Remove ads
Jonglënster, fir d'Awunner Lënster, ass eng lëtzebuergesch Uertschaft an Haaptuert vun der Gemeng Jonglënster.
| Jonglënster | |
|---|---|
 Strooss zu Jonglënster, am Hannergrond d'Sendetierm vun RTL. | |
| Aussprooch | |
| An anere Sproochen |
fr: Junglinster de: Junglinster |
| Land | Lëtzebuerg |
| Kanton | Gréiwemaacher |
| Gemeng |
 Jonglënster |
| Buergermeeschter | Bernard Ries (DP) |
| Awunner | 3.613 |
| 1. Januar 2023 | |
| Koordinaten |
49° 42’ 44’’ N 06° 15’ 08’’ O |
 | |
Jonglënster läit op enger Héicht vun 304 Meter (bei der Kierch)[1] am Dall vun der Schwaarzer Iernz an ass souwuel am Norde wéi am Süde vun Hiwwelen ëmginn. D'Uertschaft ass och geographesch den Zentrum vun der Gemeng mam nämmlechten Numm. No Süde verleeft d'E29 iwwer Gonnereng a Richtung Stad an nordëstlech geet et iwwer Grolënster a Richtung Iechternach. A westlecher Richtung leie Buerglënster an Allënster an am Norde Guedber.
Den Territoire vum haitege Jonglënster ass op d'mannst zanter der Réimerzäit bewunnt. Rondrëm de Kiem vun Tréier op Metz goufen am Laf vun der Zäit ëmmer nees souwuel temporär, wéi befestegt Lager opgeriicht. Baulech Iwwerreschter, Haushaltsgéigestänn a Mënzen aus der Zäit vu 96 bis 350 n. Chr. beleeën d'Existenz vun enger réimescher Siidlung zu Lënster.[2] Scho wärend der Réimerzäit, mä virun allem an der fränkescher Period huet sech d'Chrëschtentum an der Regioun ausgebreet a schonn ënner dem Karel de Grousse soll zu Lënster eng Kierch gestanen hunn. Als Par daucht Lënster fir d'éischt am Joer 983 an historeschen Dokumenter op. Déi haiteg Kierch gouf tëscht 1772 a 1774 ënner dem Paschtouer Johann Otto Borrings gebaut.[3] 1847 gouf dat bis dohinn stroossebaulech kaum erschlossent Duerf un d'Streck Lëtzebuerg-Iechternach ugeschloss. 1859 goufen et éischt Pläng fir de Bau vun enger Eisebunnsslinn duerch Jonglënster, déi awer eréischt 1904 mam Bau vun der Eisebunnsstreck Lëtzebuerg - Iechternach ëmgesat goufen.[4]
Kuckeswäertes
- De Regëster, stole Sculptur virun dem Gemenghaus
- D'Kierch vu Jonglënster
- D'Sendetierm vum RTL-Sender vu Jonglënster
Remove ads
| Commons: Jonglënster – Biller, Videoen oder Audiodateien |
- Fanfare Junglinster: Junglinster au fil des siècles, 1968, S. 3
- Fanfare Junglinster: Junglinster au fil des siècles, 1968, S. 15-38
- Fanfare Junglinster: Junglinster au fil des siècles, 1968, S. 82-90
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads