Florencio Vaamonde

Florencio Vaamonde Lores, nado en Ouces (Bergondo) o 2 de abril de 1860 e finado na Coruña o 19 de outubro de 1925,^[1] foi un historiador e escritor galego. O seu irmán César foi un destacado historiador.

Para outras páxinas con títulos homónimos véxase: Vaamonde.

Florencio Vaamonde

Biografía
Nacemento	2 de abril de 1860 Ouces, España
Morte	19 de outubro de 1925 (65 anos) A Coruña, España
Actividade
Ocupación	Funcionario de Facenda
Empregador	Irmandades da Fala
Membro de	Real Academia Galega (académico de número) (1905–1925)
Xénero artístico	Poesía, prosa e ensaio
Familia
Irmáns	César Vaamonde Lores
Sinatura

Traxectoria

Nado en Bergondo no seo dunha familia fidalga que en 1878 se trasladou á Coruña. Alí pasou a súa vida traballando como funcionario de Facenda. Florencio Vaamonde foi un escritor do Rexurdimento, preocupado pola lingua galega e polo esplendor da súa literatura. Foi un dos membros fundadores da Real Academia Galega (1906)^[2] e colaborou na Revista Gallega de Galo Salinas. Vaamonde Lores quixo introducir novas correntes e tendencias na nosa literatura. Quizais guiado pola súa condición de historiador, creou o primeiro poema épico escrito no noso idioma, Os Calaicos 1894, que canta as fazañas de María Pita (mito que sería modificado en épocas posteriores por motivos ideolóxicos). Da lectura das súas obras despréndese a vontade de crear unha lingua culta.

Alén disto, abrazou a ideoloxía rexionalista e acudiu aos faladoiros da Cova Céltica, que se celebraban na libraría que Uxío Carré Aldao tiña na Coruña.

De pé, de esquerda a dereita, Uxío Carré Aldao, Florencio Vaamonde Lores, Francisco Tettamancy e Eladio Rodríguez González. Sentados, José Ogea, Manuel Murguía, Manuel Curros Enríquez e Andrés Martínez Salazar, na Coruña, en outubro de 1904.

Tamén fixo unha labor de tradución dos clásicos greco-latinos ao galego, como Odas de Anacreonte (1897).^[3] Usou os pseudónimos "Xan de Ouces", "Fulvio Vergodense", "Pedro de Aldarete" e "Jan Silvóso de Bouzós".

Obra

Poesía

• Os calaicos, 1894.^[4]
• Mágoas, 1901.
• Follas ao vento, 1919.

Prosa

• Bestas bravas, 1923.
• Anxélica, 1925, Lar.

Ensaio

• Historia de Betanzos, 1886.
• Resume da Historia de Galicia, 1899.^[5]
• Historia de la Agricultura en Galicia, 1910.

Galería de imaxes

• 
  Os calaicos, 1894.
• 
  Revista Gallega, 1905.
• 
  Anxélica. 1925.

Notas

1. "Florencio Vaamonde". El Ideal Gallego. 20 de outubro de 1925. p. 5.
2. "Florencio Vaamonde Lores". Real Academia Galega.
3. "Florencio Vaamonde, un pioneiro na tradución dos clásicos grecolatinos". Real Academia Galega. 20 de outubro de 2015.
4. "Os Calaicos. Poema en cuatro cantos". Arquivado dende o orixinal o 11 de febreiro de 2021. Consultado o 27 de xuño de 2013.
5. "Resume da Historia de Galicia". Arquivado dende o orixinal o 11 de febreiro de 2021. Consultado o 27 de xuño de 2013.

Véxase tamén

Bibliografía

• "Vaamonde Lores, Florencio". Dicionario biográfico de Galicia 3. Ir Indo Edicións. 2010-2011. p. 279.
• Amado Rodríguez, Mª Teresa (2002). "Don Florencio Vaamonde Lores, traductor de Virgilio al gallego" (PDF). Anuario Brigantino (25): 455–466.
• Couceiro Freijomil, A. (1954). "VAAMONDE LORES, Florencio". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 432.
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
• Naya Pérez, Juan (2005). "Vaamonde Lores, Florencio". Gran Enciclopedia Galega (DVD). El Progreso. ISBN 84-87804-88-8.
• Vilavedra, Dolores, ed. (2000). Diccionario da Literatura Galega. Obras III. Vigo: Editorial Galaxia. pp. 66–68. ISBN 84-8288-365-8.

Outros artigos

Wikimedia Commons ten máis contidos multimedia na categoría:  Florencio Vaamonde

• César Vaamonde Lores

Ligazóns externas

• Ficha do autor en Xerais Arquivado 29 de decembro de 2014 en Wayback Machine.