Mikael Madeg

Mikael Madeg, ganet e Courbevoie d’ar 4 a viz Genver 1950, zo ur c’helenner war ar saozneg dre vicher, hag ur skrivagner brezhonek ha gallek, puilh ha liesseurt e oberennoù p’en deus savet barzhonegoù, pezioù-c’hoari, romantoù, danevelloù, an holl anezho e brezhoneg. Un troour eo bet diwar ar galleg ha yezhoù all ivez, met kalz muioc’h a levrioù hag enrolladurioù en deus lakaet embann diwar-benn memor brezhonegerien Bro-Leon a-vihanik : kontadennoù ar vro, lec’hanvadurezh arvor Bro-Leon, lesanvioù e Breizh-Izel ha pelloc’h. Savet en deus eñvorennoù, e doare an eñvorennourien, evel ul Louis de Saint-Simon bennak o taolenniñ bedig an emsav evit ar brezhoneg. Lakaet en deus embann darn vuiañ e oberenn gant Emgleo Breiz hag ar gelaouenn Brud Nevez pa oa anezho, met kinniget en deus levrioù da An Here ha TES, pennadoù d’ar c'helaouennoù Al Liamm ha Ya!, hag enrolladennoù da Dastum ivez. Embann a ra diouzh e ober dindan anv Embann Kêredol, krouet e 2003. Techet eo da ziskouez fent^[1], da gentañ holl, e zizalc’hiezh e-keñver ar mennozhioù embannet er chapeligoù, pa anzav n’eo ket broadelour, rannvroelour war an tu kleiz^[2] nann-stourmer ne lavar ket. Ha p’eo kalz nebeutoc’h troet ouzh al lennegezh ha m’eo bet Roparz Hemon, e c’heller o zostaat, a-fet puilhentez ha liesseurted o oberennoù.

Mikael Madeg
Obererezh	Skrivagner
Ganedigezh	4 a viz Genver 1950 Courbevoie, Enez Frañs
Yezh skrivañ	brezhoneg, galleg
kemmañ

E vuhez

Ganet eo Mikael Madeg e Courbevoie, e bannlev Pariz, d’ar 4 a viz Genver 1950. Ganet e oa e dad e Landivizio (e 1922) hag e vamm e Belgia, dezhi un tad eus Normandi hag ar familh o chom e Taverny. Goude ma voe lennet gantañ un sterniad bruderezh evit « Ar Skol dre lizer » e-barzh ar sizhunieg « La Bretagne à Paris », e miz Ebrel 1967, e tivizas heuliañ kentelioù dre lizhiri a veze roet gant ar frer Visant Seite^[3], hag un diskibl ken araoket e oa ma voe kinniget dezhañ bezañ degemeret e feurmoù meret gant daou vreur ar frer e Kleder, da vare hañvezh 1969. E-barzh Al Leur Nevez e voe, ha kelenn a rae ar brezhoneg e-doug ar stajoù-yezh aozet ganto ken abred hag e 20 vloaz.

Er bloavezioù 70 e taremprede tud Ar Falz hag ez ae d’ar stajoù-vakañs aozet ganto. Eno e kejas gant skrivagnerien vrezhonek, darn anezho izili Unvaniezh Demokratel Breizh, hag e emezelas outi e 1976. Kelenn a reas tri bloavezh e Normandi e-lec'h oa o chom bepred war ar maez, e Loudieg pa oa o chom e Gweltaz (Bro-Gwened), el lise Jean Moulin (Kastellin), ma kelenne brezhoneg, ha saozneg adarre e daou lise publik, e Brest.

Studioù

Heuliet en deus stummadur Skol Normal Saint-Cloud troet war ar yezhoù hag ar yezhoniezh, ken e c’hellas mont da gelenner saozneg en deskadurezh publik e Breizh war-lerc’h. Ne dapas ket an agregasion, a oa pal pennañ studierien ar skolioù normal, pa voe o reiñ kentelioù brezhoneg e pep korn bro Pariz e 1969. Desket en deus ivez kembraeg e Kembre, m'eo bet o chom e-pad daou vloaz, e Bethesda ha Bangor, ha gouezeleg Bro-Skos e Bro-Skos, dreist-holl e Sgitheanach, e 1978. Gouzout a ra esperanteg ivez. Sevenet en deus div zoktorelezh, unan diwar-benn lesanvioù brezhonek Bro-Leon hag eben diwar-benn anvioù kêriadennoù Bro-Leon.

Skrivagner

Ouzhpenn e labourioù lennegel niverus (barzhonegoù, met dreist-holl danevelloù ha romantoù) ez eus embannet un toullad eus e oberennoù studi hag enklask diwar-benn al lesanvioù (e Breizh, e Kembre, e Normandi hag e Bro-Skos) ha lec'hanvadurezh Bro-Leon, pe war temoù all : ar bezhin, ar c'hleuzioù, hag an divyezhegezh abred, na pa ve ken. Pa oa bet stummet gant Visant Seite e implije ar reizhskrivadur skolveuriek evit e embannadennoù a fizie e Emgleo Breiz ingal.

Diwar e genlabour gant Per Pondaven ha Yann Riou ez eus bet embannet tro 20 000 lec'hanv eus arvor Leon, distagadur, lec'hiadenn hag all : frouezh ugent bloavezh a enklaskoù e-touez an dud.

Anavezet eo bet Mikael Madeg er bloavezhioù dek ha-tri ugent pa oa deuet da Vro-Leon da bourmen e galite emsaver da gentañ, ha diwezhatoc'h da chom da vat. Plijout a ra kalz dezhañ ar brezhoneg ha tik eo gant ar rannyezhoù, dreist-holl. E-kerzh an hañvezh 2006 e oa bet embannet e 100vet oberenn, hag e penn kentañ 2012 ez eus pelloc'h 142 ditl en e "levrlennadur".

Roll levrioù

Setu un nebeud oberennoù gant Mikael Madeg, skrivet pe troet gantañ, pe c'hoazh kensavet gantañ ; an darn vrasañ anezho a zo bet embannet gant Emgleo Breiz, ha bremañ gant Embann Kêredol, e di-embann.

E brezhoneg

• Komz sonskridaweg rannyezou : niverenn skwer euz brezoneg gorre Leon (gant Soazig Grall hag Ivon Gourmelon). Brezhoneg Yezh Vew, 1976 (19 p.)
• Barzonegou. Brud Nevez 1980
• Leor lesanoiou Bro-Leon ha Bro-Chelgenn
• Du a Gwyn - Gwenn ha du (gant Dewi Morris Jones). Y Lolfa, 1982 (128 p.)
• Leor lesanoiou Leon : goueled Leon ha Bro-Bagan : who's not who, ha piou a zo! Brud Nevez, 1985
• Margodig an dour eienenn. Emgleo Breiz - Ar helenner, 1985 (46 p. ; skeudennaouet gant Joël Jim Sevellec)
• Desevel bugale e brezoneg - Dosier dastumet ha renket gand Mikael Madeg. Emgleo Breiz - Ar Skol Vrezoneg, 1986 (522 p. ; golo skeudennaouet gant Joël Jim Sevellec)
• Studiadenn anoiou lehioù Kastellin. 1986
• Ur studiadenn war anoiou lehioù Landerne. 1986 (20 p.)
• Yann e vaz-houarn. Emgleo Breiz, 1987 (skeudennaouet gant Joël Jim Sevellec)
• Ur lévrad lesanùeu a Vro-Gwened - Tresadenneu ged Reun an Honseg - Lakeet e brehoneg ar vro ged Gilberte Kervareg. Brud Nevez, 1987 (211 p.)
• Ar seiz posubl. Brud Nevez, 1987 (175 p.)
• (troidigezh diwar Irma Chilton) Ar peroked. An Here, 1987 (Levrioù skol al louarn 1 ; 79 p. ; skeudennaouet)
• Barzaz. Emglo Breiz, 1988 (140 p. ; skeudennaouet gant L. Derrien)
• Marvaillou. Brud Nevez - Emgleo Breiz, 1990 (43 p. + 41 p. + 36 p. + 33 p. + 35 p.)
• Sell a-dreñv war eun oberenn : skrid diwar-benn al lennegez. Brud Nevez - Emgleo Breiz, 1990 (67 p.)
• Marvaillou 6 : kleuziad ha kaea : labour ar hleuziou e Bro Leon. Brud Nevez, 1992 (165 p.)
• Doareoù an ankou. Dastum
• Poent zo bet e Bro Leon (8 levrenn, embannet etre 1992 ha 2004, Emgleo Breiz)
• Sarmoniou e brezoneg Leon
• Eun tanva euz brezoneg Bro-Leon
• Bezin e Bro-Leon
• Kontadennou euz traoñ-Kerne
• Kontadennou euz Bro Dreger ha Goelo
• Renabl anoiou lehiou Bro-Leon gand o distagadur
• Renabl anoiou ruiou ha plasennou Bro-Leon
• Renabl anoiou keriadennou Bro-Leon hag o distagadur. Brud Nevez, 1996
• Such were the days... Brud Nevez - Emgleo Breiz, 1996 (271 p.)
• Marvaillou 15 : Blaz ar brezoneg. 1997
• Eul leoriad lesanoiou euz bro-Dreger ha bro-Ouelo
• Leor lesanoiou Kerne. Arvor Su bro-Vigoudenn. Emgleo Breiz, 2005
• Danjeruz?... Tamm ebed ! pez-c'hoari
• Leor lesanoiou gouezeleg Bro-Skos. Ar Skol Vrezoneg - Emgleo Breiz, 1998
• Bro Leon ennon. Brud Nevez, 1999
• Feunteunioù brudet Bro-Leon. Emgleo Breiz, 2006 (289 p.)
• Anoiou badiziant e Bro-Leon, Emgleo Breiz, 2006
• Bro-Chelgenn ha Montroulez : Mojennou. Emgleo Breiz, 2007 (Poent 'zo bet e Bro-Leon 7 ; 222 p.)
• Anoiou famillou Bro-Leon, Emgleo Breiz, 2009
• Kentelioù distagadur brezhoneg Bro-Leon, Nadoz-Vor Embannadurioù, 2020.

Danevelloù

• Pemp troad ar maout, ha danevellou all. Brud Nevez, 1980
• Ar Seiz Posupl, danevelloù, Brud Nevez, 1987
• Nozvez ar hig-ha-fars. danevelloù, Brud Nevez, 1988 (128 p.)
• Arvoriz : danevellou. Brud Nevez, 1991 (233 p.)
• Danevellou Gouezeleg a Vro-Skos, troet gant Mikael Madeg. Brud Nevez, 1994
• Dre al lano hag an tre : danevellou. Brud Nevez, 1999
• Plounemzao, danevelloù, Brud Nevez - Emgleo Breiz, 2001
• Leoniz : danevellou. Brud Nevez, 2002
• Pemdez-dibemdez. Danevelloù, Emgleo Breiz, 2003
• Bale, n'eo ket dale... danevelloù, Embann Kêredol, 2005 (149 p.)
• Kala-goañv. Tsounami. Danevelloù, TES, 2006 (Dastumad Koad Glas ; 50 p. ; skeudennaouet)
• Ar fri war ar gloued : Danevellou. Emgleo Breiz, 2007 (145 p.)

Romantoù

• O Breiz va bro!, Emgleo Breiz - Brud Nevez, 1988 (204 p.
• Tra ma vo mor, Emglo Breiz - Brud Nevez, 1988 (315 p.
• Gweltaz an inizi, Emgleo Breiz-Brud Nevez, 1990 (150 p.
• Ar vougou, Brud Nevez, 1992
• Glaz ha gliz an hanvez-se, Emgleo Breiz - Brud Nevez, 1997, 154 p.
• Dornskrid Sant Jakez, Ar Skol Vrezoneg, 2002
• Glepoh eged ar glao Embann Kêredol, 2003, 298 p.
• Eur bloavez truillog, Emgleo Breiz, 2006, 360 p.
• Ur brezelour e oan, Donnachadh Mac Dhomhnaill (Mikael Madeg dindan un arallanv). Embannadurioù Al Liamm, 2006 (386 p.)
• Dispac'h, Embann Keredol, 2014

• Skrivagnerien, Embann Kêredol, 2015
• Petra din-me, Embann Kêredol, 2020

Barzhonegoù

• Hirio an deiz, Brud, 1975
• Barzaz, Emgleo Breiz : Brud Nevez, 1988

E galleg

• Le livre des surnoms du Léon. Brud Nevez, 1989 (323 p. ; skeudennaouet gant Kristen Foisnon ha Jean-Yves André)
• Histoires de talus (in revue"Penn ar Bed")
• Noms de lieux et de personnes du Léon. Embann Kêredol, 2010 (234 p.)
• Traité de prononciation du breton du Nord-Ouest. Emgleo Breiz, 2010 (145 p.)
• Légendes du Pays de Landivisiau. Embann Kêredol, 2010 (Patrimoine légendaire du Léon ; 286 p.)
• Fantômes et intersignes au Pays de Léon. Embann Kêredol, 2010 (Patrimoine légendaire du Léon ; 337 p.)
• Le grand livre des surnoms bretons. Emgleo Breiz, 2010 (320 p.)
• Le problème des noms de lieux en Basse-Bretagne. : éléments d'analyse et essai de synthèse (11 p.)
• Légendes des Monts d'Arrée. Embann Kêredol, 2009 (Patrimoine légendaire du Léon ; 246 p.)
• Légendes du canton de Saint-Renan et de Plouzané. Embann Kêredol, 2009 (Patrimoine légendaire du Léon ; 238 p.)
• Légendes du canton de Ploudalmézeau. Embann Kêredol, 2009 (Patrimoine légendaire du Léon ; 283 p.)
• Introduction à l'étude des surnoms de Haute-Bretagne. Embann Kêredol, 2008 (220 p.)
• Introduction à l'étude des surnoms individuels à travers l'exemple des langues celtiques. Embann Kêredol, 2008 (277 p.)
• Légendes du pays Pagan. Embann Kêredol, 2008 (221 p.)
• Les saints fondateurs du Pays de Léon. (Vies et Légendes). Embann Kêredol, 2007 (Patrimoine légendaire du Léon ; 284 p.)
• Ma ! Biskoaz (ça par exemple... ) : Surnoms bretons commémoratifs du Léon. Embann Kêredol, 2007 (Surnoms celtiques ; 167 p.)
• Surnoms bretons de la mer et des marins. Embann Kêredol, 2007 (Surnoms celtiques ; 338 p.)
• Découvrir les fontaines du Léon. Emgleo Breiz, 2006 (247 p.)
• Introduction à l'étude des surnoms normands. Embann Kêredol, 2006 (177 p.)
• Surnoms bretons des cantons de Lannilis et Plabennec. Embann Kêredol, 2006 (Surnoms celtiques n° 9 ; 170 p.)
• Surnoms bretons du canton de Ploudalmézeau. Embann Kêredol, 2006 (Surnoms celtiques n° 10 ; 153 p.)
• Surnoms gaéliques de l'île de Man, d'Irlande et d'Écosse. Embann Kêredol, 2006 (Surnoms celtiques ; 269 p.)
• Surnoms Gallois. Embann Kêredol, 2006 (Surnoms celtiques ; 227 p.)
• Traité de prononciation du breton du Nord-Ouest, Emgleo Breiz, 2010.

Liesyezhek

• Blaz keltieg, blas celtaidd, blas keltek, blas ceilteach, blas celtiagh. A taste of celtic languages, un goût de celtique
• Renabl anoiou lehiou inizi kornog Goueled Leon - Inventaire des noms de lieux du domaine maritime de l'archipel Ouessant Molène. Ar Skol Vrezoneg, 1991 (299 p.)
• Talus du Léon : kleuziou e Bro-Leon (in"Penn ar Bed")
• Surprenants surnoms bretons. Al lesanoiou brezoneg gwella

Kenlabour

• Lagad an heol (gant Yvon Gourmelon, Mark Kerrain, Mark ar Briz, Lukian Kergoat, Gweltaz ar Bihan hag Yvon Abiven). TES, 1996 (110 p. ; skeudennaouet)
• (gant Yann Riou) Renabl anoioù lehioù Arvor : Goueled-Leon : Landerne, Ar Forest, Gwipavaz, Ar Releg, Brest, Plouzane, Lokmaria, Plougonvelen, Konk-Leon, Ploñger, Plouarzel (Trezian) ha Lambaol-Blouarzel. Etre Elorn ha Porz Skaf
• (gant Per Pondaven) Renabl anoiou lehiou Arvor 2 : Goueled Leon : Gwitalmeze, Lambaol. Brud Nevez
• (gant Per Pondaven) Renabl Anoiou Lehiou Arvor 3 : Bro Bagan. Brud Nevez, 2000
• Anoiou badeziant Bro-Leon (gant Yann Riou ha Per Pondaven)
• Peñse e Bro-Leon (gant Marc Paugam). Dastum Bro-Leon, 2007 (80 p.)
• Fin din skriva e brezoneg ? Emgleo Breiz, 2009 (Leoriou bihan 14 ; 37 p.)
• Anoiou famillou Bro-Leon : hervez hengoun ar vrezonegerien (gant Yann Riou ha Per Pondaven). Emgleo Breiz, 2009 (387 p.)
• Okinita. Emgleo Breiz, 2010 (Roll-diroll ; 54 p.)

Levrlennadur

• Michel Renouard, Nathalie Merrien ha Joëlle Méar, Dictionnaire de Bretagne, embannadurioù Ouest-France, Roazhon, 1992, 335 p. (ISBN 2-7373-0825-9, OCLC 463441956, BNF 35507484)
• Dictionnaire des écrivains bretons du XXe siècle, dindan renerezh Marc Gontard, 2002
• "Légendes de Landerneau par Mikael Madeg", Le Télégramme, 01/02/2011
• Mikael Madeg, Skrivagnerien, Embann Keredol, 2015.