Міністэрства абароны Рэспублікі Беларусь

Міністэрства абароны Рэспублікі Беларусь (Міністэрства абароны Беларусі) — ведамства ўрада Беларусі, упаўнаважанае кіраваць узброенымі сіламі. Міністр абароны і яго намеснікі прызначаюцца і здымаюцца з пасад прэзідэнтам. Міністр уваходзіць у склад Савет бяспекі Рэспублікі Беларусь. З 20 студзеня 2020 года пасаду міністра займае Віктар Хрэнін^[1].

Міністэрства абароны Рэспублікі Беларусь
скарочана — Мінабароны РБ
Геральдычны знак — эмблема Міністэрства абароны Рэспублікі Беларусь
Будынак МА РБ
Агульная інфармацыя
Краіна	Беларусь
Юрысдыкцыя	Беларусь
Дата стварэння	20 сакавіка 1992
Кіраўніцтва дзейнасцю ажыццяўляе	Прэзідэнт Рэспублікі Беларусь
Штаб-кватэра	220034, Мінск, вул. Камуністычная, д. 1 27°34′00,87″ пн. ш. 53°54′35,99″ у. д.HGЯO
Міністр	Генерал-маёр Віктар Генадзевіч Хрэнін
Начальнік Генеральнага штаба	Генерал-маёр Павел Мікалаевіч Муравейка
Сайт	mod.mil.by

Палітыка

Беларусь

Артыкул — частка серыі: Палітычная сістэма Беларусі

Канстытуцыя Беларусі Прэзідэнт Беларусі Адміністрацыя прэзідэнта Савет Міністраў Прэм’ер-міністр Міністр замежных спраў Міністр абароны Савет бяспекі Нацыянальны сход Савет Рэспублікі Члены Савета Рэспублікі Старшыня Савета Рэспублікі Палата прадстаўнікоў Дэпутаты Палаты прадстаўнікоў Старшыня Палаты прадстаўнікоў Судовая сістэма Канстытуцыйны Суд Вярхоўны Суд Генеральная пракуратура Адміністрацыйная сістэма Адміністрацыйны падзел Выбары Палітычныя партыі Рэферэндумы: 1995 1996 2004 2022 Парламенцкія выбары: 1995 2000 2004 2008 2012 2016 2019 2024 Прэзідэнцкія выбары: 1994 2001 2006 2010 2015 2020 Унутраная палітыка Знешняя палітыка Міжнародныя арганізацыі Ваенная палітыка

Склад калегіі міністэрства з удзелам міністра, яго 4 намеснікаў^[2], дзяржаўнага сакратара Савет бяспекі Рэспублікі Беларусь і загадчыкаў відамі ўзброеных сіл таксама ўхваляецца прэзідэнтам. Паседжанні калегіі праводзяцца раз у два месяцы ды з'яўляюцца правамоцнымі пры наяўнасці паловы членаў. Рашэнні ўхваляюцца кваліфікаванаю большасцю галасоў прысутных.

З 2022 года Міністэрства абароны Рэспублікі Беларусь знаходзіцца пад санкцыямі Еўрасаюза, ЗША, Швейцарыі, Украіны і Японіі^[3]. У жніўні 2023 года Канада таксама далучылася да санкцый супраць міністэрства^[4].

Будова

Цэнтральны апарат складаецца з 5 галоўных упраўленняў, 2 упраўленняў, аднаго дэпартаменту, агентцтва і генеральнага штаба^[5].

Служба

Поўнагадовыя грамадзяне мужчынскага пола ва ўзросце да 27 год праходзяць ваенную службу цягам 18 месяцаў паводле абавязку, а пры наяўнасці вышэйшай адукацыі — цягам года. Найм на ваенную службу ажыццяўляецца з ліку поўнагадовых грамадзян, у тым ліку жаночага пола з 19 год, ва ўзросце да 35 год на пасады салдатаў і матросаў, сяржантаў і старшынаў, прапаршчыкаў і мічманаў, а на пасады афіцэраў — да 30 год. Гранічны ўзрост знаходжання на службе для салдатаў і матросаў, сяржантаў і старшынаў, прапаршчыкаў і мічманаў, малодшых і старшых афіцэраў, акрамя палкоўнікаў (капітанаў 1-га рангу), складае 45 год, для палкоўнікаў (капітанаў 1-га рангу) — 50 гадоў, генерал-лейтэнантаў, генерал-маёраў — 55 гадоў, а для генерал-палкоўнікаў — 60 гадоў. Застацца на службе звыш гранічнага ўзросту ў званні да падпалкоўніка (капітана 2-га рангу) дазваляецца рашэннямі калегіі міністэрства, а вайскоўцам у званні палкоўніка (капітана 1-га рангу) і вышэй — рашэннем прэзідэнта^[6].

Мінулае

У снежні 1991 г. першым міністрам па справах абароны Беларусі прызначылі генерал-палкоўніка Пятра Чавуса^[7]. Аднак толькі 20 сакавіка 1992 г. урад ухваліў Пастанову аб стварэнні ўзброеных сіл Рэспублікі Беларусь. У лістападзе 1992 г. Вярхоўны Савет ухваліў Законы «Аб абароне», «Аб усеагульным воінскім абавязку і ваеннай службе» ды «Аб статусе ваеннаслужачых», а 6 снежня 1992 г. — ваенную дактрыну^[8].

Міністры

#	Фота	Прозвішча	Пачатак паўнамоцтваў	Канец паўнамоцтваў	Кіраўнік дзяржавы
1		Пётр Рыгоравіч Чавус	Снежань 1991	Красавік 1992	Станіслаў Шушкевіч
2		Павел Паўлавіч Казлоўскі	Красавік 1992	Ліпень 1994	Станіслаў Шушкевіч Мечыслаў Грыб
3		Анатоль Іванавіч Касценка	28 ліпеня 1994	6 чэрвеня 1995	Аляксандр Лукашэнка
4		Леанід Сямёнавіч Мальцаў	10 кастрычніка 1995	1 лістапада 1996
5		Аляксандр Пятровіч Чумакоў	1 лістапада 1996	28 сакавіка 2001
6		Леанід Сямёнавіч Мальцаў	24 верасня 2001	4 снежня 2009
7		Юрый Віктаравіч Жадобін	4 снежня 2009	25 лістапада 2014
8		Андрэй Аляксеевіч Раўкоў	25 лістапада 2014	20 студзеня 2020
9		Віктар Генадзевіч Хрэнін	20 студзеня 2020

Гл. таксама

• Дэпартамент міжнароднага ваеннага супрацоўніцтва Міністэрства абароны Рэспублікі Беларусь

Зноскі

1. Прыняцце кадравых рашэнняў (бел.)  (нявызн.) ?. Прэс-служба Прэзідэнта Рэспублікі Беларусь. Праверана 21.01.2020.
2. Указ прэзідэнта Рэспублікі Беларусь ад 28 снежня 2001 г. № 780 (руск.). Нацыянальны прававы інтэрнэт-партал Рэспублікі Беларусь (21 жніўня 2010).(недаступная спасылка)
3. Міністерство оборони Республіки Білорусь (нявызн.)(недаступная спасылка). Архівавана з першакрыніцы 13 красавіка 2023. Праверана 13 красавіка 2023.
4. Санкцыі супраць рэжыму Лукашэнкі пашырыла Канада (нявызн.). Наша Ніва (9 жніўня 2023).
5. http://www.mod.mil.by/owq.html Архівавана 16 снежня 2010.
6. http://zakanadaustva.narod.ru/zakony/zakon_ab_voinskim_abaviazku_22_07_03.htm Архівавана 4 кастрычніка 2006.
7. http://www.mod.mil.by/85kombel_by.html Архівавана 23 снежня 2009.
8. http://www.mod.mil.by/7okrugarmia_by.html Архівавана 16 снежня 2010.

Спасылкі

• Сайт Міністэрства абароны Беларусі Архівавана 31 студзеня 2015.