From Wikipedia, the free encyclopedia
Вестон Мекени (роден на 28 август 1998 година, во Литл Елм) — американски фудбалер, играч од средниот ред на Јувентус и на американската репрезентација.
Вестон Мекени | |||
---|---|---|---|
![]() | |||
Лични податоци | |||
Полно име | Вестон Џејмс Ерл Мекени[1] | ||
Роден на | 28 август 1998 | ||
Роден во | Литл Елм, САД[2] | ||
Држава |
![]() | ||
Висина | м | 1,85||
Позиција | среден ред | ||
Клупски податоци | |||
Сегашен клуб |
![]() | ||
Број | 16 | ||
Младинска кариера | |||
![]() | |||
![]() | |||
![]() | |||
Кариера* | |||
Години | Клуб | Наст. | (Гол.) |
2017-2020 |
![]() | 75 | (4) |
2020- |
![]() | 74 | (9) |
2023 |
→![]() | 19 | (0) |
Репрезентација ‡ | |||
2013-2014 |
![]() | 6 | (0) |
2016 |
![]() | 9 | (2) |
2016 |
![]() | 2 | (0) |
2017- |
![]() | 46 | (11) |
* Ажурирано на: 6 јануари 2012 ** Ажурирано на: 6 јануари 2012 |
Вестон Мекени е роден и израснал во Тексас, САД, но како дете поминал три години во Кајзерслаутерн, Германија, додека неговиот татко служел во блиската воздушна база Рамштајн.[3]
Мекени започнал да игра фудбал во локалниот германски клуб Феникс Отербах во 2004 година, пред да се врати со семејството назад во САД.[4] Потоа, играл во младинските категории на ФК Далас - клуб од МЛС лигата - седум години од 2009 до 2016 година, пред да се пресели во Шалке во 2016 година.[5]
Во јули 2016 година, Мекени ја отфрлил можноста да потпише договор за домашен играч со ФК Далас. Наместо тоа, тој се одлучил за трансфер во Бундеслигата, каде му се приклучил на Шалке 04.[6]
Во неговата прва сезона во Шалке, тој играл за екипата под 19 години во Јуниорската Бундеслига Запад, за која одиграл 21 натпревар (во некој од нив и како капитен) и постигнал 4 гола.[7] По завршувањето на сезоната со екипата под 19 години, Мекени бил промовиран во првиот тим во мај 2017 и бил повикан во составот за последниот натпревар од сезоната во Бундеслигата против Инголштат;[8] во 77-мата минута од овој натпревар што завршил 1-1, тој го направил своето деби за Шалке влегувајќи од клупата за резерви на местото на Донис Авдијај.[9] Тоа бил неговиот единствен настап за првиот тим на сините во сезоната 2016-2017.[10] Набргу потоа тој потпишал нов петгодишен договор со клубот од Гелзенкирхен.[11]
Следната сезона, Мекени ја започнал играјќи како стартер во победата со 2-0 над Динамо Берлин во Купот на Германија. Пет дена подоцна, во првото коло од Бундеслигата, тој влегол од клупата во последните десеттина минути од победата со 2-0 над РБ Лајпциг. На 29 септември 2017, против Бајер Леверкузен го имал својот прв старт за Шалке во еден натпревар од првенството, играјќи ги сите 90 минути во ремито 1-1 на Фелтинс Арена. Од тој момент Мекени станал стандарден првотимец на Шалке и ја завршил сезоната со 22 настапи во првенството и 3 во Купот на Германија.
Својот прв гол во дресот на Шалке, Мекени го постигнал на 3 октомври 2018 против Локомотив Москва во Лигата на шампионите, носејќи му минимална победа на својот тим со 1-0 на гостувањето во Русија. Само три дена подоцна, тој го постигнал и својот прв гол во Бундеслигата во победата со 2-0 на гостувањето кај Фортуна Диселдорф. Во текот на сезоната 2018-2019, тој одиграл вкупно 33 натпревари и бил користен на многу различни позиции; покрај неговата омилена како дефанзивен играч од средниот ред, играл и како централен дефанзивец, десен бек, десно крило, офанзивен играч од средниот ред, па дури и како напаѓач.
Во сезоната 2019-2020, Мекени постигнал 3 гола на 28 натпревари во Бундеслигата. Вкупно за Шалке одиграл 91 натпревар и постигнал 5 гола.
На 29 август 2020, Мекени му се приклучил на италијанскиот Јувентус како позајмен фудбалер за 4.5 милиони евра, со опција за откуп на играчот за 18.5 милиони евра на крајот од сезоната.[12][13] Тој станал првиот американец кој потпишал за Јувентус во историјата на клубот,[14] а своето деби со бјанконерите го направил на 20 септември, во победата со 3-0 на домашен терен над Сампдорија во Серија А.[15] На 5 декември 2020, Мекени го постигнал својот прв гол во дресот на Јувентус против градскиот соперник Торино во Дерби дела Моле; тој со својот гол го израмнил резултатот во 77-мата минута, кога по центаршутот на Хуан Квадрадо со глава ја сместил топката во мрежата изедначувајќи на 1-1, а до крајот од натпреварот Јувентус успеале да направат целосен пресврт и да победат со 2-1.[16] Само три дена подоцна, тој се запишал во списокот на стрелците и во Лигата на шампионите со прекрасен гол од волеј повторно на додавање на Квадрадо во победата со 3-0 на гостувањето кај Барселона на Камп Ноу:[17] оваа победа им овозможила на бјанконерите да завршат на првото место во групата пред шпанскиот тим.[18]
На 6 јануари 2021, Мекени го постигнал својот трет гол за Јувентус погодувајќи од блиско растојание за победата со 3-1 во дербито против Милан по одличниот пробив од десната страна на Дејан Кулушевски.[19][20] Тој станал првиот американец во историјата кој постигнал гол на Сан Сиро како противнички играч.[21] На 20 јануари 2021, го освоил својот прв трофеј во кариерата, откако Јувентус го победил Наполи со 2-0 во Суперкупот на Италија;[22] тој го одиграл целиот натпревар и направил пенал во завршницата фаулирајќи го Дрис Мертенс, но за негова среќа ударот од белата точка Наполи не го претвориле во гол. На 19 мај, го освоил вториот трофеј со Јувентус, со победата од 2-1 над Аталанта во финалето на Купот на Италија; Мекени го одиграл целиот натпревар и забележил асистенција за првиот гол на Јувентус кој го постигнал Кулушевски. Својата прва сезона во Италија ја завршил со вкупно 46 настапи и 6 гола во сите натпреварувања.
Уште пред крајот на сезоната, на 3 март 2021 година, Јувентус го искористил своето право на откуп и потпишал траен четиригодишен договор со Мекени.[23]
По долгите летни шпекулации дека ќе го напушти Јувентус после само една сезона во клубот и ќе се пресели во Англија од каде неколку клубови пројавиле интерес за него,[24][25] Мекени сепак останал во гигантот од Торино за својата втора сезона.[26] Својот прв гол за сезоната го постигнал на 27 октомври против Сасуоло, а само три дена подоцна ја затресол и мрежата на Верона; сепак, и двата натпревари завршиле со пораз на неговиот тим од 2-1.[27][28] На 13 јануари 2022, тој постигнал гол со кој го довел Јувентус во водство во натпреварот од Суперкупот на Италија против Интер, завршен со уште еден пораз од 2-1 за бјанконерите, но по продолженија. Неговата втора сезона во Торино не завршила добро, бидејќи на 22 февруари, за време на натпреварот од нокаут фазата од Лигата на шампионите против Виљареал, по судир со противничкиот играч Первис Еступињан, тој доживеал фрактура на втората и третата метатарзална коска:[29] повреда која го принудила предвреме да ја заврши сезоната.[30]
На 30 јануари 2023 година, тој заминал на позајмица до крајот на сезоната, со право на откуп, во англискиот Лидс Јунајтед.[31][32] Своето деби за Лидс го направил на 5 февруари 2023 година, влегувајќи како замена во второто полувреме од поразот со 1-0 од Нотингем Форест во Премиер лигата.[33] Тој забележал 20 настапи без постигнат гол за време на своето искуство на Еланд Роуд, кое не му останало во добро сеќавање, бидејќи бил често критикуван поради неговата форма.[34]
На крајот на сезоната 2022-2023, по испаѓањето на Лидс во Чемпионшип, клубот не го откупил Мекени и така тој се вратил во Јувентус.[35] Иако првично бил на списокот вишок играчи во Јувентус,[36] сепак, за време на претсезоната, исто така поради недостапноста на некои играчи во средниот ред,[37] тој успеал да ја предомисли средината и повторно да најде место во тимот.[38] На 16 септември 2023 година, во победата со 3-1 на домашен терен над Лацио во Серија А, тој го одиграл својот 100-ти натпревар за клубот од Торино, одбележувајќи го со асистенција за третиот гол кој го постигнал Душан Влаховиќ.[39]
Мекени ја претставувал својата земја во неколку младински селекции вклучувајќи ги репрезентациите под 17, под 19 и под 20 години.
Својот прв повик во сениорската репрезентација го добил за пријателскиот натпревар против Португалија на 14 ноември 2017, постигнувајќи гол на своето деби за јеникте во ремито 1-1.[40][41]
Мекени бил повикан во американската репрезентација за КОНКАКАФ Голд купот 2019, кој се одржал во три земји САД, Костарика и Јамајка. Во првиот натпревар на американците на турнирот, тој забележал асистенција во победата со 4-0 над Гвајана. Првиот свој гол на Голд купот го постигнал во четвртфиналето во победата со 1-0 над Курасао. Потоа, тој постигнал гол и во полуфиналето во победата со 3-1 над Јамајка и како капитен го одиграл целиот натпревар во финалето, во кое јенките биле поразени од Мексико со 1-0.
на 12 октомври 2019, Мекени го постигнал најбрзиот хет-трик во историјата на американската репрезентација, постигнувајќи три гола за 13 минути во победата со 7-0 над Куба во КОНКАКАФ Лигата на нации.[42]
Хронологија на настапи и постигнати голови за националната селекција ― САД | ||||||||
---|---|---|---|---|---|---|---|---|
Дата | Град | Домашни | Резултат | Гости | Натпреварување | Голови | Инфо | Детали |
14-11-2017 | Леирија | Португалија ![]() | 1 – 1 | ![]() | Пријателска | 1 | ![]() | |
29-5-2018 | Филаделфија | САД ![]() | 3 – 0 | ![]() | Пријателска | - | ![]() | |
2-6-2018 | Даблин | Ирска ![]() | 2 – 1 | ![]() | Пријателска | - | ![]() | |
9-6-2018 | Лион | Франција ![]() | 1 – 1 | ![]() | Пријателска | - | ![]() | |
7-9-2018 | Ист Ратерофрд | САД ![]() | 0 – 2 | ![]() | Пријателска | - | ![]() | |
12-9-2018 | Нешвил | САД ![]() | 1 – 0 | ![]() | Пријателска | - | ![]() | |
15-11-2018 | Лондон | Англија ![]() | 3 – 0 | ![]() | Пријателска | - | ![]() | |
22-3-2019 | Орландо | САД ![]() | 1 – 0 | ![]() | Пријателска | - | ![]() | |
9-6-2019 | Синсинати | САД ![]() | 0 – 3 | ![]() | Пријателска | - | ![]() | |
19-6-2019 | Сент Пол | САД ![]() | 4 – 0 | ![]() | Голд куп 2019 - Прва фаза | - | ![]() | |
23-6-2019 | Кливленд | САД ![]() | 6 – 0 | ![]() | Голд куп 2019 - Прва фаза | - | ![]() | |
30-6-2019 | Филаделфија | САД ![]() | 1 – 0 | ![]() | Голд куп 2019 - Четвртфинале | 1 | ||
3-7-2019 | Нешвил | Јамајка ![]() | 1 – 3 | ![]() | Голд куп 2019 - Полуфинале | 1 | ![]() | |
7-7-2019 | Чикаго | Мексико ![]() | 1 – 0 | ![]() | Голд куп 2019 - Финале | - | ![]() | |
6-9-2019 | Ист Ратерфорд | САД ![]() | 0 – 3 | ![]() | Пријателска | - | ||
12-10-2019 | Вашингтон | САД ![]() | 7 – 0 | ![]() | КОНКАКАФ Лига на нации 2019-2020 - Втора фаза | 3 | ![]() | |
16-10-2019 | Торонто | Канада ![]() | 2 – 0 | ![]() | КОНКАКАФ Лига на нации 2019-2020 - Втора фаза | - | ![]() | |
15-11-2019 | Орландо | САД ![]() | 4 – 1 | ![]() | КОНКАКАФ Лига на нации 2019-2020 - Втора фаза | - | ||
19-11-2019 | Џорџ Таун | Куба ![]() | 0 – 4 | ![]() | КОНКАКАФ Лига на нации 2019-2020 - Втора фаза | - | ![]() | |
12-11-2020 | Кардиф | Велс ![]() | 0 – 0 | ![]() | Пријателска | - | ||
16-11-2020 | Австрија | САД ![]() | 6 – 2 | ![]() | Пријателска | - | ![]() | |
30-5-2021 | Санкт Гален | Швајцарија ![]() | 2 – 1 | ![]() | Пријателска | - | ![]() | |
4-6-2021 | Денвер | САД ![]() | 1 – 0 | ![]() | КОНКАКАФ Лига на нации 2019-2020 - полуфинале | - | ||
7-6-2021 | Денвер | САД ![]() | 3 – 2 прод. | ![]() | КОНКАКАФ Лига на нации 2019-2020 - Финале | 1 | ||
2-9-2021 | Сан Салвадор | Ел Салвадор ![]() | 0 – 0 | ![]() | Квал. за СП 2022 | - | ![]() | |
7-10-2021 | Остин | САД ![]() | 2 – 0 | ![]() | Квал. за СП 2022 | - | ||
13-10-2021 | Колумбус | САД ![]() | 2 – 1 | ![]() | Квал. за СП 2022 | - | ||
13-11-2021 | Синсинати | САД ![]() | 2 – 0 | ![]() | Квал. за СП 2022 | 1 | ![]() | |
27-1-2022 | Колумбус | САД ![]() | 1 – 0 | ![]() | Квал. за СП 2022 | - | ||
30-1-2022 | Хамилтон | Канада ![]() | 2 – 0 | ![]() | Квал. за СП 2022 | - | ||
2-2-2022 | Минесота | САД ![]() | 3 – 0 | ![]() | Квал. за СП 2022 | 1 | ![]() | |
2-6-2022 | Синсинати | САД ![]() | 3 – 0 | ![]() | Пријателска | - | ![]() | |
5-6-2022 | Канзас Сити | САД ![]() | 0 – 0 | ![]() | Пријателска | - | ![]() | |
11-6-2022 | Остин | САД ![]() | 5 – 0 | ![]() | КОНКАКАФ Лига на нации 2022-2023 - Прва фаза | - | ![]() | |
14-6-2022 | Сан Салвадор | Ел Салвадор ![]() | 1 – 1 | ![]() | КОНКАКАФ Лига на нации 2022-2023 - Прва фаза | - | ![]() | |
23-9-2022 | Диселдорф | Јапонија ![]() | 2 – 0 | ![]() | Пријателска | - | ![]() | |
27-9-2022 | Ријад | Саудиска Арабија ![]() | 0 – 0 | ![]() | Пријателска | - | ![]() | |
21-11-2022 | Ал Рајан | САД ![]() | 1 – 1 | ![]() | СП 2022 - Групна фаза | - | ![]() ![]() | |
25-11-2022 | Ал Хор | Англија ![]() | 0 – 0 | ![]() | СП 2022 - Групна фаза | - | ![]() | |
29-11-2022 | Доха | Иран ![]() | 0 – 1 | ![]() | СП 2022 - Групна фаза | - | ![]() | |
3-12-2022 | Ал Рајан | Холандија ![]() | 3 – 1 | ![]() | СП 2022 - Осминафинале | - | ![]() | |
24-3-2023 | Сент Џорџес | Гренада ![]() | 1 – 7 | ![]() | КОНКАКАФ Лига на нации 2022-2023 - Прва фаза | 2 | ![]() | |
27-3-2023 | Орландо | САД ![]() | 1 – 0 | ![]() | КОНКАКАФ Лига на нации 2022-2023 - Прва фаза | - | ![]() | |
15-6-2023 | Парадајс | САД ![]() | 3 – 0 | ![]() | КОНКАКАФ Лига на нации 2022-2023 - Полуфинале | - | ![]() | |
9-9-2023 | Сент Луис | САД ![]() | 3 – 0 | ![]() | Пријателска | - | ![]() | |
12-9-2023 | Сент Пол | САД ![]() | 4 – 0 | ![]() | Пријателска | - | ||
Вкупно | Настапи | 46 | Голови | 11 |
Статистикате е ажурирана на 17 септември 2023.
Сезона | Клуб | Првенство | Национален куп | Континентален куп | Останати купови | Вкупно | |||||||||
---|---|---|---|---|---|---|---|---|---|---|---|---|---|---|---|
Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
2016-2017 | ![]() | БЛ | 1 | 0 | КГ | - | - | ЛЕ | - | - | - | - | - | 1 | 0 |
2017-2018 | БЛ | 22 | 0 | КГ | 3 | 0 | - | - | - | - | - | - | 25 | 0 | |
2018-2019 | БЛ | 24 | 1 | КГ | 3 | 0 | ЛШ | 6 | 1 | - | - | - | 33 | 2 | |
2019-2020 | БЛ | 28 | 3 | КГ | 4 | 0 | - | - | - | - | - | - | 32 | 3 | |
Вкупно Шалке 04 | 75 | 4 | 10 | 0 | 6 | 1 | - | - | 91 | 5 | |||||
2020-2021 | ![]() | А | 34 | 5 | КИ | 4 | 0 | ЛШ | 7 | 1 | СИ | 1 | 0 | 46 | 6 |
2021-2022 | А | 21 | 3 | КИ | 1 | 0 | ЛШ | 6 | 0 | СИ | 1 | 1 | 29 | 4 | |
2022-јан. 2023 | А | 15 | 1 | КИ | 1 | 0 | ЛШ | 5 | 2 | - | - | - | 21 | 3 | |
јан.-јун. 2023 | ![]() | ПЛ | 19 | 0 | ФАКуп+ЛК | 1+0 | 0 | - | - | - | - | - | - | 20 | 0 |
2023-2024 | ![]() | А | 4 | 0 | КИ | 0 | 0 | - | - | - | - | - | - | 4 | 0 |
Вкупно Јувентус | 74 | 9 | 6 | 0 | 18 | 3 | 2 | 1 | 100 | 13 | |||||
Вкупно во кариерата | 168 | 13 | 17 | 0 | 24 | 4 | 2 | 1 | 211 | 18 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.