Utopia
From Wikipedia, the free encyclopedia
Utopia (del grèc οὐ, non e τόπος, "luòc", que dona: enluòc) es un mot inventat per Thomas More al segle XVI per descriure una illa imaginària qu'aculhís una societat perfiècha dins totes los senses. Amb lo temps, a causa de las implicacions filosoficas contradictòrias de la nocion de "societat perfiècha", lo mot venguèt prendre divèrsas accepcions:
Pels articles omonims, vejatz Utopia (omonimia). |
Dins un sens estricte, una utopia es la concepcion imaginària d'una societat ideala[1].
Dins lo lengatge corrent, una utopia designa un ideal irrealizable[2]; dins aquel aquel torn, ven sinonim de "sòmi", "illusion" o "quimèra"[3].
Coma concèpte filosofic, l'utopia se pòt entendre coma una pensada idealizada amb per foncion de criticar lo statu quo, la situacion sociala ont viu l'òme[4]. La diferéncia entre «çò qu'es» e «çò que deuriá èsser» marca lo pas de l'utopia. Dins aquel cas, l'utopia que prepausa una fin aürosa, una evolucion de la societat cap a un futur melhor, se pòt nomenar tanben eutopia, e aquela que prevei una deriva cap al pièger, distopia[5].
Aquela idèa s'exprimís subretot per mejan de la literatura "utopica", un genre d'esperel[6] que conta en general una aventura cap a un país desconegut (sovent una illa) ont s'i descobrís la societat ideala.