இந்தியப் பிரதமர்

இந்தியப் பிரதமர் அல்லது இந்தியத் தலைமை அமைச்சர் (ஆங்கிலம்: Prime Minister of India) என்பவர் இந்திய அரசின் செயலாக்கத் தலைவர் ஆவார். இவர் இந்தியக் குடியரசுத் தலைவரின் தலைமை ஆலோசகரும் மத்திய அமைச்சரவையின் தலைவரும் ஆவார். இந்தியாவில் பிரதமர் பதவி என்பது மிக உயர்ந்த, அதிக அதிகாரங்கள் உள்ள பதவியாகும். இந்திய பாராளுமன்றத்தின் மக்களவை உறுப்பினர்களால் இந்தியப் பிரதமர் தேர்ந்தெடுக்கப்படுவார். இந்தியாவின் முதல் பிரதமர் ஜவஹர்லால் நேரு ஆவார், தற்போதைய பிரதமராக நரேந்திர மோதி பதவியில் உள்ளார்^[2].

இந்தியப் பிரதமர் Bhārat ke Pradhānamantri
இந்திய தேசிய இலச்சினை
இந்திய தேசியக் கொடி
தற்போது நரேந்திர மோடி மே 26, 2014 (2014-05-26) முதல்
பிரதமர் அலுவலகம்
பதவி	அரசுத் தலைவர்
சுருக்கம்	PM
உறுப்பினர்	இந்தியக் குடியரசின் அமைச்சரவை இந்திய நாடாளுமன்றம்
அறிக்கைகள்	இந்தியக் குடியரசுத் தலைவர் இந்தியக் குடியரசுத் துணைத் தலைவர் இந்திய நாடாளுமன்றம்
வாழுமிடம்	7, லோக் கல்யாண் மார்க், புது தில்லி, இந்தியா
அலுவலகம்	பிரதமர் அலுவலகம், தெற்கு கட்டிடம், புது தில்லி, இந்தியா முகாம் அலுவலகம்: 7, லோக் கல்யாண் மார்க், புது தில்லி, இந்தியா
பரிந்துரையாளர்	மக்களவை உறுப்பினர்கள்
நியமிப்பவர்	இந்தியக் குடியரசுத் தலைவர்
பதவிக் காலம்	ஆகக்கூடியது ஐந்து ஆண்டுகள் (மக்களவையில் பெரும்பான்மை இழந்து கலைக்கப்படாத வரை)
அரசமைப்புக் கருவி	இந்திய அரசியலமைப்பு
முதலாவதாக பதவியேற்றவர்	ஜவகர்லால் நேரு (1947–64)
உருவாக்கம்	15 ஆகத்து 1947; 77 ஆண்டுகள் முன்னர் (1947-08-15)
அதிகாரப்பூர்வமற்ற பெயர்கள்	PM
துணை பிரதமர்	காலியிடம், (இந்திய துணைப் பிரதமர்)
ஊதியம்	₹2,80,000 (US$3,500) (மாதம்) (₹3,360,000 ஆண்டு)[1]
இணையதளம்	pmindia.gov.in

பிரதமர் பாராளுமன்றத்தின் மக்களவை அல்லது மாநிலங்களவையின் உறுப்பினராக இருத்தல் வேண்டும். இல்லையென்றால் ஆறு மாதத்திற்குள் மக்களவை\மேலவையின் உறுப்பினராக தேர்ந்தெடுக்கப்பட வேண்டும். ஒரு பிரதமரின் பதவிக்காலம் 5 ஆண்டுகள் ஆகும்.^[3].

பிரதமர் நியமனம்

முதல் பிரதமர் நேருவின் பதவியேற்பு நிகழ்ச்சி, ஆகஸ்ட் 15, 1947

பிரதமர், இந்தியக் குடியரசுத் தலைவரால் நியமிக்கப்படுகிறார். பாராளுமன்றத்தின் மக்களவையின் பெரும்பான்மை உறுப்பினர்களைக் கொண்ட கட்சியின் தலைவரை மட்டுமே குடியரசுத் தலைவர் ஆட்சி அமைக்க அழைப்பார். எந்தக் கட்சிக்கும் பெரும்பான்மை பலம் இல்லையென்றால் கூட்டணிக்கட்சித் தலைவரையோ அல்லது அதிக மக்களவை உறுப்பினர்களைக் கொண்ட ஒரு கட்சியின் தலைவரையோ அழைப்பார்^[4].

அதிகாரங்கள் மற்றும் பணிகள்

• பிரதமர் அமைச்சரவை உறுப்பினர்களைத் தேர்வு செய்வார், குடியரசுத் தலைவர் அமைச்சர்களுக்கு பதவிப் பிரமாணம் செய்துவைப்பார்.
• பிரதமர் அமைச்சர்களுக்கு துறைகளை ஒதுக்குவார்.
• அனைத்து அமைச்சர்களின் துறைகளை ஒருங்கிணைப்பது, அமைச்சர்களின் துறைகளுக்கிடையேயான பிரச்சனைகளைக் களைவது பிரதமரின் பணியாகும்.
• அரசின் கொள்கைகளை பிரதமரே முடிவு செய்வார்.
• பிரதமர் இந்திய திட்டக்குழுவின் தலைவராவார்^[5].
• பிரதமரின் அறிவுறுத்தலின் பேரில் உயர் மற்றும் உச்ச நீதிமன்ற நீதிபதிகள், தேர்தல் ஆணையர், பொது தணிக்கை அதிகாரி ஆகியோர் குடியரசுத் தலைவரால் நியமிக்கப்படுகிறார்கள்.
• முக்கிய இராணுவ விடயங்கள்.
• பொதுப்பணிகள் மற்றும் நிர்வாக சீர்த்திருத்தங்கள் பற்றிய கொள்கை முடிவுகள்.
• மாநிலங்களுக்கான சிறப்பு நிதிகளை வழங்கல் மற்றும் கண்காணித்தல்.
• முக்கிய பிரச்சினைகளுக்கு பாராளுமன்றத்தில் பதிலளித்தல்.
• பிரதமரின் தேசிய நிவாரண நிதி மற்றும் தேசிய இராணுவ நிதி போன்றவற்றை நிர்வகித்தல்.
• மேற்கண்டவற்றுக்கான ஆதாரங்கள்:^[6].

பிரதமர் அலுவலகம்

பிரதமர் அலுவலகம் (சவுத் பிளாக்), புது டில்லி

பிரதமர் அலுவலக முகவரி:

சவுத் பிளாக், ராய்சினா ஹில்,

புது டில்லி, இந்தியா - 110 011,

தொலைபேசி: 91-11-23012312.

இந்தியாவின் இரு முக்கியச் செயலகங்களில் சவுத் பிளாக்கும் ஒன்று, மற்றொன்று நார்த் பிளாக். பிரதமர் அலுவலகம், பிரதமருக்கு செயலாக்க உதவிகளைப் புரியும். பிரதமரின் முதன்மைச் செயலாளரின் தலைமையில் இயங்கும். இது ஊழல் தடுப்பு மற்றும் பொது மக்கள் குறைதீர்ப்பு போன்ற பிரிவுகளை உள்ளடக்கியது^[6].

பிரதமரின் தேசிய நிதிகள்

பிரதமரின் தேசிய நிவாரண நிதி

1948 ல், பாகிஸ்தானிலிருந்து இடம்பெயர்ந்த இந்தியர்களுக்கு உதவுவதற்காக அன்றைய பிரதமர் ஜவஹர்லால் நேருவின் வேண்டுகோளுக்கிணங்க பொதுமக்களின் பங்களிப்புடன் உருவாக்கப் பட்டது தான் பிரதமரின் தேசிய நிவாரண நிதி. தற்போது இந்நிதி வெள்ளம், பூகம்பம், புயல் மற்றும் சூறாவளி போன்ற இயற்கை அழிவுகளினால் உயிரிழந்தவர்களின் குடும்பத்திற்கு அல்லது பாதிக்கப்பட்டவர்களுக்கு உடனடி நிவாரணத்திற்காக வழங்கப்படுகிறது. பெரும் கலவரங்கள் அல்லது பெரும் விபத்து போன்றவற்றினால் பாதிக்கப்பட்டவர்க்கும் இந்நிதி வழங்கப்படுகிறது. இதய அறுவைசிகிச்சை, நுரையீரல் மாற்று அறுவை சிகிச்சை, புற்று நோய் போன்ற மருத்துவ சிகிச்சைகளுக்கும் இந்நிதி பயன்படுகிறது. பிரதமரின் அறிவுறுத்தலின் பேரில் இந்நிதி பாதிக்கப்பட்டவர்களுக்கு வழங்கப்படுகிறது.

இந்நிதி முழுக்க முழுக்க பொதுமக்களின் பங்களிப்பை மட்டுமே கொண்டது. இந்நிதி பொதுத்துறை வங்கிகளில் இருப்புக் கணக்கில் முதலீடு செய்யப்படுகிறது. இதற்காக வழங்கப்படும் நிதிக்கு முழுமையான வருமான வரி விலக்கு அளிக்கப்படுகிறது^[7].

பிரதமரின் தேசிய இராணுவ நிதி

இந்திய இராணுவப் படையினர், துணை இராணுவப் படையினர் மற்றும் அவர்களின் உறவினர்கள் நலனுக்காக பிரதமரின் தேசிய இரானுவ நிதி உருவக்கப்பட்டது. இந்நிதி, பிரதமரைத் தலைவராகவும், பாதுகாப்பு, நிதி மற்றும் உள்த்துறை அமைச்சர்களை உறுப்பினர்களாகக் கொண்டும் உள்ள செயற்குழுவினால் நிர்வகிக்கப்படுகிறது. நிதி அமைச்சரே இந்நிதியின் பொருளாளரும், இணைச் செயலாளரும் ஆவார்.

இந்நிதி, இந்திய ரிசர்வ் வங்கிக் கணக்கில் வைக்கப்பட்டுள்ளது. முழுக்க முழுக்க பொதுமக்களின் பங்களிப்பை மட்டுமே கொண்டது. இதற்காக வழங்கப்படும் நிதிக்கு முழுமையான வருமான வரி விலக்கு அளிக்கப்படுகிறது^[7].

பிரதமர்களைப் பற்றிய குறுந்தகவல்கள்

• இந்தியாவின் மூன்று பிரதமர்கள் (குல்சாரிலால் நந்தா, ஐ. கே. குஜ்ரால், மன்மோகன் சிங்) பஞ்சாபில் பிறந்தவர்கள்.
• இந்தியாவின் மூன்று பிரதமர்கள் (ஜவஹர்லால் நேரு, இந்திரா காந்தி, வி. பி. சிங்) உத்தரப் பிரதேச மாநில அலகாபாத் நகரில் பிறந்தவர்கள்.
• இந்தியாவின் ஆறு பிரதமர்கள் உத்தரப் பிரதேச மாநிலத்தில் பிறந்தவர்கள்.
• ஜவஹர்லால் நேரு:

இந்தியாவின் முதல் பிரதமர். தொடர்ந்து அதிக நாட்கள் பதவியில் இருந்தவர் ஆகஸ்ட் 15, 1947 முதல் மே 27, 1964 வரை மொத்தம் 6,131 நாட்கள்.

• குல்சாரிலால் நந்தா:

இருமுறை இடைக்கால (தற்காலிக) பிரதமர் பொறுப்புப் பதவி வகித்த ஒரே பிரதமர்.

• லால் பகதூர் சாஸ்திரி:

இவர் 582 நாட்கள் பதவியில் இருந்தார். 1965 பாகிஸ்தான் போரின் வெற்றிக்குப் பின்னர் இவர் கூறிய ஜெய் ஜவான், ஜெய் கிஸான் (வெல்க போர் வீரர், வெல்க விவசாயி) என்ற வாசகம் புகழ்பெற்றது. வெளிநாட்டில் (தஷ்கந்த், சோவியத் ரஷ்யா) இறந்த ஒரே இந்தியப் பிரதமர் இவரே.

• இந்திரா காந்தி:

முதல் இந்தியப் பெண் பிரதமர். இவர் 5,831 நாட்கள் பதவியில் இருந்தார், தன் தந்தையும், முதல் பிரதமருமான நேருவைவிட 300 நாட்களே குறைவு.

• மொரார்ஜி தேசாய்:

இந்திய விடுதலைக்குப் பிறகு இந்திய தேசிய காங்கிரஸ் கட்சியில் பிரதமர் இந்திரா காந்தி அமல்படுத்திய எமர்ஜென்சி நிலையை எதிர்த்து காங்கிரஸ் கட்சியை முதல் முதலாக தோற்கடித்து வெற்றி கண்ட ஜனதா கட்சியின் பிரதமர்.

• சரண் சிங்:

மதச்சார்பற்ற ஜனதா கட்சி சார்ந்த இவர். ஜனதா கட்சியில் அமைச்சர்களுக்குள் பல பதவி போராட்ட பிரச்சனைகளால் மொரார்ஜி தேசாய் பிரதமர் பதவியில் இருந்து விலகி கொள்ள சரண் சிங் சிறிது காலம் காங்கிரஸ் கட்சியின் ஆதரவால் பிரதமராக இருந்தார்.

• ராஜீவ் காந்தி:

விமான ஓட்டுநராக இருந்த இவர் தனது தாயாரும் பிரதமர் இந்திரா காந்தியின் துன்பியல் மரணத்திற்கு பிறகு காங்கிரஸ் கட்சியின் தலைவர்களின் வேண்டுகோளால் பிரதமர் பதவியை 41 வயதில் எற்ற இந்தியாவின் இளம் வயது பிரதமராவார்.

• வி. பி. சிங்:

காங்கிரஸ் கட்சியில் பல அமைச்சர் பதவி வகித்த இவர் மிகவும் கண்டிப்புடன் கடமை ஆற்றியதாலும் இவர் நிதித்துறை அமைச்சராக இருந்த போது பிரதமர் ராஜீவ் காந்தியின் தாராள மையமாக்கள் மற்றும் பணக்கார துவத்தையும் எதிர்த்தும் பின்பு இராணுவ அமைச்சராக இருந்த போது ராஜீவ் ஆட்சியில் நடைபெற்ற போபர்ஸ் பீரங்கி ஊழல் மற்றும் இராணுவ தளவாடங்கள் வாங்கிய ஊழல்களை எதிர்த்து காங்கிரஸ் கட்சியில் இருந்து வெளியேறி ஜனதா தளம் கட்சியை உருவாக்கி சிறிது காலத்திலேயே பிரதமராக ஆனவர்.

• சந்திரசேகர்:

பிரதமர் வி. பி. சிங் மண்டல் கமிஷன் மற்றும் ராமர் ரத யாத்திரை நடத்திய தனது கூட்டணி கட்சியான பாஜக தலைவர் அத்வானிக்கு எதிராக செயல்பட்டதால் ஜனதா தளம் ஆட்சிக்கு அளித்து வந்த ஆதரவை பாஜகவில் தலைவர் அத்வானி விலக்கிக் கொண்டதால். வி. பி. சிங் பிரதமர் பதவியை இழந்தார். பின்பு நாடாளுமன்றத்தில் நடந்த நம்பிக்கை வாக்கெடுப்பில் ஜனதா அரசின் மூத்த தலைவர்களில் ஒருவரான சந்திரசேகர் அந்த வாக்கெடுப்பில் காங்கிரஸ் கட்சி மற்றும் பாரதிய ஜனதா கட்சி ஆதரவளிக்க சமாஜ்வாடி ஜனதா கட்சி சார்பில் சிறிது காலம் பிரதமரானார்.

• பி. வி. நரசிம்ம ராவ்:

தென் மாநிலத்தைச் சேர்ந்த முதல் இந்தியப் பிரதமர் இவரே ஆந்திரப் பிரதேசத்தை சேர்ந்த இவர். (ஜூன் 21, 1991 முதல் மே 16, 1996 வரை) பதவியில் இருந்த நேரு குடும்பத்தை சேராத பிரதமர் காங்கிரஸ் கட்சியில் அறுதிபெரும்பான்மை இல்லாமல் தொங்கு பாராளுமன்றமாக அமைந்தபோதிலும், கூட்டணி கட்சிகளின் பேராதரவோடு 5 வருடம் முழுமையாக ஆட்சி செய்த பிரதமர் ஆவார்.

• எச். டி. தேவ கவுடா:

1996 நாடாளுமன்றத் தேர்தலில் எந்த கட்சிக்கும் பெரும்பான்மை இல்லாததால் இந்தியாவில் பல மாநிலங்களில் வெற்றி பெற்ற கட்சிகள் இணைந்து ஐக்கிய முன்னணி என்ற கூட்டணியின் மூலம் பிரதமர் வேட்பாளராக தேர்தலை எதிர்கொள்ளமல் கூட்டணி கட்சி தலைவர்களின் ஏகோபித்த ஆதரவால் ஜனதா தளம் கட்சி சார்பில் பிரதமரானவர்

• ஐ. கே. குஜ்ரால்:

தேவ கவுடா மீது கூட்டணி கட்சியான காங்கிரஸ் கட்சி தலைவர்களுக்குள் ஏற்பட்ட எதிர்ப்பால். தேவ கவுடா பிரதமர் பதவியில் இருந்து விலகியவுடன் ஜனதா தளம் கட்சி சார்ந்த ஐ. கே. குஜ்ரால் சிறிது காலம் பிரதமராக இருந்தார்.

• அடல் பிஹாரி வாஜ்பாய்:

இவர் திருமணமாகாத முதல் இந்தியப் பிரதமராவார். காங்கிரஸ் கட்சியை சேராத பாரதிய ஜனதா கட்சியில் தொடர்ந்து 5 ஆண்டுகள் பதவியிலிருந்த முதல் பிரதமர் இவரே.

• மன்மோகன் சிங்:

இவர் காங்கிரஸ் கட்சியை சார்ந்த பிரதமர் மற்றும் உலகளவில் புகழ்பெற்ற பொருளாதார மேதையும், முன்னாள் மத்திய நிதியமைச்சருமாவார்.

• நரேந்திர மோடி:

தனது ஆரம்பக் காலத்தில் ஆர்.எஸ்.எஸ் அமைப்பில் தன்னை ஈடுபடுத்திக் கொண்டு பாரதிய ஜனதா கட்சி சார்பில் குஜராத் மாநிலத்தில் 13 வருடம் முதலமைச்சராக இருந்தார்.

• மேற்கண்டவற்றுக்கான ஆதாரங்கள்:^[8].

இந்தியப் பிரதமர்களின் பட்டியல்

முதன்மைக் கட்டுரை: இந்தியப் பிரதம மந்திரிகளின் பட்டியல்

குறியீடு №: பதவியில் உள்ள எண் † படுகொலை செய்யப்பட்டார் அல்லது பதவியில் இருக்கும் போது இறந்தார் § முந்தைய தொடர்ச்சியான காலத்திற்குப் பிறகு பதவிக்குத் திரும்பினார் RES பதவி விலகினார் NC நம்பிக்கையில்லாத் தீர்மானத்தை தொடர்ந்து பதவி விலகினார்

குறிப்பு

•   தற்காலிக பிரதமர்

பாஜக (2)[lower-alpha 1]      இதேகா/இதேகா(I)/இதேகா(ஆர்)[lower-alpha 2] (6+1 தற்காலிகம்[lower-alpha 3])      ஜ.த (3)      ஜ.க (1)      ஜ.க(ம) (1)      சஜக(ரா) (1)
வ. எண்	படம்	பெயர் (பிறப்பு–இறப்பு)		தொகுதி	கட்சி (கூட்டணி)	பதவிக் காலம்[10]			மக்களவை[lower-alpha 4]	அமைச்சரவை	நியமித்தவர்
1		நேரு, ஜவஹர்லால்ஜவஹர்லால் நேரு (1889–1964)		புல்பூர், உத்தரப் பிரதேசம்	இந்திய தேசிய காங்கிரசு	15 ஆகத்து 1947	15 ஏப்ரல் 1952	16 ஆண்டுகள், 286 நாட்கள்	அரசியலமைப்பு மன்றம்[lower-alpha 5]	நேரு I	மவுண்ட்பேட்டன் பிரபு
						15 ஏப்ரல் 1952	17 ஏப்ரல் 1957		1ஆவது	நேரு II	பிரசாத், இராசேந்திரஇராசேந்திர பிரசாத்
						17 ஏப்ரல் 1957	2 ஏப்ரல் 1962		2ஆவது	நேரு III
						2 ஏப்ரல் 1962	27 மே 1964†		3ஆவது	நேரு IV
தற்காலிகம்		நந்தா, குல்சாரிலால்குல்சாரிலால் நந்தா (1898–1998)		சபர்காந்தா, குசராத்து	இந்திய தேசிய காங்கிரசு	27 மே 1964	9 சூன் 1964	13 நாட்கள்		நந்தா I	இராதாகிருஷ்ணன், சர்வபள்ளிசர்வபள்ளி இராதாகிருஷ்ணன்
2		சாஸ்திரி, லால் பகதூர்லால் பகதூர் சாஸ்திரி (1904–1966)		அலகாபாத்து, உத்தரப் பிரதேசம்	இந்திய தேசிய காங்கிரசு	9 சூன் 1964	11 சனவரி 1966†	1 ஆண்டு, 216 நாட்கள்		சாஸ்திரி
தற்காலிகம்		நந்தா, குல்சாரிலால்குல்சாரிலால் நந்தா (1898–1998)		சபர்காந்தா, குசராத்து	இந்திய தேசிய காங்கிரசு	11 சனவரி 1966	24 சனவரி 1966	13 நாட்கள்		நந்தா II
3		காந்தி, இந்திராஇந்திரா காந்தி (1917–1984)		நாடாளுமன்ற மாநிலங்களவை உறுப்பினர், உத்தரப் பிரதேசம்	இந்திய தேசிய காங்கிரசு	24 சனவரி 1966	4 மார்ச் 1967	11 ஆண்டுகள், 59 நாட்கள்		இந்திரா I
				ரெய்பரேலி, உத்தரப் பிரதேசம்	இந்திய தேசிய காங்கிரசு (ஆர்)	4 மார்ச் 1967	15 மார்ச் 1971		4ஆவது
						15 மார்ச் 1971	24 மார்ச் 1977		5ஆவது	இந்திரா II	கிரி, வி. வி.வி. வி. கிரி
4		தேசாய், மொரார்ஜிமொரார்ஜி தேசாய் (1896–1995)		சூரத், குசராத்து	ஜனதா கட்சி	24 மார்ச் 1977	28 சூலை 1979[RES]	2 ஆண்டுகள், 126 நாட்கள்	6வது	தேசாய்	ஜாட்டி, பசப்பா தனப்பாபசப்பா தனப்பா ஜாட்டி (தற்காலிகம்)
5		சிங், சரண்சரண் சிங் (1902–1987)		பாகுபத், உத்தரப் பிரதேசம்	மதச்சார்பற்ற ஜனதா கட்சி	28 சூலை 1979	14 சனவரி 1980[RES]	170 days		சரண்	ரெட்டி, நீலம் சஞ்சீவநீலம் சஞ்சீவ ரெட்டி
(3)		காந்தி, இந்திராஇந்திரா காந்தி (1917–1984)		மெதக், ஆந்திர பிரதேசம்	இந்திய தேசிய காங்கிரசு (I)	14 சனவரி 1980[§]	31 அக்டோபர் 1984†	4 ஆண்டுகள், 291 நாட்கள்	7ஆவது	இந்திரா III
6		காந்தி, ராஜீவ்ராஜீவ் காந்தி (1944–1991)		அமேதி, உத்தரப் பிரதேசம்	இந்திய தேசிய காங்கிரசு (I)	31 அக்டோபர் 1984	31 திசம்பர் 1984	5 ஆண்டுகள், 32 நாட்கள்		ராஜீவ்	சிங், ஜெயில்ஜெயில் சிங்
						31 திசம்பர் 1984	2 திசம்பர் 1989		8ஆவது
7		சிங், வி. பி.வி. பி. சிங் (1931–2008)		பதேபூர், உத்தரப் பிரதேசம்	ஜனதா தளம் (தேசிய முன்னணி)	2 திசம்பர் 1989	10 நவம்பர் 1990[NC]	343 நாட்கள்	9ஆவது	வி. பி. சிங்	வெங்கட்ராமன், ரா.ரா. வெங்கட்ராமன்
8		சந்திரசேகர் (1927–2007)		பல்லியா, உத்தரப் பிரதேசம்	இதேகா(I)	10 நவம்பர் 1990	21 சூன் 1991[RES]	223 நாட்கள்		சந்திரசேகர்
9		ராவ், பி. வி. நரசிம்மபி. வி. நரசிம்ம ராவ் (1921–2004)		நந்தியாலா, ஆந்திரப் பிரதேசம்	இந்திய தேசிய காங்கிரசு (I)	21 சூன் 1991	16 மே 1996	4 ஆண்டுகள், 330 நாட்கள்	10ஆவது	ராவ்
10		வாஜ்பாய், அடல் பிஹாரிஅடல் பிஹாரி வாஜ்பாய் (1924–2018)		லக்னோ, உத்தரப் பிரதேசம்	பாரதிய ஜனதா கட்சி	16 மே 1996	1 சூன் 1996[RES]	16 நாட்கள்	11ஆவது	வாஜ்பாய் I	சர்மா, சங்கர் தயாள்சங்கர் தயாள் சர்மா
11		தேவகவுடா (1933–)		நாடாளுமன்ற மாநிலங்களவை உறுப்பினர், கருநாடகம்	ஜனதா தளம் (ஐக்கிய முன்னணி)	1 சூன் 1996	21 ஏப்ரல் 1997[RES]	324 days		தேவகவுடா
12		ஐ. கே. குஜரால் (1919–2012)		நாடாளுமன்ற மாநிலங்களவை உறுப்பினர், பீகார்	ஜனதா தளம் (ஐக்கிய முன்னணி)	21 ஏப்ரல் 1997	19 மார்ச் 1998	332 நாட்கள்		குஜரால்
(10)		வாஜ்பாய், அடல் பிஹாரிஅடல் பிஹாரி வாஜ்பாய் (1924–2018)		லக்னோ, உத்தரப் பிரதேசம்	பாரதிய ஜனதா கட்சி (தே.ச.கூ)	19 மார்ச் 1998[§]	10 அக்டோபர் 1999	6 ஆண்டுகள், 64 நாட்கள்	12ஆவது	வாஜ்பாய் II	நாராயணன், கே. ஆர்.கே. ஆர். நாராயணன்
						10 அக்டோபர் 1999	22 மே 2004		13ஆவது	வாஜ்பாய் III
13		சிங், மன்மோகன்மன்மோகன் சிங் (1932–)		நாடாளுமன்ற மாநிலங்களவை உறுப்பினர், அசாம்	இந்திய தேசிய காங்கிரசு (ஐ.மு.கூ)	22 மே 2004	22 மே 2009	10 ஆண்டுகள், 4 நாட்கள்	14ஆவது	மன்மோகன் சிங் I	கலாம், ஆ. ப. ஜெ. அப்துல்ஆ. ப. ஜெ. அப்துல் கலாம்
						22 மே 2009	26 மே 2014		15ஆவது	மன்மோகன் சிங் II	பாட்டில், பிரதிபாபிரதிபா பாட்டில்
14		நரேந்திர மோதி (1950–)		வாரணாசி, உத்தரப் பிரதேசம்	பாரதிய ஜனதா கட்சி (தே.ச.கூ)	26 மே 2014	30 மே 2019	10 ஆண்டுகள், 145 நாட்கள்	16ஆவது	மோதி I	முகர்ஜி, பிரணப்பிரணப் முகர்ஜி
						30 May 2019	தற்போது பதவியில்		17ஆவது	மோதி II	கோவிந்த், ராம் நாத்ராம் நாத் கோவிந்த்

துணை பிரதமர்

முதன்மைக் கட்டுரை: இந்திய துணைப் பிரதமர்

வல்லபாய் படேல் இந்தியாவின் முதல் துணை பிரதமராக இருந்தார்.

துணை பிரதமர், இந்திய அரசின் மத்திய அமைச்சரவையில் ஒரு உறுப்பினர் ஆவார். பொதுவாக ஒரு துணை பிரதமர், உள்துறை அமைச்சகம் அல்லது நிதி அமைச்சகம் போன்ற ஒரு முக்கிய அமைச்சரவையை தன் இலாகாவாக வைத்திருப்பார். துணை பிரதம மந்திரி பதவி அதிகாரப்பூர்வமற்றது, இருப்பினும் இது ஒரு கூட்டணி அரசாங்கத்தின் போதும் அல்லது தேசிய அவசர காலங்களிலும், அரசியல் ஸ்திரத்தன்மைக்காகவும் பயன்படுத்தப்படுகிறது. இந்த பதவியை முதலில் வகித்தவர் வல்லபாய் படேல் ஆவார், இவர் ஜவஹர்லால் நேருவின் அமைச்சரவையில் உள்துறை அமைச்சராகவும் இருந்தார்.

இவற்றையும் பார்க்கவும்

• இந்தியக் குடியரசுத் தலைவர்கள்

குறிப்புகள்

1. In office
2. Known as Indian National Congress (R) between 1969–1978 Indian National Congress (I) between 1978–96. ^[9]
3. Gulzarilal Nanda twice appointed as acting Prime minister of India following deaths of two prime ministers.
4. Although the Prime Minister can be a member of either house of the Parliament, they have to command the confidence of the மக்களவை (இந்தியா). Upon dissolution of the Lok Sabha, the outgoing PM remains in office until their successor is sworn in.
5. The Constituent Assembly of India consisted of 389 members elected in 1946 by the provincial assemblies by a single, transferable-vote system of proportional representation. The Assembly was replaced by the Provisional Parliament of India after adoption of the Constitution on 26 January 1950 until the first general elections.

மேற்கோள்கள்

1. as per Section 3 of "The Salaries and Allowances of Ministers Act 1952 and the rules made thereunder" (PDF). Ministry of Home Affairs. பார்க்கப்பட்ட நாள் 28 January 2019.
2. இந்தியப் பிரதமர்
3. "Tamil Nadu text book X std, Pg 193" (PDF). Archived from the original (pdf) on 2008-09-20. பார்க்கப்பட்ட நாள் 2008-02-12.
4. "இந்திய அரசியலமைப்புச் சட்டம்". Archived from the original on 2007-04-10. பார்க்கப்பட்ட நாள் 2007-04-17.
5. "இந்திய திட்டக்குழு". Archived from the original on 2011-07-16. பார்க்கப்பட்ட நாள் 2007-04-18.
6. அதிகாரங்கள் மற்றும் பணிகள்
7. பிரதமரின் தேசிய நிவாரண நிதி
8. பிரதமர்களைப் பற்றிய குறுந்தகவல்கள்
9. Statistical Report on General Elections, 1980 to the Seventh Lok Sabha (PDF). New Delhi: இந்தியத் தேர்தல் ஆணையம். p. 1. Archived from the original (PDF) on 18 July 2014. பார்க்கப்பட்ட நாள் 20 May 2020. {{cite book}}: More than one of |archivedate= and |archive-date= specified (help); More than one of |archiveurl= and |archive-url= specified (help)
10. "Former Prime Ministers". PM India. Archived from the original on 9 October 2014. பார்க்கப்பட்ட நாள் 2 January 2015.

வெளி இணைப்புகள்

• இந்தியப் பிரதமரின் அதிகாரப்பூர்வ வலைத்தளம்
• இந்தியப் பிரதமர்களின் தபால் தலைகள்
• இந்தியப் பிரதமர்கள் பரணிடப்பட்டது 2007-03-25 at the வந்தவழி இயந்திரம்
• இந்தியப் பிரதமர்களைப் பற்றிய தகவல்கள்
• இந்திய அரசின் அதிகாரப்பூர்வ தளம்
• இந்திய அரசு இணையத்தளங்களின் பட்டியல்
• இந்தியக் குடியரசுத் தலைவரின் இணையத்தளம்
• இந்திய நாடாளுமன்றத்தின் இணையத்தளம்