Hondarribiako arraun elkartea From Wikipedia, the free encyclopedia
Hondarribia Arraun Elkartea Hondarribiko (Gipuzkoa) arraun elkartea da, 1960an sortua[1]. Traineru, batel, trainerilla eta aulki mugikorrean lehiatzen du. 14 aldiz irabazi du Kontxako Bandera eta 3 aldiz TKE Liga. XXI. mendean traineru nagusietako bat da.
| Hondarribia Arraun Elkartea | |
|---|---|
| Sorrera | 1960 |
| Herria |  Hondarribia, Gipuzkoa |
| Lehendakaria | José Miguel Elduayen |
| Entrenatzailea | Mikel Orbañanos |
| Patroia(k) | Ioseba Amunarriz Iker de la Linde |
| Kolorea(k) | Berde argia |
| Trainerua | Ama Guadalupekoa |
| Palmaresa | 14 Kontxako Bandera 3 TKE Liga 2 Espainiako Txapelketa 7 Euskadiko Txapelketa 15 Gipuzkoako Txapelketa |
| 2024: Kontxa | 5.a |
| 2024 | 5.a (TKE Liga) |
| Webgunea | www.hondarribiarraun.com |
Hondarribiko traineruen lehenengo aipamenak XIX. mendekoak dira eta lehenengo Kontxako Bandera 1881. urtean irabazi zuten. Gaur egungo elkarteak harrobi lan handia egiten du eta B traineru indartsua du. Emakumezkoen trainerua ere badu, Emakumezkoen bandera zaharrena Hondarribian antolatzen da, eta traineruak Liga nagusian lehiatzen du.
Taldearen kolorea berdea da eta traineruaren izena 1920ko hamarkadatik aurrera Ama Guadalupekoa da.
Hondarribia Arraun Elkartea 1960an sortu bazen ere, 1862koa da lehenengo aipamena Hondarribiaren traineru baten parte hartzeaz, Baionan irabazi zuelako estropada bat.
Estropada ugari jokatu zituen Hondarribiak XIX mendearen bukaeran. Kontxan aritu izan zen eta baita Lapurdiko estropadetan ere. 1862ko banderaz gain 1868an Donostiako eta Mutrikuko traineru banari nagusitu zitzaien. 1881ean irabazi zuen bere lehenengo Kontxako Bandera[2] eta 1887an bigarren egin zuen. 1891ean eta 1892an Donibane Lohizunen nagusitu zen eta 1893 eta 1895ean Miarritzen.
_-_Fondo_Car-Kutxa_Fototeka.jpg)
20. hamarkadan hasi zen berriz Donostian lehiatzen. 1925, 1928 eta 1933an bigarren gelditu zen. 1934ean Hondarribiko bi traineru eratu ziren, bata Hondarribia-Marina Marina auzokoa, eta bestea Hondarribia-Tierra. "Lurrekoak" hobeto aritu baziren ere itsasaldekoen kolore berdea izan zen handik aurrera Hondarribiak erabiliko zuen kolorea.
Espainiako Gerra Zibilaren ondoren urte onak bizi izan zituen Hondarribiak lau aldiz irabazi baitzuen Kontxako Bandera. Orio, Pedreña eta Donostiako traineruak izan zituen lehiakide garai hartan. 1941 eta 1943an Kontxan nagusi izan zen[3]. 1944an Beñardo Elduaien ezarri zen patroi eta 1947 eta 1948ko banderak eskuratu zituen[2]. 1952 urtean bigarren egin zuen Kontxan, berriz ere Elduaien patroi zela, baina ordutik aurrera ez zuen jarraitasunik izan eta urte gutxi batzuetan baino ez zuen trainerua atera.
_-_Fondo_Marín-Kutxa_Fototeka.jpg)
Hondarribitarren bigarren garai ona 60 hamarkadaren erdialdera iritsi zen berriz ere lau Kontxa eta Generalisimoaren bi Kopa irabazi zituzten Jose Angel Lujanbio patroi zutela[4]. Berriz ere Pedreña izan zuen aurkari eta lehia gogoangarriak izan zituzten bien artean, 1967koak izan ziren arrakastatsuenak[5]. Ordutik aurrera Hondarribia ohikoa izan da estropada garrantzitsuenetan, baina XX mendean ez zuen beste titulurik eta Kontxako banderarik irabazi.
Azken garai ona XXI mendean iritsi da, 2022an Mikel Orbañanos oriotarra entrenatzaile hartuz geroztik[6]. Bost aldiz irabazi du Kontxako Bandera, 2005[7], 2013[8], 2018[9], 2019[10] eta 2020[11]. Lehenengo hiruretan ere polemikaz jositako garaipenak izan ziren, aurreneko bietan epaileek lehenengo sailkatua kanporatu ondoren eta 2018an Zierbena eta Urdaibaien arteko istiluen ondorioz. TKE Liga ere hirutan eskuratu du, 2006, 2014 eta 2015ean[6]. Euskadiko eta Gipuzkoako txapelketak eta bandera ugari ere irabazi ditu azken urte hauetan.
2014an denboraldi bikaina osatu zuen. TKE Liga irabazi zuen[12] tartean zazpi bandera eskuratuz[1] eta Kontxako Banderan bigarren postuan gelditu zen. 2015 denboraldia ere bikaina egin zuen estropada gehienak irabaziz eta hirugarren aldiz Liga eskuratuz[13]. Kontxako banderan ordea kale egin zuen eta lau segundu eskasengatik bigarren postuarekin konformatu behar izan zuen. 2016an uztaila bikaina egin zuen eta hiru txapelketak irabazi zituen. Abuztuan ordea Urdaibai nagusitu zitzaion eta Liga eta Kontxan bigarren postuan gelditu zen.
2018 denboraldian ere goi goian egin zuen. Kontxako Bandera[9] eta Euskadiko Txapelketa irabazi zituen[14] eta baita hainbat bandera garrantzitsu ere, Zarautz eta El Corte Inglésekoak. Ligan bigarren postuan gelditu zen. 2019an bigarren Kontxako Bandera jarraian irabazi zuen[10] eta 2020an hirugarrena[11]. Hurrengo urtetan bigarren izatea egokitu zaio Ligan eta Kontxan. Getariako estropadan bigarren ziaboga istriborretik hartu izanagatik edukitako puntu galerak utzi zuen Liga garaipenik gabe. Aipatzekoa da 2014an eta 2015ean Liga irabazi ondoren 2022 arteko Liga guztietan bigarrena izan zela. 2023an hirugarrena izan zen eta 2024an apalago ibili zen, 5. postua lortu baitzuen bandera bakarra irabaziz.
Hona hemen Kontxako Bandera irabazi duten patroien zerrenda:
| Handiak | Nerbioiko Sari Handia (2): 1967 eta 1968. El Corte Ingles Bandera (4): 2004, 2006, 2012 eta 2018. Generalisimoaren Kopa (A Coruña) (2): 1966 eta 1968. Zarauzko Ikurrina (5): 2015, 2018, 2019, 2020, 2021. |
| Etxekoak | Hondarribiko Bandera (6): 1990, 2000, 2006, 2012, 2015, 2021. Hondarribiko Promozio estropada (5): 1995, 1996, 1997, 2013, 2015. Hondarribiko Traineru Jaitsiera (11): 2001, 2002, 2003, 2006, 2015, 2016, 2018, 2019, 2020, 2021, 2023. Jostallu Bandera (1): 2000. |
| Gipuzkoan | Pasaia-Donostia trabesia (1): 1966. Karmen Eguneko Bandera (1): 1989. Fortuna Bandera (1): 1992. Zumaiako Bandera (3): 1993, 1997, 2016. Irun Hiriko Bandera (1): 1998. Jostailuren 50 urteurrena: 2000. Kilometroak Bandera (1): 2000. Oriako Traineru Jaitsiera (7): 2007, 2012, 2013, 2017, 2018, 2020, 2021. Mutrikuko Bandera (7): 2003, 2004, 2005, 2006, 2007, 2015, 2016. Trintxerpeko Bandera (1): 2004. Orioko Bandera (8): 2006, 2013, 2015, 2016, 2017, 2019, 2022, 2024. Pasaiako erlojupeko traineru estropada (4): 2011, 2015, 2016, 2017. Euskolabel Bandera (3): 2012, 2013, 2016. Pasaiako Kaiko Agintaritzaren Bandera (1): 2012. Errenteria Hiriko Bandera (2): 2013, 2020. Pasaiako Kofradiaren Bandera (San Pedro) (1): 2013. Pasaiako Bandera (1): 2015. Oiartzungo Bandera (1): 2015. Pasaiako Iberdola Bandera (2): 2015, 2016. Gipuzkoako Foru Aldundiaren Bandera (1): 2016. Fegemu Bandera (1): 2017. Adegi Bandera (1): 2017. Kofradien Mendeurrena (1): 2018. Añarbeko Bandera (1): 2018. Oiartzungo Bandera (1): 2021. |
| Bizkaian | Portugaleteko Bandera (4): 1988, 2004, 2012, 2015. Plentziako Bandera (4): 1992, 1997, 2006, 2015. Mundakako Bandera (3): 2000, 2005, 2006. Lekeitioko Bandera (3): 2000, 2020, 2022. Telefonica Bandera (1): 2000. Erandioko Bandera (2): 2004, 2013. Gorlizko badia Bandera (1): 2007. Ambilamp Bandera (2): 2011, 2015. Bermeoko Bandera (5): 2011, 2014, 2015, 2017, 2022. Bilboko Bandera (6): 2012, 2014, 2015, 2016, 2021, 2023. Petronor Bandera (3): 2012, 2018, 2020. Portugaleteko Bandera (1): 2012. Isuntzaren Bandera (4): 2014, 2015, 2016, 2021. Getxoko Bandera (5): 2014, 2015, 2016, 2017, 2018. Iberiaren Bandera (1): 2015. Algortako Portuzarra Ikurrina (1): 2015. Bermeoko KAE 2 Bandera (1): 2015. Ondarroako Bandera (1): 2019. Sestaoko Bandera (2): 2020, 2022. Santurtziko Bandera (2): 2022, 2023. Julián Enrique Memoriala (1): 2023. |
| Lapurdin | Donibane Lohitzuneko Bandera (3): 1994, 1995, 1997 |
| Kantabrian | Semana Naval de Santander (1): 1968. Marina de Cudeyoko Bandera (4): 1973, 1996, 1997, 2014. Santoñako Bandera (2): 1973, 1990. Castro Urdialesko Bandera (2): 1988, 2015. Santanderko Bandera (4): 1988, 1993, 1996, 1997. Camargoko Bandera (2): 1997, 2004. Ría del Asón Bandera (3): 1997, 2015, 2021. Liebana Bandera,Laredo (1): 2005. Flaviobriga Bandera (1): 2005. Pedreñako Bandera (1): 2006. San Jose traineruen igoera (Astillero) (2): 2013, 2014. Nojako Bandera (1): 2014 Astilleroko Bandera (1): 2016. Repsol Bandera (1): 2019. |
| Galizan | Outon Fernandez Bandera (2): 2003, 2006. Riveira Bandera (1): 2005. Concello de Boiro (4): 2005, 2006, 2015, 2022. Concello de Vigo (1): 2006. O pirata.com Bandera (1): 2011. Concello de Moaña (2): 2014, 2017. Nauta Sanxenxo Bandera (1): 2015 Concello de Ares (1): 2020. |
| Besterik | Embalde de Entrepeñas Bandera (Guadalajara): 1969. Kantauriko Arraun Jokoak (1): 1966. Euskadi-Basque Country Bandera (2): 2015, 2016. Caixabank Bandera (5): 2014, 2015, 2016, 2021, 2022. |
| Urtea | Liga | Kontxa |
|---|---|---|
| 2003 | TKE Liga, 7.a | 5.a |
| 2004 | TKE Liga, 3.a | 4.a |
| 2005 | TKE Liga, 2.a | Txapelduna |
| 2006 | TKE Liga, 1.a | - |
| 2007 | TKE Liga, 3.a | 3.a |
| 2008 | TKE Liga, 7.a | 5.a |
| 2009 | TKE Liga, 3.a | 5.a |
| 2010 | TKE Liga, 9.a | 6.a |
| 2011 | TKE Liga, 3.a | 5.a |
| 2012 | TKE Liga, 2.a | 4.a |
| 2013 | TKE Liga, 4.a | Txapelduna |
| 2014 | TKE Liga, 1.a | 2.a |
| 2015 | TKE Liga, 1.a | 2.a |
| 2016 | TKE Liga, 2.a | 2.a |
| 2017 | TKE Liga, 2.a | 4.a |
| 2018 | TKE Liga, 2.a | Txapelduna |
| 2019 | TKE Liga, 2.a | Txapelduna |
| 2020 | TKE Liga, 2.a | Txapelduna |
| 2021 | TKE Liga, 2.a | 2.a |
| 2022 | TKE Liga, 2.a | 3.a |
| 2023 | TKE Liga, 3.a | 3.a |
| 2024 | TKE Liga, 5.a | 5.a |
| Hondarribia-B | |
|---|---|
| Entrenatzailea | Gonzalo "Txalo" Carrión |
| Patroia(k) | Joseba Amunarriz (90. hamarkadan) Martin Muñoz (orain) Iker De la Linde (orain) |
| Kolorea(k) | berde argia |
| Trainerua | Ama Guadalupekoa |
| Palmaresa | 1 Euskal B Liga 0 KAE Liga 1 KAE 2 Liga |
| 2024 | 9.a (KAE 1 Liga) |
Harrobiko lan ikusgarria egiten duen adierazlea da Hondarribia B trainerua, 1993tik aurrera urtero uretan izan dena, 1998an ezik, orduan Endaikarekin bat egin eta haren izenean aritu baitzen.
Hondarribiko B traineruak ere urte onak ezagutu ditu. 1995ean berak antolaturiko Hondarribiko Promozio Estropada irabazi zuen, 1996an etxekoaz gain Santanderko Bandera eta 1997an zazpi banderaz jabetu zen. Azkenik 1999an Euskal B Liga irabazi zuen. 2003tik aurrera KAE Ligako lehen mailan aritu da eta 2008an lortu zuen posturik onena, bosgarrena. 2012an maila galdu zuen.
2013an bigarren egin zuen KAE 2. mailan eta lau bandera eskuratu zituen. Play-offa irabazi arren ez zen igotzeko tokirik izan. 2014an ligako laugarrena izan zen. 2015ean KAE 2 Ligako zortzi estropada irabazi zituen eta Ligako txapelduna gelditu zenez KAE 1 mailara igo zen[15]. Hurrengo urtean arazorik gabe lortu zuen mantentzea, baina 2017an maila galdu zuen. 2021ean hirugarren egin zuen Ligan eta baita play-offetan ere. KAE 1 ligako bi talde TKE Ligara igo zirenez Hondarribia B-k ere mailaz igotzea lortu zuen.
| Etxekoa | Hondarribiko Promozio Estropada (5): 1995, 1996, 1997, 2013, 2015. |
| Gipuzkoan | Zumaiako Bandera (1): 1997. Errenteria Hiriko Bandera (2): 2013, 2020. San Pedroko Promozio estropada (1): 2013. Pasaiako Bandera (1): 2015. Oiartzungo Bandera (1): 2021. |
| Bizkaian | Portugaleteko Bandera (1): 2004. Erandioko Ikurrina (2): 2004, 2013 Iberiaren Bandera (1): 2015 Algortako Portuzarra Ikurrina (1): 2015. Bermeoko KAE 2 Bandera (1): 2015. |
| Kantabrian | Santanderko Bandera (2): 1996, 1997. Marina de Cudeyoko Bandera (1): 1997. Plentziako Bandera (2): 1997, 2015. Camargoko Bandera (2): 1997, 2004. Ría del Asón Bandera (3): 1997, 2021. Castro Urdialesko Bandera (1): 2015. |
| Urtea | Liga |
|---|---|
| 2003 | Federazio Liga, 11.a |
| 2004 | Federazio Liga, 11.a |
| 2005 | Federazio Liga, 13.a |
| 2006 | KAE 1 Liga, 12.a |
| 2007 | KAE 1 Liga, 12.a |
| 2008 | KAE 1 Liga, 5.a |
| 2009 | KAE 1 Liga, 9.a |
| 2010 | KAE 1 Liga, 8.a |
| 2011 | KAE 1 Liga, 9.a |
| 2012 | KAE 1 Liga, 11.a |
| 2013 | KAE 2 Liga, 2.a |
| 2014 | KAE 2 Liga, 4.a |
| 2015 | KAE 2 Liga, 1.a |
| 2016 | KAE 1 Liga, 8.a |
| 2017 | KAE 1 Liga, 12.a |
| 2018 | KAE 2 Liga, 6.a |
| 2019 | KAE 2 Liga, 6.a |
| 2020 | KAE 2 Liga, 3.a |
| 2021 | KAE 2 Liga, 3.a |
| 2022 | KAE 1 Liga, 6.a |
| 2023 | KAE 1 Liga, 9.a |
| 2024 | KAE 1 Liga, 9.a |
| Hondarribia (emakumezkoak) | |
|---|---|
| Entrenatzailea | Iker Cortes |
| Patroia(k) | Miren Garmendia Amaia Olazabal |
| Kolorea(k) | berde argia |
| Trainerua | Ama Guadalupekoa |
| Palmaresa | 0 Kontxako Bandera 0 Euskotren Liga 1 ETE Liga 0 Euskadiko Txapelketa 0 Gipuzkoako Txapelketa |
| 2024: Kontxa | ez |
| 2024 | 5.a (Euskotren Liga) |
2005ean Txingudi Bandera antolatu zuen elkarteak, hau izan zen emakumezkoek jokatu zuten lehenengo bandera. Ordutik aurrera Hondarribiko neskak lehian aritu dira eta etxeko bandera bitan irabazi dute, 2007 eta 2008an. 2008an oso urte ona izan zuten Euskadiko txapelketa ere irabazi zuten, gero baliogabetua izan zen arren, eta Kontxako finalean egon ziren. 2014 eta 2015 denboraldietan trainerurik ez zuen uretaratu baina 2016an itzuli egin zen.
2017an lehorrean geratu ostean 2018an itzuli zen eta maila bikaina eman zuen, Euskotren Ligarako sailkatu baitzen lehen aldiz[16]. 2019an hirugarrena izan zen Kontxako Banderan[17]. Urte hartan play-offetan maila galdu zuen baina San Juanek Liga Nagusiari uko egin zionez 2019an ere maila gorenean aritu zen. Hurrengo urteetan ere laugarren egin zuen ligan eta 2020an play-offetan eutsi ondoren 2021ean maila galdu zuen. 2022an ETE Liga irabazi zuen eta Euskotren Ligara itzuli zen[18].
2023an lehenengo txandako traineru onena izan zen eta bosgarren postuan amaitu zuen Euskotren Liga.
| Etxekoa | Txingudi Bandera (3): 2007, 2008, 2022. |
| Gipuzkoan | Donostiako Aste Nagusiko Bandera (1): 2020. Hernaniko Bandera (1): 2022. Zumaiako Ikurrina (1): 2022. Zarautz Arraun Elkartearen Ikurrina (1): 2022. |
| Bizkaian | Zorrozaurreri itzulia (1): 2022. Portugaleteko Uri Urena Bandera (1): 2022. Ondarroako Bandera (1): 2022. Erandioko Ikurrina (1): 2022. Julián Enrique Memoriala (1): 2024. Isuntzaren Bandera (1): 2024. |
| Kantabrian | San José igoera (1): 2018. S.D.R. Castro Urdialesen Bandera (1): 2019. Pedreñako Bandera (1): 2022. Castro Urdialesko Bandera (1): 2022. |
| Urtea | Liga | Kontxa |
|---|---|---|
| 2008 | - | 4.a |
| 2009 | Gipuzkoa, 2.a | - |
| 2010 | Gipuzkoako Liga, 5.a | - |
| 2011 | Gipuzkoako Liga, 6.a | - |
| 2012 | Gipuzkoako Liga, 7.a | - |
| 2013 | Gipuzkoako Liga, 7.a | - |
| 2014 | - | - |
| 2015 | - | - |
| 2016 | Gipuzkoako Liga, 8.a | - |
| 2017 | - | - |
| 2018 | Emakumezkoen Liga, 4.a | - |
| 2019 | Emakumezkoen Liga, 4.a | 3.a |
| 2020 | Emakumezkoen Liga, 4.a | 5.a |
| 2021 | Emakumezkoen Liga, 4.a | 5.a |
| 2022 | ETE Liga, 1.a | 5.a |
| 2023 | Emakumezkoen Liga, 5.a | 5.a |
| 2024 | Emakumezkoen Liga, 5.a |
Azken urteetan Hondarribiak gogor ekin dio arraunketa olinpikoari. Euskal Herriko txapelketa ugari irabazi ditu.
Hondarribiak bi estropada antolatzen ditu urtero, alde batetik Hondarribiko Bandera eta bestetik KAE Ligako Hondarribiko Promozio Estropada. Hauetaz gain Txingudi Bandera izan zen emakumezkoentzako antolaturiko lehenengo estropada.
Azkenik, negu aldean, Hondarribiko Traineru Jaitsiera ere antolatzen du urtero.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
