From Wikipedia, the free encyclopedia
Didier Drogba Yves Tébily (Frëngjisht: [didje dʁɔɡba]; lindur më 11 mars 1978), njohur zakonisht si Didier Drogba, është një ish futbollist profesionist fildishtas. Ai është golashënuesi më i mirë i të gjitha kohërave dhe ish kapiteni i kombëtares së Bregut të Fildishtë. Drogba njihet më mirë për karrierën e tij te klubi anglez Chelsea; ai është golashënuesi i katërt më i mirë në historinë e klubit dhe lojtari i huaj me më shumë gola. Në tetor 2012, ai u votua si lojtari më i mirë i të gjitha kohërave i klubit nga tifozët në një sondazh në uebfaqen e klubit.[2] Ai gjithashtu është shpallur Futbollisti Afikan i Vitit dy herë, duke fituar edicionet e viteve 2006 dhe 2009.[3]
 Drogba duke luajtur për Galatasay në vitin 2014 | |||
| Të dhënat vetjake | |||
|---|---|---|---|
| Emri i plotë | Didier Yves Drogba Tébily | ||
| Datëlindja | 11 mars 1978 | ||
| Vendlindja | Abidjan, Bregu i Fildishtë | ||
| Gjatësia | 1.88 m (6 ft 2 in)[1] | ||
| Pozicioni | Sulmues | ||
| Karriera me të rinjtë | |||
| 1989–1991 | Abbeville | ||
| 1991–1993 | Vannes | ||
| 1993–1997 | Levallois | ||
| 1997–1998 | Le Mans | ||
| Karriera me klube* | |||
| Vitet | Klubi | Ndeshje | (Golat) |
| 1998–2002 | Le Mans | 64 | (12) |
| 2002–2003 | Guingamp | 45 | (20) |
| 2003–2004 | Marseille | 35 | (19) |
| 2004–2012 | Chelsea | 226 | (100) |
| 2012–2013 | Shanghai Shenhua | 11 | (8) |
| 2013–2014 | Galatasaray | 37 | (15) |
| 2014–2015 | Chelsea | 28 | (4) |
| 2015–2016 | Montreal Impact | 33 | (21) |
| 2017–2018 | Phoenix Rising | 21 | (13) |
| Gjithsej | 500 | (212) | |
| Karriera ndërkombëtare‡ | |||
| 2002–2014 | Bregu i Fildishtë | 104 | (65) |
| *Ndeshjet dhe golat me klubet llogariten vetëm për ligën vendase – redaktuar më 24 qershor 2014 ‡ Ndeshjet dhe golat me ekipin kombëtar të redaktuar më 24 qershor 2014 | |||
Pasi luajti me skuadrat e të rinjëve, Drogba bëri debutimin e tij si profesionist në moshën 18 vjeçare për klubin e Ligue 2 Le Mans, dhe firmosi kontratën e parë si profesionist në moshën 21 vjeçare. Pasi e përfundoi sezonin 2002–03 me 17 Gola në 34 paraqitje me klubin e Ligue 1 Guingamp, ai kaloi te Olympique de Marseille, ku përfundoi si golashënuesi i tretë më i mirë në sezonin 2003–04 me 19 Gola dhe ndihmoi klubin për të arritur në finalen e 2004 UEFA Cup Final.
Në verën e vitit 2004, Drogba u transferua te Çelsi për shumën rekord të klubit 24 milion £, duke u bërë lojtari më i shtrenjtë fildishtas në histori. Në sezonin debutues ai ndihmoi skaudrën për të fituar titullin e parë të ligës pas 50 vitesh, dhe një vit më vonë ai fitoi një tjetër titull Premier League. Në mars 2012, ai u bë afrikani i parë që shënon 100 Gola në Premier League [4], dhe lojtari i parë që shënon në katër finale të ndryshme të FA Cup, pas Golit të shënuar kundër Liverpool në finalen e vitit 2012 [5]. Ai gjithashtu luajti edhe në 2012 finalen e Champions Leagues, ku shënoi Golin e barazimit 1–1 në minutën e 88 dhe shënoi edhe penalltinë e tij kundër gjermanëve të Bayern Munich [6]. Pasi shpenzoi gjashtë muaj në Kinë me Shanghai Shenhua dhe një sezon e gjysëm me gjigandët turk të Galatasaray, Drogba u rikthye te Çelsi në korrik 2014 [7][8].
Një lojtar i kombëtares fildishtase nga viti 2002 e deri në vitin 2014, Drogba ishte kapiteni i kombëtares së tij nga viti 2006 e deri në ditën e tërheqjes së tij nga futbolli ndërkombëtarë dhe është golashënuesi më i mirë i të gjitha kohërave me 65 Gola në 104 paraqitje [9]. Ai udhëhoqi Bregun e Fildishtë në Kupën e Botës 2006, paraqitja e tyre e parë në këtë turnament, dhe gjithashtu shënoi edhe Golin e parë të tyre. Ai më pas ishte kapiteni i Bregut të Fildishtë në Kupat e Botës 2010 dhe 2014 [3]. Ai ishte pjesë e skuadrës së Bregut të Fildishtë që arriti në finalet e Kupës së Kombeve Arikane të viteve 2006 dhe 2012, ku ata u mposhtën nga gjuatjet e penalltive në të dyja rastet. Më 8 gusht 2014, ai deklaroi tërheqjen e tij nga futbolli ndërkombëtar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
