மலேசிய நிலப்பரப்பு From Wikipedia, the free encyclopedia
லபுவான் (மலாய்; ஆங்கிலம்:Labuan, /ləˈbuːən/ (ஜாவி: لابوان) என்பது மலேசியாவின் ஒரு கூட்டாட்சிப் (Federal Territory of Labuan) பகுதி ஆகும். இது கிழக்கு மலேசியாவில் சபா மாநிலத்தில் அமைந்துள்ள லபுவான் தீவையும் ஆறு சிறிய தீவுகளையும் கொண்டது. இதன் தலைநகரம் விக்டோரியா ஆகும்.
லபுவான் Labuan | |
---|---|
லபுவான் கூட்டாட்சிப் பகுதி Federal Territory of Labuan Wilayah Persekutuan Labuan | |
மேலிருந்து, இடமிருந்து வலமாக: லபுவான் நிதிப் பூங்கா வளாகம், லபுவான் போர் கல்லறை, லபுவான் பன்னாட்டு வானூர்தி நிலையம், மற்றும் லபுவான் படகுத் துறை, லபுவான் மாநிலப் பள்ளிவாசல் | |
குறிக்கோளுரை: Maju dan Sejahtera (வளமான வளர்ச்சி) | |
![]() | |
ஆள்கூறுகள்: 5°19′13.16″N 115°12′40.42″E | |
நாடு | ![]() |
மாநிலம் | ![]() |
தலைநகர் | விக்டோரியா[1] |
அரசு | |
• நிருவாகம் | லபுவான் நகராட்சி |
பரப்பளவு | |
• மொத்தம் | 92 km2 (36 sq mi) |
மக்கள்தொகை (Q4 2023)[4] | |
• மொத்தம் | 1,01,400 |
• அடர்த்தி | 1,100/km2 (2,900/sq mi) |
மனித மேம்பாட்டுச் சுட்டெண் | |
• HDI (2022) | 0.839 (உயர்வு) (மலேசியாவில் 4-ஆவது இடம்) |
நேர வலயம் | மலேசிய நேரம் ஒ.ச.நே + 08:00 |
அஞ்சல் குறியீடு | 87xxx |
தொலைபேசி | 087 |
வாகனப் பதிவெண்கள் | L SL |
இணையதளம் | pl |
1990 முதல் விக்டோரியா நகரம் பன்னாட்டு நிதி மற்றும் வணிகச் சேவைகளை வழங்கும் கடல் வணிக மையமாகவும், ஆழ்கடல் எண்ணெய்; எரிவாயு நடவடிக்கைகளுக்கான மையமாகவும் அறியப்படுகிறது. அத்துடன் பிரபலமான சுற்றுலா மையமாகவும் விளங்குகின்றது.
லபுவான் எனும் பெயர் மலாய் மொழியில் துறைமுகத்தைக் குறிக்கும் "லபுகான்" என்னும் சொல்லில் இருந்து உருவானது.[5]
•
புருணை சுல்தானகம் 15-ம் நூற்றாண்டு –1846[6]
•ஐக்கிய இராச்சியம் 1846–1848
•லபுவான் அரச குடியேற்றம் 1848–1941
•பிரித்தானிய வடக்கு போர்னியோ 1890–1904
•ஐக்கிய இராச்சியம் 1904–1906
•நீரிணை குடியேற்றங்கள் 1907–1941[7]
•சப்பானிய இராச்சியம் 1942–1945
•பிரித்தானிய வடக்கு போர்னியோ குடியேற்றம் 1946–1963[7]
•மலேசியா 1963–இன்று
15-ஆம் நூற்றாண்டு முதல் அடுத்த மூன்று நூற்றாண்டுகளுக்கு லபுவான் உட்பட போர்னியோவின் வடக்கு, மேற்குக் கரைகள் புருணை சுல்தானகத்தின் பகுதிகளாக இருந்தன.[6]
18-ஆம் நூற்றாண்டில், லபுவான் நிலப்பகுதி பிரித்தானியரின் கட்டுப்பாட்டுக்குள் வந்தது. 1846 டிசம்பர் 18-ஆம் தேதி, புருணை சுல்தான் ஒமார் அலி சபியுதீன் (Omar Ali Saifuddin II) என்பவருடன் செய்து கொண்ட உடன்பாட்டின்படி, இந்தத் தீவை பிரித்தானியாவுக்காக ஜேம்சு புரூக் (James Brooke) என்பவர் பெற்றுக் கொண்டார்.
பிரித்தானியக் கடற்படை அதிகாரி ரொட்னி மண்டி (Rodney Mundy) என்பவர் புரூணை நாட்டிற்குச் சென்று உடன்பாட்டு முடிவுகளை மேற்பார்வை செய்தார். 1846 டிசம்பர் 24-ஆம் தேதி, இந்தத் தீவு பிரித்தானிய அரசின் குடியேற்ற நாடானது.[8] கடற்கொள்ளையர்களுக்கு எதிரான போரில் பிரித்தானியா செய்த உதவிகளுக்காக இத்தீவு பிரித்தானியாவுக்கு வழங்கப்பட்டதாகக் கூறப்படுகிறது.
வேறு சில சான்றுகளும் உள்ளன. அரச கடற்படையினால் புருணை சுல்தான் பயமுறுத்தப் பட்டதாகவும், அதற்கு அடிபணிந்தே இந்தத் தீவைப் பிரித்தானியாவுக்கு வழங்க புரூணை சுல்தான் இணங்கினார் எனவும் கூறுகின்றன. [9]
இரண்டாம் உலகப் போரின் போது, லபுவான் 1942 சனவரி 3 முதல் சூன் 1945 வரை சப்பானின் பிடியில் இருந்தது. சப்பானியக் கடற்படை, வடக்கு போர்னியோ முழுவதையும் கைப்பற்றி இருந்தது.[10]
இந்தத் தீவு சப்பானியப் படைகளுக்கு நிருவாக மையமாக சேவையாற்றியது.[11] சப்பானிய அரசு இத்தீவுக்கு "மைடா தீவு" (Maida Island) எனப் பெயரிட்டிருந்தது.
வடக்கு போர்னியோவில் வானூர்தி விபத்தில் கொல்லப்பட்ட சப்பானிய இராணுவத் தளபதி மைடா சீமா (Maeda-shima) சீமாவின் நினைவாக இந்தப் பெயர் சூட்டப்பட்டது. சரவாக்கின் பிந்துலு வானூர்தி நிலையத்தைத்]] திறப்பதற்காக சென்றபோது, ஒரு வானூர்தி விபத்தில் மைடா சீமா கொல்லப்பட்டார்.[8]
லபுவானின் முக்கிய தீவான லபுவான் தீவின் பரப்பளவு 91.64 சதுரகிமீ ஆகும். இதனை விட ஆறு சிறிய தீவுகள் உள்ளன. இத்தீவுகள் போர்னியோவில் இருந்து 8 கிமீ தூரத்தில் மலேசிய மாநிலமான சபாவின் அருகேயும், புரூணைக்கு வடக்கேயும் அமைந்துள்ளது.
லபுவான் தீவு பெரும்பாலும் தட்டையான பரப்பைக் கொண்டது. 91.64 சதுர கி.மீ. இதன் உயரமான இடம் புக்கிட் கூபோங் (Bukit Kubong) எனும் குன்றுப் பகுதியாகும். கடல் மட்டத்தில் இருந்து 148 மீட்டர் (486 அடி) உயரம்.
இந்தக் குன்றில் 70% அளவிற்கு காட்டு மரங்கள் நிறைந்து உள்ளன. முக்கிய நகரமான விக்டோரியா நகரம், புரூணைக் குடாவை (Brunei Bay) நோக்கி அமைந்துள்ளது. லபுவான் கூட்டாட்சிப் பகுதியில் ஏழு தீவுகள் உள்ளன. பெரிய தீவு லபுவான் தீவு.
இந்தத் தீவுகள் போர்னியோ கடற்கரையில் இருந்து 8 கி.மீ. (5.0 மைல்) தொலைவில், மலேசிய மாநிலமான சபாவை ஒட்டி அமைந்துள்ளன.
லபுவானில் சமயம் – 2010 கணக்கெடுப்பு[12] | ||||
---|---|---|---|---|
சமயம் | வீதம் | |||
இசுலாம் | 76.0% | |||
கிறித்தவம் | 12.4% | |||
பௌத்தம் | 9.0% | |||
அறியப்படாதவை | 2.0% | |||
இந்து சமயம் | 0.4% | |||
வேறு சமயங்கள் | 0.1% | |||
சமயமின்மை | 0.1% |
2020-ஆம் ஆண்டு கணக்கெடுப்பின் படி, லபுவானின் மக்கள்தொகை 95,120 ஆகும்.[13] 2015-ஆம் ஆண்டில், மக்கள்தொகை 96,800-ஆக இருந்தது.[14]
2020-ஆம் ஆண்டு கணக்கெடுப்பின்படி, 77.2% முசுலிம்கள், 13.8% கிறித்தவர்கள், 8.1% பௌத்தர்கள், 0.6% இந்துக்கள், 0.2% ஏனைய மதத்தினர் ஆவர்.
இனக்குழுக்கள் | இனம் | மொத்தம் |
---|---|---|
பூமிபுத்திரா | புரூணை மலாய், கெடயான் | 30,001 |
கடசான்-டூசுன் | 7,380 | |
பஜாவு | 6,300 | |
மூருட் | 701 | |
லுன் பவாங், லுந்தாயா, ஏனைய பூமிபுத்திரா - (பெரும்பாலும் சரவாக் டயாக்குகள்) | 18,212 | |
பூமிபுத்திரர் அல்லாதோர் | மலேசிய சீனர் | 10,014 |
மலேசிய இந்தியர் | 641 | |
ஏனையோர் | 1,515 | |
குடியுரிமை அற்றோர் | 12,144 | |
மொத்தம் | 86,908 |
லபுவான் மலேசியாவின் கூட்டாட்சிப் பகுதிகளில் ஒன்றாகும். இத்தீவுகள் நடுவண் அரசினால் கூட்டாட்சிப் பகுதிகளின் அமைச்சினால் நிருவகிக்கப்படுகின்றன. லபுவான் கூட்டமைப்பு இத்தீவின் உள்ளூராட்சி அரசாகும். இதன் தலைவர் தீவின் அபிவிருத்தி மற்றும் நிருவாகத்திற்குப் பொறுப்பாக இருப்பார். மலேசிய நாடாளுமன்றத்தின் மேலவை, மற்றும் கீழவைக்கு லபுவானின் பிரதிநிதிகள் ஒவ்வொருவர் உள்ளனர்.
தட்பவெப்ப நிலைத் தகவல், லபுவான் (லபுவான் வானூர்தி நிலையம்) 1961–1990 | |||||||||||||
---|---|---|---|---|---|---|---|---|---|---|---|---|---|
மாதம் | சன | பிப் | மார் | ஏப் | மே | சூன் | சூலை | ஆக | செப் | அக் | நவ | திச | ஆண்டு |
பதியப்பட்ட உயர்ந்த °C (°F) | 34.0 (93.2) |
35.3 (95.5) |
36.4 (97.5) |
36.6 (97.9) |
35.7 (96.3) |
34.9 (94.8) |
34.4 (93.9) |
35.0 (95) |
34.2 (93.6) |
34.3 (93.7) |
34.7 (94.5) |
34.4 (93.9) |
36.6 (97.9) |
உயர் சராசரி °C (°F) | 29.7 (85.5) |
30.2 (86.4) |
31.5 (88.7) |
32.2 (90) |
31.7 (89.1) |
31.5 (88.7) |
31.0 (87.8) |
31.3 (88.3) |
31.0 (87.8) |
30.8 (87.4) |
30.7 (87.3) |
30.4 (86.7) |
31.0 (87.8) |
தினசரி சராசரி °C (°F) | 26.8 (80.2) |
26.9 (80.4) |
27.5 (81.5) |
28.2 (82.8) |
28.0 (82.4) |
27.8 (82) |
27.4 (81.3) |
27.6 (81.7) |
27.4 (81.3) |
27.3 (81.1) |
27.2 (81) |
27.2 (81) |
27.4 (81.3) |
தாழ் சராசரி °C (°F) | 24.5 (76.1) |
24.3 (75.7) |
24.8 (76.6) |
25.2 (77.4) |
25.0 (77) |
24.9 (76.8) |
24.4 (75.9) |
24.7 (76.5) |
24.5 (76.1) |
24.4 (75.9) |
24.4 (75.9) |
24.6 (76.3) |
24.6 (76.3) |
பதியப்பட்ட தாழ் °C (°F) | 21.3 (70.3) |
21.1 (70) |
20.8 (69.4) |
21.7 (71.1) |
20.4 (68.7) |
20.0 (68) |
19.3 (66.7) |
21.2 (70.2) |
21.0 (69.8) |
21.5 (70.7) |
21.9 (71.4) |
21.8 (71.2) |
19.3 (66.7) |
பொழிவு mm (inches) | 233.1 (9.177) |
122.9 (4.839) |
109.9 (4.327) |
195.7 (7.705) |
297.8 (11.724) |
287.6 (11.323) |
284.8 (11.213) |
283.5 (11.161) |
351.3 (13.831) |
390.8 (15.386) |
377.9 (14.878) |
309.5 (12.185) |
3,264.8 (128.535) |
% ஈரப்பதம் | 73 | 74 | 71 | 70 | 71 | 69 | 69 | 70 | 70 | 72 | 73 | 73 | 71 |
சராசரி பொழிவு நாட்கள் (≥ 1.0 mm) | 14 | 10 | 10 | 14 | 17 | 16 | 16 | 16 | 18 | 20 | 20 | 17 | 188 |
சூரியஒளி நேரம் | 202.6 | 199.8 | 248.2 | 250.3 | 243.1 | 214.9 | 220.5 | 222.3 | 195.6 | 206.0 | 209.7 | 214.4 | 2,627.4 |
Source #1: NOAA,[15] Deutscher Wetterdienst (humidity, 1939–1966)[16] | |||||||||||||
Source #2: Meteo Climat (record highs and lows)[17] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.