lëtzebuergesch Gemeng an eenzeg Uertschaft an der Gemeng Stroossen am Kanton Lëtzebuerg From Wikipedia, the free encyclopedia
D'Gemeng Stroossen ass eng vun den 100 lëtzebuergesche Gemengen. Se läit am Kanton Lëtzebuerg an de Chef-lieu vun der Gemeng ass d'Uertschaft Stroossen, déi eenzeg Uertschaft an der Gemeng.
| Stroossen | |
|---|---|
 | |
 Wercollier Statu virun der Märei zu Stroossen | |
| Aussprooch | |
| An anere Sproochen |
fr: Strassen de: Strassen |
| Land | Lëtzebuerg |
| Kanton | Kanton Lëtzebuerg |
| Buergermeeschter | Nico Pundel (CSV) |
| Awunner | 10.594 |
| 1. Januar 2024 | |
| Fläch | 1.071 ha |
| Héicht | 265 m |
| Koordinaten |
49° 37’ 9’’ N 6° 4’ 19’’ O |
| LAU-Code | LU0309 |
| Websäit | http://www.strassen.lu/ |
 | |
 | |
Stroossen ass déi eenzeg Uertschaft an der Gemeng; zur Gemeng gehéiert awer nach en Deel vum Reckendall.
D'Gemeng Stroossen läit westlech um Bord vun der Stad Lëtzebuerg. Nieft der Gemeng Lëtzebuerg am Osten, leien am Südweste Bartreng, am Weste Mamer, an am Norden Kielen a Koplescht.
Duerch d'Gemeng féiert nieft der Nationalstrooss N6, och Areler Strooss genannt, déi d'Stad Lëtzebuerg mat Arel (Belsch) verbënnt och déi international Zuchstreck Lëtzebuerg – Bréissel. D'N6 gehéiert op hirer ganzer Längt zu der Voie de la Liberté.
Den Numm Stroossen staamt aus dem laténgesche Wuert "strata", wat souvill heescht wéi Militärstrooss. Zu der Zäit vun de Réimer ass dëse Kiem vun Tréier op Arel duerch Stroossen a Mamer verlaf.
Am Joer 1823 gouf d'Gemeng opgeléist a mat der Gemeng Bartreng fusionéiert. Den 1. Januar 1850[1] goufen d'Sektioun Stroossen, zesumme mam Deel vun der Sektioun Reckendall dat um "ban de Strassen" louch, vun der Gemeng Bartreng ofgetrennt a goufen nees eng eegestänneg Gemeng.
Am Annuaire officiel 1917 fënnt ee fir d'Gemeng Stroossen 1.381 Awunner, 278 bewunnt Haiser an 309 Famillen.
D'Gemeng hat um 1. Januar 2020 9.885 Awunner, wouvun der 6.135 (62,06%) Net-Lëtzebuerger sinn.
|
Beschreiwung am Originaltext: de gueules à cinq pals d'or |
De Gemengerot vu Stroossen gëtt nom Proporzsystem gewielt. E setzt sech zanter 2011 aus 13 Conseilleren zesummen.
De Schäfferot, deen aus de Gemengewale vun 2011 ervirgoung, huet sech op eng Dräierkoalitioun vun CSV, déi gréng an LSAP gestäipt. No de Wale vun 2017 ass et just nach eng CSV-LSAP-Koalitioun.[3]
Bis Enn 2020 war den LSAP-Politiker Gaston Greiveldinger Buergermeeschter. De 5. Februar 2021 gouf den CSV-Politiker Nico Pundel als neie Buergermeeschter vereedegt.[4],[5].
Well op den 30. September 2022 méi ewéi 10.000 Leit an der Gemeng ugemellt waren, ass d'Zuel vun de Schäffen no de Gemengewale vum 11. Juni 2023 vun zwéin op dräi eropgesat ginn[6].
Zesummesetzung
D'Majoritéitskoalitioun am Gemengerot ass fett geschriwwen
Quell: Inneministère / RTL.lu / elections.lu
D'Gemeng Stroossen ass Member vu follgenden interkommunale Syndikater:
| Commons: Stroossen – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
