绍兴话，是吴语个一种方言，属于汉语族吴语太湖片区临绍小片。绍兴话同上海话、苏州话、湖州话、杭州话、宁波话同属北部吴语，彼此间互通度较高，可大致进行交流，如相对来讲绍兴话搭苏州话相似程度较高，交流相对容易。但是与苏南浙北同属北部吴语个绍甬方言，由于地理上个阻隔咾啥原因，在北部吴语中差异相对较大。讲上海话、杭州话个人群听绍兴人讲话相对较难，而反之则较易，绍兴与宁波话虽互有差异，但基本丄可以听懂。而丽水话、温州话虽属吴语，但同北部吴语差异较大，告咾无法与之进行交流。而绍兴话虽然无法与南部吴语地区交流，但却是北吴方言中较为接近南吴个一个小片。
绍兴话有广义狭义之分，狭义是指原明清会稽山阴县范围，大致是乃歇个绍兴市市搭绍兴县。包括中共建政后从绍兴县划到周边县市搭乡镇。狭义个绍兴话也可包括萧山话。狭义绍兴话内部差异老小，外人很难区分。
广义绍兴话一般指绍兴地级市范围。但从语言上来讲应该是原來绍兴府围（诸暨 萧山 绍兴（会稽山阴）上虞 余姚 嵊州 新昌，由于建国县界变动。以原來县界为准）。除脱嵊州新昌两个山区县区别较大之外，其余六县市沟通全没有问题。又以曹娥江为界。江西与江东区别明显。
绍兴话是现代语言学上吴语四大传统方言基准点之一：苏州（太湖北苏沪嘉小片标准点），温州（温处台标准点），绍兴（太湖南临绍标准点），衢州（金衢婺州处州标准点）。
语音
同绝大多数吴语一样，绍兴话有全浊声母，无舌尖后音；弗分尖团，也呒有儿化；韵尾有n、但无辨字作用；声调保留古四声，各分阴阳；凡此形成绍兴话个发音响亮、清晰；吐字质朴、沉实；连读和谐、协律；声、韵、调排列严整等诸多特色。绍兴方言在语音，文白异读现象老大，读书音上搭白话音差别也大。
词汇
- 妻：“老嬷”
- 祖母：“娘娘”
- 老头子：“老太公”
- 男小人：“小官人”
- 中丄向：“晏昼”
- 中饭：“晏饭”
- 自家：“自”(单音节)
- 鸡蛋：“鸡子”
- 拿：“驮”
- 昨日：“昨晏昼”
- 男人：“男人官”
研究
绍兴方言个研究历史比较悠久。
清代，主要有康熙年间毛奇龄《越语肯綮录》、乾隆年间茹敦和《越言释》搭光绪年间范寅《越谚》，其中尤以《越谚》为“分类考释派”代表作。此外，伊歇绍兴方志也已记录一眼绍兴方言词语。
以现代语言学方法表述绍兴方言，始於20年代末赵元任编撰的《现代吴语研究》。该书记录爻绍兴县、诸暨县王家井、嵊县太平、崇仁4个点个语音材料、少量词语搭语法例句。
1959年，王福堂发表《绍兴话记音》，比较系统个介绍绍兴县东头埭土语个语音搭一些特殊个语法现象。浙江省部分高等院校对绍兴地区方言作过几趟普查，成果汇於《浙江方言分区》、《浙江方言词》以及绍兴市民间文学集成办公室编个《绍兴市谚语卷》。
后首，钱乃荣对《现代吴语研究》里向几个点进行跟踪调查，并补充嵊县城关镇、诸暨城关镇个方言材料，著成《当代吴语研究》。此外，尚有若干零星研究论文，如钱曾怡《嵊县长乐话语法三则》咾啥。
参见
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
