minutos xogados	LeBron James	22 108
Puntos anotados	LeBron James	15 251
Rebotes	Žydrūnas Ilgauskas	5 904
Asistencias	Mark Price	4 206
Perdas	LeBron James	1 802
Roubos	LeBron James	955
Tapóns	Žydrūnas Ilgauskas	1 269
Lanzamentos anotados	LeBron James	5 415
Porcentaxe de anotación de tiros de campo	Mark West	55,3%
Triplas anotadas	Mark Price	802
Porcentaxe de anotación de triplas	Steve Kerr	47,2%
Tiros libres anotados	LeBron James	3 650
Porcentaxe de anotación de tiros libres	Mark Price	90,6%

Galardóns individuais

MVP da Tempada da NBA LeBron James – 2009, 2010 MVP das Finais da NBA LeBron James – 2016 Rookie do Ano da NBA LeBron James – 2004 Kyrie Irving – 2012 Adestrador do Ano da NBA Bill Fitch – 1976 Mike Brown – 2009 Executivo do Ano da NBA Wayne Embry – 1992, 1998 Xogador Máis Deportivo da NBA Terrell Brandon – 1996 Cidadán do Ano da NBA Austin Carr – 1980 Eric Snow – 2005 Luol Deng – 2014 LeBron James – 2017

Primeiro Equipo de Rookies NBA Austin Carr – 1972 Dwight Davis – 1973 Brad Daugherty – 1987 Ron Harper – 1987 John Williams – 1987 Brevin Knight – 1998 Zydrunas Ilgauskas – 1997 Andre Miller – 2000 LeBron James – 2004 Kyrie Irving – 2012 Dion Waiters – 2013 Segundo Equipo de Rookies NBA Terrell Brandon – 1992 Cedric Henderson – 1998 Derek Anderson – 1998 Chris Mihm – 2001 Carlos Boozer – 2003 Tristan Thompson – 2012 Tyler Zeller – 2013

Primeiro Equipo All-NBA Mark Price – 1993 LeBron James – 2006, 2008, 2009, 2010, 2015, 2016, 2017, 2018 Segundo Equipo All-NBA LeBron James – 2005, 2007 Terceiro Equipo All-NBA Mark Price – 1989, 1992, 1994 Brad Daugherty – 1992 Kyrie Irving – 2015 Primeiro Equipo Defensivo da NBA Larry Nance – 1989 LeBron James – 2009, 2010 Segundo Equipo Defensivo da NBA Jim Cleamons – 1976 Jim Brewer – 1976, 1977 Larry Nance – 1992, 1993 Bobby Phills – 1996 Anderson Varejao – 2010

Adestradores

Bill Fitch 1970–79 Stan Albeck 1979–80 Bill Musselman 1980–81 Don Delaney 1981 Bob Kloppenburg 1981 (interino) Chuck Daly 1981–82 Bill Musselman 1982 Tom Nissalke 1982–84 George Karl 1984–86

Gene Littles 1986 (interino) Lenny Wilkens 1986–93 Mike Fratello 1993–99 Randy Wittman 1999–2001 John Lucas 2001–03 Keith Smart 2003 (interino) Paul Silas 2003–05 Brendan Malone 2005 (interino) Mike Brown 2005–10

Byron Scott 2010–13 Mike Brown 2013–14 David Blatt 2014–2016 Tyronn Lue 2016–2018 Larry Drew 2018–presente

Medios de comunicación

Radio

WTAM (frequencia 1100 na AM) en Cleveland é a estación máis importante dunha rede de 16 emisoras dos Cavaliers.^[2] O veterano locutor Joe Tait traballa como comentarista das xogadas na radio dende 1970, cun parón mentres o dono do equipo era Ted Stepien. Tait está considerado coma un dos locutores máis importantes no deporte profesional estadounidense.

Televisión

A televisión dos Cavaliers emite por cable e por satélite a través da rede de Fox Sports en Ohio, e tamén na WUAB (canle 43) de Cleveland, e é a máis importante dunha rede de sete emisoras.

Dende 2006, o locutor Fred McLeod e o analista e antigo xogador dos Cavs Scott Williams son os encargados de retransmiti-los encontros por televisión. McLeod foi nomeado en substitución do que o fora por moito tempo, Michael Reghi. A lenda dos Cavs Austin Carr é o analista da WUAB.