futbollist spanjoll From Wikipedia, the free encyclopedia
Fernando José Torres Sanz (Shqiptimi spanjisht: [ferˈnando ˈtores]; lindur më 20 mars 1984), i njohur si El Niño (Fëmija),[4] është një ish futbollist profesionist spanjoll i cili luajti si sulmues.
Torres me Atlético Madrid në 2017 | |||
Të dhënat vetjake | |||
---|---|---|---|
Emri i plotë | Fernando José Torres Sanz[1] | ||
Datëlindja | [2] | 20 mars 1984||
Vendlindja | Fuenlabrada, Spanjë | ||
Gjatësia | 1.86 m (6 ft 1 in)[3] | ||
Pozicioni | Sulmues | ||
Karriera me të rinjtë | |||
1995–2001 | Atlético Madrid | ||
Karriera me klube* | |||
Vitet | Klubi | Ndeshje | (Golat) |
2001–2007 | Atlético Madrid | 214 | (82) |
2007–2011 | Liverpool | 102 | (65) |
2011–2015 | Chelsea | 110 | (20) |
2014–2015 | → Milan (huazim) | 10 | (1) |
2015–2016 | Milan | 0 | (0) |
2015–2016 | → Atlético Madrid (huazim) | 49 | (14) |
2016–2018 | Atlético Madrid | 58 | (13) |
2018–2019 | Sagan Tosu | 40 | (7) |
Gjithsej | 714 | (255) | |
Karriera ndërkombëtare | |||
2000 | Spanja U15 | 1 | (0) |
2001 | Spanja U16 | 9 | (11) |
2001 | Spanja U17 | 4 | (1) |
2002 | Spanja U18 | 1 | (1) |
2002 | Spanja U19 | 5 | (6) |
2002–2003 | Spanja U21 | 10 | (3) |
2003–2014 | Spanja | 110 | (38) |
*Ndeshjet dhe golat me klubet llogariten vetëm për ligën vendase |
Torres filloi karrierën e tij me ekipin spanjoll Atlético Madrid, duke përparuar nga të rinjtë te ekipi i parë. Ai debutoi me ekipin e parë në vitin 2001 dhe e përfundoi periudhën e tij me klubin duke shënuar 75 gola në 174 ndeshje në La Liga. Para debutimit në La Liga, ai kishte luajtur dy sezone në Segunda División për Atléticon, duke shënuar 7 gola në 40 ndeshje.
Torres u bashkua me Liverpoolin në Premier Ligë në vitin 2007, duke u bërë në kohë transferimi më i shtrenjtë në historinë e klubit. Në sezonin e tij të parë në Anfield, Torres u bë lojtari i parë që nga Robbie Fowler në sezonin 1995–96 që shënon 20 gola në kampionat. Me Liverpoolin, ai shijoi periudhën më prolifike shënuese në karrierë, duke u bërë lojtari më i shpejtë i klubit që shënon 50 gola në kampionat. Ai u emërua në formacionin FIFA World XI në vitet 2008 dhe 2009. Në janar 2011, Torrea u largua nga klubi për t'u bashkuar me Çelsin për 50 milion £, një transferim rekord në futbollin britanik që e bëri atë lojtarin spanjoll më të shtrenjtë në histori. Në sezonin e tij të parë të plotë me klubin londinez, Torres fitoi Kupën FA dhe UEFA Ligën e Kampioneve. Në sezonin e ardhshëm, ai shënoi në finalen e UEFA Ligës së Evropës, duke ndihmuar Çelsin t'a fitonte këtë kompeticion për herë të parë.
Torres ka qënë një lojtar i kombëtares spanjolle për 11 vite, duke debutuar në vitin 2003 kundër Portugalisë. Ai regjistroi 110 ndeshje dhe 38 gola, duke qënë golashënuesi i tretë më i mirë i të gjitha kohërave i Spanjës. Me Furinë e kuqe, Torres ka marrë pjesë në gjashtë turnamente madhore: UEFA Euro 2004, FIFA Kupa e Botës 2006, Euro 2008, Kupa e Botës 2010, Euro 2012 dhe Kupa e Botës 2014. Spanja fitoi tre turnamente në vitet 2008–12, me Torres i cili shënoi në finalet e Euro 2008 dhe Euro 2012. Ai shënoi golin e fitores në finalen e vitit 2008, si dhe fitoi Këpucën e Artë si golashënuesi më i mirë në edicionin e vitit 2012.
Lindur në Fuenlabrada, komunitet i Madridit,[5] Torres filloi të interesohej rreth futbollit që në fëmijëri, duke j'u bashkuar ekipit të tij të parë, Parque 84, në moshën pesë vjeç.[6] Babai i tij, José Torres, zakonisht punonte gjatë fëmijërisë së Torresit, kurse mamaja e tij, Flori Sanz, shkonte me të ditë për ditë në seancat stërvitore.[7] Gjyshi i tij nuk ishte ndonjë tifoz i apasionuar i futbollit, megjithatë ishte një tifoz krenar i Atlético Madrid, me Torres i cili trashëgoi dashurinë për klubin nga gjyshi i tij.[6]
Torres e nisi futbollin duke luajtur si portier, ashtu siç kishte luajtur edhe vëllai i tij.[8] Megjithatë, në moshën shtatë vjeç, ai filloi të luante rregullisht si sulmues në kampionatin e futbollit të sallave, me klubin Mario's Holland,[6] duke përdorur personazhin vizatimor Captain Tsubasa si frymëzim.[9] Tre vite më vonë, në moshën dhjetë vjeç, ai kaloi në një ekip me 11 lojtarë, Rayo 13.[10] Ai shënoi 55 gola në një sezon dhe ishte një nga tre lojtarët e ekipit që fituan një provë me Atléticon.[10] Ai la mbresa dhe i bindi vëzhguesit e klubit, duke u bashkuar me sistemin e të rinjëve në moshën 11 vjeç në vitin 1995.[10]
Pasi u bashkua me akademinë në vitin 1995, Torres fitoi titullin e parë të rëndësishëm me të rinjtë në vitin 1998. Atlético dërgoi një ekip nën-15 për të garuar në Kupën Nike një Spanjë dhe Evropë, kundër ekipeve nën-15 të klubeve të tjera; Atlético në fund fitoi turnamentin.[10][11] Ai më pas u votua si lojtari më i mirë në botë për atë grupmoshë.[11] Në vitin 1999, në moshën 15 vjeç, Torres firmosi kontratën e parë profesionale me klubin.[10] Ai e shpenzoi vitin e parë duke luajtur në ekipin e moshave dhe mori pjesë në Honor Division kur ishte 16 vjeç.[12] Ekipi e nisi sezonin 2000–01 në Segunda División në formë të dobët, me Torres i cili pësoi një të çarë në kockën e këmbës që e la jashtë fushave deri në dhjetor.[12] Torres më pas u stërvit me ekipin e parë për të qënë i gatshëm për fazën përgatitore, por bëri debutimin e tij zyrtar më 27 maj 2001 në ndeshjen kundër Leganés në Stadiumin Vicente Calderón.[12] Një javë më vonë, ai shënoi golin e parë për klubin në një ndeshje kundër Albacetes. Atlético humbi mundësinë të ngjitej në La Liga për shkak të golavarazhit negativ krahasuar me Tenerifen, me të dy ekipet që kishin grrumbulluar nga 74 pikë.[12]
Atlético u ngjit në La Liga në përfundim të sezonit 2001–02, edhe pse Torres nuk performoi mirë gjatë sezonit, duke realizuar vetëm 6 gola në 36 ndeshje në Segunda División.[13] Megjithatë, ai u përmirësua në sezonin 2002–03, i pari i tij në La Liga, duke regjistruar 13 gola në 29 ndeshje, me ekipin që arriti një vend të 11të.[12][13] Në korrik 2003, vetëm pak pasi kishte marrë drejtimin e Çelsit si president, Roman Abramovich bëri një ofertë 28 milion £ për shërbimet e lojtarit, por Atlético e refuzoi.[14] Torres vazhdoi të përmirësohej në sezonin 2003–04, duke shënuar 19 gola në 35 ndeshje,[13] duke u renditur i treti në listën e golashënuesve të kampionatit.[15] Në moshën 19 vjeç, Torres u emërua kapiten i ekipit.[11] Në atë sezon, Atlético humbi mundësinë të kualifikohej në Kupën UEFA, duke e mbyllur kampionatin në vendin e shtatë; megjithatë, me këtë rezultat, ata u kualifikuan në UEFA Kupën Intertoto, kompeticion në të cilin Torres bëri debutimin e tij evropian.[16] Ai shënoi nga një gol në të dy ndeshjet e raundit të katërt të kompeticionit kundër OFK Beograd.[16] Atlético arriti deri në finale, por u mposht 3–1 nga gjuajtjet e penalltive nga Villarreal, kjo pasi rezultati i përgjithshëm ishte 2–2.[16] Kampionët e Premier Ligës Çelsit besohej se ishin të interesuar për të firmosur me lojtarin në verën e vitit 2005, por presidenti i Atléticos Enrique Cerezo tha se ata nuk kishin "asnjë mundësi" për ta blerë atë.[17] Megjithatë, Cerezo ndryshoi qëndrim në janar 2006, duke thënë se klubi do ti dëgjonte ofertat që do vinin për lojtarin; ai gjithashtu deklaroi se klubi i Premier Ligës Newcastle United kishte bërë një ofertë zyrtare për Torresin në mars.[18][19]
Torres deklaroi se pas përfundimit të Kupës së Botës 2006 ai kishte refuzuar një ofertë për tju bashkuar Çelsit.[20] Torres shënoi 14 gola në kampionat gjatë sezonit 2006–07.[13] Në përfundim të këtij sezoni, media angleze raporti se Torres ishte objektivi kryesor i merkatos së Liverpoolit,[21] megjithatë Carezo reagoi duke thënë: "Ne nuk kemi marrë asnjë ofertë nga Liverpooli ose klube të tjera për Torresin."[22] Megjithatë, raportime të reja sygjeruan se Atlético kishte arritur një marrëveshje për Torresin; shuma e transferimit u raportua të ishte 25 milion £ plus kartonin e Luis Garcías, i cili kaloi te Atlético në një marrëveshje tjetër.[23] Më 30 qershor, Atlético njoftoi blerjen e sulmuesit uruguajian Diego Forlán nga Villarreal, i cili shihej si zëvëndësuesi i Torresit në sulm para se largimi i tij të bëhej zyrtar.[24] Më 2 korrik, u raportua se Torres kishte shkurtuar pushimet e tij për tu kthyer në Madrid me qëllim për të finalizuar kalimin te Liverpooli.[25] Një ditë më pas, ai kaloi me sukses vizitat mjeksore në qëndrën stërvitore të klubit në Melwood.[26] Ai mbajti një konferencë për shtyp më 4 korrik për ti dhënë lamtumirën tifozëve të Atléticos, para se të firmoste kontratën gjashtë-vjeçare me Liverpoolin.[26] Me këtë transferim, Torres u bë blerja më e shtrenjtë në historinë e Liverpoolit.[24] Në mars 2008, trajneri Rafael Benítez deklaroi në një intervistë për The Times se Torres u ble për rreth 20 milion £, edhe pse në këtë shifër llogaritet e kalimi i Garcías te Atlético.[27]
Torres bëri debutimin e tij zyrtar me Liverpoolin më 11 gusht 2007 në fitoren 2–1 kundër Aston Villës.[28] Ai bëri paraqitjen e parë në UEFA Ligën e Kampioneve si një zëvëndësues në minutën e 79të të fitores 1–0 kundër Toulouse, katër ditë pas debutimit në kampionat.[29] Torres shënoi golin e tij të parë në debutimin e tij në Anfield më 19 gusht, duke shënuar në minutën e 16të të barazimit 1–1 kundër Çelsit.[30] Tregoëshi i parë me klubin e ri erdhi më 25 shtator në fitoren 4–2 kundër Reading në Kupën e Ligës; të tre golat u shënuan në pjesën e dytë.[31] Golat e tij të parë në Ligën e Kampioneve erdhën në ndeshjen e tretë në këtë kompeticion, me Liverpoolin që mposhti Porton 4–1 më 28 nëntor; Torres shënoi dy herë.[32]
Torres u shpall Lojtari i muajit i Premier Ligës për shkurtin 2008,[33] gjatë së cilës ai shënoi katër gola në katër ndeshje, përfshirë edhe një tregolësh kundër Middlesbrough më 23 shkurt.[34][35] Ky tregolësh dhe një tjetër në fitoren 4–0 kundër West Ham United më 5 mars bëri që Torres të bëhej lojtari i parë që nga Jack Balmer në nëntor 1946 që shënon tregolësha në ndeshje rresht në shtëpi.[36] Po në muajin mars, pas golit të shënuar me kokë në minutën e 47të kundër Reading në Anfield, ai u bë lojtari i parë i Liverpoolit që nga Robbie Fowler në sezonin 1995–96 që shënon 20 gola në kampionat në një sezon.[37] Në prill, Torres shënoi sërisht në Ligën e Kampioneve, këtë herë kundër Arsenalit në ndeshjen e dytë të çerek-finales, me Liverpoolin që përparoi në gjysëm-finale.[38] Ky finalizim e dërgoi atë në shifrën e 29 golave në të gjitha kompeticionet për sezonin 2007–08, duke eklipsuar rekordin personal të Michael Owen për klubin.[39] Më 11 prill, u njoftua se Torres ishte një gjashtë kandidatët çmimin PFA Lojtari i vitit i lojtarëve,[40] e cila në fund u fitua nga Cristiano Ronaldo i Manchester United.[41] Spanjolli u nominua edhe për çmimin PFA Lojtari i ri i vitit, e cila u fitua nga Cesc Fàbregas i Arsenalit. Megjithatë, Torres u emërua në PFA Skuadra e vitit.[41] Në maj, ai u rendit sërisht mbrapa Ronaldos për çmimin FWA Futbollisti i vitit.[42]
Më 4 maj, Torres shënoi golin e fitores në minutën e 47të kundër Manchester City, duke barazuar rekordin e Roger Hunt për numrin e ndeshjeve rresht me gol në Anfield.[43] Pasi shënoi golin e 24të sezonal në ndeshjen e fundit të kampionatit kundër Tottenham Hotspur, ku Liverpool fitoi 2–0, Torres vendosi rekord në futbollin anglez për numrin më të madh të golave të shënuar nga një i huaj në sezonin debutues në Angli, duke thyer rekordin e Ruud van Nistelrooy me 23 gola.[44] Ai u rendit i dyti sëbashku me sulmuesin togolez Emmanuel Adebayor në garën për Këpucën e Artë të Premier Ligës.[45] Torres ishte temë e zërave të merkatos që e lidhnin atë me një kalim te Çelsi, që ishte e gatshme të paguante 50 milion £ për shërbimet e tij, por spanjolli reagoi duke thënë kanë mbetur edhe "shumë vite" para se ai të largohej nga Liverpooli.[46][47] Bashkpronari i klubit Tom Hicks gjithashtu e kundërshtoi idenë ndonjë transferimi, duke thënë se nuk do t'a lejonte Torresin të largohej nga klubi për asnjë çmim.[48]
Torres e nisi sezonin 2008–09 të Premier Ligës duke shënuar nga 22 metra me një gjuajtje që përfundoi në katërkëndshin e djathtë të portës së Sunderland, që rezultoi të ishte i vetmi i takimit të luajtur më 16 gusht 2008.[49] Ai pësoi një dëmtim në kofshë në barazimin pa gola kundër Aston Villës, duke qëndruar jashtë fushave të lojës për dy ose tre javë.[50] Torres u rikthye në fitoren 2–1 kundër Marseille në Ligën e Kampioneve dhe më pas shënoi dy gola në fitoren kundër Everton në derbin e Merseyside më 27 shtator.[51][52] Kjo u pasua nga një dopietë tjetër në ndeshjen e fundjavës së rradhës kundër Manchester City, duke i dhënë ekipit fitoren 3–2 me përmbysje si vizitor në City of Manchester Stadium.[53] I pari nga dy golat ishte goli i njëmitë i Liverpoolit në Premier Ligë.[54] Torrës dëmtoi sërisht kofshën gjatë një ndeshje me kombëtaren, duke humbur edhe tre ndeshje të tjera me Liverpoolin.[55] Më 22 tetor, Liverpool u ndesh kundër ish klubit të Torres Atlético në Ligën e Kampioneve, por spanjolli nuk luajti për shkak dëmtimi.[56] Presidenti i Atléticos Enrique Cerezo i kishte dhënë një ftesë VIP për të parë ndeshjen, por ai kishte refuzuar për shkak se po vazhdonte rikuperimin nga dëmtimi në Merseyside.[57] Ai u emërua në ekipin FIFPro World XI të sezonit 2007–08 më 27 tetor.[58]
Torres u rikthye në askion më 8 nëntor duke luajtur në 18 minutat e fundit të fitores 3–0 kundër West Bromwich Albion.[59] Ai më pas deklaroi se do të ishte i interesuar të rikthehej te ish klubi i tij Atlético në fund, duke thënë: "Nuk e di nëse do të pensionohem atje, por do të më pëlqente të rikthehesha dhe të përfundoja disa gjëra që i lash përgjysëm."[60] Ai u dëmtua sërisht në kofshë, këtë herë në fitoren 1–0 kundër Marseille në Ligën e Kampioneve, duke qëndruar jashtë fushave fillimisht për dy-tre javë,[61] dhe më pas për katër javë pas vendimit të specialistëve.[62] Ai më pas u emërua në listën për çmimin FIFA Lojtari Botëror i Vitit,[63] ku u rendit i treti mbrapa Ronaldos dhe Lionel Messit.[64] Torres u rikthye në askion më 3 janar 2009 duke u aktivizuar si zëvëndësues në ndeshjen kundër Preston North End; ai shënoi një nga golat e fitores 2–0, duke regjistuar golin e parë në FA Cup.[65] Pas kësaj, ai shënoi dy gola në minutat e fundit të fitores 2–0 kundër Çelsit më 1 shkurt.[66] Edhe pse kishin kaluar vetëm një vit e gjysëm që nga koha kur ishte bashkuar me klubin, Torres u rendit i 50ti në listën e The Times të 50 lojtarëve më të mirë në historinë e Liverpoolit, duke forcuar ndikimin e fuqishëm të tij në klub në një kohë kaq të shkurtër.[67]
Torres u përball kundër rivalëve të vjetër të tij Real Madrid më 10 mars në raundin e 16-tave të Ligës së Kampioneve; për të qënë i gatshëm për të luajtur, ai mori injektime për të hequr dhimbjen e kyçit të këmbës.[68] Ai shënoi golin e parë të fitores 4–0 në shtëpi, duke ndihmuar Liverpoolin të kalonte raundin me rezultatin e përgjithshëm 5–0.[69] Katër ditë më pas, Torres luajti si titullar në Old Trafford kundër Manchester United dhe shënoi golin e barazimit të përkohshëm në një fitore 4–1.[70] Festimi pas golit në Old Trafford e bëri atë edhe më dashur për tifozët e Liverpoolit pasi spanjolli i drejtoi dorën tifozëve të United – duke bërë veprimin “pesë herë” – që simbolizonte pesë trofetë e Ligës së Kampioneve të Liverpoolit (krahasuar me tre të Manchester United).[71] Në prill 2009, ai u emërua në ekipin e vitit të PFA për të dytin sezon rresht.[72] Torres shënoi golin e 50të për klubin në ndeshjen e javës së fundit të kampionatit kundër Tottenham më 24 maj, në ndeshjen e tij të 84të.[73]
Pas përfundimit të sezonit, Torres firmosi një kontratë të re me Liverpoolin,[74] që u zyrtarizua më 14 gusht.[74] Duke firmosur, Torres kishte mundësinë e rinovimit edhe për një vit të kontratës që do të përfundonte në vitin 2013.[75] Torres shënoi dy gola në fitoren 3–2 kundër West Ham United më 19 shtator 2009, duke e ngjitur ekipin në vendin e tretë në Premier Ligë.[76] Një javë më pas, ai shënoi tregolëshin e parë në sezonin 2009–10 të Premier Ligës në fitoren tenistike 6–1 kundër Hull City në Anfield.[77] Ai u shpall lojtari i muajit shtator në Premier Ligë, pasi kishte shënuar pesë gola dhe kryesonte renditjen e golashënuesve.[78] Më 25 tetor, ai shënoi golin e parë të fitores 2–0 kundër klubit rival Manchester United,[79] duke fituar edhe vlerësimet e trajnerit Rafael Benítez, i cili tha: "Neve po prisnim për atë pasim të fundit. Kur erdhi e dinim që ai do të shënonte."[80] Torres u emërua në formacionin FIFPro World XI për të dytin sezon rresht në dhjetor 2009.[81] Torres u bë lojtari më i shpejtë që shënon 50 goal në kampionat pas golit në kohën shtesë kundër Aston Villës më 29 dhjetor.[82] Ai u zëvëndësua në minutën e 65të të barazimit 1–1 kundër Birmingham City më 4 prill 2010, të cilën trajneri e justifikoi duke thënë që Torres ishte i "rraskapitur".[83] Torres zhvilloi paraqitjen e fundit të sezonit duke shënuar një dopietë në fitoren 4–1 kundër Benficës në Ligën e Evropës,[84] para se të lajmërohej se spanjolli do t'i nënshtrohej operacionit në gju, duke i dhënë fund sezonit.[85] Kjo gjë do të thoshte se Torres e mbylli sezoni me 22 gola në 32 paraqitje në të gjitha kompedicionet, duke qënë golashënuesi më i mirë i ekipit për të dytin sezon rresht.
Pas punësimit të Roy Hodgson si trajneri i ri i klubit, ai deklaroi se Torres nuk do të shitej te asnjë klub, duke thënë: "Ai nuk është për shitje dhe ne nuk mikpresim asnjë ofertë për të. Neve duam t'a mbajmë."[86] Trajneri më pas hodhi poshtë raportimet se Torres ishte gati për t'u larguar duke thënë, "Ai na tregoi se është duke pritur të hënën, për t'ju rikthyer punës dhe për të luajtur me Liverpoolin për sezonin e ardhshëm. Kjo është ajo që unë di, kështu që, raportimet e tjera janë gabim."[87] Torres bëri të ditur angazhimin e tij te Liverpool më 3 gusht: "Angazhimi im dhe besnikëria ndaj klubit dhe tifozëve është e njëjtë si në ditën e parë kur firmosa."[88]
Torres zhvilloi ndeshjen e parë të sezonit 2010–11 në ndeshjen hapëse, një barazim 1–1 kundër Arsenalit më 14 gusht 2010, duke hyrë në fushë si zëvëndësim në minutën e 74të.[89] Goli i tij i parë i sezonit rezultoi ai i fitores kundër West Brom më 29 gusht,[90] si dhe ishte finalizimi i 50të në Anfield në të gjitha kompeticionet.[91] Ai shënoi sërisht golin e fitores edhe në suksesin 2–1 në shtëpi kundër Blackburn Rovers më 24 tetor, duke rregjistruar golin e parë që nga gushti 2010.[92] Torres shënoi golin e tij të fundit për Liverpoolin më 22 janar 2011 në fitoren 3–0 si vizitor kundër Wolverhampton Wanderers.[93]
Më 27 janar 2011, klubi londinez Çelsi ofroi 40 milion £ për Torres, e cila u refuzua nga Liverpool.[94] Një ditë as kësaj, ai bëri një kërkes zyrtare për t'u larguar nga klubi, e cila u refuzua.[95] Transferimi u zyrtarizua më 31 janar pasi lojtari firmosi një për pesë vite e gjysëm për shumën e 50 milion £, duke u bërë lojtari i gjashtë më i shtrenjtë në histori.[96] Torres bëri debutimin e tij me ekipin më 6 shkurt në humbjen 1–0 rastësisht kundër Liverpoolit.[97] Goli i tij i parë për klubin e ri erdhi më 23 prill në triumfin 3–0 kundër West Ham United, duke i dhënë fund zbrastisë prej 903 minutave pa shënuar.[98] Ky ishte goli i vetëm i tij për Çelsin në sezonin 2010–11 në 18 ndeshje të luajtura në të gjitha kompeticionet.
Torres e filloi sezonin 2011–12 duke luajtur si titullar në barazimin 1–1 kundër Stoke City më 14 gusht 2011.[99] Goli i parë i sezonit dhe i dyti për klubin londinez erdhi më 18 shtator në disfatën 3–1 në Old Trafford kundër Manchester United, ku ai gjithashtu humbi edhe një rast me portën bosh.[100] Torres shënoi sërisht një javë më pas një fitoren bindëse 4–1 kundër Swansea Cityt.[101] Në këtë ndeshje ai mori kartonin e kuq të parë me fanellën e Çelsit, dhjetë minuta pasi kishte shënuar pas një ndërhyrje të gabuar ndaj Mark Gower.[102] Kjo gjë bëri që spanjolli të dënohej me tre ndeshje pezullim.[103]
Më 19 tetor 2011, Torres shënoi një dygolësh në fitoren 5–0 kundër Genk në Ligën e Kampioneve, duke regjistuar rrjetat e para në këtë kompedicion që nga sezoni 2008–09, ku ai i shënonte pikërisht Çelsit.[104] Golat e rradhës me ekipin erdhën më vonë më 18 mars 2012, ku ai shënoi një tjetër dopietë si dhe asistoi dy gola në fitoren tenistike 5–2 kundër Leicester City e vlefshme për çerek-finalen e FA Cup.[105] Këto ishin golat e parë të tij pas 24 ndeshjesh dhe të parat për vitin 2013. Më 31 mars, Torres shënoi golin e parë në Premier Ligë që nga 24 shtatori i vitit të kaluar në fitoren 4–2 si vizitor kundër Aston Villës.
Më 24 prill 2012, në ndeshjen e kthimit të gjysëm-finales së Ligës së Kampioneve kundër Bercelonës në Camp Nou, Torres hyri në minutat e fundit si zëvëndësues në vend të Didier Drogbas dhe shënoi golin e barazimit në minutën e fundit të kohës së rregullt pasi dribloi portierin Víctor Valdés. Ky barazim i siguroi Çelsit kalimin në finale me rezultatin e përgjithshëm 3–2.[106] Pas kësaj, ai shënoi tregolëshin e parë me fanellën e Çelsit në fitoren shkatërrimtare 6–1 kundër Queens Park Rangers në Stamford Bridge më 29 prill 2012.[107] Në finalen e Ligës së Kampioneve, Torres hyri si zëvëndësues menjëherë pas golit të Bayern München, dhe pas barazimit 1–1 në kohën e rregullt dhe në shtesë, Çelsi fitoi 4–3 në gjuajtjet e penalltive.[108] Ai e përfundoi sezonin e parë të plotë me Çelsin duke shënuar 11 gola në 49 ndeshje në të gjitha kompeticionet.
Torres e nisi sezonin 2012–13 duke luajtur në FA Community Shield 2012 kundër Manchester Cityt në Villa Park, ku ai shënoi golin e parë të ndeshjes, por në fund Çelsi u mposht 3–2.[109] Më 19 gusht, ai luajti në ndeshjen hapëse të ekipit në kampionat në fitoren 2–0 si vizitor kundër Wigan Athletic.[110] Torres shënoi golin e parë në kampionat në ndeshjen e javës së dytë kundër Reading. Ai shënoi golin e tretë të takimit që u fitua nga ekipi me rezultatin 4–2.[111] Pas kësaj, ai shënoi kundër Newcastle United, Arsenal dhe Norwich Cityt, duke ndihmuar Çelsin të kryesonte renditjen në javët e para të sezonit.[112]
Më 28 tetor 2012, në ndeshjen kundër Manchester United, Torres u përjashtua nga loja pas dy kartonëve të verdhë, i dyti për simulim, duke e lënë ekipin me nëntë lojtarë pas përjashtimit edhe të mbrojtësit Branislav Ivanović; Çelsi u mposht me rezultatin 3–2.[113] Më 7 nëntor 2012, Torres shënoi golin e parë në Ligën e Kampioneve për sezonin 2012–13 në ndeshjen kundër Shakhtar Donetsk ku Çelsi fitoi me rezultatin 3–2 falë golit të Victor Moses në minutën e 94të.[114] Më 21 nëntor 2012, Roberto Di Matteo u zëvëndësua nga trajneri spanjoll Rafael Benítez, i cili kishte qënë trajneri i Torresit te Liverpooli.[115] U raportua se një nga aryet e punësimit të Benítez te Çelsi ishte që të rikthente Torres në formën e tij më të mirë.[116]
Torres i dha fund një boshllëku prej 11 orësh pa shënuar në fitoren 6–1 kundër Nordsjælland në Ligën e Kampioneve më 5 dhjetor 2012.[117] Tre ditë më vonë, ai shënoi edhe dy gola të tjerë, duke i dhënë fund një serie prej tetë ndeshjesh pa shënuar në Premier Ligë, me Çelsin që fitoi 3–1 ndaj Sunderland.[118] Ai më pas shënoi në gjysëm-finalen e FIFA Kupës së Botës për Klube kundër meksikanëve të Monterrey më 13 dhjetor 2012, si dhe luajti në finalen e humbur kundër klubit brazilian Corinthians me rezultatin 1–0.[119]
Më 14 mars 2013, Torres shënoi golin e tretë të fitores 3–1 kundër Steaua București në ndeshjen e dytë të çerek-finales së Ligës së Evropës, duke ndihmuar Çelsin të kalonte raundin me rezultatin e përgjithshëm 3–2. Më këtë gol, ai u bë lojtari i parë që shënon në shtatë kompeticione të ndryshme në një sezon.[120] Në prill 2013, Torres pranoi vështirësitë e tij te Çelsi, duke thënë: "Unë dua të bëjë gjërat që kam bërë. I bëra te Atlético, te Liverpooli, por jo te Çelsi", por ai u betua se "do të bënte maksimumim" për të rifituar formën e tij më të mirë.[120] Ai shënoi një dopietë kundër Rubin Kazan në ndeshjen e parë të çerek-finales së Ligës së Evropës më 4 prill 2013, para se të shënonte sërisht në ndeshjen e kthimit ku ekipi u mposht 3–2, por përparoi në gjysëm-finale me rezultatin e përgjithshëm 5–4.[121] Torres shënoi golin e parë të fitores 2–1 të Çelsit kundër klubit portugez Benfica në finalen e Ligës së Evropës më 15 maj 2013.[122][123] Gjatë ndeshjes së fundit të sezonit, një fitore 2–1 në shtëpi ndaj Evertonit, ai shënoi golin e parë në kampionat për vitin 2013, dhe e mbylli sezonin me 22 gola në 64 ndeshje në të gjitha kompeticionet.[124]
Torres u zgjodh të luante si titullar nga trajneri i ri i Çelsit José Mourinho për ndeshjen hapëse të kampionatit kundër Hull City, ku ai fitoi një penallti në minutën e pestë.[125] Ai shënoi golin e parë të sezonit në ndeshjen e Superkupës Evropiane 2013 kundër Bayern Munich.[126][127] Më 28 shtator 2013, ai u përjashtua nga loja pasi mori dy kartonë të verdhë në barazimin 1–1 kundër Tottenham Hotspur në White Hart Lane.[128]
Torres zhvilloi ndeshjen e 100të me Çelsin kundër Schalke 04 në një ndeshje të Ligës së Kampioneve më 22 tetor, duke festuar këtë arritje me një dygolësh në një fitore 3–0.[129] Goli i tij i parë në Premier Ligë erdhi pesë ditë më vonë kundër rivalëve për titull Manchester City; ai shënoi golin e fitores në minutën e 90të, kurse para kësaj kishte asistuar golin e gjermanit André Schürrle.[130]
Torres u bashkua me klubin italian Milan në Serie A në formë huazimi për dy vite më 31 gusht 2014.[131][132] Në mbërritjen e tij, ai shprehu dëshirën për të imituar disa nga sulmuesit më të mëdhenjë të klubit, duke deklaruar se ai dëshironte, "Fanellën time të renditej mes [Marco] van Basten, [George] Weah dhe [Filippo] Inzaghit."[133] Ai debutoi më 20 shtator, duke luajtur si zëvëndësues i Andrea Polit në 14 minutat e fundit të humbjes 1–0 kundër Juventusit[134] dhe shënoi golin e parë me një gjuajtje me kokë në barazimin 2–2 kundër Empolit dy ditë më pas.[135]
Më 27 dhjetor 2014, u lajmërua se kalimi i Torres te Milan do të bëhej i përhershëm duke nisur nga 5 janar 2015,[136] por dy ditë më pas ra dakord që të bashkohej me klubin e La Ligas Atlético Madrid si i huazuar deri në përfundim të sezonit 2015–16.[137] Huazimi u krye pasi ekipet ranë dakord që Alessio Cerci të kalonte nga Atlético te Milan në të njëjtën datë, më 5 janar.[138] Torres u prezantua në Stadiumin Vicente Calderón më 4 janar 2015 para 45,000 spektatorëve.[139][140] Ai luajti ndeshjen e parë pas rikthimit më 7 janar, duke luajtur si titullar në ndeshjen e parë të raundit të 16-tave kundër Real Madridit. Ai nuk goditi asnjëherë në portë dhe u zëvëndësua nga Koke pas 59 minutash, por Atlético fitoi 2–0.[141] Në ndeshjen e kthimit tetë ditë më pas, ai shënoi dy gola – në minutën e parë të çdo pjese – me Atléticon që kaloi raundin, kurse Torres shënoi për herë të parë gol si vizitor në derbin e Madridit.[142] Torres shënoi sërisht në minutën e parë edhe në çerek-finale, edhe pse në një humbje 2–3 në shtëpi kundër Barcelonës.[143]
Më 17 mars, Torres shënoi penalltinë fituese në fitoren nga gjuajtjet e penalltive kundër Bayer Leverkusen në ndeshjen e kthimit të raundit të 16-tave të Ligës së Kampioneve.[144][145] Katër ditë më vonë, Torres shënoi golin e parë në La Liga pas rikthimit në fitoren 2–0 kundër Getafes.[146]
Pas largimit të sulmuesit Mario Mandžukić, Torres hoqi numrin 19 dhe mori fanellën me numrin e tij të zakonshëm 9, të cilën e mbajti gjatë sezonit 2015–16.[147]
Më 6 shkurt 2016, Torres shënoi golin e 100të për Atlético Madridin në fitoren 3–1 në shtëpi kundër Eibar në ndeshjen e tij të 295të për klubin.[148] Në muajin e ardhshëm, Torres regjistroi paraqitjen e 300të me klubin duke shënuar në fitoren 3–1 si vizitor kundër Valencias.[149]
Më 5 prill 2016, Torres shënoi golin e parë të Atléticos në ndeshjen e parë të çerek-finales së Ligës së Kampioneve kundër Barcelonës në Camp Nou dhe më pas doli nga fusha me karton të kuq dhjetë minuta më pas në një humbje 2–1.[150]
Më 5 korrik 2016, Torres firmosi përfundimisht me Atléticon një marrëveshje një-vjeçare.[151] Në shkurt 2017, ai arriti 100 gola në La Liga pas një dopiete të shënuar kundër Leganés.[152] Më 4 korrik 2017, Torres rinovoi kontratën e tij me klubin edhe për sezonin e ardhshëm pasi ata u ndaluan për të firmosur me lojtarë të rinjë.[153][154]
Torres hyri si zëvëndësues në minutën e 90të në finalen e Ligës së Evropës më 16 maj 2018 me Atléticon që mposhti klubin francez Marseille në Parc Olympique Lyonnais me rezultatin 3–0.[155][156] Ai shënoi dy gola në ndeshjen e tij të fundit me klubin në barazimin 2–2 kundër Eibar në javën e fundit të kampionatit.[157]
Torres firmosi në J1 League me Sagan Tosu më 10 korrik 2018.[158] Ai shënoi golin e parë me klubin e ri më 22 gusht në ndeshjen e raundit të katërt në Kupën e Perandorit 2018 kundër Vissel Kobe.[159] Goli i tij i parë në kampionat erdhi pesë ditë më vonë në fitoren 3–0 kundër Gamba Osaka, ku ai asistoi edhe dy golat e tjerë.[160]
Në shkurt 2001, Torres fitoi turnamentin Algarve me kombëtaren spanjolle nën-16.[161] Ekipi nën-16 mori pjesë edhe në UEFA Kampionatin Evropian nën-16 të Futbollit 2001 në maj, ku Spanja triumfoi sërisht; Torres shënoi golin e vetëm të finales, u shpall golashënuesi më i mirë i turnamentit si dhe u emërua lojtari më i mirë i turnamentit.[11][13] Në shtator 2001, Torres përfaqsoi ekipin nën-17 në FIFA Kampionati Botëror nën-17 2001, por ekipi nuk shkoi më shumë se faza e grupeve.[13] Në korrik 2002, ai fitoi UEFA Kampionatin Evropian nën-19 2002 me ekipin nën-19 ku ai shënoi golin e vetëm në finale.[11] Përveç kësaj, ai ishte golashënuesi më i mirë dhe u përfshi në ekipin e turnamentit.[13]
Ne e plotësojmë njëri-tjetrin shumë mirë. Ne shkojmë mirë në fushë dhe jashtë saj. Jemi një partneritet i mirë. Ne të dy ndjekim mbrojtësit, bëjmë presion dhe luftojmë për të krijuar mundësi shënimi për njëri-tjetrin.
— David Villa duke folur për partneritetin e tij me Torresin.[162]
Torres bëri debutimin e tij me ekipin e parë më 6 shtator 2003 në një ndeshje miqësore kundër Portugalisë.[13] Goli i tij i parë me Spanjën erdhi më 28 prill 2004 kundër Italisë.[13] Në maj 2004, ai ishte pjesë e ekipit që do të luante në UEFA Euro 2004.[163] Pasi u aktivizua si zëvëndësues në minutat e fundit të dy ndeshjeve të para të fazës së grupeve, Torres luajti si titullar në ndeshjen e tretë dhe vendimtare kundër Portugalisë.[164] Spanja po humbiste 1–0 dhe në minutat e fundit ai goditi shtyllën.[164]
Torres regjistroi 7 gola në 11 ndeshje në fushatën kualifikuese të FIFA Kupës së Botës 2006,[165] duke u shpallur golashëuesi më i mirë i Spanjës. Gjatë kualifikueseve, Torres shënoi dy gola vendimtar kundër Belgjikës dhe tregolëshin e parë ndërkombëtar kundër San Marinos.[166] Torres bëri debutimin e tij në një Kupë Bote më 14 qershor kundër Ukrainës në ndeshjen e parë të fazës së grupeve të edicionit 2006 në Gjermani, duke shënuar golin e fundit të ekipit të tij që fitoi 4–0; ai mposhti portierin kundërshtar me një gjuajtje vollej.[167] Në ndeshjen e dytë në grupe, Torres shënoi një dopietë kundër Tunizisë, me të parin që erdhi në minutën 76të dhe i dha Spanjës avantazhin 2–1 para se të shënonte me penallti në minutën e 90të.[168] Me tre gola, ai ishte golashënuesi më i mirë i Spanjës në turnament sëbashku me sulmuesin tjetër David Villa.[169]
Torres shënoi vetëm dy gola në kualifikueset e UEFA Euro 2008. Në maj 2008, ai ishte në listën e 23 lojtarëve të thirrur nga trajneri Luis Aragonés për finalete e turnamentit.[170] Torres e nisi turnamentin duke luajtur si titullar në ndeshjen e parë në grupe kundër Rusisë, duke asistuar golin e parë të ndeshjes të shënuar nga Villa.[171] Në momentin e zëvëndësimit, Torres refuzoi ti jepte dorën trajnerit Aragonés, duke marrë kritika të shumta.[172] Në përfundim të ndeshjes, Torres deklaroi se ai nuk ishte i acaraur me vendimin e trajnerit për ta zëvëndësuar, duke shtuar se ai ishte "i acaruar me veten e tij."[172] Goli i tij i parë në turnament erdhi në ndeshjen e dytë në grupe, në një fitore 2–1 kundër Suedisë.[173] Spanja arriti deri në finale, aty ku Torres shënoi golin e vetëm kundër Gjermanisë dhe u shpall lojtari i ndeshjes.[174][175] Pas përfundimit të ndeshjes, ai deklaroi: "Është një ëndërr e bërë realitet. Ky është titulli im i parë dhe shpresoj se është i pari nga shumë. Fitorja në një Euro, është pothuajse aq e madhe sa Kupa e Botës. Jemi mësuar të shohim finale në televizion, por sot ishim këtu dhe fituam. Detyra ime është të shënoj gola. Unë dua të fitoj më shumë tituj dhe të jem lojtari më i rëndësishëm në Evropë dhe në botë."[176] Torres u përfshi në ekipin e turnamentit falë performancave të tij, duke u vendosur në sulm sëbashku me partnerin e sulmit David Villën.[177]
Torres luajti ndeshjen e tij të 60të me Spanjën më 28 mars 2009 në fitoren kundër Turqisë në kualifikueset e Kupës së Botës 2010, duke u bërë lojtari më i ri që e arrin këtë shifër.[178]
Në qershor, Torres u emërua në ekipin e Spanjës për FIFA Kupën e Konfederatave 2009.[179] Ai shënoi tregolëshin e tij të dytë me Spanjën brënda 17 minutave në debutimin e tij në këtë kompeticion, duke ndihmuar ekipin të fitonte 5–0 kundër Zelandës së Re.[180] Ai vendosi një rekord duke regjistruar tregolëshin më të shpejtë të shënuar nga një lojtar i kombëtares spanjolle.[181] Torres luajti në ndeshjen gjysëm-finale ku Spanja u mposht 2–0 nga Shtetet e Bashkuara dhe u eliminua nga kompeticioni,[182] si dhe në finalen e vogël ku Spanja mposhti 3–2 Afrikën e Jugut në kohën shtesë.[183]
Prezenca e Torres në Kupën e Botës 2010 ishte në dyshim. Ai i ishte nënshtruar një operacioni në gju më 18 prill 2010 dhe kishte humbur pjesën e mbetur të sezonit në Premier Ligë, duke bërë që të monitorohej nga afër nga trajneri i kombëtares Vicente del Bosque.[85] Edhe pse ishte i dëmtuar, ai sërisht u përfshi në listën përfundimtare të Spanjës që u publikua në fund të majit.[184] Më 8 qershor, Torres luajti ndeshjen e parë pas fiks dy muajsh që nga dëmtimi, duke u aktivizuar si zëvëndësues në minutn e 66të të ndeshjes miqësore përgatitore kundër Polonisë.[185]
Torres luajti 29 minuta në ndeshjen hapëse të Spanjës në Kupën e Botës 2010 më 16 qershor, ku ata pësuan një humbje surprizë 1–0 ndaj Zvicrës.[186] Ai më pas luajti si titullar në dy ndeshjet e rradhës në grupe kundër Hondurasit dhe Kilit, dhe pavarësisht se performancat e tij ishin nën nivel, ai sërisht u mbrojt nga trajneri Del Bosque.[187] Në ndeshjen finale kundër Holandës më 11 korrik, Torres hyri në fushë si zëvëndësues në minutën e 105të me Spanjën që fitoi 1–0 dhe u shpall kampione bote për herë të parë në histori.[188]
Torres shënoi vetëm dy gola në fushatën kualifikuese të UEFA Euro 2012. Golat e tij erdhën në formën e një dopiete në fitoren 4–0 kundër Lihtenshtajnit më 3 shtator 2010.[189] Pavarësisht se zhvilloi një sezon poshtë pritshmërive me Çelsit, Torres u zgjodh në listën e 23 lojtarëve që do të luanin në turnamentin që do të mbahej në Poloni dhe Ukrainë.[190] Në ndeshjen e tij të parë si titullar, Torres shënoi dy gola në fitoren 4–0 të Spanjës kundër Republikës së Irlandës, duke i eliminuar nga turnamenti.[191] Në finalen e turnamentit, Torres u aktivizua si zëvëndësues kundër Italisë, fillimisht duke shënuar dhe më pas asistuar, me Spanjën që fitoi trofeun për të dytën herë rresht me një fitore 4–0.[192] Ky finalizim i siguroi atij Këpucën e Artë të turnamentit me tre gola dhe një asist, kjo pasi kishte luajtur më pak minuta se Mario Gómez, i cili gjithashtu kishte tre gola dhe një asist.[193]
Më 7 shtator 2012, Torres luajti ndeshjen e tij të 100të me Spanjën në një ndeshje miqësore kundër Arabisë Saudite, duke u bërë lojtari i gjashtë me më shumë ndeshje për Spanjën. Ai e nisi ndeshjen si kapiten në mungesë të Iker Casillas.[194]
Në qershor 2013, Torres u thirr për të luajtur në Kupën e Konfederatave 2013 në Brazil. Më 20 qershor, gjatë fitores rekord 10–0 kundër Tahitit, ai u bë lojtari i parë në historinë e kompeticionit që shënon katër gola në një ndeshje.[195] Me këto gola, Torres gjithashtu u bë lojtari i parë në histori që shënon tre ose më shumë gola në dy ndeshje në Kupën e Konfederatave.[196] Spanja arriti deri në finale ku u mposht nga vendi organizator Brazili me rezultatin 3–0.[197] Torres fitoi Këpucën e Artë me pesë gola dhe një asist, duke lënë mbrapa sulmuesin brazilian Fred, i cili pavarësisht se kishte po aq gola dhe asiste, kishte luajtur më shumë minuta se Torres.[198]
Më 30 maj 2014, në ndeshjen e tij të parë me Spanjën pas 11 muajsh, Torres shënoi me penallti në një fitore 2–0 kundër Bolivisë para nisjes së Kupës së Botës 2014.[199] Në ditën e ardhshme, ai ishte një nga 23 lojtarët e thirrur për turnamentin në Brazil, duke u zgjedhur para sulmuesve Álvaro Negredo dhe Fernando Llorente.[200] Pasi u aktivizua si zëvëndësues në dy ndeshjet e para në grupe, Torres luajti si titullar në të tretën ku eliminimi i ekipit ishte konfirmuar.[201][202] Ai shënoi golin e dytë të Spanjës që mposhti Australinë 3–0 në Curitiba.[203]
Torres ishte një sulmues me intensitet të lartë pune, i cili kishte vullnet për të ndjekur dhe për ti bërë presion mbrojtësve kundërshtar për të rikuperuar topin. Ai ishte i aftë për të krijuar raste për shënim për shokët e ekipit, përveç golave që shënonte vetë. Torres gjithashtu ishte i aftë ta vendoste veten në pozicion për të shënuar gola, kjo falë shpejtësisë dhe vizionit të tij.[204]
Pozicioni i tij natyral ishte qëndër-sulmues, por ai mund të luante pa problem edhe si sulmues i dytë, një rol në të cilën ai ka luajtur në disa raste.[162][205][206][207] Torres është lavdëruar për aftësitë e tij si sulmues, duke u quajtur lojtar me "aftësi të klasit botëror" dhe lojtar "me instikt për gola spektakolar".[208] Në kulmin e karrierës, Torres shquej si një lojtar i fortë në luftën në ajër, një finalizues i saktë si me kokë ashtu dhe me këmbë;[209] të gjitha këto aftësi i dhanë reputacionin si një nga sulmuesit më të mirë të kohës së tij.[210][211][212]
Para nisjes së Kupës së Konfederatave 2009, CBC foli rreth Torres: "Ai është djaloshi i artë i futbollit spanjoll dhe një nga sulmuesit më të rrezikshëm të lojës. Me pseudimin El Nino, Torres vjen nga një sezon i mirë me Liverpoolin në të cilin shënoi 14 gola. Torres është shumë i shpejtë, një finalizues vrastar dhe një lojtar me sq shumë klas kur ka topin në këmbë të cilën saqë e bënë spektakolaren të duket normale."[213] Megjithatë, pavarësisht aftësive si futbollist, karriera e Torres është kushtëzuar nga disa dëmtime të rënda, të cilat i shkaktuan humbje të formës, shpejtësisë, besimit dhe mesatares së shënimit të golave në sezonet e tij të fundit.[214][215][216]
Prindërit e tij janë José Torres dhe Flori Sanz. Ai ka një vëlla (lindur më 1977) dhe një motër María Paz (lindur më 1976), të dy më të mëdhenj. Torres u martua me Olalla Domínguez Liste më 27 maj 2009 në një ceremoni private me vetëm dy dëshmitarë në El Escorial, Madrid.[217] Ata kanë dy fëmijë sëbashku: një vajzë, Nora (lindur më 8 korrik 2009 në Spitalin La Rosaleda, në Santiago de Compostela, Galicia), dhe një djal, Leo (lindur më 6 dhjetor 2010 në Liverpool).[218][219]
Në vitin 2009, u raportua se pasuria e Torresit ishte rreth 14 milion £.[220] Ai ishte pjesë e videos "Ya nada volverá a ser como antes" të bërë nga grupi rock spanjoll El Canto del Loco. Dani Martín, një nga anëtarët e gruopit, ka një miqësi të fortë me futbollistin.[221] Torres luajti një rol figuranti në filmin komedi Torrente 3: El protector e bërë në vititn 2005.[222] Në vitin 2009, ai publikoi autobiografinë e tij të quajtur Torres: El Niño: My Story.[223] Torres është një admirues i madh i shkrimtarit J. R. R. Tolkien dhe ka një tatuazh që lexon "Fernando" në parakrahun e tij të majtë.[224]
Klubi | Sezoni | Liga | Kupa[lower-alpha 1] | Kupa e Ligës[lower-alpha 2] | Evropa | Tjetër | Gjithsej | |||||||
---|---|---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Atlético Madrid | 2000–01 | Segunda División | 4 | 1 | 2 | 0 | — | — | — | 6 | 1 | |||
2001–02 | 36 | 6 | 1 | 1 | — | — | — | 37 | 7 | |||||
2002–03 | La Liga | 29 | 13 | 3 | 1 | — | — | — | 32 | 14 | ||||
2003–04 | 35 | 19 | 5 | 2 | — | — | — | 40 | 21 | |||||
2004–05 | 38 | 16 | 6 | 2 | — | 5[lower-alpha 3] | 2 | — | 49 | 20 | ||||
2005–06 | 36 | 13 | 4 | 0 | — | — | — | 40 | 13 | |||||
2006–07 | 36 | 14 | 4 | 1 | — | — | — | 40 | 15 | |||||
Gjithsej | 214 | 82 | 25 | 7 | — | 5 | 2 | — | 244 | 91 | ||||
Liverpool | 2007–08 | Premier League | 33 | 24 | 1 | 0 | 1 | 3 | 11[lower-alpha 4] | 6 | — | 46 | 33 | |
2008–09 | 24 | 14 | 3 | 1 | 2 | 0 | 9[lower-alpha 4] | 2 | — | 38 | 17 | |||
2009–10 | 22 | 18 | 2 | 0 | 0 | 0 | 8[lower-alpha 5] | 4 | — | 32 | 22 | |||
2010–11 | 23 | 9 | 1 | 0 | 0 | 0 | 2[lower-alpha 6] | 0 | — | 26 | 9 | |||
Gjithsej | 102 | 65 | 7 | 1 | 3 | 3 | 30 | 12 | — | 142 | 81 | |||
Chelsea | 2010–11 | Premier League | 14 | 1 | — | — | 4[lower-alpha 4] | 0 | — | 18 | 1 | |||
2011–12 | 32 | 6 | 6 | 2 | 1 | 0 | 10[lower-alpha 4] | 3 | — | 49 | 11 | |||
2012–13[124] | 36 | 8 | 5 | 1 | 4 | 2 | 16[lower-alpha 7] | 9 | 3[lower-alpha 8] | 2 | 64 | 22 | ||
2013–14 | 28 | 5 | 2 | 0 | 1 | 1 | 10[lower-alpha 9] | 5 | 0 | 0 | 41 | 11 | ||
2014–15 | 0 | 0 | — | — | — | — | 0 | 0 | ||||||
Gjithsej | 110 | 20 | 13 | 3 | 6 | 3 | 40 | 17 | 3 | 2 | 172 | 45 | ||
Milan (huazim) | 2014–15 | Serie A | 10 | 1 | — | — | — | — | 10 | 1 | ||||
Atlético Madrid (huazim) | 2014–15 | La Liga | 19 | 3 | 4 | 3 | — | 3[lower-alpha 4] | 0 | — | 26 | 6 | ||
2015–16 | 30 | 11 | 2 | 0 | — | 12[lower-alpha 4] | 1 | — | 44 | 12 | ||||
Atlético Madrid | 2016–17 | 31 | 8 | 5 | 1 | — | 9[lower-alpha 4] | 1 | — | 45 | 10 | |||
2017–18 | 27 | 5 | 6 | 3 | — | 12[lower-alpha 10] | 2 | — | 45 | 10 | ||||
Gjithsej | 107 | 27 | 17 | 7 | — | 36 | 4 | — | 160 | 38 | ||||
Sagan Tosu | 2018 | J1 League | 17 | 3 | 2 | 1 | 0 | 0 | — | — | 19 | 4 | ||
2019 | 18 | 2 | 0 | 0 | 2 | 0 | — | — | 20 | 2 | ||||
Gjithsej | 35 | 5 | 2 | 1 | 2 | 0 | — | — | 39 | 6 | ||||
Gjithsej karriera | 578 | 200 | 64 | 19 | 11 | 6 | 111 | 35 | 3 | 2 | 767 | 262 |
Burimi: [228]
Ekipi kombëtar | Viti | Ndsh | Gola |
---|---|---|---|
Spanja | 2003 | 3 | 0 |
2004 | 11 | 1 | |
2005 | 12 | 8 | |
2006 | 13 | 5 | |
2007 | 6 | 1 | |
2008 | 13 | 3 | |
2009 | 13 | 5 | |
2010 | 11 | 3 | |
2011 | 9 | 1 | |
2012 | 10 | 4 | |
2013 | 5 | 5 | |
2014 | 4 | 2 | |
Gjithsej | 110 | 38 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.