நேபாள மாகாணம் From Wikipedia, the free encyclopedia
மாதேஷ் மாநிலம் (நேபாளி: मधेश प्रदेश) நேபாளத்தின் ஏழு மாநிலங்களில் ஒன்றாகும். இது நேபாளத்தின் தென்கிழக்கில் தராய் சமவெளியில் உள்ளது. இதன் தலைநகரம் ஜனக்பூர் ஆகும். இதன் பெரிய நகரம் வீரகுஞ்ச் ஆகும். இம்மாநிலத்தின் இந்தியா வம்சாவழியினரான மாதேசி மக்கள் அதிகம் வாழ்வதால் இம்மாநிலத்திற்கு மாதேஷ் மாநிலம் எனப்பெயராயிற்று. முன்னர் இம்மாநிலத்தை நேபாள மாநில எண் 2 என அழைத்தனர்.
மாதேஷ் மாநிலம்
प्रदेश नं० २ | |
---|---|
கடிகாரச் சுற்றுப்படி, மேலிருந்து ஜானகி கோயில், வீரகுஞ்ச் நகர நுழைவாயில், கத்தி மாதா கோயில், சின்னமஸ்தா பகவதி கோயில் மற்றும் கங்காலினி கோயில் | |
நேபாளத்தில் மாதேஷ் மாநிலத்தின் அமைவிடம் | |
மாதேஷ் மாநிலத்தின் வரைபடம் | |
நாடு | நேபாளம் |
நிறுவியது | 20 செப்டம்பர் 2015 |
தலைநகரம் | ஜனக்பூர் |
பெரிய நகரம் | வீரகுஞ்ச் |
மாவட்டம் | 8 மாவட்டங்கள் |
அரசு | |
• நிர்வாகம் | மாநில சட்டமன்ற எண் 2 |
• ஆளுநார் | இராஜேஷ் ஜா [1] |
• முதலமைச்சர் | முகமது லால்பாபு ரவுத் (நேபாள சமாஜ்வாதி கட்சி) |
• உயர் நீதிமன்றம் | ஜனக்பூர் உயர் நீதிமன்றம் |
• சட்டமன்றம் | ஓரவை முறைமை (107 இடங்கள்) |
• நாடாளுமன்றத் தொகுதிகள் | 32 |
பரப்பளவு | |
• மொத்தம் | 9,661 km2 (3,730 sq mi) |
• பரப்பளவு தரவரிசை | 7ஆம் இடம் |
மக்கள்தொகை (2020) | |
• மொத்தம் | 61,58,649 |
• தரவரிசை | 2ஆம் இடம் |
• அடர்த்தி | 640/km2 (1,700/sq mi) |
அடர்த்தி தரவரிசை | 1வது இடம் |
இனம் | நேபாளியர் |
நேர வலயம் | ஒசநே+5:45 (நேபாள சீர் நேரம்) |
இடக் குறியீடு | 041 |
அலுவல் மொழி | நேபாள மொழி |
பிற மொழிகள் | 1. மைதிலி மொழி 2 போஜ்புரி மொழி 3. பஜ்ஜிகா மொழி |
மனித மேம்பாட்டுச் சுட்டெண் | 0.512 (low) |
எழுத்தறிவு | 56.54% |
பாலின விகிதம் | 101.18 ♂ /100 ♀ (2011) |
இணையதளம் | http://p2.gov.np |
இம்மாநிலம், 2015 அரசியல் அமைப்பு சட்டப்படி 20 செப்டம்பர் 2015 அன்று நிறுவப்பட்டது.[2]
17 சனவரி 2018ல் கூடிய மாநில அமைச்சரவைக் கூட்டத்தில் ஜனக்பூர் நகரம் இம்மாநிலத்தின் இடைக்காலத் தலநகரமாக அறிவிக்கப்பட்டுள்ளது. 2.[3]
அதிக மக்கள்தொகை கொண்ட மாநிலங்களில், நேபாளத்தில் இரண்டாவதாக உள்ளது.[4]மேலும் பரப்பளவில், சிறிய மாநிலமாகும்.
இம்மாநிலத்தின் கிழக்கிலும், வடக்கிலும் மாநில எண் 1 மற்றும் வடக்கிலும், மேற்கிலும் மாநில எண் 3 எல்லைகளாக உள்ளது. மேலும் தெற்கில் இந்தியாவின் பிகார் மாநிலத்துடன் பன்னாட்டு எல்லைகள் கொண்டுள்ளது.
9661 சதுர கிலோ மீட்டர் பரப்பளவு கொண்ட இம்மாநிலத்தின், 2011ம் ஆண்டின் மக்கட்தொகை கணக்கெடுப்பின் படி, மக்கள்தொகை 5,404,145 ஆகும். [5]இம்மாநிலத்தின் மக்கள் மைதிலி மொழி, போஜ்புரி மொழி, இந்தி மொழி, நேபாளி மொழிகளை பேசுகின்றனர்.
இம்மாநில சட்டமன்றத்தின் 107 உறுப்பினர்களுக்கான, தேர்தலில், 64 உறுப்பினர்கள் நேரடித் தேர்தலிலும், 43 உறுப்பினர்கள் விகிசாத்சாரத் தேர்தல் முறையிலும் தேர்ந்தெடுக்கப்பட்டனர்.
இம்மாநிலத்திலிருந்து நேபாள தேசிய சபைக்கு 8 உறுப்பினர்களையும்; நேபாள பிரதிநிதிகள் சபைக்கு 32 உறுப்பினர்களையும் தேர்ந்தெடுத்து அனுப்புகிறது.
அரசியல் கட்சி | நேரடித் தேர்தலில் | விகிசாத்சாரத் தேர்தல் முறையில் | மொத்தம் | ||||||
---|---|---|---|---|---|---|---|---|---|
வாக்குகள் | % | இடங்கள் | வாக்குகள் | % | இடங்கள் | ||||
நேபாளி காங்கிரஸ் | 8 | 370,550 | 24.11 | 11 | 19 | ||||
ராஷ்டிரிய ஜனதா கட்சி | 15 | 318,524 | 20.72 | 10 | 25 | ||||
நேபாள சோசலிச கூட்டமைப்பு முன்னணி | 20 | 284,072 | 18.48 | 9 | 29 | ||||
மார்க்சிஸ்ட்-லெனினிஸ்ட் ஒன்றியம் | 14 | 249,734 | 16.25 | 7 | 21 | ||||
மாவோயிஸ்ட் | 6 | 182,619 | 11.88 | 5 | 11 | ||||
நேபாள சாங்கியா சமாஜ்வாடி கட்சி | 0 | 32,864 | 2.14 | 1 | 1 | ||||
பிறர் | 0 | 98,808 | 6.42 | 0 | 0 | ||||
சுயேட்சைகள் | 1 | 1 | |||||||
மொத்தம் | 64 | 1,537,171 | 100 | 43 | 107 | ||||
Source: Election Commission of Nepal |
மாநில சட்டமன்றத் தேர்தலில் பெரும்பான்மையான இடங்களில் வெற்றி பெற்ற நேபாள சோசலிச கூட்டமைப்பு முன்னணி தலைமையிலான கூட்டணி அரசு அமைச்சரவை அமைத்தது. இம்மாநிலத்தின் முதலாவது முதலமைச்சராக நேபாள சோசலிச கூட்டமைப்பு முன்னணி கட்சியின் முகமது லால் பாபு ரவுத் கத்தி தேர்ந்தெடுக்கப்பட்டார்.[6][7]
இம்மாநிலத்தை நிர்வாக வசதிக்காக எட்டு மாவட்டங்களாகப் பிரித்துள்ளனர்.
# | பெயர் | நேபாளி மொழியில் | தலைமையிடம் | மக்கள் தொகை (2011) | பரப்பளவு | இணையத்தளம் |
---|---|---|---|---|---|---|
1 | பாரா மாவட்டம் | बारा जिल्ला | கலையா | 687,708 | 1,190 km² | |
2 | தனுஷா மாவட்டம் | धनुषा जिल्ला | ஜனக்பூர் | 754,777 | 1,180 km² | |
3 | மகோத்தரி மாவட்டம் | महोत्तरी जिल्ला | ஜலேஷ்வர் | 627,580 | 1,002 km² | |
4 | பர்சா மாவட்டம் | पर्सा जिल्ला | வீரகுஞ்ச் | 601,017 | 1,353 km² | |
5 | ரவுதஹட் மாவட்டம் | रौतहट जिल्ला | கௌர் | 686,722 | 1,126 km² | |
6 | சப்தரி மாவட்டம் | सप्तरी जिल्ला | ராஜ்பிராஜ் | 639,284 | 1,363 km² | |
7 | சர்லாஹி மாவட்டம் | सर्लाही जिल्ला | மலாங்வா | 769,729 | 1,259 km² | |
8 | சிராஹா மாவட்டம் | सिराहा जिल्ला | சிராஹா | 637,328 | 1,188 km² |
மாவட்டங்கள் மாநகராட்சிகளாகவும், துணை மாநகராட்சிகளாகவும், நகர்புற நகராட்சிகளாகவும், கிராம்ப்புற நகராட்சிகளாகவும் பிரிக்கப்பட்டுள்ளது.
நேபாளத்தின் தராய் சமவெளியில் அமைந்த இம்மாநிலத்தின் கிழக்கில் கோசி ஆறும் மற்றும் பாக்மதி ஆறு, கமலா ஆறு, லக்கந்தேய் ஆறு, விஷ்ணமதி ஆறுகளும் பாய்கிறது.
மலைகள் அற்ற சமவெளியில் அமைந்த இம்மாநிலத்தில் போக்குவரத்து வசதிகள் நன்குள்ளது.
மகேந்திரா நெடுஞ்சாலை இம்மாநிலத்தில் கிடைமட்டத்தில் செல்வதால், நாட்டின் கிழக்கு மற்றும் மேற்கு மற்றும் வடக்குப் பகுதியின் நகரங்கள், இம்மாநிலத்தின் வீரகுஞ்ச் மற்றும் ஜனக்பூர் நகரங்களுடன் இணைக்கப்பட்டுள்ளது. [8] திரிபுவன் நெடுஞ்சாலை இம்மாநிலத்தின் வழியாக நாட்டின் தலைநகரம் காட்மாண்டு நகரத்தையும் மற்றும் இந்திய நகரங்களையும் இணைக்கிறது. [9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.