планински венец From Wikipedia, the free encyclopedia
Високи Таури (германски: Hohe Tauern, италијански: Alti Tauri) — планински венец од главната верига на Централните Источни Алпи со највисоките врвови источно од превојот Бренер. Ја образува јужната граница на покраината Салцбург со покраините Корушка и Тирол во Австрија, додека пак мал потег во југозападниот дел влегува во покраината Јужен Тирол во Италија. Во венецот е сместена највисоката планина во Австрија, наречена Гросглокнер (или Велики Клек), со висина од 3.798 м над Јадранот.
Високи Таури | |
---|---|
![]() Панорама на Фенедигерската група | |
Највисока точка | |
Врв | Гросглокнер |
Надм. височина | 3.798 м |
Координати | 47°04′30″N 12°41′40″E |
Величина | |
Должина | 130 км |
Ширина | 50 км |
Име | |
Изворно име | Hohe Tauern / Alti Tauri |
Географија | |
Земји | Австрија и Италија |
Делови | Салцбург, Корушка, Тирол и Јужен Тирол (покраина) |
Координати | 47°10′N 12°30′E |
Матичен венец | Централни Источни Алпи |
Геологија | |
Горообразба | алпска |
Период | палеозоик |
Вид карпа | гнајс, шкрилци |
Источно од веригата продолжува понискиот венец Долни Таури.
Според класификацијата на Аплското друштво, венецот е ограничен од долината на Залцах на север (која го дели од Кицбиелските Алпи), долината на Мура и превојот Муртерл на исток (кои го делат од Ниските Таури), долината на Драва на југ (која го дели од Јужните Варовнички Алпи) и превојот Бирнлике на запад (кој го дели од Цилерталските Алпи).
Најважни планински групи по сртот се (од запад кон исток):
Источниот крај на Високите Таури го образува масивот Хафнер во Анкогелската група, во кој спаѓаат најисточните триилјадни врвови на Алпите.
Јужно од главниот срт на Алпите лежат другите планински групи на Високите Таури (од запад кон исток):
Долж 100 км од главната верига се протега Националниот парк Високи Таури (Nationalpark Hohe Tauern) во владение на Австрискиот алпски клуб, со доделени територии од покраините Корушка, Салцбург и Тирол. Со површина од 1.834 км2, ова е во голема мера најпространиот национален парк во Австрија, како и најголемиот природен резерват на Алпите.[1] Поделен е на главно подрачје, во кое влегуваат масивите Гросглокнер и Гросфенедигер и каде земјоделството и сточарството се сосема забранети, и пограничен појас, каде е дозволено шумарството, напасувањето добиток по ливадите и работа на бачилата. Постојат пет посебни природни подрачја каде јавноста воопшто нема никаков пристап.
Паркот е ставен во II категорија според Меѓународниот сојуз за заштита на природата и ги опфаќа ледникот Пастерце, низа други ледници, Кримлските Водопади, неколку леднички долини и наносни конуси, како и пространа високогорска тундра и шуми. Меѓу растителноста, по шумската граница растат лимби (Pinus cembra); над тоа се полугрмушките, сочинети претежно од алпска роза (Rhododendron ferrugineum) но и ендемската Рудолфова каменоломка (Saxifraga rudolphiana), кои се протегаат до вечноснежно ниво на околу 2.800 м. Животинскиот свет е застапен со дивокозата, алпскиот козорог и обичниот елен, како и белоглавиот мршојадец и златниот орел. Застапени се и брадестиот мршојадец и алпскиот мрмот, кои се повратени на подрачјето откако претходно биле истребени.
Позначајни врвови на Високите Таури се следниве:
Врв | Група | Надм. вис. (м) |
Топо. истак. (м) |
---|---|---|---|
Гросглокнер (Велики Клек) | Глокнер | 3.798 | 2.423 |
Гросфенедигер | Фенедигер | 3.666 | 1.199 |
Голем Васбаххорн | Глокнер | 3.564 | 477 |
Драјхерншпице | Фенедигер | 3.499 | 591 |
Ретшпице | Фенедигер | 3.496 | 653 |
Јоханисберг | Глокнер | 3.453 | 277 |
Хохгал | Ризерфернер | 3.436 | 1.148 |
Виш Ајхам | Фенедигер | 3.371 | 325 |
Виш Тен | Глокнер | 3.368 | 335 |
Маламшпице | Фенедигер | 3.368 | 319 |
Хохалмшпице | Анкогел | 3.360 | 942 |
Голем Гајгер | Фенедигер | 3.360 | 293 |
Шнебигер Нок | Ризерфернер | 3.358 | 542 |
Фушеркаркопф | Глокнер | 3.331 | 489 |
Кескогел | Фенедигер | 3.291 | 373 |
Шлифершпице | Фенедигер | 3.290 | 513 |
Пецек | Шобер | 3.283 | 802 |
Ротер Кнопф | Шобер | 3.281 | 556 |
Анкогел | Анкогел | 3.264 | 570 |
Хохарн | Голдберг | 3.254 | 678 |
Голем Хорнкнопф | Шобер | 3.251 | 456 |
Виш Фирлег | Фенедигер | 3.243 | 385 |
Хохшобер | Шобер | 3.242 | 438 |
Голем Мунтаниц | Гранатшпице | 3.232 | 717 |
Хохајзер | Глокнер | 3.206 | 577 |
Гледис | Шобер | 3.206 | 370 |
Кицштајнхорн | Глокнер | 3.204 | 439 |
Дурек | Фенедигер | 3.135 | 626 |
Виш Зонблик | Голдберг | 3.106 | 271 |
Лазерлинг | Фенедигер | 3.098 | 490 |
Голем Хафнер | Хафнер | 3.068 | 868 |
Виш Пријакт | Шобер | 3.064 | 470 |
Вајсе Шпице | Филгратен | 2.963 | 920 |
Мелталер Полиник | Кројцек | 2.784 | 1.580 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.