Remove ads
Дреновци, се среќава и како Дреновче или Дреновец — село во Општина Долнени, во околината на градот Прилеп.
| Дреновци | |
Поглед на Дреновци | |
  Дреновци Местоположба на Дреновци во Македонија
Дреновци на карта
| |
| Координати 41°28′07″N 21°32′39″E | |
| Регион |  Пелагониски |
| Општина |  Долнени |
| Област | Прилепско Поле |
| Население | 235 жит. (поп. 2021)[1] |
| Пошт. бр. | 7504 |
| Повик. бр. | 048 |
| Шифра на КО | 20034 |
| Надм. вис. | 770 м |
|
Дреновци на општинската карта  Атарот на Дреновци во рамките на општината | |
 Дреновци на Ризницата | |
.jpg)
Дреновци се наоѓа под јужните огранки на планината Бабуна, во источниот дел од територијата на Општина Долнени. Околни села се: Небрегово, Дупјачани и Десово. Селото е ридско и е сместено на надморска височина од 770 м. Неговиот атар зафаќа површина од 12,4 км2. Од Прилеп е оддалечено 22 км.[2]
Во XIX век, селото било дел од Прилепската каза на Отоманското Царство.[3]
Во Првата балканска војна, 2 лица од селото се вклучиле во Македонско-одринските доброволни чети.[4]
Селото има полјоделско-сточарска функција. Во рамки на селскиот атар, обработливото земјиште зафаќа површина од 580,1 ха, пасиштата заземаат површина од 306,1 ха, а на шуми отпаѓаат 36,2 ха.[2]
|
| |||||||||||||||||||||||||||||||||
Во „Етнографија на Адријанопол, Монастир и Салоника“ се вели дека во 1873 г. Дреновче е село со 62 домаќинства и 318 жители Македонци.[5]
Според статистиката на Васил К’нчов („Македонија, Етнографија и статистика“) од 1900 година, во Дреновци имало 760 жители Македонци христијани.[6] Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година, во селото имало 600 жители Македонци.[7]
На Етнографската карта на Битолскиот Вилает од 1901 г. Дреновци се води како чисто македонско село во Прилепската каза на Битолскиот санџак со 97 куќи.[8]
Според германска карта издадена во 1941 година, а заснована на пописот на Кралството Југославија од 1931 година, селото имало 750 Македонци.[9]
Според пописот од 2002 година, во селото живеел 231 жител, сите Македонци.[10]
Според последниот попис од 2021 година, во селото живееле 235 жители, од кои 222 Македонци, 3 Албанци и 10 лица без податоци.[11]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 760 | 600 | 833 | 790 | 761 | 616 | 376 | 261 | 238 | 231 | 235 |
- Извор за 1900 г.: Македонија. Етнографија и статистика.[12]; за 1905 г.: La Macédoine et sa Population Chrétienne.[13]; за 1948-2002 г.: Државен завод за статистика на РМ.[14]; за 2021 г.: Државен завод за статистика на РМ.[15]
Родови
Дреновци е македонско православно село, родовите во селото се доселени од некои разни места.
Родови во Дреновци се:
- Доселеници: Чафкаровци (14 куќи), Пискуљевци (11 куќи), Шаторовци (8 куќи), Петковци (13 куќи) и Карчовци (6 куќи) доселени се од некое раселено село на планината Мукос. Во Чафкаровци го знаат следното родословие: Милан (жив на 80 г. во 1951 година) Никола-Мишко-Атанас-Петре-Марко кој се доселил, тоа било во ХVIII век; Дамјановци (8 куќи), Бакаловци (8 куќи), Јанкуловци (7 куќи) и Базерковци (5 куќи) доселени се однекаде; Грнчаровци (13 куќи) доселени се од местото Грнчаров Дол во атарот на селото Дреновци; Шаламановци (4 куќи) доселени се од некое село во Дебарско; Филиповци (4 куќи) потекнуваат од домазет, кој дошол од некое место во околината на Белград во Албанија; Вецевци (8 куќи) доселени се од селото Крапа, Порече; Тилко (1 куќа) доселени се од селото Ропотово.[16]
Remove ads
Во селото работи подрачното основно училиште „Пере Тошев“, каде што се изведува настава до петто одделение.[17] Освен тоа, во селотом има и земјоделска задруга.[2]
Селото влегува во рамките на Општина Долнени од 1955 година.
Во периодот 1952-1955, селото било дел од Општина Дупјачани.
Избирачко место
Во селото постои избирачкото место бр. 1460 според Државната изборна комисија, сместено во просториите на основното училиште.[18]
На претседателските избори во 2019 година, на ова избирачко место биле запишани вкупно 166 гласачи.[19]
- Градиште — населба од римско време;
- Врба — неопределено наоѓалиште од непознат период;
- Горни Грамаѓе — неопределено наоѓалиште од непознат период;
- Долни Грамаѓе — неопределено наоѓалиште од непознат период;
- Мрамор — населба од доцноантичко време;
- Перуника — неопределено наоѓалиште од непознат период.
- Манастири[21]
- Споменици
- Споменик на НОБ.
- Цркви[21]
- Црква „Св. Теодор Тирон“ — главната селска црква;
- Црква „Св. Атанасиј“ — манастирска црква.
Remove ads
Во селото е активен фудбалскиот клуб Мукос, основан во 1976 година.[22]
Се знае за следните постари иселени родови и семејства од ова село. Прчковци иселени се во Горно Село. Ментевци иселени се во Забрчани. Тошевци иселени се во Десово. Бучковци иселени се во Дупјачани. Карловци иселени се во селото Луковица во скопско/Тетовско, од нив пет семејства по 1946 година се иселиле во тетовското село Брвеница. Други иселеници има во Прилеп и Скопје. Како и во местото Таково во Шумадија.[16]
- Родени во Дреновци
- Крсто Наумов (1805 - 1905) — македонски револуционер;
- Харалампи Ганешов (? - 19907) — четник на ВМОРО убиен во месноста Бирира.[23]
- Починале во Дреновци
- Иван Андов (? - 1920) — македонски свештеник и револуционер.
Поглед на селото
Основното училиште
Објект во селото
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads