Pasjtoene

Die Pasjtoene (Pasjtoe: پښتانه, Pax̌tānə; manlike enkelvoud: پښتون, Pax̌tūn; vroulik: پښتنه Pax̌tana), histories bekend onder die eksonieme Afghane (Persies: افغان, Afğān)^{[13][14][15][16]} en Pathane (Hindi-Oerdoe: पठान, پٹھان, Paṭhān),^[17][18] is 'n Irannese etniese groep inheems aan Afghanistan en Pakistan wat Pasjtoe, 'n Irannese taal, as moedertaal praat.^[19]

Pasjtoene in Kandahar, Afghanistan

Verspreiding van etniese groepe in Pakistan volgens die CIA in 1980

Die Afridi-stamgroep is Pasjtoen-Afghane. Hierdie Afridi-krygers is in 1866 te Jamruud-fort afgeneem.

Hierdie artikel handel oor die etniese groep. Vir die taal, sien Pasjtoe.

Pasjtoene
Totale bevolking:	ca. 49 miljoen
Belangrike bevolkings  in:	Pakistan ~31 miljoen[1]  Afghanistan ~14 miljoen[2]  Verenigde Arabiese Emirate 338 315[3]  Verenigde State 138 554[4][5]  Iran 110 000[6]  Verenigde Koninkryk 100 000[7]  Duitsland 37 800[8]  Kanada 26 000[9]  Indië 13 000[10]  Rusland 9 800[11]  Australië 8 154[12]  Maleisië 5 500  Tadjikistan 4 000[6]
Taal:	Pasjtoe (moedertaal) Oerdoe, Persies en Engels as tweede tale
Geloofsoortuiging:	Hoofsaaklik Soennitiese Islam Minderheid Sjiïtiese Islam
Verwante etniese groepe:	Ander Irannese volke soos Beloetsje, Hasara, Jesiede, Koerde, Ossetiërs, Perse en Tadjiks

Wêreldwyd leef sowat 50 miljoen Pasjtoene, waarvan sowat 31 miljoen in Afghanistan (42% van die bevolking) en omtrent 14 miljoen in Pakistan (15%). Hulle is veral aanhangers van die Soennitiese Islam en leef in die sentrale grensgebied tussen albei lande. Die stede Kandahar, Pesjawar en Quetta word as belangrikste kulturele sentrums van die Pasjtoene beskou. Die Pasjtoene beskik oor hul eie etiese kodeks, die "Pasjtoenwali", 'n tradisionele etiekreeks wat die individuele en gemeenskaplike optrede begelei.

Die stamgebied van die Pasjtoene, Pakhtunkhwa of Pasjtoenistan, word sedert 1893 deur die Durandlyn van mekaar geskei. Hierdie grenslyn is tussen die destydse Brits-Indië en die Emiraat van Afghanistan vasgelê en vorm nou die grens tussen beide Afghanistan en Pakistan.^[20] Pasjtoenistan grens in die ooste aan Pandjab, in die weste en noorde aan Persies- en Turkstalige gebiede, in die noordooste aan Kasjmir en in die suide aan Beloetsjistan.