From Wikipedia, the free encyclopedia
Daphne du Maurier (Londen, 13 maaie 1907 – Par (Cornwall), 19 april 1989) wie in Britsk skriuwster fan meast histoaryske- en hjoeddeiske romans út Cornwall. Har meast ferneamde wurk Rebecca (1938) waard in klassiker en wie de basis foar de film Rebecca troch Alfred Hitchcock dy't mei in Oscar bekroane waard.
Daphne du Maurier | ||
![]() | ||
![]() | ||
Daphne du Maurier (om 1930) | ||
persoanlike bysûnderheden | ||
nasjonaliteit | ![]() | |
berne | 13 maaie 1907 | |
berteplak | Londen | |
stoarn | 19 april 1989 | |
stjerplak | Par (Kornwal) | |
wurk | ||
taal | Ingelsk | |
sjenre | Roman, histoaryske roman, koart ferhaal | |
bekendste wurk(en) | Jamaica Inn, Rebecca, The Scapegoat, The Birds | |
prizen | National Book Award | |
jierren aktyf | 1931–1989 | |
offisjele webside | ||
http://www.dumaurier.org/ |
Sy waard berne yn Londen as dochter fan de akteur/toanielspiler Gerald du Maurier en bernsbern fan de skriuwer George du Maurier. Sy en har susters waarden grutbrocht yn Londen en Parys en krigen priveeûnderrjocht. Sy wie finansjeel ûnôfhinklik, dat sy hie de tiid oan harsels en sylde en reizge in protte. Doe't sy 19 jier wie besleat sy nei in fakânsje dêre, dat se yn Cornwall wenje woe. The Loving Spirit, har earste roman, waard útbrocht yn 1931.
Sy troude mei luitenant-generaal Sir Frederick Browning mei wa't sy in soan en twa dochters krige. Ien fan de pear kear dat sy bûten har romans om yn de iepenbierheid trede, wie yn 1977 as widdo fan Browning om him te ferdigenjen tsjin de krityk oer syn destiids optreden yn de slach om Arnhim dat ferfilme waard yn de film A Bridge Too Far (1976-1977).
Yn it earstoan skreau sy meast klassike histoaryske romans, hoewol't dat doe net yn de moade wie. Letter ûndersocht sy de mooglikheid fan reizgjen yn de tiid yn de tagelyk moderne en histoaryske roman The House on the Strand (1969). Sy makke de horrorferhalen The Birds(1963) en Don't look now. Ferneamd wurden is het boppe al neamde Rebecca, in goatyske roman. In tal fan har boeken binne ferfilme, sa as it yn Cornwall spyljende Jamaica Inn (1936), Frenchman's Creek (1942) en My Cousin Rachel (1951). De Alfred Hitchcock-film The Birds is basearre op ien fan har koarte ferhalen, lykas ek de film Don't Look Now. Op telefyzje hat Du Maurier in tal fan har romans en ferfilmingen dêrfan taljochte; op ynternet binne klips fan it programma tesjen. [1]
Du Maurier skreau ek net-fiksje. Yn The Glass-Blowers beskriuwt sy har Frânske foarfaars.
Sy waard Dame of the British Empire en stoar yn har hûs yn Cornwall, dêr't in protte fan har boeken har ôfspylje en dêr't har jiske ek ferstruid waard.
Der ward grutte dat Du Maurier lesbyske gefoelens hie en yntime ferhâldingen mei froulju hân hat, ûnder oaren mei Gertrude Lawrence. Sels beskreau sy har persoan as twaliddich: frou en mem, mar mei in manlik skeppend prinsipe efter har romans.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.