中国东部地区言话 From Wikipedia, the free encyclopedia
吴语（標準吳語：Ngū-ngèi，上海閑話：Wū-nyù；英文：Wu language）是汉藏语系汉语族里向个一种语言，[1]主要是吴越民系在扗用。现在主要分布在乃朝中国个江苏南部、上海、浙江大部份、安徽南部份户荡、江西东北搭福建西北，[2][3]还有分布在香港、美国旧金山许荡地讲吴语个移民当中；澳大利亚搭加拿大个吴语移民主要讲太湖吴语，欧洲（主要是意大利、西班牙、法国）个吴语移民一般通用东瓯片或者处州片吴语（§ 分佈）。
箇篇文章內容忒少哉，儂要是畀佢修改搭補加內容便最好哉。
吴语个汉字发音搭現代汉语推板交关。用词搭语法也邪气有特色。譬如用吴语写个小说《海上花列传》，弗会得吴语个人士望弗懂渠写何物事。张爱玲女客人翻译带官话个，讲官话个人还有眼理解弗进。
吴语历史邪气悠久，2500年前头个春秋时代，江南两个诸侯国——越国搭吴国个原住民大多便用个瑲朞還留在吳語底層个古越語，一般性認為箇閑話屬於侗台语系。上級階層也會講漢語，但單獨个方言話是弗是形成爻還有爭議。[4]
到著公元四世纪东晋辰光，「衣冠南渡」个北方人发现吴地方言搭中原闲话推板邪气大，全科无法相互了解。却情，北方优势政治地位个影响下底，北方古漢文明搭之南方古越文明相互交流，吴越地区之古越语逐步吸收爻大量古汉语个特征搭之词汇，搭之古代吴语推扳蛮多个现代吴语在以后慢慢然成型，海会古老个吴语特征反使保留在今朝个「閩語」里向，现代吳語个語音明顯好搭中古（隋唐）辰光个韻書（廣韻－切韻）建立對應關係，換之講，雖然吳語个歷史是南方漢語裡向頂頂長久个，形態倒弗好算頂古老个。
丁邦新、潘悟云、郑张尚芳咾啥学者对吴语搭闽语个密切关系做个详尽个分析，可以假设历史上是同源个。李如龙列出来个闽语一二级特征词，将近一半好算吴闽同源词。还有眼共有现象通常不见于别样汉语。
吳語在人口統計丄是乃朝中國大陸个第二大語言，弗過，佢弗搭閩南語搭粵語樣，有「統戰」必要，也有相對成熟个現代運用搭母語環境。佢在媒體電視丄出鏡頻率邪低，弗再論學術、文學、音樂許正式場地个使用。吳語亟缺現代化个建構搭社會系統性个支持，瑲有淪落作市井言話个危險。
乃朝因为中华人民共和国强制性推广普通话，同时大量来自中原地区搭华北个人口涌入，让吴越人个本身文化遭到邪气大个冲击。交关年轻人已经弗会得话吴语，外加丧失著蛮多本地习俗，对传统意义丄个吴越文化带来著传承风险。近年来，吴语区各地通过公共交通报站、中小学生吴语活动、民间自发形式个科普咾啥个方式推广吴语。
吳語个內部狀況也是各式各樣，金華、衢州一眼場許个當地居民存在弗再用吴语个现象，蘇南交關地方也因爲外來人口增多帶來著弗用吴语个大趨勢。也有許城市个母語環境稍微好些。[來源請求]
吳語地區个教育相對發達。必过幼儿园辰光就開始推廣普通話活動搭之學堂裏向用語个單一普化，導致爻新生代普遍雙語甚而至於發生爻母語替代，外加已經基本喪失脫吳語閱讀搭之寫作能力哉，在年紀輕个本地人當中出現行情衹會得聽弗會講、甚至全科弗會得聽貤弗會得講个人。因之有學者覺着，隨牢老一代人个凋零，吳語个世代傳承已經碰著爻老大个危險，連橫變成功瀕危語言。[5]
按照現在一般个學術丄个分區，吳語分佈在江蘇南部2000萬人、浙江大部分5000萬人，上海市全部2000萬人，安徽南部搭之1000萬人福建、江西个少部分場許，大約摸作，通行吳語个縣市有110個橫裡，人口大約一億零八百萬（2011年）。
吳語分佈个四隻極：
吳語在海外也有弗少移民个社區在用，比方講，溫州話个使用者遍佈美國法拉盛、紐約市个華人區，[6][7]外加歐洲意大利、法國搭西班牙[8]，扗意大利普拉托工業區便基本通行。[9]
顶重要个特征就是是中古全浊声母情原保留浊声，譬方“冻”“痛”“洞”声母分别是[t]、[tʰ]、[d]。
核心吴语个浊塞音从初起浊声时间（VOT）来看，位于后字个辰光的的刮刮是浊声。位于前字个辰光通常不是严格意义上个浊声，少数学者因此描写个辰光索介拿全浊声母搭全清声母归併。但是两者听感差异还是蛮大个，严格来讲，核心吴语[d]是弛声，[t]是张声，搭北语[t]侪不一样。结合声学搭感知两方面看，吴语塞音鼎立还是存在个。[10]必過，南吳交關戶蕩个濁音音值也扗變低。[11]
| 中古音类 | 前字 | 后字 | ||
|---|---|---|---|---|
| 初浊 | 基频 | 初浊 | 持阻 | |
| 全清“冻” | 全清浊<次清 | 全浊<全次清 | 全浊<全清<次清 | 全浊<全清 |
| 次清“痛” | 全清浊<次清 | 全浊<全次清 | 全浊<全清<次清 | － |
| 全浊“洞” | 全清浊<次清 | 全浊<全次清 | 全浊<全清<次清 | 全浊<全清 |
吳語語氣助詞在語句意味个表達丄有邪氣重要个語法作用，語氣助詞豐富，用法複雜，各式各樣。語氣助詞在表達語氣搭情貌丄有得舉足輕重个作用，交關辰光是弗可或缺个。 以上海言話爲例，主要个語氣助詞有：
上海言話个語氣助詞在發展過程中越來越簡化，交關語氣助詞，比方「呢啥」、「啦哩」、「末哉」 在中新派群體裏勢已經弗用，但是在上海郊縣地區搭之臨近城市（如蘇州、嘉興、湖州等地）仍舊有弗同程度个保留。
 |
箇篇文章个部分內容或者段落需要扩充，欢迎幫襯扩充来改善箇篇条目或者段落。 更多个讯息可能会得勒拉讨论页或者扩充请求里向寻着。 扩充条目完成后請拿脱隻模板。 |
根據吳語語言特點搭通話情況，好搭渠分成是六片：
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
