Rond-point

D'Wuert Rond-point gëtt am allgemenge lëtzebuergesche Sproochgebrauch gebraucht fir eng speziell Stroossenintersectioun an zwar d'Intersection à sens giratoire obligatoire wéi se am Code de la Route definéiert ass.

De Rond-point op der N7 zu Walfer

A Frankräich gëtt dëst d'Wuert och gebraucht fir Plazen déi an engem Krees ugeluecht sinn, ouni datt onbedéngt eng Fuerrichtung festgeluecht ass, an ouni datt motoriséierte Verkéier driwwer leeft. Dës sinn awer zimmlech rar.

Zu Lëtzebuerg huet eng bekannt Plaz an hirem Numm Rond-Point stoen. Et ass de Rond-Point Robert Schuman um Lampertsbierg an der Stad. Dës Plaz ass awer keng Intersection à sens giratoire obligatoire.

Turbo-Rond-point

Basis-Schema vun engem Turbo-Rond-point

Eng méi rezent Entwécklung ass de sougenannten Turbo-Rond-point dee staark Verkéiersstréim zwee- oder dräispuereg duerch de Rondel schleist.

Den Turbo-Rond-point gouf 1996 an Holland vum Lambertus Fortuijn, engem Fuerscher op der Delft University of Technology entwéckelt. E gëtt haaptsächlech an Holland, Frankräich oder der Belsch gebraucht. Zanter dem 9. November 2015 ass de Rond-point Serra um Kierchbierg och als Turbo-Rond-point a Betrib.

Den Automobilist muss sech schonn an déi richteg Spuer areien, ier an an de Rondel erafiert. Doduerch huet den Turbo-Rond-point eng grouss Leeschtungsfähegkeet. Am Rondel selwer kann een am Prinzip d'Fuerbunn net méi wiesselen.

En Turbo-Rond-point erlaabt et och net ëmmer, datt een de Rond-point benotzt fir d'Kéier ze maachen an dohin zeréckzefuere vu wou een hierkoum.

Den Turbo-Rond-point gëtt et och mat Verkéiersluuchten an der Afahrt an am Rondel selwer, oder och mat By-Päss déi fir déi éischt Ausfaart derlaanscht féieren.

Rond-pointen zu Lëtzebuerg

Lëscht vun de Rond-pointen op de Lëtzebuerger Stroossen,
bausssenzeg vun den Uertschaften^[1]

Rond-point	Strooss	PK
Verdeeler Hamm (och nach: Rond-point Robert-Schaffner)	A1	6868
Rond-point Gluck	A3	1
Rond-point Märel	A4	55
Rond-point Belval-Gare	B40
Findel	N1	6866
Potaschbierg	N1	23102
Sandweiler West	N2	6017
Sandweiler Ost	N2	8766
Bous	N2	18683
Cloche d'or	N4	3965
Leideleng	N4	6520
Gréiwelsser Barrière	N5	5422
Biff (och nach: Rond-point André Siebenbour)	N5	18234
Tossebierg	N6	6712
Mamer West	N6	8805
Wandhaff	N6	13459
Verdeeler Luerenzweiler	N7	11711
Verdeeler Mierscherbierg	N7	19040
Ierpeldeng	N7	30726
Verdeeler Angelduerf	N7	31473
Fridhaff	N7	37868
Schinker	N7	51508
Housen Süd	N7	53098
Maarnech	N7	60265
Wemperhaart	N7	72650
Rëmerschen	N10	1379
Jonglënster „Lënster Bierg“	N11	14732
Iechternach „Ste-Croix“	N11A	518
Briddel	N12	5469
Katrewang	N12	11302
Rippweiler-Barrière	N12	24260
Wolz-Rulljen	N12	53949
Antoniushaff	N12	73849
Recken	N13	11686
Helleng	N13	24774
Heischent	N15	11404
Pommerlach Süd	N15	26840
Pommerlach Nord	N15	27329
Verdeeler Altwis	N16	1497
Ellenger Gare	N16	7463
Bleesbréck	N17	2348
Beetebuerg „Wolser-Schéleck“	N31	4912
Nidderkuer	N31	28521
Porte de Lamadelaine	N31	33189
Péiteng „P.E.D.“	N31	33760
Suessem „um Woeller“	N32	247
Suessem „Gadderscheier Nord“	N32	845
Suessem „Gadderscheier Süd“	N32	1015
Rocade vun Déifferdeng	N32	2106
Bartreng Rue de l'Industrie	N34	1187
Bartreng Rue de Strassen	N35	2036
Éilereng	N37	1
Siren Ost	CR132	11756
Verdeeler Waasserbëlleg	CR141B	322
Duelem	CR153	4982
Béiwen	CR158	2612
Diddeleng „Riedgen“	CR161	625
Diddeleng „Eurohub“	CR161	2430
Krakelshaff	CR161	3526
Féiz „CEGEDEL“	CR164	2589
Verdeeler Briddel „Giratoire Sud“	CR181	3751
Verdeeler Briddel „Giratoire Nord“	CR181	4227
Biergerkräiz	CR181	8829
Conter	CR226	10525
Stroossen „Bourmicht“	CR230	2877
Houwald	CR231	1106
Industrizon Hesper	CR231	1861
Conter „Weiergewan“	CR234	3060
Conter „Rosswénkel“	CR234	3416
Karelshaff	CR305	10644
Agank Parc Housen	CR322	10189
Lenzweiler	CR332B	1052
Bartreng Europaschoul	Rue Gaston Thorn
Jonglënster Lycée	Contournement vu Jonglënster

Aner Rond-pointe déi mat an de Stroosseverkéier agebonne sinn

Belsch Rond-Point Schuman zu Bréissel Rond-Point Baron Paul-M.G. Lévy zu Gembloux Rond-Point Kermadec nieft dem fréieren Octroishaischen zu Verviers

Frankräich Rond-point des Champs-Élysées zu Paräis Rond-point aux Vaches zu Rouen Le Rond-Point, op der D79 bei der Uertschaft Clémont am Cher Rond-Point Henri Farman zu Bouy an der Marne

Schwäiz Rond-point de Plainpalais zu Genf

Kuriositéiten

An England gëtt et e puer Rond-pointe bei deenen de Verkéier riets ronderëm leeft amplaz lénks.

Um Spaweck

Commons: Rond-pointen – Biller, Videoen oder Audiodateien

Referenzen an Notten

1. Règlement grand-ducal du 3 mars 2017 concernant les intersections à sens giratoire sur les voies publiques faisant partie de la voirie de l'Etat en dehors des agglomérations.