Yadegar Asisi

Yadegar ASISI [jadegar azizi] (naskiĝis la 8-an de aprilo 1955 en Vieno) estas arkitekto kaj artisto. Li realigis grandegajn panoramojn, kies angulo egalas 360°. Tiuj panoramoj estas prezentitaj en Germanio kaj Francio.

Yadegar ASISI
Persona informo
Naskiĝo	8an de aprilo 1955 en Vieno
Lingvoj	germana
Nacieco	Germana
Ŝtataneco	Germanio
Alma mater	Teknologia universitato Dresdeno
Okupo
Okupo	arkitekturisto, artisto, instruisto
TTT
Retejo	http://www.asisi.de
v • d • r

Biografio

Yadegegar ASISI naskiĝis en Vieno, de iranaj gepatroj. Lia patro estis unu el la 23 komunistaj oficiroj, kiujn la ŝaho de Irano mortigis. Lia infaneco kaj liaj lernjaroj okazis en Halle ĉe Saale kaj en Leipzig^[1]. Ekde 1973 ĝis 1978, li studis en la Teknologia universitato Dresdeno, kie li ricevis la inĝenierart-diplomon pri arkitekturo. Ekde 1978 ĝis 1984, li studis pentro-arton en la Universitato de Artoj Berlino. Ekde 1987 ĝis 1994, en tiu universitato, li instruis pri perspektivo. En 1991, li instruis arkitekturon.

Ekde 1996 ĝis 2008, li iĝis instruisto en la la Teknologia Universita Instituto de Beuth (Beuth-Hochschule für Technik) en Berlino.

Li ricevis multajn premiojn, kiam li partoprenis en arkitekturaj konkursoj. En 1989, Yadegar Asisi kaj liaj kunlaborantoj de la laborejo Brandt-Asisi-Böttcher ricevis premion de la Eŭropa Unio Mies van der Rohe, kiu rekompencis ilin pri nuntempa arkitekturo. Ekde 2003, li kreis la plej grandajn panoramojn de la mondo, kiujn homoj povas viziti. La art-laborejo de Yadegar Asisi situas en Berlino^[2].

Panoramaro

• 
  EVEREST en la panoramejo de Leipzig (2003 – 2005, 2012, 2013)
• 
  ROMO 312 en la panomarejo de Leipzig (2005 – 2009), de Dresdeno (2011–2012), de Pforzheim (ekde 2014)
• 
  ROMO 312 en la panoramejo de Rueno
• 
  BAROKA DRESDENO en panoramejo de Dresdeno (2006 – 2015, ĉiujare ekde 2015 de junio ĝis januaro)
• 
  AMAZONO en la panoramejo de Leipzig (2009 – 2013), en panoramejo de Rueno (2015 – 2016)
• 
  PERGAMO en Pergamo-muzeo en Berlino (2011 – 2012)
• 
  LA MURO en la panoramejo Asisi en Berlino (ekde 2012)
• 
  DRESDENO 1945 en la panoramejo de Dresdeno (ĉiujare ekde 2015 de januaro ĝis junio)
• 
  GRANDA BARILRIFO en panoramejo de Leipzig (2015 – 2017)
• 
  LUTHER 1517 en panoramejo de Vitenbergo (ekde 2016)
• 
  TITANIC en panoramejo de Leipzig (ekde 2017)

Referencoj

1. Martin Fischer: SBK032 Die Mauer – Yadegar Asisi (germane) (4an de januaro 2014). Arkivita el la originalo je 2015-12-23. Alirita 2020-09-02.
2. Germana radioprogramado de la Mitteldeutscher Rundfunk je la 3a de februaro 2015

• Kategorio Yadegar Asisi en la Vikimedia Komunejo (Multrimedaj datumoj)

PeEnEo: 700367 GND: 110769597 LCCN: nr96039431 VIAF: 95731206 ISNI: 0000000078563920 SUDOC: 130622818 BNF: 166365501 ULAN: 500008218 RKD: 204097 NKC: jo20201079038 ICCU: UBOV338061