![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/%25D0%2592%25D0%25B8%25D0%25BA%25D0%25B8%25D0%25B5%25D0%25BA%25D1%2581%25D0%25BF%25D0%25B5%25D0%25B4%25D0%25B8%25D1%2586%25D0%25B8%25D1%2598%25D0%25B0_%25D0%2591%25D0%25BE%25D1%2598%25D0%25BC%25D0%25B8%25D1%2598%25D0%25B0_114.jpg/640px-%25D0%2592%25D0%25B8%25D0%25BA%25D0%25B8%25D0%25B5%25D0%25BA%25D1%2581%25D0%25BF%25D0%25B5%25D0%25B4%25D0%25B8%25D1%2586%25D0%25B8%25D1%2598%25D0%25B0_%25D0%2591%25D0%25BE%25D1%2598%25D0%25BC%25D0%25B8%25D1%2598%25D0%25B0_114.jpg&w=640&q=50)
Ветроелектрана
група на ветерни турбини / From Wikipedia, the free encyclopedia
Ветроелектрана – низа од блиско сместени ветротурбини, најчесто од ист вид, изложени на ист ветар и приклучени со посредство на заеднички раставен уред на електроенергетскиот систем. Ветротурбината е вртечка машина која ја претвора кинетичката енергија на ветерот прво во механичка, а потоа преку електрични генератори во електрична енергија. Притоа роторот на ветротурбината и роторот на електричниот генератор се наоѓаат на исто вратило. Ветроелектраната е обновлив извор на електрична енергија со погон на кинетичката енергија на ветрот.
![Thumb image](http://upload.wikimedia.org/wikipedia/commons/thumb/3/3e/%D0%92%D0%B8%D0%BA%D0%B8%D0%B5%D0%BA%D1%81%D0%BF%D0%B5%D0%B4%D0%B8%D1%86%D0%B8%D1%98%D0%B0_%D0%91%D0%BE%D1%98%D0%BC%D0%B8%D1%98%D0%B0_114.jpg/640px-%D0%92%D0%B8%D0%BA%D0%B8%D0%B5%D0%BA%D1%81%D0%BF%D0%B5%D0%B4%D0%B8%D1%86%D0%B8%D1%98%D0%B0_%D0%91%D0%BE%D1%98%D0%BC%D0%B8%D1%98%D0%B0_114.jpg)
![Thumb image](http://upload.wikimedia.org/wikipedia/commons/thumb/7/7b/Sunset_at_Royd_Moor_Wind_Farm.jpg/640px-Sunset_at_Royd_Moor_Wind_Farm.jpg)
![Thumb image](http://upload.wikimedia.org/wikipedia/commons/thumb/5/5f/Heron%27s_Windwheel.jpg/640px-Heron%27s_Windwheel.jpg)
![Thumb image](http://upload.wikimedia.org/wikipedia/commons/thumb/5/55/Wind_turbine_1888_Charles_Brush.jpg/640px-Wind_turbine_1888_Charles_Brush.jpg)
![Thumb image](http://upload.wikimedia.org/wikipedia/commons/thumb/9/9e/Wind_farm_Ravna_1%2C_Pag.jpg/640px-Wind_farm_Ravna_1%2C_Pag.jpg)
![Thumb image](http://upload.wikimedia.org/wikipedia/commons/thumb/1/1b/Wind_farm_Trtar-Krtolin.jpg/640px-Wind_farm_Trtar-Krtolin.jpg)
![Thumb image](http://upload.wikimedia.org/wikipedia/commons/thumb/e/ef/South_Point_Wind_Farm.jpg/640px-South_Point_Wind_Farm.jpg)
Ветерната енергија всушност е облик на сончева енергија. Сонцето нерамномерно загрева различни делови на Земјата и тоа резултира со различни притисоци на воздухот, а ветрот се создава заради тежнеењето за изедначување на притисоците на воздухот. Постојат делови на Земјата на кои дуваат т.н. постојани (планетарни) ветрови и на тие подрачја искористувањето на ветерната енергија е најисплатливо. Добри локации се бреговите на морињата и океаните (крајбрежна ветроелектрана), како и отвореното море (пловечка ветроелектрана). Отвореното море се истакнува како најдобра локација заради постојаноста на ветровите, но цените за изградба и пренос на енергијата ги успоруваат таквите вложувања.[1]
При претворањето на кинетичката енергија на ветрот во механичка енергија (вртењето на оската на генераторот, се користи само разликата на брзината на ветрот на влезот и излезот. Алберт Бец, германски физичар, уште во далечната 1919 година го дал законот за енергијата на ветрот, познат како Бецов закон. Според овој закон само 16/27 или 59% од кинетичката енергија на ветрот може да се претвори во механичка енергија со помош на турбина на ветар. Ова е теорискиот максимум, во пракса може да се претворат меѓу 35% и 45% од енергијата на ветрот заради разни загуби во системот.
За користење на енергијата на ветрот често се користат агро-хортикултурни називи, па така се зборува за ветропаркови, ветрофарми или ветрополиња. На тој начин и со самата номенклатура се прави обид да се каже дека не се работи за „прави“ електрани. Затоа треба јасно да се каже, ветроелектраната е електрана и тоа таква која како гориво за производство на електрична енергија го користи ветрот. Оваа електрана како и секоја друга електрана се состои од неколку делови, вклучувајќи ветроагрегати (турбина + генератор), трансформаторски станици, кабли и водови, како и останати припадни објекти. На тој начин се постигнува систематичност во именувањата на објектите за производство на електрична енергија (хидроелектрана, термоелектрана, атомска електрана, итн.) и јасно се искажува дека ветроелектраната е електроенергетски објект, а не елемент од земјоделски карактер или дел од пејзаж.