Літавор
мужчынскае асабістае імя From Wikipedia, the free encyclopedia
Літавор (Літавар), Лютувер (Лютвар, Лювер) — мужчынскае імя.
| Luitwert Leudovera | |
| Паходжаньне | |
|---|---|
| Мова(-ы) | германскія |
| Утворанае ад | Liut + Warto Liudo + Vera |
| Іншыя формы | |
| Варыянт(ы) | Лютувер, Лютвар, Літавар, Лювер |
| Зьвязаныя артыкулы | |
| якія пачынаюцца з «Літавор» | |
Паходжаньне
Лютвард, Лютверт або Літварт (Liutward, Luitwert, Litwart[1]) — імя германскага паходжаньня[2][3]. Іменная аснова -люд- (-лют-) (імёны ліцьвінаў Людвін, Лютар, Людамонт; германскія імёны Liudwin, Liutar, Ludimunt) паходзіць ад гоцкага і бургундзкага liuþs, leuda 'люд, людзі'[4], а аснова -вард- (-варт-) (імёны ліцьвінаў Дакварда, Эварт, Явар; германскія імёны Dagward, Ewart, Jovard) — ад германскага ward 'ахоўнік'[3]. Такім парадкам, імя Лютавор азначае «ахоўнік народу»[3]. Апроч таго, адзначалася старажытнае германскае імя Leudovera (Leudo-vera)[5] або Litwara[6].
Польскі гісторык Конрад Гурскі(pl) тлумачыць імя Літавор ад нямецкага Litauer 'ліцьвін'[7]. Такое ж тлумачэньне імя Litawor (Litawer) даецца ў слоўніку старапольскіх асабовых імёнаў, выдадзеных Польскай акадэміяй навук[8].
У Польшчы (Памяранія) у 1506 годзе і ў XVII ст. адзначалася прозьвішча Littauer (Littawer)[9].
Варыянты імя ў гістарычных крыніцах: Lutuwerus[a] (Хроніка Прускай зямлі); Литавор (24 чэрвеня 1486 году)[10]; Ивашъко Литаворовъ, пана Богдановъ сынъ Хребътовича (29 кастрычніка 1486 году)[11]; пан Литавар (23 лістапада 1486 году[12], 7 жніўня 1488 году[13], па 6 красавіка 1488 году[14], 2 чэрвеня 1489 году[15]); пан Литавор (14 сьнежня 1486 году)[16], Русиномъ: <…> подскарбему дворному пану Литавару (17 сакавіка 1488 году)[17]; Литавор Хребътовичъ (27 траўня 1489 году)[18]; пан Литавоуръ (16 траўня 1492 году)[19]; Янъ Литавор Богданович Хребтович (13 жніўня 1492 году)[20]; Johanne Littaor Chrepthouicz[21], Johanne Littaor Chreptowicz[22] (1492 год); панъ Литавар Хребтович (16 ліпеня 1493 году)[23]; Iohanne Littaor Marschalco et Tenutario in Slonijm (16 чэрвеня 1494 году)[24]; Iohannis Litawor (14 траўня 1499 году)[25]; Iohannes Littaor (24 ліпеня 1499 году)[26]; magnificam Heduigim, relictam olim magnifici Joannis Litauor… Heduygis Litawarowa (1524 год)[27]; з Дорогичина Пани Литаворовои (1533—1535 гады)[28]; пани Ганны Литаворовны (7 і 9 лютага 1596 году)[29]; Lutwaryszki (1670 год)[30]; Jm. Pana Adama Littaworowicza Chreptowicza (24 ліпеня 1759 году)[31]; Alexander Littawor Aramowicz, Czesznik Trocki (24 кастрычніка 1765 году)[32]; Pawel Litаwоr Abramowicz, Jan Lit. Abramowicz (20 сакавіка 1767 году)[33].
Носьбіты
- Лютвард († 900 або 901) — канцлер франкаў, біскуп Вэрчэлі
- Лютавор — імавернае імя бацькі вялікага князя літоўскага Віценя[34][35]
- Ян Багданавіч Літавор Храптовіч (да 1468—1513) — дзяржаўны дзяяч Вялікага Княства Літоўскага, падскарбі дворны літоўскі і маршалак гаспадарскі
- Ян Літавор Храптовіч — дзяржаўны дзяяч Вялікага Княства Літоўскага, кашталян берасьцейскі і наваградзкі
- Лювер — прыстаў у Жамойцкім старостве, які ўпамінаецца ў 1537—1538 гадох[36]
- Ян Літавор Арамовіч — дзяржаўны дзяяч Вялікага Княства Літоўскага, стольнік браслаўскі ў 1755—1764 гадох[37]
- Аляксандар Літавор Арамовіч — дзяржаўны дзяяч Вялікага Княства Літоўскага, стольнік браслаўскі ў 1780 годзе[37]
- Павал Літавор Арамовіч — дзяржаўны дзяяч Вялікага Княства Літоўскага, чашнік берасьцейскі ў 1774—1777 гадох[38]
- Літавор — імя аднаго з пэрсанажаў паэмы Адама Міцкевіча «Гражына»
Літаворы Храптовічы і Літаворы Арамовічы гербу Адравонж — літоўскія шляхецкія роды.
Літавэры (Littawer, Littauer) — шляхецкі род Рэчы Паспалітай з Паморскага ваяводзтва[39].
На гістарычнай Слонімшчыне існуе вёска Літаварцы, на гістарычнай Троччыне існаваў маёнтак Літаварышкі, зь якім зьвязваюць назву места Ляндварова.
Глядзіце таксама
Заўвагі
Крыніцы
Літаратура
Wikiwand - on
Seamless Wikipedia browsing. On steroids.