台州話
From Wikipedia, the free encyclopedia
Remove ads
台州话（国际音标：/tʰe33 tɕiǝu33 ɦua13/，罗马字：T'e-tsiu wa）是吴语个地方话，是台州人講个话，台州是浙江东南一个海邊城市。台州話个發音、詞語、語法搭普通话差沒牢牢。其中临海话有台州南北各地个特色，貤架临海從向是台州个府城（玱朞改到椒江），怪得临海话也是台州話个代表。不过台州蕩地四乡六坳講个話差別也蠻多。台州從向打角之故，蛮多吴越个古老發音特點也有留存。
广义上，台州话包括临海话、三门话、黄岩话、仙居话、太平话许，用个人有500多万，等吴语人数个11.6%，台州话貤好细分南台片搭北台片。南台包括临海、黄岩、椒江、路桥、温岭、玉环、乐清（清江以北）、仙居（东南部朱溪等乡镇）、永嘉（岭头乡），语音搭北吴太湖片相近，代表话有临海话搭太平话；北台包括三门、天台、仙居、宁海（西店摸南）、象山（南田、鹤浦、石浦许乡镇）、磐安（方前许乡镇），代表话有天台话。南北两片交流起来一粒吃力，不过，南片相对来讲都差不多，交流起来不吃力。
Remove ads
分片
台州话照腔调不样好分三个小片：天仙小片，临三小片搭南台小片。
南台小片
椒江（除章安街道），黄岩，路桥，温岭，玉环（除坎门，陈屿许镇），仙居个东南乡（朱溪镇许），永嘉（岭头乡），乐清清江以北地区。
临三小片
临海，三门，宁海（西店镇摸南），椒江（便只章安街道，本身临海个），仙居（主要是下各镇）、象山（南田镇、石浦镇、鹤浦镇许）。
天仙小片
語音
台州话辅音拢共33个，分清音不送气、清音送气、全浊、次浊。
聲母
韵母
台州话个韵母有48个。
聲調
Remove ads
特点
1. “交”许见母开口二等字，台州话里向基本上读[k]，文读、白读不样个少险。难板字读/tɕ/要物分文[k]白[tɕ]，比方讲“家属”个“家”读文读[tɕia]/[cia]，“人家”个“家”读白读[ko]；“嘉、巧”字囥勒名字里读文读音[cia]、[cʰiɔ]。（玉环话堂地除外）
2. 宕、江、通、臻（合口三等）摄个知、庄、章组声母，台州话里头差蛮多。温岭话里，许字都读舌面音；天台、三门、仙居话里向，宕摄字读[ts]声母个多，比方讲“装妆昌倡创商伤床”许；临海话里向读[ts]个字，比起头前三个堂地来讲数量少点。不过四个堂地，江、通、臻（合口三等）摄个字都读/tɕ/，比方讲“壮窗闯撞双、中忠终肿冲虫重竹祝粥叔触、春唇纯准顺出术”许。
3. 效、流摄开口三等，知、章组字个声母，台州话里向都蛮统一个，比方“手”搭“烧”两个字，台州话里都读舌面音，一般北部吴语都读舌尖音。各许字，“超朝赵招召烧照少绍、抽周舟宙收手受臭兽售”也是僣。
4. 见、晓组声母，後臗拼细音到，北部吴语裏向声母都腭化到[tɕ]，南部吴语一許也腭化。台州話裏，除屑數堂地腭化爻之外，基本上都還带箇特点，便是舌根音拼细音。箇一特点也是台州話獨成一派个主要特点之一。台州話裏，见晓组拼细音到，还照齐、撮呼分兩种。齐齿呼，除温岭、椒江、黄岩、玉环屑數堂地腭化爻之外，各許堂地都還保存舌根音[k]。一許人讲，声母不是舌根音[k]，是舌面中音[c]。實際上，箇舌面中音便是舌根音搭细音拼读到，自自在在个“逆同化”，搭整體腭化變到舌面音[tɕ]是全個不樣个。另外，见、晓组声母拼撮口呼到，台州話不管哪个堂地都不腭化，也便是[ky]、[kʰy]、[gy]、[hy]许，比方“举归区桂、卷捐圈劝、弓穷共兄凶、菊缺决曲”許字。總个來講，见、晓组拼“鱼虞祭齐支脂微仙元先谆文阳东钟”十五个韵母个合口三等字，瑲个台州話声母都還不腭化。另外，止合三、通合三裏向一許有文白异读个现象。比方“鬼轨卫危位、共供巩恐”許，文读音從撮口呼变到开合口呼。怪得，台州話个特色勿是尖团分不分，是尖团怎而分分。虽然南部吴语裏也有屑數堂地见组细音读[k/c]，不過绝对無台州話裏向馨多、馨齊。
5. 宕、江摄韵母還有鼻韵、鼻化韵是北部吴语个共性。南部吴语裏有磐安、汤溪、文成、温州許堂地韵尾落完，也不鼻化，是完全变元音韵母。台州話裏，三门话一許堂地變元音韵母，比方講张/tɕiæ/、帮/pɔ/。梗摄开口二等庚韵也读/æ/，比方“撑生更梗坑硬棚争耕”許。宕、江摄韵母，仙居、白塔許屑數堂地也读元音韵母；天台话裏阳韵字读鼻化韵母[iã]除外（實際上也有地區已經是[ia]、[a]），宕、江摄字都读元音韵母[ɔ]、[uɔ]。临海、温岭許堂地，貤搭北部吴语樣有鼻化韵。
6. 山摄合三仙韵知章组，北部吴语大多數堂地读洪音，南部吴语个大多數读细音，台州大多数搭南部吴语樣，读撮口呼[yø]。比方講“专穿船传”許字，临海、天台、三门、温岭許堂地都读细音。 便只黄岩、椒江搭温岭个屑數堂地（比方：泽国）读洪音[ø]，声母是舌尖音，不是舌面音（其实便是介音落爻）。
7. 效摄韵母，北部吴语大多数读单元音，南部吴语裏頭是多元音个韵母，比例多。台州話裏向，三门、天台、仙居也读双元音[au]、[iau]。临海、温岭許貤搭北部吴语樣是单元音。
8. “万”搭“饭”，台州話裏共个音，声母都是[v]（屑數詞語有白读音除外，比方讲“千万人”、“万八”、“万年路”）。南部吴语蠻多堂地音不樣，“万”是[m]，“饭”是[v]，一兩個是[f]。
9. “基”搭“资”，台州話裏都不共个音，頭个字是舌面音，後个字是舌尖音（宁海话里，“基”、“资”都读[tsɿ]）。南部吴语裏向無數堂地共个音，声母都是舌尖音。
10. “姐”搭“者”共个韵𣍐。“姐、者”北部吴语裏不共个韵，南部吴语大多数共个韵要物共个音。台州話裏复杂點。假开三麻韵精组字韵母，台州話裏大多数读[ia]韵，比方“笡(倾斜)斜邪谢”。“姐”两个音：/tɕia/和/tɕi/。临海、三门、黄岩、椒江許堂地读[ia]韵，天台、仙居、温岭許堂地读[i]韵。温岭个白读是/ʨi/，文读是[tɕia]要物/tɕiɛ/。麻韵章组字，台州話裏除“者”許屑數字外都读[o]韵。“者”箇字台州話都读/ʨia/。怪得，临海、三门、黄岩、椒江、温岭許方言裏，“姐”、“者”共个音。
11. [ʨ]组声母落爻。南部吴语裏[ʨ]组声母落爻要物变零声母有多有少。台州話裏目前無资料寫過箇现象。箇点搭北部吴语樣。
12. 小称音变。箇南部吴语裏多，北部吴语裏少。台州話裏小称音变搭南部吴语樣，也多險。
13. 阴平调型。阴平个调型，吴语个南搭北也差蠻多。北部吴语裏甬江小片搭上海小片个阴平调型是高降调，南部吴语大多数是中平调。台州話搭南部吴语樣，中平调多。临海、黄岩、椒江屑數堂地小可中降。
14. 连读变调个类型。南部吴语个变调类型“前变型”个多，北部吴语裏后字变调个多，台州話裏连读变调个类型搭南部吴语樣，连读变调个形式搭類型复杂。
Remove ads
特色词汇
台州话读音搭普通话猴不样，實際上無數词語用汉字寫起便是古老个詞。
人称
複數
疑問代詞
副词
- 不：读feh，也好写成『弗』。
- 不是：勿是
- 不要：休要
- 不会：要弗得
- 会：要勒得
- 可以：好，好用
- 不可以：呒出，无用
- 正好：扣好
- 很：X猛，X显，X得猛，能，侯，非常...
- 不止：弗叫
- 愿意：肯
- 不愿意：弗肯
- 对不起：对弗住
- 重新：转
- 也许：呒数
- 差点儿：差眼凑
- 打算(与事实相反)：划算
- 哪里(谦虚)：打算啊、几时咸、咸伊咸、咸横咸、嚡横咸
- 受不了、忍不住：醒弗牢，熬弗牢，忍弗牢(忍是内因，熬是外因)
连词
- 如果：比方，假如，空是讲，空把
名词
- 上面：上向，上门，上面，上横头
- 下面：下向，下门，下面，下横头，下底
- 里面：里向，里门，肚里，里面，里头
- 外面：外向，外门，外面，外头
- 今天：今日
- 明天：天亮
- 去年：旧年、去年
- 明年：下年
- 早晨：枯心(头)、五更
- 上午：早界(头)
- 中午：日昼(头)、日头昼
- 下午：晏界(头)、晚界(头)
- 晚上：晚头、黄昏(头)、黄昏夜头
- 白天：日里、日得
- 黑夜：夜里、夜得
- 一下：一昶、一击
- 刚才：头起、起头、对起、上先、对昶
- 刚刚：扣昶
- 从前：早垡、早日
- 现在：玱朞、玱
- 以后：转日
- 以后几年：转来年
- 上次：上垡，头遍
- 下次：下垡，转遍
- 一次：一垡，一遍
- 工作，干活：做生活
- 钱：钞票，铜钿
- 一毛钱：一角头
- 五毛钱：五角头
- 一块钱：一块头
- 五块钱：五块头
- 十块钱：十块头
- 一百块钱：一百块头
- 硬币：镴板、角子
- 散钱：散票
- 畜牲：众生
- 窝：窠
- 学校：学堂
- 衣服：衣裳
- 家，家里，房子：屋里
- 桌子、椅子、凳子：桌、椅、凳头
- 脸：面、面颊股
- 鼻子：鼻头
- 肚子：肚、肚棚
- 长相：面脸、面嘴、面嘴相、面范、面状、头面、人范
- 身材：里子格
- 高度、长度：长头
- 宽度：阔头
- 腰围：腰头
动词
- (雨、雪)下：落
- 下雨了：雨落来爻
- (雨、雪)停：晴
- 融化，溶化，熔化：炀
- 知道：有数，晓得
- 不知道：弗晓得、弗识、晓弗得
- 打：打
- 摔：掼
- 拿：驮
- 背：擐
- 提：挈
- 放：囥、拵
- 约束，戒：儆
- 端：掇
- 盛饭：兜
- 给：畀(拨)
- 拧：扭
- 踩：踏
- 用力踩：顿
- 擦拭：缴
- 扔：掽
- 握，持：捏、揢
- 把持：(车龙头)把
- 塞：䂻、著(𣥼)
- 按、压：捺
- 挠痒：抓
- 看：望
- 想：忖
- 说：讲
- 哭：沱
- 喝：呷
- 眨：䀹(䀫)
- 弄、做：妆
- 欺负、戏弄：妆(装)扮
- 聊天：讲白嗒
- 站：徛
- 跑：𧼱
- 走：趒
- 回：转
- 追：遰(递)
- 蹲：跍
- 跨：踫(𨂝)
- 穿(衣裳)：撯(着)
- 穿(裤子)：系
- 下棋：撯(着)棋
- 睡觉：睏觉
- 玩：搅、嬉、贱、来
- 找：寻
- 丢脸、脸红：倒霉
- 倒霉：倒运
- 涂抹：搨
- 晾：㫰
- 滴水：渧
- 挑选：拣
- 筛选：遴
- 娶老婆：讨老安
- 发霉：出白殕
- 收拾：捉拾
形容词
- 多：旺
- 好看：好看(看，音欠)、好望
- 差：吞
- 错：赚
- 对：是
- 胖：壮
- 瘦：㾹
- 宽：阔
- 窄：狭
- 小：细
- 黑：乌
- 正确：正是
- 有X：有得
- 没有X：无(俗作：呒)得
- 没有：无
- 简单：省力，简单
- 空的谷子、饿：㾎(音瞎）
- 够了：有爻，是爻
- 厉害：实力，结棍
- 行，可以：好用
- 不行，不可以：无用
- 年轻：后生
- 最后：落脚，末脚
- 脏：邋遢、疙瘩、破烂
- 容易X：快X
- 不容易脏：难龌龊
- 干净：干净、清爽
- 惹人厌，讨厌：戳眼
- 恶心：腻心
- 难为情，害羞，腼腆：倒楣
- 身材：人山
- 坏：吞
- 坏了：无用
- 死定了：送命
- 嚣张：横、花苍蝇
称谓
Remove ads
相关条目
Wikiwand - on
Seamless Wikipedia browsing. On steroids.
Remove ads