![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/%25D0%25A5%25D0%25B0%25D0%25B1%25D0%25BB%25D0%25BE%25D0%25B2_%25D0%25BA%25D0%25B0%25D0%25BC%25D0%25B5%25D1%2580%25D1%2582%25D0%25BE%25D0%25BD.svg/langmk-640px-%25D0%25A5%25D0%25B0%25D0%25B1%25D0%25BB%25D0%25BE%25D0%25B2_%25D0%25BA%25D0%25B0%25D0%25BC%25D0%25B5%25D1%2580%25D1%2582%25D0%25BE%25D0%25BD.svg.png&w=640&q=50)
Пречкеста спирална галаксија
From Wikipedia, the free encyclopedia
Пречкеста спирална галаксија — спирална галаксија со средишна структура во облик на пречка составена од ѕвезди. Пречките се среќаваат кај околу две третини од спиралните галаксии[1] и влијаат на движењето на ѕвездите и меѓуѕвездениот гас во галаксијата, а може да ги засегаат и спиралните краци.[1]
![Thumb image](http://upload.wikimedia.org/wikipedia/commons/thumb/2/22/%D0%A5%D0%B0%D0%B1%D0%BB%D0%BE%D0%B2_%D0%BA%D0%B0%D0%BC%D0%B5%D1%80%D1%82%D0%BE%D0%BD.svg/640px-%D0%A5%D0%B0%D0%B1%D0%BB%D0%BE%D0%B2_%D0%BA%D0%B0%D0%BC%D0%B5%D1%80%D1%82%D0%BE%D0%BD.svg.png)
![Thumb image](http://upload.wikimedia.org/wikipedia/commons/thumb/5/52/Hubble2005-01-barred-spiral-galaxy-NGC1300.jpg/640px-Hubble2005-01-barred-spiral-galaxy-NGC1300.jpg)
![Thumb image](http://upload.wikimedia.org/wikipedia/commons/thumb/f/f4/Ngc253_2mass_barred_spiral.jpg/320px-Ngc253_2mass_barred_spiral.jpg)
Истакнатиот американски астроном Едвин Хабл ги класификувал спиралните галаксии од овој вид како SB (spiral, barred = спирални, пречести) во неговата Хаблова низа и ги сместил во три поткатегории зависно од отвореноста на спиралните краци. Оние означени со SBa имаат густо врзани краци, SBb се средни, а SBc имаат најлабави краци. Подоцна е воведена четвртата поткатегорија SBm за означување на пречкестите спирални галаксии со извесен степен на неправилност, како што се оние во Магелановите Облаци. Некои други видови галаксии според Хабловата класификација се: спиралната, елиптичната и неправилната галаксија.
Набљудувањата со радиотелескопи веќе подолг период укажуваат на тоа дека Млечниот Пат е пречкеста галаксија, а инфрацрвените набљудувања со вселенскиот телескоп „Спицер“ во 2005 г. ги поддржале овие претходно насодбрани доказни податоци.