From Wikipedia, the free encyclopedia
Ion Arretxe Gutierrez (Errenteria, Gipuzkoa, 1964ko abuztuaren 31 – 2017ko martxoaren 18a[1]) arte zuzendaria, marrazkilaria, idazlea eta aktorea izan zen. Ezaguna da baita ere Enrique Rodríguez Galindo guardia zibilaren agindupean jaso zituen tortura basatiengatik.
Ion Arretxe | |
---|---|
Bizitza | |
Jaiotza | Errenteria, 1964ko abuztuaren 31 |
Herrialdea | ![]() |
Heriotza | Donostia, 2017ko martxoaren 17a (52 urte) |
Heriotza modua | berezko heriotza: birikako minbizia |
Hezkuntza | |
Hizkuntzak | euskara gaztelania |
Jarduerak | |
Jarduerak | idazlea, aktorea, zuzendari artistikoa eta marrazkilaria |
![]() ![]() ![]() |
Zazpi anai-arreben arteko bigarrena, Errenteriako Galtzaraborda auzoan bizi zen.[2] Ikasketak Zuatzu eta Urnietako salestarren ikastetxean eta Errenteriako Koldo Mitxelena Institutuan egin zituen. Ondoren, UPV/EHUko Arte Ederretako ikasketak egin zituen.
1985eko azaroaren 26an Donostiako Altza auzoan Guardia Zibilak Arretxe, Mikel Zabalza zena, Idoia Aierbe eta Manuel Bizkai atxilotu zituen. Zabalza hil egin zen, eta beste hirurak baldintzarik gabe aske utzi zituzten. Ez, baina, torturatu gabe.[3]
Ondoren, Bartzelonara joan zen, non komikigintzan aritu zen eta eszenografia ikasketak egin zituen Institut del Teatren.[4]
Komikilari gisa, El Jueves astekarian kolaboratzen zuen Ventura & Nieto bikoteak sortutako Grouñidos en el desierto istorio-sortan, «Bisnieto» izengoitia erabiltzen zuelarik.[5]
Eszenografia eta zinemagintza atalean egindako lanari dagokionez, Madrilen jardun zuen batik bat. GALeko kidea izan zen Rafael Verak idatzitako liburuan oinarritutako El padre de Caín telesailak sutan ipini zuen. Izan ere besteak beste bertan egondako torturak ez ziren ezta aipatzen.[6]
Madrilen bizi zen, Ana Vilarekin ezkonduta zegoen eta bost alaba zituen: Claudia, Ángela, Manuela, Julia eta Mikaela.[7] Inoiz ez zuen galdu jaioterriarekiko lotura, eta Errenteriako Oarso urtekarian ohikoak ziren haren kolaborazioak.
Birikako minbiziak jota hil zen 52 urterekin.
Zinemagintzan arte zuzendari gisa aritu zen batik bat,[8] eta honako film hauetan parte hartu zuen, besteak beste:
Besteak beste film hauetan parte hartu zuen aktore lanetan: