Ливада (грчки: λιβάδι) — ареал од рамен или нерамен терен каде предоминираат треви. Обично местото наречено ливада има повеќе биоразновидност отколку пасиштето бидејќи тоа содржи не само трева, туку и многубројни едногодишни, двегодишни и повеќегодишни растенија.
Преодна ливада се јавува кога едно поле, пасиште, обработливо земјиште или друга исчистена земја повеќе не се исползува за земјоделство или пасе во голема мера и истото почнува да обраснува. Меѓутоа штом условите за ливада се достигнат, оваа состојба е само привремена, бидејќи овие колонизатори ќе бидат засенчени од дрвенестите растенија кои ќе надојдат и добро ќе се прилагодат.
Вечна ливада е онаа ливада каде животните околности засекогаш не им даваат на дрвенестите растенија да виреат. На пример:
- Алпски ливади се јавуваат на поголеми височини и се одржуваат со суровите климатски услови
- Крајбрежни ливади се одржуваат со прскањето на солената вода
- Пустински ливади се одржуваат со ниски количини на атмосферски врнежи
- Прерии се одржуваат со периоди на сурови суши и како такви се подложни на шумски пожари.
Ливадата како тема во уметноста
- „Таму долу в ливаѓето“ - македонска народна песна.[1]
- „Под Битола ливада“ - македонска народна песна.[2]
- „Ливадата се подновила“ — песна за деца на хрватскиот поет Григор Витез.[3]
- „Ливада со трева“ (англиски: An Acre of Grass) - песна на ирскиот поет Вилијам Батлер Јејтс.[4]
- „Грантчестерски ливади“ (англиски: Grantchester Meadows) — песна на британската рок-група „Пинк флојд“ од 1969 година.[5]
Поврзано
Надворешни врски
- Корнелов Универзитет (англиски)
- Вашингот Пост, „Денес 32,000 семиња; утре, ливада“ Архивирано на 3 јули 2004 г. (англиски)
- Садење ливада Архивирано на 3 март 2016 г. (англиски)
Наводи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
