futbollist brazilian From Wikipedia, the free encyclopedia
Neymar da Silva Santos Junior, (lindur më 5 shkurt 1992 në Mogi das Cruzes), i njohur më mirë si Neymar, është një futbollist profesionist brazilian i cili luan si sulmues ose anësor për klubin francez Paris Saint-Germain dhe për kombëtaren braziliane.
_(cropped).jpg) Neymar me Brazilin në vitin 2018 | |||
| Të dhënat vetjake | |||
|---|---|---|---|
| Emri i plotë | Neymar da Silva Santos Júnior[1] | ||
| Datëlindja | 5 shkurt 1992[1] | ||
| Vendlindja | Mogi das Cruzes, Brazil[1] | ||
| Gjatësia | 1.75 m (5 ft 9 in)[1] | ||
| Pozicioni | Sulmues / Anësor | ||
| Të dhënat e klubit | |||
Klubi aktual | Paris Saint-Germain | ||
| Numri | 10 | ||
| Karriera me të rinjtë | |||
| 1999–2003 | Portuguesa Santista | ||
| 2003–2009 | Santos | ||
| Karriera me klube* | |||
| Vitet | Klubi | Ndeshje | (Golat) |
| 2009–2013 | Santos | 103 | (54) |
| 2013–2017 | Barcelona | 123 | (68) |
| 2017– | Paris Saint-Germain | 70 | (56) |
| Karriera ndërkombëtare‡ | |||
| 2009 | Brazil U17 | 3 | (1) |
| 2011 | Brazil U20 | 7 | (9) |
| 2012–2016 | Brazil U23 | 14 | (8) |
| 2010– | Brazil | 111 | (68) |
| *Ndeshjet dhe golat me klubet llogariten vetëm për ligën vendase – redaktuar më 16 janar 2017 ‡ Ndeshjet dhe golat me ekipin kombëtar të redaktuar më 30 tetor 2016 | |||
Që në moshën 19 vjeçare, Neymar fitoi trofeun 2011 South American Footballer of the Year, pasi në vitin 2010 doli i treti.[2] Më pas Neymar e fitoi sërisht këtë trofe në vitin 2012. Në vitin 2011, Neymar u nominua për të fituar Topin e artë, por doli në vendin e dhjetë, por fitoi çmimin FIFA Puskás për Golin më të bukur.[3] Neymar njihet për driblimet e tij, aftësinë në pasime, kombinimet dhe saktësinë e tij për të shënuar gol. Shumë veta e kanë krahasuar Neymarin me sulmuesin argjentinas Lionel Messi, kurse Pelé e ka quajtur Neymarin "Një lojtar perfekt".[4]
Neymar u bashkua me Santosin në vitin 2003, ai kaloi me sukses kategroinë e skaudrave të moshave dhe më pas u bashkua me skuadrën e parë. Ai bëri debutimin e tij me Santosin në vitin 2009, dhe u votua si lojtari më i mirë i ri i 2009 Campeonato Paulista. Pas këtij trofeu, Neymar u votua edhe si lojtari më i mirë i Santosit në fitimin e 2010 Campeonato Paulista, gjithashtu ishte edhe golashënuesi më i mirë në 2010 Copa do Brasil me 11 gola. Ai e përfundoi sezonin 2010 me 42 gola në 60 ndeshje. Neymar u votua si lojtari më i mirë i vitit 2011, ku edhe Santosi fitoi 2011 Kupën Libertadores, Neymar shënoi 6 gola në 13 ndeshje. Ai ishte një lojtar kyç në fitimin e dopietës Kontinentale për skuadrën e tij, e para që nga viti 1963. Ai mori topin e bronzë në 2011 Kupën e Botës për Klube, ku Santos arriti deri në finale, ku u mundën nga Barcelona me rezultatin 4–0.[5][6]
Neymar ka përfaqsuar Brazilin në nivelet U–17, U–20 dhe me kombëtaren e parë. Më 10 gusht 2010, në moshën 18 vjeçare, Neymar debutoi për Seleçãon kundër Shteteve të Bashkuara; ai shenoi një gol me kokë në minutën e 28 dhe kontriboi në fitimin e ndeshjes 2–0. Ai ishte golashënuesi më i mirë me 9 gola në 2011 Kampionatin e të rinjëve të Amerikës së Jugut, përfshirë edhe 2 gola të shënuar në finalen e fituar 6–0 kundër Uruguajit, duke ndihmuar kombëtaren e tij që ta fitonte këtë trofe për herë të 11 në historinë e saj. Neymar ishte pjesë e skuadrën e zgjedhur nga Luiz Felipe Scolari për të luajtur në 2013 Kupën e Kofederatave që u mbajt në vendlindjen e tij. Për këtë turnament, ai mbajti numrin ikonik 10. Më 30 qershor 2013, Neymar shënoi golin e dytë të Brazilit në fitoren 3–0 në finalen kundër Spanjës. Performancat e Neymar bënë që ai të vlerësohej me çmimin "Topi i Artë" si lojtari më i mirë i turnamentit.[7] Në 2012 dhe 2013, SportsPro e ka emëruar atë si atletin më të shtrenjtë në botë.[8] Në dhjetor 2013, The Guardian e renditi Neymar si lojtarin e gjashtë më të mirë të botës.[9]
Neymar da Silva Santos Junior ka lindur në Mogi das Cruzes, São Paulo nga prindërit Neymar da Silva, Sr. dhe Nadine Santos. Ai mori emrin e babait të tij i cili gjithashtu ka qënë një futbollist. Neymar komentoi rolin e babit të tij: "Babai im ka qenë nga anët më të rëndësishme të mijat që kur kam qenë i vogël.[10]
Në vitin 1992, familja e Neymar u transferua në São Vicente, ku Neymar filloi të luante futboll për skuadrën e të rinjëve Portuguesa Santista.[11] Në vitin 2003 familja e Neymar u transferua tek Santos dhe Neymar shkoi në akademinë e moshave të Santos.[12] Falë sukseve të tija të arritura me Santos, familja e tij bleu pronën e parë të tyre, një shtëpi në Vila Belmiro. Cilësia e jetës së familjes së Neymar u përmiresua sepse Neymar që në moshën 15 vjecare fitonte 10,000 reais në muaj, kurse në moshën 16 vjecare fitonte 25,000 reais në muaj. Në moshen 17 vjecare, Neymar firmosi kontratën e tij të parë profesionale dhe hyri në skuadrën e parë.[13]
Në vitin 2006, Neymar nënshkroi një kontratë me Real Madridin. Transferimi u kompletua, por në fund, ai u largua nga Madridi sëbashku me babain e tij. Ai u largua sepse klubi ndryshoi mendje, dhe nuk pagoi 60.000 € për talentin 14 vjeçar.
Neymar filloi të luante futboll që në moshë të vogël. Santos FC e pa talentin e tij dhe në vitin 2003 i ofroi një kontratë dhe Neymar hyri në Akademine e Santosit. Santos FC njihej për talentët e prodhuar nga akademia si: Bruno Coutinho Martins, Clodoaldo, Diego, Elano dhe Alex.[14] Në akademinë e të rinjëve, Neymar takoi Paulo Henrique Ganson me të cilin do të krijonte një miqësi të ngushtë.
Në moshën 14 vjecare, Neymar udhëtoi në Spanjë në mënyrë që të bashkohej me Real Madridin, në kohën kur Reali kishte yje si: Zinedine Zidane, Ronaldo dhe Robinho. Klubi spanjoll pagoi një milion reals për ta marrë Neymar në akademine e saj por Santos refuzoi për ta mbajtur në klub. Neymar kaloi testin dhe hyri në skuadrën e parë në vitin 2009.
Neymar beri debutimin e tij te pare si profesionist me 7 mars 2009. Ai ishte vetem 17 vjeç dhe luajti ne 30 minutat e fundit kunder Oeste ne fitoren 2–1 te Santos. Javen tjetër Neymar shenoi golin e tij te pare për fanellen e Santos kunder Mogi Mirim. Një muaj me vone me 11 prill, Neymar shenoi golin vendimtar në fitoren 2–1 te Santosit kunder Palmeiras ne gjysme-finalen e Kampionatit Paulista te vitit 2009.[15] Ne finale Santos humbi me rezultatin e përgjithshëm 4–2 kunder Corinthians.[16] Ne sezonin e tij te pare si profesionist me Santosin, Neymar luajti 48 ndeshje dhe shenoi 14 gola.
Neymar vazhdoi pushtetin e tij, dhe më 15 prill 2010, ai shënoi pesë gola për Santos në fitoren 8–1 kundër Guaranit në fazat kualifikuese të Kupës Braziliane.[17] Pas 2010 Campeonato Paulista ku Neymar shënoi 14 gola në 19 ndeshje, klubi u kurorëzua kampion pas fitores me rezultatin e përgjithshëm 5–5 në finalet kundër Santo André.[18] Neymar ju dhurua çmimi i lojtarit më të mirë të kompedicionit.[19] Performancat e tij bërë që ai të krahasohej Robinhon me legjendën braziliane Pelé.[20]
Në vitin 2010, Santos refuzoi një ofertë prej 12 milion £ të ofruar nga West Ham United i Premier Ligës,[21] dhe një javë më vonë një tjetër ofertë nga një tjetër klub anglez me emrin Çelsi, raportuar të ishte 20 milion £.[22] Pavarësisht se Santos nuk kishte dëshirë për ta shitur brazilianin, vetë Neymar insistoi duke thënë: "Unë jam i përqendruar vetëm tek Santos",[23] me agjentin e tij Wagner Ribeiro, tregoi se karriera e Neymar është e përqëndruar diku tjetër dukë thënë: "Ai dëshiron të bëhet lojtari më i mirë në botë. Shanset e tij për të bërë më i mirë gjatë kohës që luan në Brazil janë zero". Edhe pse një vit më vonë Neymar pranoi, në një intervistë me Daily Telegraph, se ai kishte qenë i kënaqur me interesin e Çelsit në të sikur ishte një "ëndërr" e tij "për të luajtur në Europë", ndërsa gjithashtu duke deklaruar se në atë kohë kur oferta u refuzua, kishte qenë vendimi më i drejtë për të qëndruar në Brazil.[24]
Pavarësisht se në dy sezonet e para ai ishte shumë i suksesshëm, e ai e mbylli sezonin 2010 me një shifër impresionuese me 42 gola në 60 ndeshje. Megjithatë, problemet u identifikuan, pavarësisht simulimeve të dukshme të Neymar gjatë ndërhyrjeve kundër tij, në vend të përpjekjeve për të vazhduar me lojën dhe qëndrimin e tij. E fundit erdhi në një ndeshke kundër Goianiense më 15 shtator, kur trajneri i Santos Dorival Júnior, caktoi një tjetër lojtar për të gjuajtur penalltinë e fituar nga një ndërhyrje kundër Neymar. Vendimi i tij u bazua në faktin që Neymar kishte humbur një penallti vendimtare në finalen e Copa do Brasil, edhe pse Santos fitoi. Duke reaguar ndaj kësaj, Neymar i ktheu shpinën trajnerit të tij, duke u qetësuar nga një gjyqtar anësor dhe nga kapiteni e tij, Edu Dracena. Pasojat nga kjo ngjarje ishte se Dorival Junior dëshironte që Neymar të pezullohej për dy javë, por bordi ishte në anën e lojtarit dhe menjëherë shkarkoi trajnerin. Pavarësisht nga keqardhjet Neymar mbi incidentin, ende ngelën dyshime në lidhje me qëndrimin e tij te klubi. Më 30 dhjetor 2010 u shpall futbollisti më i mirë pas Andrés D'Alessandro dhe Juan Sebastián Verón për çmimin 2010 Futbollisti i Vitit Amerikano Jugor.[25]
Neymar shënoi gjashtë gola me Santos gjatë 2011 Copa Libertadores, duke u bërë golashënuesi i tretë më i mirë i turnamentit,[26] përfshirë edhe një golat vendimtarë në fitoren e Santosit me rezultatin e përgjithshëm 4–3 kundër Cerro Porteño. Në finalen me dy ndeshje, Santos u ndesh me skuadrën uruguajiane Peñarol duke barazuar në ndeshjen e parë 0–0 që u luajt në Montevideo. Në ndeshjen e dytë në shtëpi, Neymar shënoi golin e parë për skuadrën e tij në minutën e 46të duke ndihmuar Santos të fitonte ndeshjen 2–1 me Neymar që u shpall lojtar i ndeshjes.[27] Santos e fitoi për herë të parë trofeun e Copa Libertadores që nga 1963, ku legjenda braziliane Pelé luante për klubin.[28][29]
Në shtator 2011, presidenti i Santosit, Luis Ribeiro kërcenoi se do të raportonte te FIFA skuadrën e Real Madrid pasi kishte tentuar të nënshkuaj një para-kontrate të fshehtë me Neymar.[30] Në nëntor 2011, Neymar dhe Santos ranë dakord për zgjatjen e kontratës që do ta lejonte lojtari të qëndronte te Santos deri në Kupën e Botës 2014 që do të zhvillohej në Brazil dhe më pas do të vendoste vetë nqs do të qëndronte ose do të largoheshe.[31] Pas kësaj marrëveshje paga e Neymar u rrit me 50%. Më 14 dhjetor 2011, Neymar shënoi golin e parë për Santos në fitoren 3–1 kundër Kashiwa Reysol në gjysmë–finalen e 2011 Kupës së Botës për Klube në stadiumin Toyota në Japoni, megjithatë, ai dështoi të shënonte në finalen kundër Barcelonës më 18 dhjetor ku Santos humbi 4–0, duke e përfunduar kompedicionin si finalist.[32] Ai fitoi 2011 FIFA Çmimi Puskás për supergolin e tij në humbjen 5–4 kundër Flamengos në Brasileirão Série A. Më 13 dhjetor 2011, ai fitoi çmimin 2011 Lojtari Amerikano-Jugor i Vitit për herë të parë, me një diferencë rekord, duke ndjekur hapat e legjendave Diego Maradona, Romário, Pelé dhe Zico.[33]
Më 5 shkurt 2012, kur ai mbushi 20 vjec, shënoi golin e tij të 100të si lojtar profesionist kundër Palmeiras në Campeonato Paulista.[34][35] Më 25 shkurt 2012, Neymar shënoi dy gola, një nga 25 metra distancë nga porta dhe asistoi dy gola të tjerë në fitoren 6–1 të Santos kundër Ponte Preta.[36] Më 7 Mars 2012, Neymar shënoi një tregolësh në fitoren 3–1 kundër rivalëve të Internacional duke i eleminuar nga 2012 Copa Libertadores që në fazën e grupeve.[37] Ndeshja përfundoi me rezultatin 3–1. Më 29 Mars 2012, Neymar shënoi dy gola kundër Guaratinguetá në fitoren 5–0.[38]
Në ndeshjen tjetër kundër São Paulo më 29 prill 2012, Neymar shënoi një tregolësh në fitoren 3-1.[39] Më pas në ndeshjet me eleminim, Neymar shënoi nga dy gola në dy fazat e para të kampionatit Paulista.[40] Në finalen e kampionatit, Santos fitoi me rezultatin e përgjithshem 7-2. Neymar shënoi nga dy gola në të dyja ndeshjet. Neymar e përfundoi kampionatin me 20 gola dhe mori cmimet Lojtari më i mirë dhe Sulmuesi me i mirë. Gjithashtu ai ishte golashenuesi më i mirë i Copa Libertadores me 8 gola, por skuadra e tij Santos nuk arriti dot të fitoje turnamentin sepse u eleminua nga Corinthians në gjysmë-finale.
Më 25 gusht 2012, Neymar shënoi një dygolësh kundër Palmeiras, në fitoren 2-1 të Santos jashtë fushe.[41] Më 3 nëntor, në Kampionatin Série A kundër Cruzeiro, Neymar shënoi një tregolësh dhe dhuroi një assist në golin e Felipe Anderson për të ndihmuar Santos që të fitoj 4–0 jashtë fushe.[42] Neymar e përfundoi vitin 2012 me stil, si fillim duke assistuar golin e barazimit të Victor Andrades, dhe më pas duke shënuar dy gola në fitoren 3–1 kundër Palmeirasit.[43]. Neymar u votua si lojtari më i mirë i 2012 Recopa Sudamericana, duke shënuar një gol në finalen e dytë dhe duke i dhënë Santosit titullin. Neymar e përfundoi Kampionatin Série A me 14 gola dhe u votua si sulmuesi më i mirë. Neymar e përfundoi vitin 2012 duke fituar çmimet Topi i Artë, Arthur Friedenreich Award dhe Armando Nogueira Trophy. Neymar ishte një nga tre finalistet për çmimin FIFA Puskás për golin më të bukur të vitit, por përfundoi i dyti mbrapa sllovakut Miroslav Stoch. Ai fitoi trofeun 2012 Futbollisti Amerikano Jugor i Vitit. Në vitin 2012 u raportua se Santos kishte pranunar oferten e Barcelonës për të transferuar Neymarut në Katalonjë, por në një interviste Neymar deklaroi se: "Nuk ka asnjë marrëveshje me Barçën.[44]
Neymar e filloi 2013 Campeonato Paulista duke shënuar dy gola në ndeshjen e parë që përfundoi me fitoren e Santos 3-1 kundër São Bernardo më 19 janar 2013.[45] Katër dite më vonë, më 23 janar 2013, Neymar shënoi sërisht në fitoren 3–0 kundër Botafogos.[46] Më 3 shkurt 2013, në Kampionatin Paulista, në ndeshjen kundër São Paulo, ku Santos fitoi fitoi 3–1, me Neymarin që shënoi një gol dhe dhuroi dy assista.[47] Më 18 Mars 2013, Neymar tregoi se ai kishte një "Ëndërr për të luajtur në Europë" për klube të medha si: Barcelona, Real Madrid dhe Çelsi, por ai më pas shtoi duke thënë: Nuk ka asnjë spekullim, une do të largohem nga Santos vetëm atëherë kur dua të largohem unë.[48]
Më 13 prill 2013, Neymar i impresioni të gjithë duke shënuar katër gola në fitoren 4-0 të Santos kundër União Barbarense në Kampionatin Paulista.[49]
Më 25 prill 2013, Neymar dhe babai i tij lajmëruan se Neymar do të largoheshe për në Evropë përpara Kupës së Botës 2014.[50]
Neymar luajti ndeshjen e tij të fundit me Santos në një barazimin pa gola kundër Flamengos më 26 maj 2013. Gjatë ekzekutimit të himnit kombëtar brazilian, Neymar luftoi për të kontrolluar emocionet e tij, por nuk arriti dot dhe shpërtheu në lot.[51]
Më 24 maj 2013, Santos lajmëroi se kishte marrë dy oferta për Neymarin.[52] Ditën tjetër, Neymar lajmëroi se ai do të firmoste me Barcelonën, dhe më 27 maj lajmëroi se ai do të bashkoheshe me skuadrën pasi të përfundonte Kupa e Konfederatave 2013. As Neymar dhe as klubi nuk treguan detajet e kontratës ose kushtet personale, por thuheshe se Neymar kishte firmosur një kontratë pesë vjecare.[53] Më 3 qershor, Neymar kaloi testet mjekësore dhe firmosi kontratën që do e mbante në Camp Nou deri në qershor 2018.[54]
Neymar u prezantuar në Camp Nou në prani të 56,500 tifozëve, një rekord për një lojtar brazilian.[55] Zëvëndes-presidenti i klubit tha se Neymar u transferua tek Barcelona për 57 miljon € duke u bërë transferimi i nëntë më e shtrenjtë në historinë e futbollit. Neymar kishte një klauzole lirimi 190 milion €.[56][57]
Neymar bëri debutimin e tij jozyrtar me Barcelonën më 30 korrik në barazimin 2–2 kundër Lechia Gdańsk në një ndeshje miqësore parasezone, duke u aktivizuar si zëvëndësues. Debutimi i tij zyrtar erdhi më 18 gusht në javën hapëse të kampionatit, ku Barcelona fitoi me rezultatin tenistik 7–0 kundër Levantes.[58] Tre ditë më pas, braziliani shënoi golin e parë për katalanasit në barazimin 1–1 ndaj Atlético Madrid në ndeshjen e parë të superkupës.[59]
Më 18 shtator, ai bëri debutimin e tij në Ligën e Kampioneve, duke assistuar golin e Gerard Piqué me Barçën që mposhti me rezultatin 4–0 AFC Ajax në shtëpi në ndeshjen hapëse të edicionit 2013–14.[60] Më 24 shtator 2013, Neymar shënoi golin e parë në La Liga në fitoren 4–1 të Barcelonës kundër Real Sociedad në Camp Nou.[61]
Më 26 tetor 2013, Neymar shënoi golin e parë në paraqitjen e tij të parë në El Clásico me Barçën që fitoi me rezultatin 2–1 kundër Real Madrid në Camp Nou. Më vonë ai assistoi edhe golin e dytë të shënuar nga Alexis Sánchez.[62]
Më 11 dhjetor 2013, Neymar vendosi rekord duke shënuar tre golat e parë në Ligën e kampioneve pasi ai shënoi tregolësh në fitoren 6–1 kundër Celtic në ndeshjen e fundit të fazës së grupeve.[63]
Më 3 gusht 2017, Barcelona njoftoi se përfaqësuesit ligjor të Neymarit i kishin paguar klubit 222 milion €, duke barazuar klauzolën e lirimit, gjë që shënoi transferimin më të shtrenjtë në historinë e futbollit.[64] Klubi informoi UEFAn mbi detajet e transferimit, duke lënë organin qeverisës të merrte veprime të mundshme disiplinore.[65] Sipas BBC, në Spanjë, klauzola e lirimit mund të aktivizohet nga lojtari vetë. Kjo ishte një situatë e pazakontë, pasi pagesa shkoi direkt në klub, kjo pasi La Liga e refuzoi. Zakonisht, shuma e një klauzole lirimi depozitohet te La Liga, e cila liron lojtarin nga kontrata dhe transferon paratë te klubi përkatës. Megjithatë, në këtë rast, La Liga refuzoi pagesën me arsyetimin se ishte shkelur rregulli i "Fair Play Financiar" nga Paris Saint-Germain, e cila financohet nga shteti i Katarit.
Neymar firmosi një kontratë pesë-vjeçare me klubin francez. Pas mbërritjes në klub, ai mori fanellën me numrin 10, e cila ju dha nga Javier Pastore si një "dhuratë mirëseardhje".[66]
Më 27 gusht 2017, Barcelona ngriti një padi kundër Neymar, duke kërkuar që ai të kthente bonusin e rinovimit të kontratës që mori, si dhe 8.5 milion € dëmshpërblim dhe 10% shtesë për detyrimet e prapambetura. Ata pretenduan se u detyrohen paratë që Neymar mori si pjesë e një bonusi rinovimi kur ai nënshkroi një kontratë të re në vitin 2016. Klubi gjithashtu kërkoi nga Paris Saint-Germain që të merrte përgjegjësinë për pagesën e tarifave nëse lojtari nuk mund ta bëjë këtë vetë.[67] Avokatët e Neymar njoftuan se do ta kundërshtonin çështjen.[68]
Në sezonin e tij debutues në Francë, Neymar krijoi një treshe të fuqishme sulmi me talentin francez Kylian Mbappé dhe bomberin uruguajian Edinson Cavani. Ai debutoi zyrtarisht më 13 gusht në fitoren 3–0 kundër Guingamp, duke shënuar një gol dhe asistuar një tjetër.[69] Një javë më pas, në ndeshjen e rradhës në kampionat ndaj Toulouse, Neymar regjistroi një dopietë.[70] Neymar ishte protagonist edhe në fazën e grupeve të Ligës së Kampioneve, duke shënuar nga një gol në fitoren 3–0 kundër Celtic dhe fitoren 5–0 kundër Bayern München në dy ndeshjet hapëse.[71][72]
Gjatë fitores 3–0 në derbi ndaj Marseille më 25 shkurt 2018, Neymar pësoi një frakturë në kockën e pestë metatarsale të këmbës së djathtë. Kjo bëri që ai të udhëtonte në Belo Horizonte për tu operuar.[73] Ky dëmtim bëri që Neymar të mbyllte sezonin para kohe; ai regjistroi 28 gola në 30 ndeshje në sezonin e tij të parë në Paris.[74]
Më 12 gusht 2018, Neymar shënoi në fitoren 3–0 në shtëpi të ekipit kundër Caen në ndeshjen hapëse të kampionatit.[75] Ai shënoi me penallti në ndeshjen e javës së dytë me Parisin që fitoi 3–1 ndaj Guingamp.[76] Në ndeshjen e javës së tretë, Neymar shënoi një tjetër gol si dhe asistoi golin e Cavanit, me PSG-në që regjistroi një sukses 3–1 ndaj Angers.[77]
Më 3 tetor, Neymar shënoi një tregolësh në fitoren 6–1 në shtëpi ndaj Yllit të Kuq të Beogradit në fazën e grupeve të Ligës së Kampioneve.[78] Në janar 2019, ai pësoi një dëmtim në këmbë dhe humbi të dy ndeshjet e raundit të 16-tave të Ligës së Kampioneve kundër Manchester United.[79] Pasi Parisi pësoi një eliminim nga anglezët, Neymar u pa në Instagram duke ofenduar gjyqtarët e VAR-it për penalltinë që këta të fundit i dhanë United në kohën shtesë. Për këtë veprim, braziliani u pezullua me tre ndeshje nga UEFA.[80]
Më 27 prill, Neymar shënoi në finalen e kupës kundër Rennes, por kundërshtarët arritën të përmbysnin rezultatin dhe të fitonin ndeshjen. Pas përfundimit të ndeshjes, Neymar u filmua duke goditur me grusht në fytyrë një spektator.[81] Spektatori ishte filmuar duke ofenduar lojtarët e Parisit gjatë gjithë ndeshjes. PSG reagoi në një komunikatë duke thënë se ata e mbështesnin lojtarin e tyre "100%".[82] Neymar reagoi duke thënë se ai ishte gabim, por gjithashtu shtoi se as ai dhe as ndonjë tjetër nuk mund të kishte qëndruar indiferent. Trajneri i ekipit Thomas Tuchel deklaroi: "Nuk është e lehtë të ngjisësh shkallët pas një disfate. Nëse humbasim duhet të tregojmë respekt. Ne nuk mund të hyjmë në një konflikt me një spektator."[83]
Në korrik 2019, Neymar mungoi në seancat stërvitore me ekipin, duke bërë që klubi të ndërmerrte masa disiplinore.[84] Në ditën e fundit të merkatos verore, Neymar pranoi të qëndronte me PSG-në pas negociatave të dështuara për një rikthim te Barcelona.[85]
Neymar luajti ndeshjen e parë për sezonin 2019–20 më 14 shtator në fitoren minimale 1–0 ndaj Strasbourg në Ligue 1; ai shënoi golin e vetëm të ndeshjes në minutat shtesë me një rrofeshatë.[86] Një javë më vonë, në një tjetër fitore 1–0, këtë herë ndaj Lyon në Parc Olympique Lyonnais, Neymar ishte sërisht protagonist me një tjetër gol në minutat shtesë.[87]
Në tetor, Neymar pësoi një dëmtim në tendinë gjatë grumbullimit me kombëtaren;[88] ai qëndroi një muaj jashtë fushave dhe u rikthye më 26 nëntor duke luajtur në barazimin 2–2 kundër Real Madridit në fazën e grupeve të Ligës së Kampioneve. Më 12 shkurt 2020, në ndeshjen e parë të raundit të 16-tave kundër Borussia Dortmundit, Neymar shënoi një gol shumë të rëndësishëm në transfertë, me Parisin që u mposht 2–1 në Signal Iduna Park. Në ndeshjen e kthimit në Paris, ekipi i Neymar bëri përmbyje duke fituar 2–0 dhe u kualifikua me rezultatin e përgjithshëm 3–2; Neymar shënoi golin e parë të sfidës me kokë pas një korneri të ekzekutuar nga Ángel Di María si dhe mori pjesë në aksionin që solli golin e dytë të shënuar nga Juan Bernat.[89]
Neymar fitoi titullin e tij të tretë të Ligue 1 pasi federata vendosi të ndërpreste sezonin për shkak të Pandemisë aë COVID-19; në momentin kur u mor vendimi, PSG ishte në vendin e parë.[90] Më 14 korrik, në ndeshjen e parê të ekip që pas rifillimit të aktivitetit, Neymar shënoi golin e vetëm të finales së kupës kundër Saint-Étienne; kjo ishte kupa e dytë e tij me PSG-në.[91] Shtatë ditë më pas, Parisi fitoi edhe kupën e ligës, duke mposhtur Lyonin 6–5 me penallti pasi koha e rregullt dhe shtesa u mbyllën në barazim pa gola; Neymar shënoi një nga penalltitë për ekipin e tij.[92] Më 12 gusht, në ndeshjen çerek-finale të Ligës së Kampioneve kundër Atalantës, ai asistoi golin e barazimit me Parisin që shënoi dy gola në kohën shtesë për të fituar ndeshjen 2–1.[93] Ata u kualifikuan në gjysëm-finale ku u përballën me gjermanët e RB Leipzig; në ndeshjen e parë në transfertë, Neymar asistoi një nga golat e fitores 3–0 që kualifikoi Parisin për në finalen e Ligës së Kampioneve për herë të parë në histori.[94] Në finalen e madhe në Estádio da Luz të Lisbonës, Parisi u mposht me rezultatin 1–0 nga Bayern München.[95]
Neymar humbi ndeshjen e parë të sezonit 2020–21 për shkak se kishte dalë pozitiv me COVID-19 një javë më parë;[96] në këtë ndeshje, PSG u mposht nga Lens me rezultatin minimal 1–0.[97] Megjithatë, ai ju rikthye stërvitjes para ndeshjes derbi kundër Marseille më 13 shtator.[98] PSG humbi Le Classique për herë që nga viti 2011 pasi OM fitoi 1–0 në një ndeshje ku gjyqtari dha 14 kartonë të verdhë dhe 5 kartonë të kuqë, njëri prej të cilëve në drejtim të Neymar.[99]
Neymar regjistroi dy golat e parë të sezonit 2020–21 në fitoren bindëse 6–1 ndaj Angers më 2 tetor.[100] Ai arriti kështu në shifrën e 72 golave për klubin kryeqytetas, duke hyrë në listën e dhjetë golashënuesve më të mirë të historisë së PSG-së, në nivel me bashkëkombasin e tij Raí.[101] Më 28 tetor, Neymar pësoi një dëmtim në muskulin e këmbës së djathtë në ndeshjen e fazës së grupeve të Ligës së Kampioneve kundër İstanbul Başakşehir, duke u zëvëndësuar pas vetëm 26 minutash lojë.[102] Ai u rikthye në aksion pas më shumë se tre javësh, duke u aktivizuar si zëvëndësues në humbjen 3–2 ndaj Monacos më 20 nëntor.[103] Katër ditë më pas, ai shënoi golin e vetëm në takimin ndaj RB Leipzig në Ligën e Kampioneve, duke regjistruar golin e parë pas rikthimit nga dëmtimi.[104]
Më 28 nëntor, Neymar shënoi golin e tij të 50të në Ligue 1 në barazimin 2–2 ndaj Bordeaux; ai u bë lojtari më i shpejtë që e arrin këtë shifër në historinë e klubit, duke e bërë vetëm në ndeshjen e tij të 58të.[105] Katër ditë më vonë, braziliani shënoi një dopietë kundër Manchester United, duke udhëhequr Parisin drejt një fitoreje 3–1 në Old Trafford.[106] Në ndeshjen e fundit të fazës së grupeve të Ligës së Kampioneve, Neymar shënoi një tregolësh në një fitore bindëse 5–1 kundër İstanbul Başakşehir; ky tregolësh, i treti në karrierën e tij në këtë kompeticion, ndihmoi ekipin të fitonte grupin.[107] Neymar u bë gjithashtu lojtari i parë në historinë e Ligës së Kampioneve që shënon 20 ose më shumë gola për dy klube të ndryshme: 21 gola në 40 ndeshje për Barcelonën dhe 20 gola në 25 ndeshje për Parisin.[108] Në humbjen 1–0 kundër Lyonit më 13 dhjetor, Neymar pësoi një dëmtim në kyçin e këmbës pas një ndërhyrje nga mbrojtësi kundërshtar Thiago Mendes, duke bërë që të nxirrej nga fusha e lojës me barrelë.[109] Ai mundi të shmangte frakturën por u njoftua se do të qëndronte në jashtë fushave për tre javë me një ndrydhje në kyç.[110] Ai u rikthye fiks pas një muaji më 13 janar 2021 në fitoren 2–1 kundër Marseille në Trophée des Champions; braziliani shënoi golin e fitores me penallti duke i dhënë një tjetër trofe klubit kryeqytetas.[111] Më 10 shkurt, Neymar pësoi një tjetër dëmtim, këtë herë në muskulin e këmbës së majtë, në një ndeshje ndaj Caen, që e mbajti jashtë fushave për rreth një muaj.[112] Rikthimi i tij ndodhi më 21 mars në suksesin 4–2 kundër Lyonit në kampionat.[113]
Në fazën me eliminim direkt të Ligës së Kampioneve, PSG u eliminua në gjysëm-finale nga klubi anglez Manchester City. Neymar humbi të dy ndeshjet e raundit të 16-tave kundër Barcelonës, ku Parisi fitoi me rezultatin e përgjithshëm 5–2, por ishte i disponueshëm në dy ndeshjet çerek-finale kundër Bayern München dhe dy ndeshjet gjysëm-finale kundër Manchester City. Më 8 maj, Paris Saint-Germain njoftoi se Neymar kishte firmosur një kontratë të re deri në vitin 2025.[114]
Më 10 gusht, Parisi firmosi me argjentinasin Lionel Messi, i cili u ribashkua me Neymar pas 4 vitesh.[115] Neymar luajti ndeshjen e parë të sezonit të ri më 29 gusht në fitoren 2–0 kundër Reims, duke luajtur si titullar për 66 minuta para se të zëvëndësohej nga Messi, i cili debtuoi zyrtarisht për klubin francez.[116] Ai regjistroi golin e parë të sezonit 2021–21 më 19 shtator në fitoren 2–1 kundër Lyonit, duke shënuar me penallti.[117]
Neymar bëri performanca fantastike me Brazilin U–17 në Kupën e Botës U–17 në vitin 2009, ku ai shënoi golin në ndeshjen e parë hapese kundër Japonisë. Ish-lojtarët Brazilian Pelé dhe Romário i thanë urgjentisht trajnerit Dunga që të merrte atë në Kupën e Botës 2010. Edhe pse mendimi i përhapur se Neymar meritonte një vend në skuadrën e Dungës shkuan aq larg saqë trajnerit të kombëtares i erdhi një peticion me 14.000 nënshkrime dhe pavarësisht nga presioni i madh që i ishte bërë, ai e la atë pas dore duke mos e grumbulluar në listën e 23 lojtareve brazilian që do të udhëtonin në Afrikën e Jugut për të luajtur në Kupën e Botës.[118][119]
Më 27 mars 2011, Neymar shënoi dy gola në fitoren 2–0 kundër Skocisë në stadiumin Emirates.[120] Gjatë momentit të penalltisë të shënuar nga Neymar, një banane u hodh në drejtim të tij, gjë që e detyroi atë të ankohet për rracizëm.[121] Neymar refuzoi faljen e tifozëve dhe nuk kërkoi falje për fjalët që tha në drejtim të tifozëve të Skocisë.[122][123][124]
Neyamr ishte pjesë e 23 lojtarëve të përzgjedhur nga trajneri Mano Menezes. Neymar shënoi dy gola në ndeshjen e tretë të Grupit B kundër Ekuadorit në ndeshjen e fituar nga Brazili me rezultain 4–2. Dy golat e tjere i shënoi Alexandre Pato. Neymar u përzgjodh si Lojtari i ndeshjes në barazimin 1–1 kundër Venezuelës. Brazili u eleminua në çerek-finale nga Paraguaji në pikat e penalltive ku Neymar hyri si zëvëndësim në minutën e 80të.
Neymar ishte pjesë e 23 lojtarëve të Brazilit thirrur nga trajneri Mario Menezes për të luajtur në lojërat olimpike verore që zhvilloheshin në Londër.[125][126] Përpara se të fillonte turnamenti Neymar shënoi gol dhe dhuroi edhe një asist për golin e Sandros në fitoren 2–0 kundër Britanisë së Madhe.[127] Më 26 korrik 2012, Neymar shënoi golin e tretë në minutën e 30të në fitoren 3–2 kundër Egjiptit në Grupin C.[128] Më pas tre ditë më vonë në ndeshjen tjetër kundër Bjellorusisë, Neymar shënoi një tjetër gol fantastik me një goditje dënimi nga 25 metra që përfundoi në trekëndësh, duke dhuruar edhe dy assista për golat e Patos dhe Oscarit. Pas ndeshjes Neymar tha: "Une shënova një gol dhe dhurova dy assista dhe për mua kjo është një gjë perfekte".[129][130].
Më 5 gusht 2012, Neymar shënoi një gol me penallti dhe dhuroi një assist për golin e Leandro Damiãos në çerek-finalen e turnamentit kundër Hondurasit për të ndihmuar skuadrën e tij të fitoj 3–2 në stadiumin St James' Park duke dërguar Brazilin në gjysmë-finale. Më golin kundër Hondurasit, Neymar arriti shifrën e tre golave në këtë turnament.[131]
Neymar shënoi tregolshin e parë me kombëtaren më 10 shtator 2012 në fitoren shkatërrimtare 8–0 kundër Kinës në Estádio José do Rego Maciel në Recife.[132]
Neymar ishte pjesë e skuadrës së zgjedhur nga trajneri Luiz Felipe Scolari për të luajtur me Brazilin në Kupën e Konfederatave që u zhvillua në vendlindjen e tij. Në këtë turnament, Neymar mori fanellën me numrin ikonik 10, duke lënë fanellën e tij të fundit me numrin 11.[133]
Më 15 qershor 2013, Neymar shënoi golin e parë të turnamentit në minutën e tretë në fitoren 3–0 kundër Japonisë në stadiumin Nacional Mané Garrincha.[134] Më 19 qershor 2013, Neymar shënoi në minuten e 9të një gol spektakolar dhe gjithashtu në minutën e 93të dha një assist spektakolar për golin e Jô, për t'i dhënë Brazilit fitoren 2–0 kundër Meksikës.[135] Neymar vazhdoi rekordin e shënimit të golave duke shënuar në ndeshjen e fundit të Gurpit A një goditje fantastike dënimi kundër Italisë në minutën e 66të. Në këtë ndeshje Brazili fitoi me rezultatin 4–2.[136]
Më 30 qershor, Neymar shënoi golin e dytë të Brazilit në fitoren 3–0 kundër Spanjës. Ai u shpall lojtari më i mirë i turnamentit duke fituar Topin e Artë dhe Këpucën e Bronztë pasi u shpall golashënuesi i tretë më i mirë me katër gola.[137][138]
.jpg)
Më 5 Mars 2014, Neymar shënoi një tregolësh në fitoren 5–0 kundër Afrikës së Jugut në një ndeshje miqësore në Johannesburg. Ai bëri një veprim mjaft të mirë kur pas mbarimit të ndeshjes mori një tifoz të vogël afrikan në fushë dhe bëri foto me të. Forcat e sigurisë filluan ta shoqërorin djalin jashtë fushe, por Neymar ndërhyri duke e futur djalin mes lojtarëve brazilian gjatë festës së tyrë për fitoren.[139][140] Më 3 qershor 2014, një javë para fillimit të Kupës së Botës, Neymar shënoi një gol dhe dhuroi dy assista në fitoren 4–0 kundër Panamasë në një ndeshje miqësore.[141]
Neymar luajti ndeshjen e tij të 50të me kombëtaren në ndeshjen hapëse të Kupës së Botës kundër Kroacisë në São Paulo. Pasi Brazili ishte në disavantazh 1–0, ai barazoi rezultatin para fundit të pjesës së parë me një gjuajtje jashtë fushe dhe shënoi golin e dytë me penallti në fitoren 3–1.[142]
Neymar mund të luaj në shumë pozicione në fushën e lojës. Neymar mund të luaj si sulmues kryesor, sulmues i dytë madje edhe si mesfushor sulmues. Neymar është cilësuar nga shumë analist dhe legjenda futbolli si Fenomen. Neymar i përshtatet shumë mirë formacionit 4-3-3 dhe mund të luaj si organizator i skuadres. Neymar ka aftesi të jashtëzakonëshme për të tribluar dhe për të shënuar gola nga goditjet e dënimit. Neymar ka aftësi teknike fantastike, dhe di të pasoj shumë mirë. Ka një kontroll fantastik topi dhe ka gjithashtu një gjuajtje të fuqishme.
Neymar ka thënë se dëshiron të bëhet si sulmuesi i Real Madrid, Cristiano Ronaldo, lojtari i Manchester United, Wayne Rooney dhe si mesfushoret e Barcelonës, Xavi dhe Andrés Iniesta.
Neymar ka thënë: Mua më pelqen shumë të shikoj futboll dhe sigurisht të shikoj lojtar të mirë. Mua më pelqen: Cristiano Ronaldo, Andrés Iniesta, Xavi dhe Wayne Rooney.
Shumë legjenda të Brazilit si: Ronaldinho, Romario, Rivaldo kanë thurur elozhe për Neymar duke e krahasuar me Pelén ose me Ronaldon dhe e kanë cilësuar si heroi i Brazilit në të ardhmen.
Shumë media të ndryshme e kanë krahasuar me Pelén, Ronaldinhon për tekinë, por Neymar nuk i ka pëlqyer këto krahasime duke thënë: "Mua nuk më pëlqen të më krahasojnë me Pelén, unë jam Neymar".
Neymar ka thënë qe idhulli i tij është Lionel Messi dhe se kishte dëshire të luaj përkrah tij. Këtë gjë Neymar e ka zbuluar pas tregolëshit të tij në Kupen e Libertadores, ku në të njëjtën kohë dhe Messi kishte shënuar pesë gola në Ligën e Kampioneve, Neymar tha: "Unë jam tifoz i Messit. Une e mbeshtes atë kur shënon gola të bukur dhe kur triblon bukur, kështu që une mund ta kopjoj dhe ta imitoj bukur atë".[143]
Neymar u bë baba për herë të parë në gusht 2011 ku ishte vetëm 19 vjeç, kur gruaja e tij lindi një djal i cili u quajt Davi Lucca. Davi Lucca ka lindur në São Paulo.[144] Emri i nënës nuk bëhet i ditur sepse Neymar është ndarë me të. Ai është cituar të ketë thënë: Kam qarë kur kam mësuar që unë do të jem babai i tij.[145] Në fillim unë ndjeva frikë.[146] Pastaj gëzim. Kjo është një përgjegjësi e re për mua dhe unë jam duke e shijuar atë. Më pas Neymar përshkroi lindjen e djalit të tij, duke thënë se ai lindi 2.8 kilogram duke qeshur, dhe gjithashtu tha se mamaja dhe foshnja janë në gjëndje të mirë menjëherë pas lindjes.[147] Që nga viti 2013, Neymar është në një lidhje me aktoren braziliane Bruna Marquezine.[148][149]
Në vitin 2013, gazeta sportive France Football e renditi Neymar si lojtarin e shtatë më të pasur në planet, mbrapa Lionel Messit që ishte në vendin e parë dhe Cristiano Ronaldos që ishte në vendin e tretë, me një kombinim nga paga (11 milion €), të ardhurat dhe shpërblimet (13.800.000 €).[150][151]
.jpg)
Neymar ka nënshkruar me shumë sponsorë, dhe reputacioni i tij eshtë rritur shumë pas moshës 17 vjeçare. Në mars 2011, Neymar nënshkroi një kontratë 11 vjeçare me kompaninë amerikane sportive NIKE.[152] Në të njëtin muaj, kompania Panasonic pagoi 2.4 milion $ për të siguruar shërbimet e Neymar për dy vite. Neymar ka nënshkruar me sponsorë të ndryshëm si: Volkswagen, Red Bull, Tenys Pé Baruel, Lupo, Ambev, Claro, Unilever dhe Santander.[153][154][155][156] Nga nënshkrimet me keto sponsorë, Neymar fiton 20 milion € çdo vit. Më 8 maj 2013, Neymar u vlerësua nga revista SportsPro si atleti më i shitshëm në botë, përpara Lionel Messit (2) dhe Cristiano Ronaldos (8).[157][158][159]
Neymar ka qënë në kopertinën e Pro Evolution Soccer 2012 dhe Pro Evolution Soccer 2013 në versionin e Amerikës Veriore, kjo gjë ndodhi pasi Konami Digital Entertainment lajmëroi se Neymar do të ishte pjesë e lojtarëve të lojës.[160] Neymar ishte në kopertinë sëbashku me Cristiano Ronaldon.[161][162]
Në shkurt 2013, Neymar u bë sportisti i parë brazilian që u vendos në kopertinën e revistës TIME.[163] Revista TIME kishte përgatitur një artikull për Neymar që ishte shkruar nga Bobby Ghosn, ky artikull e kishte titullin: "Peleja i ardhshëm", dhe me nëntitull: Si e shpjegon tatenti brazilian i futbollit Neymar ekonominë e vendit të tij.
Në prill 2013, karikaturisti brazilian Mauricio de Sousa publikoi librin "Monica's Gang", duke shfaqur Neymarin në versionin e ri (Neymar Jr.) si personazhin kryesor.[164]
Në maj 2013, revista SportsPro e konsideroi Neymarin si sportistin më të shitshëm në planet për herë të dytë rradhazi. Neymar kryesonte listën, duke lënë mbrapa Lionel Messin, Rory McIlroyuin, Usain Boltim, Cristiano Ronaldon. Lista llogaristë sportistët nga mosha, aftësia dhe potencialin e tyre në tre vitet e ardhshëme.[165]
Neymar ka treguar që është një fans i muzikës pop braziliane, veçanërisht muzika sertaneja. Neymar është filmuar në dhomat e zhveshjes së Santosit, duke kërcyer me shokët e skuadrës këngën e Michel Telós "Ai se eu te pego!" Gjithashtu këtë kënge, Neymar e ka kërcyer edhe ku ka shënuar Gola në ndeshje me Santosin, gjithashtu Neymar ka kërcyer edhe kënge të tjera braziliane me shokët e skuadrës kombëtare Braziliane. Një nga këngët që ka kërcyer Neymar është: "Eu Quero Tchu, Eu Quero Tcha" që është krijuar nga João Lucas & Marcelo. Neymar është fans i këngëtarit brazilian Gusttavo Lima, madje, Neymar ka kënduar me Liman në një koncert LIVE këngën e Limas që quhet "Balada". Në 2013, Neymar u paraqit në një video muzike rapi "Pais do Futebol" nga MC Guimê.[166]
| Klubi | Sezoni | Liga | Kupa[lower-alpha 1] | Liga e Shtetit[lower-alpha 2] | Kontinenti | Tjetër | Gjithsej | |||||||
|---|---|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Santos | 2009 | Série A | 33 | 10 | 3 | 1 | 12 | 3 | — | — | 48 | 14 | ||
| 2010 | Série A | 31 | 17 | 8 | 11 | 19 | 14 | 2[lower-alpha 3] | 0 | — | 60 | 42 | ||
| 2011 | Série A | 21 | 13 | — | 11 | 4 | 13[lower-alpha 4] | 6 | 2[lower-alpha 5] | 1 | 47 | 24 | ||
| 2012 | Série A | 17 | 14 | — | 16 | 20 | 12[lower-alpha 4] | 8 | 2[lower-alpha 6] | 1 | 47 | 43 | ||
| 2013 | Série A | 1 | 0 | 4 | 1 | 18 | 12 | — | — | 23 | 13 | |||
| Gjithsej | 102 | 54 | 15 | 13 | 75 | 53 | 27 | 14 | 4 | 2 | 225 | 136 | ||
| Barcelona | 2013–14 | La Liga | 26 | 9 | 3 | 1 | — | 10[lower-alpha 7] | 4 | 2[lower-alpha 8] | 1 | 41 | 15 | |
| 2014–15 | La Liga | 33 | 22 | 6 | 7 | — | 12[lower-alpha 7] | 10 | — | 51 | 39 | |||
| 2015–16 | La Liga | 34 | 24 | 5 | 4 | — | 9[lower-alpha 7] | 3 | 1[lower-alpha 5] | 0 | 49 | 31 | ||
| 2016–17 | La Liga | 30 | 13 | 6 | 3 | — | 9[lower-alpha 7] | 4 | 0 | 0 | 45 | 20 | ||
| Gjithsej | 123 | 68 | 20 | 15 | — | 40 | 21 | 3 | 1 | 186 | 105 | |||
| Paris Saint-Germain | 2017–18 | Ligue 1 | 20 | 19 | 1 | 2 | — | 7[lower-alpha 7] | 6 | 2[lower-alpha 9] | 1 | 30 | 28 | |
| 2018–19 | Ligue 1 | 17 | 15 | 3 | 2 | — | 6[lower-alpha 7] | 5 | 2[lower-alpha 10] | 1 | 28 | 23 | ||
| 2019–20 | Ligue 1 | 15 | 13 | 2 | 2 | — | 7[lower-alpha 7] | 3 | 3[lower-alpha 9] | 1 | 27 | 19 | ||
| 2020–21 | Ligue 1 | 18 | 9 | 3 | 1 | — | 9[lower-alpha 7] | 6 | 1[lower-alpha 11] | 1 | 31 | 17 | ||
| 2021–22 | Ligue 1 | 22 | 13 | 0 | 0 | — | 6[lower-alpha 7] | 0 | 0 | 0 | 28 | 13 | ||
| 2022–23 | Ligue 1 | 3 | 5 | 0 | 0 | — | 0 | 0 | 1[lower-alpha 11] | 2 | 4 | 7 | ||
| Gjithsej | 95 | 74 | 9 | 7 | — | 35 | 20 | 9 | 6 | 148 | 107 | |||
| Gjithsej karriera | 320 | 196 | 44 | 35 | 75 | 53 | 102 | 56 | 16 | 9 | 557 | 349 | ||
| Ekipi kombëtar | Viti | Ndeshje | Gola |
|---|---|---|---|
| Brazili | 2010 | 2 | 1 |
| 2011 | 13 | 7 | |
| 2012 | 12 | 9 | |
| 2013 | 19 | 10 | |
| 2014 | 14 | 15 | |
| 2015 | 9 | 4 | |
| 2016 | 6 | 4 | |
| 2017 | 8 | 3 | |
| 2018 | 13 | 7 | |
| 2019 | 5 | 1 | |
| 2020 | 2 | 3 | |
| 2021 | 13 | 6 | |
| 2022 | 3 | 4 | |
| Gjithsej | 119 | 74 | |
Brazili
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
